حكاية من الواقع

موضوع: حكاية من الواقع 2010-06-20, 22:41

بسم الله والصلاة والسلام على خير خلق الله

عندي حكاية حدثت بالفعل وتحدث في مجتمعنا

البنت جاها واحد يخطب فيها ولد كويس اخلاق وحالتا المادية معقوله وشهادة معقولة

المهم البنت واهلها معها حتى هما رفضو الولد ترا قولولي علاش

بتضحكو
لانا ماتخرجش من جامعة الفاتح
ولان ماعنداش سيارة كامري عضلات مش حتى العادية
ولازم يا مهندس يا دكتور ولازم يخدم في طرابلس

شن رايكم يابنات في هذا التفكيروهذه الشروط
هل هي عقلانية
طبعا اني مستغربة لاني ما شفتش هذا التفكير في ليبيا من قبل لكن اللي موجودين هما اللي يقولولنا شن الاخبار

نبو نقاش جاد وعقلاني
ولو اي وحدة فينا في مكان البنت او الاهل كيف بتتصرف في هذه الحالة

في انتظار ردودكم ونقاشكم

نبي حوار ساخن

وهادي وحدة من المشاكل الاجتماعية يا ام الشيماء

موضوع: رد: حكاية من الواقع 2010-06-21, 08:26

موضوعك حلو يازوزو وفعلا هذا اللى صاير الان للعوائل

تاخر الزواج والعنوسة
سببها شنو
اكيد يكون غلاء المهور وطلبات اللى ملهاش فايدة هما الوالدين يبيعو فى بنتهم ولا يزوجو فيها
قال النبي صلى الله عليه وسلم " أعظم النساء بركة أيسرهن مئونة"

المشكله انهم يلتفتو الى هذا الجانب وميهمهمش الاخلاق لو كان ولد ناس ولا لا يصلى يخاف ربى المهم يكون فلوس وسيارة وحوش
الله المستعان على هذا التخلف

لى عودة يااخواتى انا نسمع بهذه المواضيع اطيرلى ههههههههههههه

موضوع: رد: حكاية من الواقع 2010-06-21, 10:24

السلام عليكم

بالنسبه لهلي وعائلتنا ماعمرنا نظرنا للماديات اهو بنات خالي الله يرحمه يعتبر خواجات وعندهم املاك وحالتهم فوق الريح

ازوجن هنا الاثنين مع عربهن وحالتهم الماديه عاديه او علي قد حالهم ولاهم متخرجين من جامعه ولامعهد وغير هكي

نحنا عند مايتقدم الشاب يخطب اول شي يسالوا عليه سمعته كويسه او لا يتعاطي في مواد مخدرة يخاف الله والا لا

عندي خالي الثاني الله يطول في عمره يقول لو يجي واحد يخطب انا نعطيه مش هو يعطيني

وبناته ماشاءالله كلهن خريجات جامعه قاريونس والمعروف انه قاريونس معتمده في بريطانيا ومن ايام الاسرة المالكه

وبالنسبه للعلم هو كويس الشاب او البنت يكونوا علي علم وخلق لكن المال مايجري وراه الا الجيعان بس

والمثل يقول ياواخذ القرد علي ماله يعدي المال ويقعد القرد علي حاله اكرمكم الله

موضوع: رد: حكاية من الواقع 2010-06-22, 19:48

الى ينظر للماديات ناس سطحية ومعندهاش بعد نظر

"قال رسول الله صلى الله عليه وسلم "من رضيتوه دينا فزوجوه

موضوع: رد: حكاية من الواقع 2010-06-23, 02:01

موضوع صاير حق وهلبا لكن في حاجه تانيه في عائلات ماشاء الله ادور في ولد الناس ومادورش في الفلوس لكن اهل العريس ايقولو هاذم بايعين بنتهم يبوها غير تمشي وتتزوج بس مش امدايرلها قيمة هذا اهل الراجل مش المراه

مرات هيا اتروف عليه واتقول المهم ايصلي وايخاف ربي وفلوسه حلايليه ولكن هما شوفو شن تفكيرهم

سبحان الله الوقت هذا اللى تلقى راجل ايصلي وايخاف ربي ومايقبلش القرش الحرام اتشد فيه بسنونها لا كامري ولا لابوه

بوركتى على النقاش

موضوع: رد: حكاية من الواقع 2010-06-23, 02:23

*أم الشيماء* كتب:: موضوعك حلو يازوزو وفعلا هذا اللى صاير الان للعوائل

تاخر الزواج والعنوسة
سببها شنو

اكيد يكون غلاء المهور وطلبات اللى ملهاش فايدة هما الوالدين يبيعو فى بنتهم ولا يزوجو فيها

عنك حق حق يا شوشو لكن شن تقولي انا حتى البنت رايها في ان الولد مادام مش مهنس او دكتور متخرج من جامعة الفاتح او قار يونس معناها مستواه مش مناسب

قال النبي صلى الله عليه وسلم " أعظم النساء بركة أيسرهن مئونة"

وايضا عليه الصلاة والسلام قال (تزوجو فقراء يغنيكم الله )
سبحان الله مش داخلة دماغي ان فيه في ليبيا طبقية
وناس تشبح لناس انها اقل منها

المشكله انهم يلتفتو الى هذا الجانب وميهمهمش الاخلاق لو كان ولد ناس ولا لا يصلى يخاف ربى المهم يكون فلوس وسيارة وحوش
الله المستعان على هذا التخلف

لى عودة يااخواتى انا نسمع بهذه المواضيع اطيرلى ههههههههههههه

ونحن في الانتظار

منورة شوشو على المناقشة الواقغية

موضوع: رد: حكاية من الواقع 2010-06-23, 02:39

مرام البيان كتب:: السلام عليكم

بالنسبه لهلي وعائلتنا ماعمرنا نظرنا للماديات اهو بنات خالي الله يرحمه يعتبر خواجات وعندهم املاك وحالتهم فوق الريح

ازوجن هنا الاثنين مع عربهن وحالتهم الماديه عاديه او علي قد حالهم ولاهم متخرجين من جامعه ولامعهد وغير هكي

نحنا عند مايتقدم الشاب يخطب اول شي يسالوا عليه سمعته كويسه او لا يتعاطي في مواد مخدرة يخاف الله والا لا

عندي خالي الثاني الله يطول في عمره يقول لو يجي واحد يخطب انا نعطيه مش هو يعطيني

وبناته ماشاءالله كلهن خريجات جامعه قاريونس والمعروف انه قاريونس معتمده في بريطانيا ومن ايام الاسرة المالكه

وبالنسبه للعلم هو كويس الشاب او البنت يكونوا علي علم وخلق لكن المال مايجري وراه الا الجيعان بس

والمثل يقول ياواخذ القرد علي ماله يعدي المال ويقعد القرد علي حاله اكرمكم الله

شكرا مرام على التفاعل البناء والهادف
وربي يكتر من هذه النوعيات
اللي حكيتي عليهم

ام مآب كتب:: الى ينظر للماديات ناس سطحية ومعندهاش بعد نظر
صدقتي ام مآب الانسان اخلاق وتربية والرسول صلى الله عليه وسلم قال ان جاءكم من ترضون دينه وخلقه فزوجوه الا تفعلوا تكن فتنة وفساد في الارض كبيره

sana كتب:: موضوع صاير حق وهلبا لكن في حاجه تانيه في عائلات ماشاء الله ادور في ولد الناس ومادورش في الفلوس لكن اهل العريس ايقولو هاذم بايعين بنتهم يبوها غير تمشي وتتزوج بس مش امدايرلها قيمة هذا اهل الراجل مش المراه
ما هو المفروض ان الناس قبل ما يناسبو يعرفوا العيلة هادي ناس طيبة تخاف الله تفهم الاصول وتقدر اللي قدامها

ما هو حتى انت بتعطي بنتك وقبل ما تتعاملي مع الناس بنيتك الطيبة بتعرفيهم هما شن اخبارهم واحوالهم
مرات هيا اتروف عليه واتقول المهم ايصلي وايخاف ربي وفلوسه حلايليه ولكن هما شوفو شن تفكيرهم

سبحان الله الوقت هذا اللى تلقى راجل ايصلي وايخاف ربي ومايقبلش القرش الحرام اتشد فيه بسنونها لا كامري ولا لابوه

بوركتى على النقاش

وعندك حق في الانسان اللي يخاف الله هدا هو اللي تطمئن اليه البنت وتعيش معاه وهي مرتاحة
وهذا الذي يخاف الله
اذا احبها اكرمها واذا ابغضها لم يظلمها

شكرا على المرور القيم والبناء مرام وسنا

منورين

موضوع: رد: حكاية من الواقع 2010-06-23, 04:08

بالنسبه لنا نحن هنا فى الشرق من النادر تلقى النظره هذه للولد المتقدم للزواج المهم عندنا ايكون عنده شهاده و يكونن اخلاقه اكويسات واهله ناس محترمين

موضوع: رد: حكاية من الواقع 2010-06-23, 06:25

مدام البنت واهلها هكى تفكيرهم والله العظيم الا ربى يحبه شن كملو البنات ؟؟ المشكلة فى ناس عندهم هالعقلية وهالتفكير ولكن يديرو نفسهم مش هكى ولما يحصلو على الولد وتتزوج تبدا تنق عليه وتخلى عيشته جحيم انى انشوف ان كويس يطلعو اللى عندهم فى تفكيرهم من الاول وفى النهاية اللى يطبق قول رسولنا الكريم صلى الله عليه وسلم إذا جأكم من ترضون دينه وخلقه فزوجوه صدق رسولنا الكريم صلى الله عليه وسلم اللى يطبق هالحديث هو الرابح بإذن الله
والحق مش فى هالعيلة الحق فى اللى ماشى بيخطب منهم والله المستعان
ههههههههههههه خطرتى عليا النكتة اللى تقول فى عرس وحدة بنت تغنى وتقول اللى ما عنده حوش بروحه لا يجينا ولا يتعب روحه مشى ردت عليها عزوزة وقالتلها لا نجوك ولا نخطبوك ويا قعادك فى رقبة بوك هههههههههههههههههه

موضوع: رد: حكاية من الواقع 2010-06-23, 06:55

هههههههههههههههههههه
حكاية من الواقع 29742

ههههههههههههه خطرتى عليا النكتة اللى تقول فى عرس وحدة بنت تغنى وتقول اللى ما عنده حوش بروحه لا يجينا ولا يتعب روحه مشى ردت عليها عزوزة وقالتلها لا نجوك ولا نخطبوك ويا قعادك فى رقبة بوك هههههههههههههههههه حكاية من الواقع 654782

موضوع: رد: حكاية من الواقع 2010-06-23, 09:03

والله ماسمعت ألا منك يازوزو الكلام هذا
معقولة في ليبيا مازال فيه بنات وأهل يفكرو بالطريقة هذي
ياودي هذو يبو الفخفخة والطواقة مايبوش ولد الناس ولد عيلة المحترمة
يمشي ايدور على غيرها باش تقعد في الرقبة
تعرف يازوزو أني سمعت يعني ماشفتش بعيني قالو فيه بنت وين يجوها خطاب تشرط عليهم في شروط رهيبة
وتو وين كبرت في السن وعنست سامحوني بالكلمة قالت نتزوجه حتى كناس حشاكم المهم نتزوج
المفروض بنت زي هذا مايخطبها حد باش تجي للطريقة
منورة زوزو موضوعك رووووووعه يعالج أحد مشاكل مجتمعنا المتفاقمة
بارك الله فيك

موضوع: رد: حكاية من الواقع 2010-06-23, 11:32

يازوزو

هذه المشكلة مشكلة عائلة ذات عقلية معينة للأسف وأعتذر هي عقلية متخلفة لأن الشاب الجيد في هذا الزمن يتاقل بالذهب وأيضا البنت المحترمة من عيلة أصيلة

وعموما بنات الحلال كثار لكن قاعدات في البيت ينتظرن من يطرق باب أهليهم...

ومع ذلك هناك من يقولوا للشاب نحن نشتري راجل يا ابني...

لكن عموما دايما الشيء يغطي على الجيد في المجتمع وللأسف........

موضوع: رد: حكاية من الواقع 2010-06-23, 13:06

هي المشكلة صارت في جميع البلاد بس أنا في رأي الشخصي
لازم يكون معو شهادة أو يطقن عمل جيد
ويكون بخاف الله وفي مثل سوري بقول يلي بخاف الله لا تخاف منو
شكرا على الموضوع الجميل

موضوع: رد: حكاية من الواقع 2010-06-23, 22:20

صح يا أم بشير كلامك صحيح

سبحان الله المعايير اختلفت ولكن اللي نساه الكثير أنها اختلفت بأيدينا وبموافقة منا نحن........

موضوع: رد: حكاية من الواقع 2010-07-01, 03:11

صح كلامك يا زوزو من فترة هكي صار كل البنات صاروا يتشرطوا يبوه ما ناقص شئ
لكن ها السنتين شايفة انهم خذوا عبرة من عنوسة هلبة بنات جوهم هلب خطاب وردوهم
لانهم مش من مستواهم
تو غير تعالى بس حتى بلا شهادة
دير حتى دويرتين جنب حوشكم راضية
وياريت غير ايجي
ههههههههههههههههه
مشكورة لفتح هالموضوع

موضوع: رد: حكاية من الواقع 2010-09-19, 22:12

هالكلام صار ومازال يصير الناس مهما تبجحت بأنها ما تنظر للماديات كان جاهم عريس يشيلوا ويحطوا في هالطلبات ويقولوا هذا كله مهم وضروري وما نقدروا نقصوا فيه ياخا احنا راعينا العريس في حاجات واجدة! بس الحمد لله ما زال فيه ناس تدور على الخلق والدين وبوجود ازمة العنوسة لازم الهل يراجعوا روحهم ويغيروا من عقلياتهم الراجل اللي جيبه مليان وخريج جامعة وسيارته آخر موديل بيتزوج وحدة بمواصفات قياسية في غالب الاحيان فما عاد حد يحلم بها النوعية والقناعة حلوة وبعد انتشار الفتن ما ظهر منها وما بطن الحصول على صاحب الخلق والدين غنيمة ما لازم حد يضيعها على سبة فلوس والدنيا ما وقفت على حد اللي يردوه لسبب تافه زي هذا بيلقى غيرها زيها واحسن منها ان شا الله وربي يرزقنا الازواج الصالحين ما نبوا غير الخلق والدين بداية وبعدين نتفاهموا عالتفاصيل الصغيرة وانا عن نفسي اهم شي في هالتفاصيل سكن مستقل ومدخول ثابت ما نظنه شي ياسرعليا.