كل وحدة تخش وتقول اول طبخة دارتها فى حياته

شن رأيكم كل واحدة منا تكتب على اول طبخة دارتها في حياتها بالتفصيل... وشن هي الحاجة اللي طبختها وماجتش أو جت باهية؟؟!!


وشن كان رأي الأهل فيها ؟

فكرتينى بالله اول طبخة درتها كيكة لكن ملقيتيش الطاجين صبيتها فى الطنجرة وحطيتها فى الكوشة اليدين الطنجرة دااااااااااااااااااابو
هههههههههههههههههههههههههههههه امى مش قعدة واختى الكبيرة ماتندرى على شئ هههههههههههه


وثانى حاجة درتها الفاصوليا والفضيحة كثرت البصل وحطيت فيها الحمص
فضايح


ومرة مكرونة صالصة من غير ملح طبعا الملح لعند اليوم عراااااااااك انا وياه ديما ناسياته


خلى انقوللكم على موقف صار معاى بعد ماتزوجت
مشيت لحوش عمتى عزوزتى وكنت ديما نمشى عندهم لكن ماعمرى طيبت ناكل وبس
ههههههههههههه

فى مرة عمتى كانو عندها صطاوية يصلحو مش عارفة شنو انسيت المهم والبنات كلهم فى المدرسة
تقولى طيبى اى حاجة
الفالحة كلمت امى قالت لى ديرى صالصة ومتنسيش الملح

خشيت نجرى للكوجينة كيف الدجاجة وخديت عرم طماطم حب وبشرته ودرت مكرونة صالصة فيها شووووويا طماطم حكة ولما خلاص طابت شكلها كيف المستشفيات المرض

عمى الله يرحمه مااااااااااااااااات فيها وعجباته وقاللهم ديما ديروها بالطماطم لانه متعبش فيه ههههههههههههههههههههه

وربحت الجولة الاولى
وبعدها اول ماروحت للحوش بديت انا اللى نطيب فضيحة بش نتعلم

والحق الحق علمتنى عمتى مش امى
امى تقولى خشى ضمى وبس

اول مرة اندير الكسكسى والمحشى والمبطن فى حوش عمتى

ربى يحفظها

موضوع حلو موده صحيتي
-ام الشيماء ضحكتيني
-
-ههههههههههههههههههههههههههههههه
-انا عكسك تماما صاحبتك حريفه
-
-اول مرة طيبت مكرونه مبكبكه هههههههههههههه وطلعت وووواووو كنت في الصف السادس
-وبعدين معش خشيت للمطبخ لان في من يطيب بس بعدها
-خشيــــــــــــــــــــــــت
-اول طبخه ليا بعد تقريبا سنتين او ثلاث سنوات كانوا هلي مش قاعدين كانت جديدتي الله يرحمها في العلاج الطبيعي وامي معاها
-
-روحوا لقوني قايمه بالواجب
-هههههههههههههههههه
-دايره رز مبوخ والحاجه الغريبه ماعمري شفتهم كيف ايديروا فيه وطلع يهبل وكانوا جايين ضيوف مع هلي
-ككككككككككككككككك شكلهم جيعانين
-ومرة اخري بعدها بيومين تحدي قالولي خشي طيبي مكرونه مبوخه وانا مانعرفش وقالولي تحدي بدون مساعده
-
-وجت ماشاءالله طبعا نفخت ريشي هههههههه ومن يومها معش طلعت من المطبخ وكلهم يحبوا اكلي الحمدلله

--من كثرة مانحب الطبخ دائما تلقيني اندور علي مواقع طبخ ونتمني نشوف موقع واضح وحلو ويفتح النفس والصراحه لعند توا
-

- مالقيتش ياريت اللي تعرف موقع كويسسسسسسسسسسس اتقولي عليه -بس الصراحه كان مهبلني الرز دائما كنت لما انديره نبكي
- من حرق الدم ونخاف انه يعجن هههههههههههههههههههه
وتوااا -

أو طبخة كنت في سنة 3 ابتدائي وهيا طبيخة بطاطا
وأول حاجة درتها في الحلويات البغاشة في السنة 4 ابتدائي

السلام عليكم ورحمة الله وبركاته

بالنسبة ليا اول طبخه كانت تاني اعدادي حوت حاش عيونكم وفي حوش جدي بروحي نظفته خليت المطبخ الله لاتوريكم شماته وجي عمي بينقذني نظف المطبخ قبل ماتروح عمتي والحمد لله جي حلو واحده تشكر في روحها
وبعدين خشيت على الرز المبوخ سمح ماشاء الله الحمد لله ربة بيت فالحة
الحلويات وانى في المعهد نتعلم من مجلة زهرة الخليج وانلبز تعلمت في بابا الله يرحمه ياكل وحتى مش حلو ايقول سنون ماشاء الله حلو

ههههههههه
سنون حتى انا زمان كنت انطيب عندكم نلبز ويقولى حلو
كويس

ياريته ولده طالع له
ماعمرى درت حاجة وقالى 100% ديما يقولى معقول طيابك مش بطال الكلام على راجلى هذا
هههههههههههههههههههه

اول حاجة طيبتها مبكبكة فى الصف السادس وفى الحلو الكيكة ومشى حالهم

يمكن مكرونة صالصة والله منعرف
هههههههههههههههه
تسلمي د/مودة

اول حاجة طبختها وانا عند اهلى هى طبيخة طباهجوجت كويسة ومن يومها يوم الطباهج انا اللى نطبخ
واول اكله طبختها عند زوجى هى كسكسو بالتقلية وجاء زى وجهى مع انى ديما ندير فيه ويجى كويس بس سعفت روحى فى اخر لحضةودرت مكرونة باشاميل وداريت غلطتى

موضوع رجعنا بالذكريات يا د. مودة

طيب البيض محسوب؟ ههههههههههه

أول أكلة اعتقد مكرونة وكنت دايما بعمل بطاطا سكالوب وكانوا يحبوها كتير, وكنت في الاعدادي, وأول طبق حلو كان كيكة اسفنجية بالكريما, هيا اسفنجية بالاسم بس هههههههه وكان في عيد ميلادي بس الزينة كانت حلوة عليها يعني منظر, وبسكويت جوز هند وطلع مر لأني حطيت بيكربونات بدل البيكنج بودر ههههههههه آه والله أيام حلوة كانت

بس بشكل عام كانوا يحبوا أكلي لأنه في موهبة من الصغر لني كنت دايما بدخل المطبخ مع ماما

يلا نبوا المزيد من الردود

ماشاء الله عضوات الشيماء او سيدات الشيماااااااء فالحات

الله يحفظهم

وين هاربة ياسناء تعالى قولى على اكلاتك اللى اطيبى فيها




نحكى لكم على طاجين طيبته اول ماتزوجت
طاجين فى الكوشة بالدجاج انا نعرف انديره كويس مية فى المية لكن يومها الفضيحة الكبرى كان راجلى معاه واحد جى على غفلة يعنى مش بحسابه دايرة
على العموم حطيت الطاجين فى الكوشة وخديت ليمون حامض ودرته جرار وحطيته فوق الطاجين ودجاج
شورنى كثرت اليمون طلع الطاجين يحشم وكلو الرز الابيض بالسلاطة فى حياتى ماننسا
اكيد الراجل يقول مرته ماتعرف الطيب
هههههههههههههههه

لكن رقعتها بدى كل مايجينا هذا الراجل نفنن فى تشكليلات وسلاطات نرقع فى العملة الاولى

انا اول طبخة درتها طاجين دجاج فى الكوشة

ههههههههه نذكر اول طبخة درتها كانت مكرونة ولكن ما طلعت مكرونة لانها شيطت وطلعت مكرونة بطعم الشياط....نذكر وقتها كانت ماما مش قاعدة وجدتي قاعدة عندنا والمساكين كلوها وهما ساكتين....وتوا الحمد لله نعرف انطيب المبوخ والمكرونة الا حاجة وحدة وهـــــــــــــــــي الارز عمري ما غامرت وطيبته نخاف ايعجن وما نعرف مقداره ياريت لو تقوللي

خلاص ماله انظمى لأخواتك البايرات ستار وبيلا ياامل فى قسم زهرات الربيع مش نتعلموا معاك حتى احنى

بس وين المتطوعة وتعلمنا

انا اول متطوعة

خلاص ماله يابيلا كثرو المتطوعات فى تعليم الطبخ افرحى

خلاص ماله انتقلى لقسم زهرات الربيع

مشكورة وكفيتي ووفيتي يامرام الطريقة وواضحة توا .. ..وزي ما قلتي عندي تتطيب الارز الطويل اسهل من الحبة القصيرة...ووين القصيرة تبي دقة في مكيال المية ....فوق مستوى الرز بسنتيمتر لكن هيا مرة او مرتين بعدين خلاص تظبطيه الرز زي ما يحكولي صحباتي المتزوجات حديثاً

هههههههههههههههههههه

موضوع حلو

وانا اول حاجه نطيبها

العصيده

البيضاء لى بسمن ورب

المهم بعد ماعصدتهاا وخلاص نبى نحطها فى الصينيه --هههههه كانت رطبه واول ماخيتك حطه ايدها تبى تملسهااا لصقت فى يدى وقعدت نجرى ونبكى --واهلى فى


جرتى ويقولولى حطى يدك تحت اشيشمه الميه وانا فى حاله


ولى توااا خلت فى يدى اثر حرقه

وهداا تجربتى الاولى


بس توا شااااطره فى العصيده


وبااقى الاكلات

انى اول اكلة فى حوش بوى كانت مكرونة مسقية ولا توة نحب انطيبها وتجينى روعة ولكن فى المدرسة كانت عندنا ابلة مصرية فى التدبير واول ما علمتنا الشربة والبغاشة وكنت صف سادس ابتدائى