الــــــــكنه ...الكبيرة او زوجه الابن الاكبر...هل هي التي تحوز علي التقدير ...دائما

السلام عليكم ورحمة الله وبركاته


موضوع شيق جداااااا انى لما نتزوج توا انقولكم شنو برنامج الكنه توا ماعندي مانقول
بالنسبه للبنت البكريه في حوشنا مش صاير هكي بكل اني وسطيه مش الكبيره والكبير الله لكن اخواتي من اكبر واحده لاصغر واحده كله فوق راسي في قرايتهم في مناسباتهم في اي شي سناء شن رايك سناء كيف اندير سناء بري انتى سناء ماتعرفيش فلان اتصدقي عرس اختى الاخير زي مايقولو من الباب للمحراب انى فكرت ودرت وشريت وهيا ماتندري علي شي لاهيه بروحها بس وانى نجري اهني واهني خبره في امور التحضير للعرس لو احتجتو اي شي

والعمر مش دليل للنضج ابداااااااااااااااااااااااا

وان شاء اله انكون افدتكم بشي

مشكورة ياسناء لكن هلبتي سؤال ؟؟؟؟؟

--لكن ماعلينا شكرا علي المرور مرة ثانيه وان شاءالله الكل يستفيد من التجارب

- -

تسلمي يا مرام على الموضوع الي طرحتيه
للنقاش
انا حبيت نجاوب على الاسئلة من غير ما نشوف
رأي الاخوات


-نسالكم هل الكبر في العمر دائما دليل النضج ؟واذا اجبتي عللي الاجابه لماذا؟

-يقولوا لي اكبر منك بيوم فايتك بحكمة بس مش ديمة فيه لي سنه صغير وتفكيره ما شاء الله
وفيه كبار وعقولهم صغيرة وهذا راجع لحاجات كثيرة منها طريقة تربية الاهل
-؟؟هل الكنــــــــــــــه الكبيره او زوجه الابن الاكبر هي المسقمه الملقمه ههههههه الفااظ شعبيه
\-
-معناها هي الموقرة والمدللا واللي يتاخذ رايها؟؟؟
-
-%%%هي المكبرة زي مانقولوا بلهجتنا
-صحيح في بعض العائلات الكنة الكبيرة لها شأن وخاصة لما كانت العائلات لها كلمة وحدة
وبيت واحد بس تو الحال اختلف وصار كل واحد له بيت وخصوصية وكل واحد لاهي في همه
وماحد له دخل في حد يعني صارت الكنة الكبيرة زي الصغيرة بس اكيد تقدر اي وحدة فيهن
الكبيرة او الصغيرة تفرض نفسها على العيلة بحكمتها واحترامها لافراد البيت ومتنسيش اللسان
الحلو
-وايضا هل البنت البكريه هي الاساس في البيت والكل يحترمها؟؟؟
\-اكيد البنت البكرية لها احترام وهي الاساس ومجربة ها لشئ في بيتنا وشايفة هالشئ في
بيوت اقاربنا ومعارفنا



-هل الحفيد الكبير او اول حفيد له مكانه خاصه ؟؟؟
-صحيح هذا الشئ حاصل الحفيد الاول له مكانة مش عادية عند جدوده وعمامه
بس لما تكبر العيلة ويكثروا الاحفاد يصيروا كلهم زي بعض والكل قالق منهم ومن دوشتهم ههههههههههههه
-هل ابناء الابن الاكبر لهم مكانه اكبر ام مثل ام اقل من غيرهم؟؟؟
-طبعاً ياريت وجهتي هالسؤال لأمي
-هل الكبر او قله الجمال عند الكنه الكبيرة ياثر؟؟؟ ام ان الجمال وصغر السن لايؤثر علي محبه الناس؟؟
-لا ابدا الشكل مليشي اي تأثير بس جمال الاخلاق له تأثير كبير

انا كنة بس للاسف عمي وعمتي متوفييين
الله يرحمهم
وسلفاتي كل وحدة في حالها نتلاقوا حباب ونفترقوا حباب
ودمتي يا مرام بود







-color=brown][/color]

السلا م عليكم وشكرا يامرام على هذا الموضوع الرائع

هل الكبر في العمر دائما دليل النضج ؟
مش لازم بالضرورة

بالنسبة لموضوع الكنة انا من رأىى ان كل كنة هى اللى تفرض اسلوب المعاملة اللى بى عاملوها بيه اهل زوجها
من خلال اسلوبها وتصرفاتها ومعاملتها ليهم سواء كانت كبيرة ولا صغيرة
لما بتخش فى العيلة من الأول وبتكون امعاهم فى جميع الضروف وتودهم وتعتبرهم زى هلها وتاخد بخاطرهم
هكى اكيد بيديرولها قدر ويسبقوها فى كل شى وياخدو رايها
رغم انى انا الكنة الكبيرة لكن مشاركتى كانت بحكم رأيى فى الموضوع

مشكورة خيتي علي المشاركه

ولكن ماجاوبت علي كل الاسئله ؟؟؟

على خاطرك اختى مرام البيان حنجاوب على باقى الأسئلة
هل البنت البكريه هي الاساس في البيت والكل يحترمها؟؟؟
مش ضرورى لانها مرات مااتحبش تحمل المسئولية وشخصيتها ضعيفة
ماهي مميزات الكنه الكبيرة وماهي سلبياتها؟؟؟
الميزة انها اول وحدة ويكونو العيلة فرحانين بيها
سلبياتها انها ديمة فى الواجهة
هل الحفيد الكبير او اول حفيد له مكانه خاصه ؟؟؟
اكيد لان بيجيهم على شوق
-هل ابناء الابن الاكبر لهم مكانه اكبر ام مثل ام اقل من غيرهم؟؟؟
-من رئىيى لا

هل الكبر او قله الجمال عند الكنه الكبيرة ياثر؟؟؟ ام ان الجمال وصغر السن لايؤثر علي محبه الناس؟؟
كلام غير معقول