الطيبـــــون الخبيثــــون

موضوع: الطيبـــــون الخبيثــــون 2010-10-30, 06:43

الطيبون الخبيثون

الطيبـــــون الخبيثــــون 70573f1f26da9e31da258148c045763f

حذرنا في ماسبق من الشخص المشهور بالألفاظ السيئه
وطالبنكم بعدم الرد عليهم واليوم أفتح باب الطيب الخبيث
ذلك الذي ترى كلامه كالمسك بينما تصرفاته الخبيثه خلف الظهور
تعكس مدى أنخداعك به فهولاء هم الخطر الحقيقي
لأنك تظن نفسك أمام أنسان لتجد فعل شيطان
يهز أركان قلبك الطاهر فأنتبه من معسولي الكلام والفاقدين لمبادئ أصيله
فهمهم الأيقاع بالطيبين وتشويه سمعات البشر
فالأنذال يملئون الدنيا حركات لعمل ضجيج
وتفريق صفوف أنها كفوف
حقيره وهي تكتب شر الأفعال عكس ماتنطق به من أقوال

الطيبـــــون الخبيثــــون 279909

مافهمتش موضوعك امان على شنو يحكي

موضوعي يحكي على ناس طيبون معاك ولكن في الخفاء أعداء لك وأشرار ويضمرون الشر لك
تظني أنهم طيبون ولكن في الحقيقة مظاهر خداعة يتسترون بستار الطيبة وهما أخبث عباد الله
نعطيك مثال سناء
مثلا عندك صديقة ليك تعزيها وتعطيها كل أسرارك وهيا تبادلك المثل يعني تعطيك في اسرارها وتمشو وتجو على بعضكم
لكن الصديقة هذي تظاهر أنها صديقتك المخلصة لكنها أعداء اعداءك بأن فيها لا تسترك في غيابك ولا تحفظ اسرارك بل تنشرها لكل من هب وذب
هذا هو عنوان الموضوع

الصديقة الطيبة المخلصة في نظرك ولكنها أخبث من عدوك

هما ياسناء المنافقون اللذين يظهرون مالا يبطنون
او يبطنون غير الذي يظهرون

وهؤلاء حذرنا منهم الله في كتابه العزيز

وتوعدهم الله بجهنم في الدرك الاسفل من النار
وعذابهم اشد من الكفار عند الله

مع الشكر يازوزو على الموضوع ههههههههههههههههههه

هههههههههههههههه
حسيتيني فتك
لالا
غير كتبت لكلام فيسع
لاني
بين الكمبيوتر والحوش والصغار وبوهم
يعني من هني لهني
فنجري جري
باش نلحق على كل حاجة بروحها

لكن طبعا بارك الله فيك موضوع يستحق ان يناقش
ونعرف صفات هؤلاء كما قلتي لكي نتجنب
فالمؤمن كيس فطن ولايجب ان يكون مخدوعا ولكن عليه ايضا ان يسعى لعلاج هؤلاء المرضى ويعينهم على انفسهم ولايعين الشيطان عليهم

منورة والله موضوع ممتاز

ربي يعاونك زوزو
لكن مافيش اعضاء باش ناقشو الموضوع قصدي شني نقعدو نردو على بعضنا
مها صاحبة الحوار معاش خشت
والباقي اكثرهم غياب ولا يمرور مرور الكرام ويطلعو
توا تفضالهم ام الشيماء وتوريهم هههههههههههه

منورة امان على الموضوع لانه عجبنى هلبة

وهدا الموضوع يستحق النقاش لانه في هده الايام من النادر لما تلقي صديق مخلص ولما تكونى متضايقة تحكيله كل شئ وانتى واتقة منه انه مش حيقول كلامك الى حد

توة في هدا الوقت لما تهدرزى لازم تكونى متحسبة على كل كلمة تقوليها لان معاش فيه تقة في حد انه يحفظ سرك واصبح من النوادر حفظ الاسرار امامك طيب واحكى ماعندك وبعدها هوه يمشى ولسانه يمشى

من ستر مؤمن ستره الله يوم القيام

وربي يديم الطيبين

مشكورة امان

الله يااماااااااااان موضوع جي على الجرح فهمتك توااااااا

اتصدقو سبب فسخي لخطبتي صاحبتي واخته في نفس الوقت وهيا سبب خطبتي وماكانتش اتنادي فيا اللا سنو وحبيبتي وبعدين طلعت سبحان الله شيطان على جسم انسان اول مره نتعرض لموقف هكي ربي يهديها

موضوع ممتااااااااز ويستاهل النقاش

ام ايوب كتب:: منورة امان على الموضوع لانه عجبنى هلبة

وهدا الموضوع يستحق النقاش لانه في هده الايام من النادر لما تلقي صديق مخلص ولما تكونى متضايقة تحكيله كل شئ وانتى واتقة منه انه مش حيقول كلامك الى حد

توة في هدا الوقت لما تهدرزى لازم تكونى متحسبة على كل كلمة تقوليها لان معاش فيه تقة في حد انه يحفظ سرك واصبح من النوادر حفظ الاسرار امامك طيب واحكى ماعندك وبعدها هوه يمشى ولسانه يمشى

من ستر مؤمن ستره الله يوم القيام

وربي يديم الطيبين

مشكورة امان

صدقتي يام أيوب والله ماعاد فيه ثقة حتى في أختك مش لا بال صديقتك
وإلا عنده سر يحتفظ به لنفسه وخلاص الله غالب
ممكن علامات يوم القيامة معاش فيم كتم للأسرار
مشكورة ام ايوب على ردك منورة الموضوع

sana كتب:: الله يااماااااااااان موضوع جي على الجرح فهمتك توااااااا

اتصدقو سبب فسخي لخطبتي صاحبتي واخته في نفس الوقت وهيا سبب خطبتي وماكانتش اتنادي فيا اللا سنو وحبيبتي وبعدين طلعت سبحان الله شيطان على جسم انسان اول مره نتعرض لموقف هكي ربي يهديها

موضوع ممتااااااااز ويستاهل النقاش

لاحول ولاقوة إلا بالله العلي العظيم صاحبتك كانت السبب في فسخي خطبتك بالك حاطه العين على خطيبك
خليها بينها وبين الله حاتحساب بأذن الله
وحتىأني زيك ياسناء كان خطبني واحد زمان وسبب فسخي الخطبة أنه كانت صاحبيت تنقل في الكلام بالعكس
فاضطريت أني نفسخه الخطبه لأنه طلع بوذينه قلت خلي ننقد روحي قبل لانتورط معاه بعدين
وزي ماقلتي سناء الموضوع محتاج نقاش
وهاتي من يناقش

بارك الله فيك على شعورك امان لكن صاحبتي اخت خطيبي كيف بتحط عينها على خوها انى لان مافهمتش شن صارلها ربي يهديها وكثروا الناس النوعيه هاذي في الوجه مرايه وفي القفا برايه ربي يصلح حالهم

سناء نحساب قلتي صاحبتي اسفه على الخطـأ
صار حماتك ... لاحول الله
باهي ياسناء اديري في الخير إلا مامشيتيلهم كان هذا اشبح شني دارو فيك
لكن ربي يمهل ولا يهمل ياداير يالاقي
وربي يهدي الجميع أن شاء الله
لكن احنى طلعنا على مسار الموضوع وهو كيف الشخص طيب وفي نفس الوقت خبيث
أني عندي نماذج من النوع هذا وأن شاء الله كل مانخش على الموضوع نطرح نموذج من النماذج الخبيثة

اكيد هادوا اسواء ناس
ربي يحفظنا من مكرهم

سارهمو قصدك الحموات اسوة ناس ولا الطيبات الخبيثات

آمــان كتب:: سارهمو قصدك الحموات اسوة ناس ولا الطيبات الخبيثات

لالالالالالالالالالالالالالالا
ماتفهمنيش غلط
انا نتكلم على المنافقين
الطيبات الخبيتاث

بالعكس الحموات نعتبرهم خواتي والحمد لله
لاني حتى انا حمى
واللي بيا بهم

عادي ياسارهمو حتى أني حمي
وعندي حموات وحدة منهم ياللطيف
وربي يهديهم

انا عندي 9 حموات
لكن تزوجت على طول تاني يوم سافرت
يعني مانديش بيهم احتكاك
علاقتنا احترام وبس من بعيد لبعيد

افتكيتي باش تبقي محبوبة
من البعيد لبعيد وأن شاء الله تسلمي
ويقولو فيها بعيد على العين
هين على الخاطر

مشكورة أمان على الموضوع الحساس القبم

الخبيتون ابدا لايكونوا طيبون

حتى انخدعتى فيهم لازم الله يفضحهم

المنافيقون لايستر الله عليهم ابدا وهم فى الدرك الاسفل من النار

فيه مثل يقول أعرف صديقك الف مرة وأعرف عدوك مرة

العدو معروف عدو أمامك

لكن الصديق لاتعرف ادا كان صديق فعلا ام لا الابعدة أختبارات