فيسع يا تلحقي يا ما تلحقي!!!

تذكير بمساهمة فاتح الموضوع :

بسم الله الرحمن الرحيم:
اعلن انا بالاصالة عن نفسي وبالنيابة عن جمعية (عايزة اتجوز)عن فتح باب القبول العريض للتسجيل في عضوية الجمعية التي تهدف اولاً واخيراً لتوفيراعداد كافية من العرسان بما يغطي العجز في موازنة الزواج المستحكمة منذ سنوات وذلك وفق احكام المادة 0 من قانون العازة رقم 01 الصادرسنة002 وما يتبعه من لوائح تنظيمية وذلك وفق الاشتراطات التالية:
1.ان تكون العضوة المنتسبة للجمعية حاملة لجنسية الدولة(مواطنة)
2.ان لا يقل عمرها عن 30 سنة ولا يزيد عن 90 سنة!
3.ان تكون خالية من الامراض الخاطمة والسارية والمتوطنة!
4.ان لا تكون لديها اشتراطات مسبقة عن زوج المستقبل باعتبار السوق شاحح! ويستثنى من ذلك(الخلق الحسن والدين الاسلامي)
5.ان تتعهد خطيا بالقبول بالعريس الذي ستستدرجه الجمعية( بالطرق القانونية طبعاً)لفخ الزواج المنصوب سلفا وعن سبق اصرار وترصد!
علما ان :
1.التسجيل مجاني لله في لله ويا بخت من جمع راسين في الحلال.
2.الاولوية لمديرة الجمعية بأعتبارها في واجهة الاحداث واذا تزوجت فكأنما الجميع تزوج اليس كذلك!
3.سيتم تعميم بلاغ بالبحث عن العرسان فور اكتمال النصاب القانوني لعضوية الجمعية لدى جميع مراكز البحث والتحري السرية التابعة للجمعية والمنتشرة في جميع مناطق الدولة.
4.عملية التنسيق بين العضوات والعرسان المقبوض عليهم! ستتم بسرية تامة وبشكل آلي باش ما تقولن درنا واسطة لحد وعاد انتي وحظك!احنا اللي علينا نقبضوا عالعريس الفار من وجه الزواج والحياة السعيدة ونسلموه لك وانتي تصرفي بمعرفتك وما بتاحلي في الباقي بأعتبار نبنا عنك في اخطر وادق مرحلة.
5.الجمعية غير مسئولة عن فشل اي عملية للتوفيق بين راسين بالحلال وما خصنا كان الروس تناطحن وحدتث اصابات لأحدهما حتى وان كانت بليغة وتسببت في عطل وضرر دائم.

ملاحظة جداً مهمة *
التسجيل لفترة محدودة بأعتبارالوضع متأزم والاقبال بيكون كبير وخايفة الباب ينكسر مع اني واخذة احتياطاتي وموسعته عالآخر.
تقبل عضوية المتزوجات فخريا كمستشارات باعتبار عندهن خبرة عملية .والله ولي التوفيق.

انت أحسن واحدة في المنتدي ياراجية

ام خالد مادامه عطل هلبة بننزل عليه بالشروط
يابيها يجي جيه باهية أو يطفش ماعادش يرجع

وإلا شن رأيك أنتي

زينة كتب:

مرام سجلتك بعضوية فخرية كمستشارة للجمعية ووظيفتكن باختصار في حال تم القاء القبض علي اي عريس فسنعرض عليكن المواصفات وانتن ادلن بدلوكن زي ما يقولوا يعني تقييم لمدى جودة العريس ومطابقته للمواصفات القياسية(كان يسمعوني التريس ياكلوني بقشوري تقولي نتكلم عن سلعة)سنا يا شريرة بتبلدي بيا من توا هذا والعريس ما جا ياحليلي راك تديري شي من وراي نزعل منك!حبيباتي كان غبت عنكن فلأسباب فنية حيث ان الكمبيوتر اللي عندي بيطير ومازلت ما شريت لابتوب ما حصلت بالتقسيط وكاش ما عندي لا راجل لا لابتوب حال تسخف اهيء هيء اهيء( الصور المعبرة ما عاد تظهر من بعد ما جبتوا هاديك البنية ام الشعر الاسود كلت الشاشة ماعاد باقي الصور تطلع ليه؟)

ههههههههههههههههههههههههههههههههههههه

وينك يازينة شكلك حصلتي عريس بدل اللابتوب

انا عجبتني فكرة راجية فكرتها حلوووووة .....وتوا انتظروا زينة والعضوات اللي معاهن يدلن بدلوهن ويحطن مواصفاتهن

ومواصفات العرسان المراد القبض عليهم وربي يسير ويسهل

ام خالد صح لسانك كلامك عين العقل

الاول الاول ومافيش واسطات مش تديروها حمد وحميدة

نتحشم

انى جيت



مواصفات العريس:
1. انسان ملتزم ايخاف ربي
2. مرضى الوالدين.
3. متعلم
4. اكيد بيكون يشتغل
5. عنده حوش
6. طيب ومشهود بأخلاقه


مواصفات سنون هههههههه
الحق مانحبش نوصف نفسي توا انخلي ام الشوش توصفنى ديما وصف شخص تاني لنفسك ايكون أحسن ولو في أسئله ماعنديش مشكله


وينك ياااااااااازينه وبقية البنات شكلهم حق حصلوا عرساااان وفاتوني

ههههههههههههههه علاش قلتي هكي اهاليل ان شاء الله ربي يرزقك بالراجل الى يسعدك ويهنيك يارب العالمين وكل البنات

هيا وين الباقي فيسع حطوا المواصفات

مشاشاءالله مواصفات كويسه ياسناء وهو المطلوب

وين ام الشيماء خلوا توصفها لنا ......

انا نوصف سنونة الله غالب حماتى بنطلعها احلى ملكة جمال هههههههههههههههههههههههه
بش تتجوز ونرتاح منها ويفضالى الحوش يرووووووووووووووووووووورى انزعرت توا انى
هههههههههههههههههههههههههههه






















الحق نوصقلكم سناء انى منعرفش البصارة
فى الشكل
حلوة الحق واحلى حاجة فيها عيونها هههههههههه والشعر
غبارتى سودة من سناء
تمشى تملح خلى تزعل هى اللى قالت ام الشيماء توصفنى
ومش طويلة هلبا جسمهاا ماشاء الله عليه انا ننقهر لما توقف جنبى هى هى هى هى
وعندها يدين تقول بيبي من النعومة والله نحكيلكم الحق
مش بيضاء هلبا
توا انجى لشخصيتها
اجتماعية تحب لمة العويلة
قوية
طموحة لابعد حد
انيقة ومرتبة وخصوصا لما جيت انا وصغار لليبيا كيف لعبنا فى دارها
هههههههههههههههههههههه
ذكييييييييييييييييية وهذا الشرط ميبيشى الراجل فى المراء هههههههههههه
متحبش الكذب وتصبر هلبا لكن عندها حد بس
وتحب تقراء
وماعندهاش الوقت الفاضى وقتها كلها منسق فى القراية
تلبس مقاس 40 هلبا
والكندرة 38

اه نسيت ماقلتلهمش على البتات تسعة شناطى ههههههههههههههههههههه
احساسى الشنطة العاشرة بيجيبها العريس والله اعلم

شكلى طلعت من الموضوع ولا شنو
ههههههههههههههههههههههههههههههههههههههههه

ههههههههههههههه الله يسترك ام الشوش زي ماسترتيني هههههههههههههه
9 شناطي صار ههههههههههههه


الله ايبارك فيك ام خالد وفي دعواتك ولكي المثل باذن الله

مازال الورغانات ماقلتش عليهم وشناطى اللى فى الدار النوم انسيتهم هههههههههههههههههههههه
انزيد
هههههههههههههه
هههههههههههههه

شكّار العروسة أمها وخالتها و10 من قبيلتها
اسمعوا اني بطلت معادش بنلعب معاكم
وانتي ياسناء دقيتك علي خاطر اني اكبر منك وبتفوتيني


آهو حتي عيوني زغللوا بنبكي

اهاليل كتب:

شكّار العروسة أمها وخالتها و10 من قبيلتها

باش تعرفي بس بري دخلي مرة خوك المنتدى

اسمعوا اني بطلت معادش بنلعب معاكم

كل شي ولا هكي اهاليل نصيب حد مكتوب من ربي مادخلش الوصف والناس فيه لو انتى تطلعي انى نطلع


وانتي ياسناء دقيتك علي خاطر اني اكبر منك وبتفوتيني

لا عاش ولا كان اللى ايفوتك انتى الاصل وخلاص ياشيموات الاكبر سنا هما اللى ليهم الاولوية وبعدين انتى كم عمرك؟



آهو حتي عيوني زغللوا بنبكي

كل شي ولا زعلك يهونو الرجاله والعرسان وماتهونش دمعة عيونك