ماذاأعددتى على سفرة الافطار اليوم

السلام عليكم
صحة فطوركم
انا اليوم فطورى شربة عدس وبيتزا وبوريك بورق جلاش وسمبوسة بالجبنة وسلاطة
والحلو كنافة بالمهلبية وعصير كركديه
والى اللقاء فى سفرة تانية

ما شاء الله كترو صور السفر في المنتدى ربي يزيد ويبارك

احلام يصير منك ونص وغير كان تبعتيلي سلاطة بابا غنوج لاني نموووووووووووووت فيها

ام الحلويين حاضر تو نكتبلك الكيكه انتي تؤمري وبالنسبه للغوله لا هي كل يوم تجيني في الليل من المنتدى الراقد خيركم ترقدو بكري العفو اني على فكره مجنونت سهر يعني مستحييييل نتخيل روحي نرقد بكري وحتى ام ايوب زيي تحب السهر مرات تساير فيا في المنتدى ومرات تفوت فيا مش زي ام ماب لي احشيشتها النوم بكري

اني اليوم فطروي شربه لحم وشربة حوت وعصبان وبوريك وصوابع الدجاج بالبطاطا


وطبعا زي ما تعرفو ام ماب جايينها صاحباتها اليوم مشينالها اني وام ايوب عليك جوء وخلاص وما شاء الله عليها ماخلت مادارت خلي نسميلكم ونسبقها

اول حاجه حطت عصير وبكلاوه

وبعدين نسكافيه وقهوه عربيه وشاهي وكل واحد يختار شن يشرب ادلع فينا وحطت معاهم دبله وكيكة الكراميل طبعا الكيكه اني درتها ورفعتهالها ههههههههههه واخيرا طلعت مني حاجه

وبعدين العشي وهو ( رز بالخلطه وفليفله وطاجين البطاطا وبوريك وخبيزه بالتن ومخدة الباشا وزوز سلايط بابا غنوج ومشويه ) طبعا مخدة الباشا دارتها ام ايوب حتى هي باهي لي طلع منها حاجه هههههههههه


وبعدين سلاطة الفواكه حلوه ابدعت فيها الصراحه

وبعديين لي مخالتش المهلبيه لانها مش عارفه كم نوع ( مهلبيه بالفستق لونها اخضر ومشكلتها بالفستق والكيوي ونوع تاني لونها بودري ومشكلتها بالفراوله ونوع تاني لونه اصفر ومشكلاتها بالموز ) هذه الالوان لي تفكرتها

يسلمو ايديك كله كان ابداع في ابداع وصاحباتك جوهم مش عادي يهبل وسامحينا في تعبك

وتصورو وصلت الحوش الساعة تلاته الا ربع وخليت مزال زوز من صاحباتها مش عارفه امته روحو شكله باتو عندها هههههههههههههههههه

عارفه روحي طولت عليكم هلبه لكن لاني حبيت نحكيلكم بالتفصيل

ام الحلويين كيكة الكراميل

طبها بالدوبي السكر في الطاجين كاس وشويه

طبق الكراميل تحطي في الخلاط بيضتين وكاس سكر وحكه حليب كبيره والازرز صغيرات ومعاهم ملعقه فانيليا اني طبعا نفضل في السائله لانها نكهتها احلي وتشغلي الخلاط خليهم ينضربو كويس ما تستعجليش عليهم

والكيكه 3 بيضات وكاس سكر وكاس حليب اي نوع وكاس الا ربع زيت وفانيليا وضرف بكنج بودر وحوالي ملعقتين كاكاو حسب نوع الكاكاو لي عندك لو خفيف زيدي الكميه ولو تقيل ياسر ملعقتين ودقيق لين تحسي الكيكه باهي يعني ما ديريهاش تقيله هلبه

وتاخدي طاجينك لي دوبتي فيه السكر وتحطي عليه الكراميل وبعدين تصبي الكيكه في النص ولمه تصبيها يكون حواشيها كلها الكريمه ما تعدليش عليها لمه تنفج الكيكه تتساوه

وطبعا تكوني مسخنه الكوشه كويس ومجهزه ميه مغليه تاخدي طاجين اكبر من طاجين الكيكه وتحطي في الميه المغليه وبعدين طاجين الكيكه وطول للكوشه حوالي ساعه الا تلت هي ما تبيش فتح الكوشه عليها يعني النص ساعه الاولي ما تفتحيش عليها بكل باهي يا عسوله

اني عن نفسي نطيب فيها على درجه حراره 180 في كوشه الغاز مش كهربائيه

وان شاء الله تجربيها وتجيك حلوه يا ام الحلويين

طبعا هذه مقاديري فيها اختلاف بيسيط على طريقه ام ايوب

حبوبه كتب:

ام الحلويين كيكة الكراميل

طبها بالدوبي السكر في الطاجين كاس وشويه

طبق الكراميل تحطي في الخلاط بيضتين وكاس سكر وحكه حليب كبيره والازرز صغيرات ومعاهم ملعقه فانيليا اني طبعا نفضل في السائله لانها نكهتها احلي وتشغلي الخلاط خليهم ينضربو كويس ما تستعجليش عليهم

والكيكه 3 بيضات وكاس سكر وكاس حليب اي نوع وكاس الا ربع زيت وفانيليا وضرف بكنج بودر وحوالي ملعقتين كاكاو حسب نوع الكاكاو لي عندك لو خفيف زيدي الكميه ولو تقيل ياسر ملعقتين ودقيق لين تحسي الكيكه باهي يعني ما ديريهاش تقيله هلبه

وتاخدي طاجينك لي دوبتي فيه السكر وتحطي عليه الكراميل وبعدين تصبي الكيكه في النص ولمه تصبيها يكون حواشيها كلها الكريمه ما تعدليش عليها لمه تنفج الكيكه تتساوه

وطبعا تكوني مسخنه الكوشه كويس ومجهزه ميه مغليه تاخدي طاجين اكبر من طاجين الكيكه وتحطي في الميه المغليه وبعدين طاجين الكيكه وطول للكوشه حوالي ساعه الا تلت هي ما تبيش فتح الكوشه عليها يعني النص ساعه الاولي ما تفتحيش عليها بكل باهي يا عسوله

اني عن نفسي نطيب فيها على درجه حراره 180 في كوشه الغاز مش كهربائيه

وان شاء الله تجربيها وتجيك حلوه يا ام الحلويين

طبعا هذه مقاديري فيها اختلاف بيسيط على طريقه ام ايوب

أم الحلوين منورة على الكيكة لكن أعربي ماتحته خط

صحة فطوركم

حبوبه كتب:

ما شاء الله كترو صور السفر في المنتدى ربي يزيد ويبارك

احلام يصير منك ونص وغير كان تبعتيلي سلاطة بابا غنوج لاني نموووووووووووووت فيها

ام الحلويين حاضر تو نكتبلك الكيكه انتي تؤمري وبالنسبه للغوله لا هي كل يوم تجيني في الليل من المنتدى الراقد خيركم ترقدو بكري العفو اني على فكره مجنونت سهر يعني مستحييييل نتخيل روحي نرقد بكري وحتى ام ايوب زيي تحب السهر مرات تساير فيا في المنتدى ومرات تفوت فيا مش زي ام ماب لي احشيشتها النوم بكري

اني اليوم فطروي شربه لحم وشربة حوت وعصبان وبوريك وصوابع الدجاج بالبطاطا


وطبعا زي ما تعرفو ام ماب جايينها صاحباتها اليوم مشينالها اني وام ايوب عليك جوء وخلاص وما شاء الله عليها ماخلت مادارت خلي نسميلكم ونسبقها

اول حاجه حطت عصير وبكلاوه

وبعدين نسكافيه وقهوه عربيه وشاهي وكل واحد يختار شن يشرب ادلع فينا وحطت معاهم دبله وكيكة الكراميل طبعا الكيكه اني درتها ورفعتهالها ههههههههههه واخيرا طلعت مني حاجه

وبعدين العشي وهو ( رز بالخلطه وفليفله وطاجين البطاطا وبوريك وخبيزه بالتن ومخدة الباشا وزوز سلايط بابا غنوج ومشويه ) طبعا مخدة الباشا دارتها ام ايوب حتى هي باهي لي طلع منها حاجه هههههههههه


وبعدين سلاطة الفواكه حلوه ابدعت فيها الصراحه

وبعديين لي مخالتش المهلبيه لانها مش عارفه كم نوع ( مهلبيه بالفستق لونها اخضر ومشكلتها بالفستق والكيوي ونوع تاني لونها بودري ومشكلتها بالفراوله ونوع تاني لونه اصفر ومشكلاتها بالموز ) هذه الالوان لي تفكرتها

يسلمو ايديك كله كان ابداع في ابداع وصاحباتك جوهم مش عادي يهبل وسامحينا في تعبك

وتصورو وصلت الحوش الساعة تلاته الا ربع وخليت مزال زوز من صاحباتها مش عارفه امته روحو شكله باتو عندها هههههههههههههههههه

عارفه روحي طولت عليكم هلبه لكن لاني حبيت نحكيلكم بالتفصيل

المميزة صحة فطوركم


حبوبة ياثرثارة
ماشاء الله لكن سهريتكم تهبل سهفتونى فى ايامات ليبيا ياعطيهالك ههههههههههه
متخافيش دعوة خير

وسهور يااااااااحسرة انا منقدرش نسهر المدرسة بدت متاع صغارى
ونوضى 7 وتبينى مازال نسهر تعرفى الساعة 10 قريب منشوفش فيها والمشكلة صلاة العشاء الساعة 12
يعنى قهرتى كبيرة
نرقد ونوض

ام ماب ماشاء الله عيك سلم يدياتك


لكن عليك بخل هذا كله ومصورتو شئ قفاصة حق

فطورى متاع امس









الى القاء مع فطور جديد

*أم الشيماء* كتب:

شنو قهوة لوز وقهوة شوكولاته

قهوة اللوز عبارة عن انواع من اللوز + كسبر يتحمسو وبعدين ترحيهم وفيه تلقياها واتية يقولولها قهوة بيضار ولا قهوة اللوز
وقهوة الشوكلاتة يبعو فيها واتية في باكوات

مشكورين دنيا المحبة وحبوبة تسلموا على الكيكة

ام الشيماء متعرفيش القهوة البيضاء غير متقوليش قعدت في خاطري وتخلينا انجيبوها من اخر الدنياء على خاطرك

صحة فطوركم جميعا
صور فطوركم كلهم يشهو يسلمو ايدياتكم
انى امس فطورى شربة وطاجين جبن وبوريك ومخدة الباشا وابواق وسلاطة
ام الشيماء قولي لعمتك كان جاتك بعد العيد اتجيبلك منها القهوة لانها مش عادية يا احلام ابعتى لاختك بلا قفاصة
يا ام الحلوين سبقتنى حبوبة لكن جربيها تجيك حلوة ان شاء الله لكن المهم لما هيا في الكوشة حاولى انه متكملش المية اللى في الطاجين اللى تحتها ولما اتطيب اقليبها على طول وهي سخونة

فطوري اليوم
شربه + مكرونة + طاجين بطاطا + براك + بوريك

أم الشيماء كيف حمواتك مايعرفوش القهوة البيضاء ( قهوة اللوز) ولا حتى أختك أحلام

أمــــان

اني عارفتها قهوة اللوز بس ام شوشو ماسالتنيش عليها

سألت بالمنتدى بس

خخخخخخخخخخخخ فاتتها هلبة حاجات ليبية صقع

أم شوشو ... حرام عليك اني من يومي نحب الطبخ شكله الحمل مأتر على نفوووخك


صحة شريبتكم يا بنات

مبدعات في فطوركم

:)

السلام عليكم
احلام كتبت

أم أيوب

قولينا طريقة مخدة الباشة اول مرة نسمع فيها

سامحينى يا احلام مشفتهاش لكن توة نكتبلك الطريقة ومرة تانية لما انديرها تو انصورلك الخطوات

اولا تاخدى الدجاج وتقطيعه الى مكعبات صغيرة او قطع صغيرة تم تغسليه جيدا وتضعيه في سفاى الخضرة لين تنزل كل المية تم تاخديه وتحطيه في صونية وتبشرى عليه بصل وتضيفيله ملح وفلفل اكحل وحرارات وقطرات ليم وملعقة خل وتغطيه وتتركيه يتتبل اقل حاجة لمدة نص ساعة او اكتر
تم تاخدية الجاج وتحطيه في طنجرة وتحطيه على النار وتخليه على نار هادئة لين ينشف من اميته ويطيب الدجاج
طريق الورق
كوب حليب وتلاتة بيضات وملعقة زيت ونص ملعقة صغيرة خميرة كيكة وقليل من الملح وفلفل اكحل وتمانية ملاعق كبيرة دقيق وتضرب جيدا تم تحليها على طاجين تيفان بنفس طريق الكانلونى او البنكيك اى على شكل دوائر
تم تاخدى كل دائرة وتحطى في المنتصف ملعقة من الدجاج تم تسكريها من الاربعة جيهات يعنى الحشوة في المنتصف وتجيبى الجوانب الى المنتصف الى ان يصبح شكلها مربع يعنى نفس شكل المخدة ههههههههه طبعا كان مبتش الورق يلصق ممكن تدهنى الحواشى بدحي او تخلطى شوية دقيق وميه وتلصقي بيها وتاخدي صفرة ترشى فيها دقيق وكل طرف تسكريه تحطيه في الصفرة وتكون الجيهة اللى مسكرتيه من تحت من جيهة الدقيق وبعد ما تكملى المقدار كله حطى الصفرة في الفريز وخليها لمة تلت سلعة او نص ساعة لين تحيها تماسكت وتسكرت معاش تنفتح من بعض وبعدين ابدى غلفي في الدحى وبعدين في الخبزة المرحية واقليهافي الزيت يكون الزيت مرتفع شوية ويكون ساخن
وبعد ما تكملى القلى ما تغطيهاش بيش ما ترتخاش ستفيها في طاجين وحطى عيها جبنة مبشورة او جبنة شرائح حسب ما تحبى وحطى عليها زيتون شرائح ودخليها للكوشة حتى تسيح الجبنة
وان شاء الله انكون شرحتلك طريقتها كويس يا احلام جربيها حلوة شكلها وطعمتها انى صراحة انحبها وديمة انديرى فيها
واى استفسار انى موجودة وسامحينى على التاخير
ايدى وجعتنى من الكتيبة ان شاء الله غير اتديريها

سلامات

صحة فطوركم ياعويلة
باهى مافى حد علق على فطورى
من الصبح وانا متشحورة على الصور

** ahlam ** كتب:

صحيتي يا أم صهيب


الله يبارك فيك


اليوم الخامس من رمضان

الحلو

كيكة بعصير اللوز

وحطيت عليها شكولاتة بيضاء

والثانية شكولاتة جلاكسي العادية سيحتها ودهنتها من فوق

والطعم عجب العجااااااااااااب







سفرتنا المتواضعة

اليوم حمامتي زاهية خخخخخخخخخخخ قلت خليني نصور سفرة فطوري

أول شي

الخبيزة



فليفلة وبادنجال



سلطة بابا غنوج





وهده السفرة المتواضعة

مانطيبش هلبة

راجلي يقولي حاجتين ســـــــــاد

مع ان اليوم ناقصة الشواية اللي بيهبل عليها خخخخخخ





شنو رايكم ؟؟؟ يصير مني ؟؟



صحة وعافية

اعطينى طريقة الكيكة

اليوم جايين ضيوف
بالك انديرها

صحتين وعافية علي قلوبكم وسفرتك حلوة وحتي سفرة دنيا المحبة وام الحلوين واحلام ماشاءالله كلهن حلوات

انا صورت سفر الايام اللي فاتت بس حسيت ماحد عدل عليا كيفك قلت خليني نقعمز ونسكت هههههههههههههههههه

استكردوني شكلي قعدت مكروهها ههههههههههههههههه

طريقة كيكة الكراميل توا انجربوها ياصبايا مشكورات

سلمك هدرازة ياحبوبة نقنك تمسحي الكبد ديمة احكي بالتفصيل صحيتي

مرام البيان كتب:

هههههههههههههههههههههههههه

اربع مرات نكتب ونزل الصور ويريح كله عليك بخت ماعلينا ان شاءالله البخت زين

ماشاءالله عليكن ناشطات وفالحات

انا فطوري امس شربة وفلفل وكوسة وبراك طبعا كوسة وحدة عشان ماحد ياكل فيها الا انا

وبطاطا مبطنة وسلاطة واليوم سخنت المبطن والشربة والمحشي لانه فضل واجد وطبعا اكراما للنعمة

ودرت معاهن طباهج وكيميا وسلاطة والحلو اللقيمات وهذي صورة سفرة امس وصورة حاجات اليوم بدون اللي مسخنتهن

غير منو اللى يقدر يستكردك بس
يامجنونة

بلعكس سفترك تهبل
كان تعلمينى بس خبزة الحوش لانى انا اندير فيها تانى يوم بالكثير تتغير ضعمتها وتتفترش متكزنش ماسكه روحها

السلام عليكم

ماشاء الله على سفرتكم كلكم ما شاء الله وما تزعليش يا مرام سفيرتك تشهى وتسلم ايديك

انى أمس زى ما حكت حبوبة بالتفصيل جايينى صاحباتى حبوبة وام ايوب تصو رى حبوبة أخر وحدة روحت الساعة 3وربع كا ن جو حلو وتسلم ايديهم ام ايوب وحبو بة ام ايوب جابت كخدة الباشا وحاجة حلوة بالتمر وحبوبة جابت كيكة الكراميل مش عادية ومسكينات من لما جوا وهما استلموا المهمة وانى قعمزت نهدرز وهما قاموا بالواجب واكثر ربى يحفظهم

وخسارة ام ايوب تبى تصوركل شىء مسكينة الهت فى التجهيز ونست

انى اليوم : شربة وضولمة وامبطن وكمبوسكة وسلطة

أحلام سلطو البدنجان بالطحينة زى البابا غنوش اللى انتى مصورتيه بدنجان مشوى وفلفل اخضر وثوم وبعديين يقشلر البدنجال ويفرم مع الفلفل والثوم فى ست البيت ويضاف اليه الملح والزيت من حين الى اخرحتى يصبح لونها قريب ابيض وبعدين تاخدى الطحينة وعليها ليم وتحليها بالماء وتضاف الى البدجال وحرك كويسوتزين بالكاجو الهروش "حلوة جربيها يا احلام "

صحة فطوركم جميعا
ويا مرام وام الشيماء محد يقدر يستكردكم انى لقيت هلبة اللى منزلين الصور مشى تكلمت على الجميع وقلت ما شاء الله صور فطوركم كلهم يشهو ولالا متزعلوش زيدو نزللولنا الصور ويسلمو ايدياتكم
انى اليوم فطورى شربة وفليفلة وبيتسة مطبقة وبيتسة ملفوفة وبوريك وسمبوسة والسلطات سلاطة البدنجال وسلاطة مشوية وسلاطة عربية
ام الشيماء كتبت
ام ماب ماشاء الله عيك سلم يدياتك


لكن عليك بخل هذا كله ومصورتو شئ قفاصة حق

يا ام الشيماء انى نبى نصور لكن لهينا بي اللى موتياته ام ماب لان من اول ما وصلنا واحنى ناكلو فنسيت مصورتش
لكن فاتتنى الصور لانها ابدعت موتية حاجات كلها تفتح النفس لكن تو انقلها اتديرلنا عزومة تانية بيش انصورها هههههههههههههههه عجبتنى العزومة نبيها اتعاودها
يسلمو ايدياتك يا ام ماب

*أم الشيماء* كتب:

فطورى متاع امس









الى القاء مع فطور جديد

ماشاء الله على وخيتي سفرة دايمة إن شاء الله

طلعتي فالحة حتى وكرشتك قدامك خخخخخخخ

وسامحيني ما شفتش الصور إلا توة عارفة النت عندي زفت وماتطلعش الصور ديمة

هدا اللي مخليني مانخشش هلبة للمنتدى


وعلى فكرة





اسمعيني انتبهي على روحك وديري بالك ومن غير كترت طلوع ومش لازم اطيبي هلبة باااااااااااااااهي ؟؟؟؟؟؟؟

اني راهو اللي انطيب فيه مش بروحي

معاي سلفتي وعزوزتي

وشغالة تساعدني في الحوسة

وانتي بروحك ما تعبيش روحك

مازال نشوف سفرة فطورك هلبة تشوفي اوكييييييييييييييييييييييييييي

صحه فطوركم ماشاء الله سفر وفطور يفتح النفس الله يحفظكم

فطورنا اليوم
شربه - بيتسا - بوريك - امبطن - خبزه محشيه - طاجين دجاج في الكوشه - سلاطه

الحلو بسبووووسه

يعطيك السلامة يا احلام وهم ما لقوش ما ايسموها الا هالاسم هذا العفو
والله ضحكت لين خفت يقولوا اصغاري امنا اتجننت
قبل بنسألك عنها لكن الاسم سد نفسي عليها

المهم شنو هي الشواية نبي نعرف
وصحة فطورك

مرام ابدعتي فطور مميز مزيد من الصور
ام الشيماء فطور سمح صحيحتين
سناءخمس حاجات من غير العشي هلبة زعمة كيف صايرة
ام مآب وام ايوب ما شاء الله خايفين تعزمونا معاكم سهفتونا يسلمممممممممممموا

اليوم فطوري
عصافير بالمفروم
وخبيزة بالتن

وفطيرة المشرم

محشي متع امس
ارز ابيض