صداقه مسلمه ومسيحيه

تذكير بمساهمة فاتح الموضوع :

هذا اول موضوع ليا معاكم هنا
هو مش موضوع موضوع قصدي نبي ناخد ريايكم وتشاركوني الري
انا والعياد من كلمه انا عايشه برا وماعنديش هنا صحبات بكل بكل حالي يسخف




المهم ومعرفتش ولا وحده عربيه
مرات نقول نقعد هكي خير اريح واقل مشاكل لكن مرات نقول لازم تكون عندي صاحبه الغربه مرة ومرات الواحد يستحق لحد يشكيله ويحكيله هم لو متضايق
مع انه والله زوجي مامقصر معاي
هدا شي والشي التاني ان زوجي عرفني بزوجه صاحبه هو كندي لكن زوجته عراقيه اوكي هذا اللي نلبيه ولا ؟
لالا مش هذا


ماهو شني هذه مسيحيه مش مسلمه
هنا المشكله والله هي ديما تجيني وتتصل بيا ولما تعبت جتني في المستشفى وطيبتلي بردوا وغيره
لكن في شي في نفسي مش مرتاحتلها خاصه لما نتناقشوا على الدين
وكلامها اني المفروض نحول الحجاب والانسان بالجوهر مش الظاهر وغيره
ولا لما تقولي ليش بس تاكلي لحم الحلال ماهو كله لحم المهم قبل ماتاكلي تصلي
وكله م عند ربي
صعب تقنعيها وصعب النقاش معاها مرات نسكت ومعاش اناقش مش لاني ماعنديش الحجه لكن ماخاطريش نشيط ريقي
ونخش في نقاش عقيم وخاصه هي متزمته بارتئها هلبه
قررت اني معاش نخالطها
لكن هي ادور فيا وتحسسني اني شريره لاني مش مدورتها
معرفتش هل نتقبل صداقتها ولا نفوتها وللعلم زوجها صاحب زوجي الروح بالروح وقالي مستحيل نتغير على صاحبي
ويحب ديما يمشيلهم
شن رايكم
وشن اديروا لو مكاني

سارهمو سددد الله خطاك

الأجانب بالرغم من دعوتهم لتحريرالمرأة وتجريدها من كل ما بقي لها من حياء إلا أنهم مقتنعين أن المرأة المسلمة هي المرأة بحق, ما شاء الله عليكي ربنا يثبتك

تسلمي حبيبتي مها
وليك مني نفس الدعوة
والله يبارك فيك ويرعاك

ربي يثبتك ويرزقك الحجة والبرهان وتقدري تناقشيها وتناقشي غيرها بكل ثقة واحترام وواجبنا يحتم علينا ندعموا كل وحدة منا بحاجة للدعم ولو بالكلمة والحمد لله لقيت خوات مسلمات تتواصلي معاهم ربي يوفقك.

بارك الله فيكي يا سارهمو

القلوب عند بعضها

مشكورة زينهانتي ومها على مروركم الكريم