البنت الليبية مقهورة من دون بنات العالم

السلام عليكم

في رد لها على موضوع إذا كنت ماتبيش تتزوج ليبية ... من وين تتمنى تتزوج
اطلقت احدى الأخوات الليبيات صرخة ممتلئة مرارة و غضب قائلة فيها أن الشباب الليبي لا يستحقون الفتاة الليبية متهمة إياهم بسيل من التهم الذي جرف في طريقه كل الشباب الليبي

رافعة شعار طالما كان من الصعب رفعه لتقول(( لا لليبين ))

فيا ترى هل فجر الموضوع صمام الأمان الذي طالما احكمت الفتاة الليبية اغلاقه على كل ما تعانيه

من مرارة الواقع المئلم الذي تعيشه من شباب ليبي لا يعرف كيف يتعامل مع المرأة و لا يفهم

كيف يخاطب فيها انوثتها و لا يهمه ممن يريد الأرتباط بها سواء كانت ليبية او غير ليبية سوى ان

تكون جميلة و تجيد الطبخ ، وأما أحاسيسها و مشاعرها فلا تعني له شئ و لا

يملك الفهم الكافي ليغوص في اعماقها كما أنه يفتقد ابسط فنون التعامل مع المرأة

هل هذه الصرخة هي تعبير عن كل ما يجول في خاطر الفتاة الليبية تجاه الشباب الليبي

المجبرة على ان ترضى به بكل عيوبه لأنها لا تملك الخيار

هل اطلقت هذه الصرخة احاسيس الفتاة الليبية لتعلن أنها مثلها مثل غيرها من نساء الدنيا

ممتلئة انوثة و مشاعر مرهفة لكنها تحتاج إلى إنسان يجيد فن مخاطبة هذه الأحاسيس و المشاعر.

شفت البنت الليبية قداش مقهورة ومظلومة

نقلته للبنات وشني تعليقكم على هالموضوع

دائما اللوم على البنت الليبية وعلى المراة الليبية

والمراة الليبية متلها متل اى مراة مليئة بالمشاعر والاحاسيس ولكن الرجال الليبين هما الدين تنقصهم المشاعر والعواطف ويجدون صعوبة في التعبير امام المراة الليبية ويضعو اللوم على المراة ويتجهو للزواج من غير الليبية


مشكورة امان على الموضوع

لي عودة الموضوع ممتاز

امان مش قصدى انه الراجل الليبي يتحشم قدام المراة الليبية لكن كيف ما قلتى انتى تربو من الصغر على عدم احترام المراة من الوضع الاسري اللى يتوارتوه جيل وراء الجيل والسبب الوالدين في معاملتهم لبعض امام الاولاد وطبعا مش الكل لكن بصفة عامة حتى الراجل اللى يحب مرته ويعاملها معاملة كويس يتحشم انه يشكرها او يجاملها امام اولاده وهده عاداتنا ولكن الراجل من كتر مشاهدتهم للمسلسلات والبرامج والمعاملة الخارجية فاول ما يتعرفو على غير ليبية يعاملوها معاملهم

فهدا مش خجل منهم او نقص في عواطفهم واحاسيسهم ولكن من كتر ما الليبيين محافظين ويتحشمو هكدا اصبحو الرجال ولكن مع المراة الليبية فقط ومع الاجانب عندهم عادى لو اظهرو مشاعرهم الحقيقية وانى كيف ما قلت مش كل الرجال لكن اللى قصدتيهم في موضوعك

طولت عليك لكن انى هكى راي

مشكورة امان

انا جيت يا امان

معليش عذرا على التأخر لكن طريق عرض المواضيع في المنتدى تخليك يضيع عليك الرد عن كثير منها
سامحيني


انا في راي هذا الكلام ليس منطقيا وغير مبني على دراسة او استفتاء
فمن اين عرفت هذه الفتاة ان هناك فرق بين البنت والولد الليبيين وباقي الجنسيات الاخرى
من اين استقت معلوماتها عن افضلية بقية رجال العالم عن الرجل الليبي
كلام مرسل ليس له اصل علمي
ولكن المشاعر والاحاسيس عند كل البشر واحدة عند كل الاجناس
الذي يختلف هو الالفاظ التي يعبر بها عند كل مجتمع
واختلاف الالفاظ لايعني عدم ملائمتها ولكن
طبيعة كل رجل على حدة هي التي تبين مدى المامه بمشاعر زوجته التي امامه من عدمه

والزوجة لها دور كبير في هذه الناحية كما اسلفت مها
فهي تستطيع ان تستخرج منه المشاعر والاحاسيس او تكبتها
فكلما ازدادت امظاهر انوثة المرأة اما زوجها ازداد اقبالا على التعبير لها عن احساسه بهذه الانوثة
فالتنغنج والتأنق والرقة والعذوبة في الصوت واكلمات والملابس والشكل العام
هي التي تظهر انوثة المراة
والعكس بالعكس
ولكن التعميم في الاحكام غير منطقي وغير علمي

فاولاد وبنات ليبيا بخير وهم يستحقون بعضهم
والا حتى هما بيقولوا البنت الليبية ماتستاهلش الولد الليبي
كلام فاضي
وسيبك من شغل الافلام العربي والمسلسلات التركية
هذه كلها تجارة دعارة وانحلال فقط لاغير

ارجو ان اكون قد اوصلت المعنى المراد من كلامي
تقبلي مروري

انا قريت الموضوع بدون مانشوف التعليقات اسفة
بس ح نقولك راي احنا انحشو زي بقية البنات بس مافيش حد يحس بينا اتهمه غير حلوة اهم حاجة صح حاشة بعض الاولاد عندهم انك اتكونئ اول ولد اتحبيه وفي اولاد عندهم الجمال هذا الاشكال الي انشوف فيها انا ههههههههههههه
بس ربي يحقق مافي بال كل بنية ياارحم الراحمين اميييييييين
ومنورة موضوعك رووووعة

billa كتب:

انا قريت الموضوع بدون مانشوف التعليقات اسفة
بس ح نقولك راي احنا انحشو زي بقية البنات بس مافيش حد يحس بينا اتهمه غير حلوة اهم حاجة صح حاشة بعض الاولاد عندهم انك اتكونئ اول ولد اتحبيه وفي اولاد عندهم الجمال هذا الاشكال الي انشوف فيها انا ههههههههههههه
بس ربي يحقق مافي بال كل بنية ياارحم الراحمين اميييييييين
ومنورة موضوعك رووووعة

منور بلبل
هههههههههههههههههههههه
سنو انتي نحيتي سنونك القداميات كلهم

انتي تحشي وهما يحشوا واحني نحشوا واكلهم يحشو وكلنا نحشو والاحشاش محششني باحاشيش واحشاشات
فظيعة
امشي البشي طقم الاشنان متاعك وتعالى اتكلمي

هههههههههههههههههههههه

أسفة الموضوع ليه فترة ونسيته أن شاء الله نردو عليكم غير مشغولة اليوم

مشكورة امان
انا نضم صوتي لصوت زوزو
لا فيه ليبية مقهورة ولا شئ هداك زمان ايام جدتي وجدتك
اليوم والله ما شاء الله عليها البنت الليبية مطيرة عقول الشباب كلهم ومش مخليتهم
يشوفوا لغيرها تو البنات كلهن تعلموا وفتحوا عيونهم على الدنيا
وصارت ثقافتهم عالية ويعرفوا كيف يجيبوا الرجالة ناحيتهم
بس يمكن الشطارة تتفاوت من وحدة لوحدة
واللي نشوفوفيه احياناً من تقصير من الرجل في معاملة زوجته فصدقيني هذا سابقه تقصير من الزوجة نفسها
ودمتي طيبة
معليش ردي سريع وربما مش مرتب

الحق يقال ان الشاب الليبي يفتح فمه على باقي البنات من جنسيات اخرى طبعا الحكاية ما فيها تعميم بس موجودة وانا شفتها بعيني وسمعتها بوداني والاعجاب بداية من نجمات التمثيل والغناء وعارضات الازياء ومذيعات البرامج الخ الخ الخ الى البنت العادية اللي شبحها في الشارع او الجامعة وكأنه عمره ما شبح ليبية في جمالهن + انتشار زواج الليبي من جنسية اخرى بذريعتين لا ثالث لها احلى وارخص كنها بضاعة مش بنادمة! من هنا البنت عندها حق تنقهر وتقول لا لليبيين هذه ردة فعل منطقية انا بنقوللكن عن قصة سمعتها من مزينة مغربية طبعا انتو مذكرين انه في فترة من الفترات طلعت موضة الزواج من مغربيات تقول لو تشوفوا تريسكم كيف مدايرين عندنا تقولوا وحدة من اثنين ليبيا ما فيها نساوين بالمرة والا نساوينهم شينات ولما جت وشافت عناق الريم عندنا استغربت من حال تريسنا برا وهم عندهم هالزين كله.انما عن نفسي قولة ليبي كفاية وعلى الرغم من انتقادي وكرهي لمثل هالتصرفات اللي تسيء لينا الا اني افضل الليبي بعلاته زوجا .

هههههههههههههههههههه يازوزو