تعدد الزوجات

موضوع: تعدد الزوجات 2011-11-11, 10:04

تعدد الزوجات ....... شنو رايكم في هالموضوع نحس فيه مهم مناقشته شنو ايجابياته وسلبياته ؟ هل المراة تشجع زوجها على التعدد او لا؟ هل من الاول المفروض الزوج يعدد او حتى بعد فترة او بعد المراة مايركبها ستين مرض ؟قعدنا محتارين خاصة في الوقت هدا بعد ما فقدنا عدد كبير من شبابنا الله يرحمهم بالله ناقشوه بجديات 20120

موضوع: رد: تعدد الزوجات 2011-11-11, 22:27

وينكم يا بنات ما حدش يبي يناقش والا كيف ;lksde

موضوع: رد: تعدد الزوجات 2011-11-12, 01:55

اكيد موضوع قابل للنقاش اريام... والاكثر الاخوات المتزوجات
قوليلي حضرتك متزوجة؟؟؟
انا ليا عودة للنقاش 021

موضوع: رد: تعدد الزوجات 2011-11-12, 02:50

اي متزوجة وجايني تفكير اني نقنع زوجي بانه يعدد لانه رافض الفكرة بس اني يجيني تفكير انه هلبة شباب ضحوا بحياتهم ليش ما نضحيش علشان نستر 3 بنات معاي وربك يستر الجميع o lkm

موضوع: رد: تعدد الزوجات 2011-11-12, 05:54

موضوع مهم يأريام بارك الله فيك وجزاك الله خير الجزاء والله حتى أنى فكرت فى الموضوع من زمان لما كلمتنى أخت فى الله وقالتلى واجعنى حال هلبة بنات خاتمات لكتاب الله واكويسات لكن فاتو الثلاثين وما جاهمش النصيب وشن رايك نقنعو أزواجنا ونبدو بهالسنة بالك نربحو الثواب العظيم ووكان كل وحدة تشد زوجها ما نساهموش فى إنقاذ هلبة بنات ولكن والله العظيم تكلمت معاه فقالى الرجال انواع اللى ربى يوفقه نفسيا وماديا هنئا ليه لكن انى ما نقدرش وعاد بعد الثورة والله العظيم حسيت بكل الأخوات اللى دفعت بزوجها ولا خوها فى سبيل وطنها اللى هو وطننا كلنا وعاودت الموضوع لكن وربى فوق منى وشاهد عليا مع انى نعرف انها صعبة لكن لما نفكر ان لا زوجى ولا اى رجل فى الدنيا هو افضل من سيد الخلق محمد صلى الله عليه وسلم ولا انا ولا اى امرأة فى الكون هى افضل من امهات المسلمين مازلت نحاول نقنعه على الأقل لو مت انكون متهنية عليه وعلى صغارى وربى يقدرنا على طاعته وفعل كل ما يرضيه عنا اللهم آمين

موضوع: رد: تعدد الزوجات 2011-11-12, 08:25

موضوع مهم جدا يا اريام تشكري عليه

اني مستحيل تفكري اني نقول ضد تعدد الزوجات لان الله عز وجل حلل هذا الامر فاني مش من حقي اني نرفض ابدا

لكن لي تواء راجلي يقولي ما نفكرش في الموضوع هذا ابدا وفي الجديد الله اعلم شن يقوله تفكيره

صدقتي يا ام محمد اني مش احسن من امهات المؤمنين

موضوع: رد: تعدد الزوجات 2011-11-12, 09:51

ماشاء الله عليكم k km

موضوع: رد: تعدد الزوجات 2011-11-12, 10:26

صدقتى أم محمد أحنا مش أفضل من أمهات المسلمين ولابنات الرسول صلى الله عليه وسلم

واللى قدموا أرواحهم ودمائهم لهذا الوطن مش خير منا

هوبس الموضوع أجتماعيا مش مقبول كثيرا

اللى يجد نفسه عند القدرةعلى الزواج والعدل ليش لا

وما أمراءة كلت أمراءة

موضوع: رد: تعدد الزوجات 2011-11-12, 22:41

والله قريت الموضوع جتنى غصة فى قلبى

مش عارفة علاش انا نفكر فى الموضوع زيكم لكن خايفة هلباااااااااااااااااااااااااا

حى عليا تسمعنى سنونة من كثر ماتحب خوها غلطت وحبتنى انا

لكن بجد والله ماشاء الله عليكم وعلى تفكيركم والله نورتو حراير ليبيا بالتفكير هذا لو 10 فى المية يفكر هذا التفكير

مش عارفة شنو انقوللكم

لكن منقدرش الحق انا مجربة المرة بو متفكرونيش نموت ويقعدو عند عزوزتى او امى لكن مرت بو لا صعبة انى نلقاها لكن بعد الثورة والانجازات اللى كانت متخبية عادمها الطاغى كل شئ وارد

لى عودة نعصر دماغى

موضوع: رد: تعدد الزوجات 2011-11-13, 07:09

بصراحة تفكير مستنير وله أبعاد في الخير ما شاء الله
عليكم أخواتي, بصراحة تفكير ووعي لم أصل إليه بعد لأكون صريحة معكم, لعدة
أسباب, أولا التعدد يحتاج لقدرة مادية من الزوج صح؟, وثانيا قدرة نفسية من
الزوجة أيضا, هذا الموضوع بصراحة في كلمة عبد الجليل لاعلان التحرير شعرت
وكأنه يرد أن يفتح الموضوع ولكن اعتمد على نباهة المستمعين له, فعلا
البلاد فقدت الكثير من شبابها وأنا ناقشت هذا الموضوع مع زوجي ولكن ليس
لأقنعه بالزواج أبدا هههههههههه ولكن فعلا المشكلة كبيرة وفوق مشكله
الفتيات الآتي لم يتزوجن وهن والله ما شاء الله عليهن جاءت مشكلة الزوجات
الأرامل وأيضا الفتيات اللاتي فقدن من خطبهن............

لكن أعتقد كما قالت أم الشيماء لو أن جزء ولو عشرة بالمية فكرن مثلكن أعتقد أن االبلاد ستكون بخير ان شاء الله

موضوع شائق, أنتظر باقي الردود وبقية النقاش فيه

موضوع: رد: تعدد الزوجات 2011-11-13, 19:59

بارك الله فيكم على النقاش بس اني نقول انه حاليا الشباب اللي يبي يتزوج المفروض يعدد من الاول والدولة تساعدهم في فتح اربع بيوت طبعا مع العلم ان تكون الزوجات من اعمار مختلفة والاولى للعمرهم اكبر وبعدين والله حتى عددنا يزيد لاننا عددنا من يوم صرت هو نفسه يترواح بين 5 الى 7 مليون ويارب يقوي سعد بناتنا وشبابنا ويرزقهم ذرية صالحة قولو امين
o lkm

موضوع: رد: تعدد الزوجات 2011-11-23, 05:06

ايوة وصل الموضوع للمنتدى والله ربي يكملكم بعقولكم وماشاء الله عليكم بصراحة يا اريام وام محمد نتمنى انكون زيكم بس للاسف مع اني حاسة بيهم اخواتي لان عندي العمة والخالة والاقارب لكن اني نقول لزوجي مستحيل اني عارفة انه شرع ربي واحنى مش احسن من زوجات الرسول لكن اني منقدرش يمكن انانية بس هذا واقعي اني مستحيل نتقبله الموضوع هذا والله اعلم شن كاتبلنا و بالرغم ان زوجي مش مفكر بيه بكل من قبل وزاده تجارب صارت في عائلته ونرجع وانقول ربي يبارك فيكم ويكثر من امثالكم ويهدينا للي فيه خير لنا ان شاء الله

موضوع: رد: تعدد الزوجات 2011-11-23, 07:27

انى مش ضد تعدد الزوجات نهائى وانى قبل كنت انقوله لو تفكر تتزوج مرة تانية مستحيل نعرضلك ونوقعلك طول

لكن نكون صريحة معاكم عمرى ما شجعته وقتله هيا تزوج وحدة تانية واكسب اجرها هوه كان يقولى ليش نفكر ناخد وحدة تانية وانى مرتاح

لكن شكلكم بتخلونى نفكر ونقوله اهو اندير اللى عليا

اريام مشكورة على الطرح المميز خليتينا نعرفو افكار بعض

موضوع: رد: تعدد الزوجات 2011-11-23, 07:30

اسمعو لكن حتى كان نبيه ياخد مش اربعة وحدة تانية ممكن لكن اربعة نحسهم هلبة يا ودى اربعة صعب

موضوع: رد: تعدد الزوجات 2011-11-24, 21:03

مشكورات على الاراء المتنوعة وين الباقي ما عرفناش ارائهم في الموضوع o lkm

موضوع: رد: تعدد الزوجات 2011-11-25, 20:22

علي قد ماعندي قوه اراده وعزيمه والحمدلله ربيت نفسي بنفسي .....ومش احسن من امهات المؤمنين

بس الموضوع اهوا صعب جدااااا

ممكن نطلق وهو يتزوج اوكي بس انه اتجيني ضره هذي مااعتقدش نقدر نتحملها وخصوصا

في تجارب سابقه في العائله ومشاااااكل وااااجده

وخلونا واقعيين تي هو السلفه ومرات ايسير في مشاكل مش اتجي وحده من برا

والله اعلم شن عقليتها وبدل ماتعمر بيت انخربوا بيوت

شرع الله ولا اعتراض عليه ...ةلكن حتي الطلاق شرع الله

مش كل حلال محبب الي الله

زي ماالطلاق ابغض الحلال

وجهه نظر وراي شخصي يخصني انا بس وليس تعميم

موضوع: رد: تعدد الزوجات 2011-12-26, 14:57

لا لا لا أنا ضد فكرة تعدد الزوجات لان صغار وين بنديرهم والله صعبة لان لم تجربوها أنشاء الله مايوريكم هذا شي lku

:

موضوع: رد: تعدد الزوجات 2011-12-26, 21:00

فعلا يإكرام المشكلة متعددة تصورى انى هدرزت هلبة مع زوجى على الموضوع بس نبى نفهم علاش النساوين عندهم مشكلة وبالفعل كان زى ما قالى زوجى تصورى قالى انت شوفى الرجالة فى هذه يقولك نبى نطبق السنة خلاص يعنى هو التزم بشرع الله ووالله تلقيهم أكثرهم طبعا حتى صلاته مش محافظ عليها وقالى الحمد لله هو الواحد غر يتقى الله فى أهل بيته ويحاول ما يخليهم ناقصهم شى وفى وحدة أحكتلى على قريبتها كانت متدينة وتخاف ربى وتحفظ فى القرآن مشى شدت فى راجلها باش تستر أختها المسلمة وهى طبعا صاحبتها وتحفظ معاها فى القرآن وبعد جهد جهيد أقنعت زوجها وخذاها وسكنت معاها فى دار فى الشقة وهذا طبعا متفقين فيه وهى ووليداتها الزوز خدت دار تانية وبعد أسبوعين بس قالت العروسة لراجلها لازم تلزها وبنعيش بروحى فى الحوش وفعلا طلق الأولى علشان عيون التانية وحسبى الله ونعم الوكيل ولما حكيتها لزوجى قالى شفتى من قالك ان النساوين كلهم يفكرو زيك وهنى المشكلة مع انه رافض تماما الفكرة ويقول هذا النصيب من ربى وحتى لو ربى ما رزقش الإنسان صغار أو مرضت مرته كلها أشياء فيد ربى واللى يصبر ينال فما بالك ببنادم ما عنداش مشاكل بفضل ربى علاش يخرب بيته بيده واللى فيها الخيرة ربى يأتى بها لكل من يخافه ويخشاه اللهم إجعلنا منهم اللهم آمين

موضوع: رد: تعدد الزوجات 2011-12-27, 06:06

ياعيني عليك يااريام وبارك الله فيك بصراحة انا ما نقدرش انقولك مش مقتنعة لا والله لان موضوع جدي ونزل فيه كتاب الله

لكن ياحنة مانكذبش عليك نالقانننننننننننننننننني ماقدرت عليه مجرد نسمع ها لطاري تو لع فيه حراره

داخلية وخارجيه بعيد عنك وياربي ايخليلي راجلي ويخليني له نشهد بالله صعيبه ههههههههههههههه

ولكي منى كل التقدير تقبلي مروري ياغاليه

موضوع: رد: تعدد الزوجات 2012-01-03, 20:59

هي صعبة زي ما قلتوا بس احنا كيف يبي يزيد عددنا ادا كان الجيل الجديد ما يبيش يكتر الصغار كل وحدة تبي اكتر شي4+او _2

هو المفروض من الاول الشاب اللي يبي يتزوج يعقد على اربعة من الاول وبعدين الدولة تساعدهم بالسكن ومعاش لكل بيت حتى ربي يبارك فينا ويزيد عددنا كان هدا الافارقة ياكلونا ماكلة والا كيف الراي

موضوع: رد: تعدد الزوجات 2012-01-03, 21:07

أول أمس سمعت برنامج فى ليبيا الحرة يقول إن نسبة الخصوبة فى ليبيا متدنية وأن النيجر عدد سكانها توة 28 ضعف عدد سكان ليبيا يعنى زى ما قلتى يأريام أن شاء الله ما ياكلونا ههههههههههههه وقال فى 85 كان لكل سيدة 7 أطفال ولكن فى عام 2000 بدت لكل سيدة 3 أطفال وهكذا النسبة فى تناقص والله المستعان والمفروض نزوجو صغارنا بكرى ونشجعوهم على كثرة الإنجاب وحتى نساعدوهم فى التربية مدامنا نقدرو وربى يحفظ بلادنا ويبارك فى نساوينا ورجالتنا وصغارنا اللهم آمين

موضوع: رد: تعدد الزوجات 2012-02-19, 05:22

والله لان المجتمع اللى عشنا فيه ديمة مدير الزوجة التانية غولة هدى ثقاففة المجتمع والرجل الليبى بصراحة هو حوشة مش قادر عليه من جميع النواحى علاش لان من صغرة مربى على الشقى

بصراحة عايشة فى خليط من الثقفات خواتى حمواتى خواتى العيالة كلها على راس المرا ة

ديمة انقول ايطبقو السنة فى كل شى مش التعدد بس

موضوع: رد: تعدد الزوجات 2012-02-19, 10:26

انا مع التعدد زي ماشرع الله لكن ماتنسيش ياريام انه ربي حلل التعدد لكن ماحبذاش ففي الاية الكريمة بمعنى الاية ان لاتعولوا لان كثرة الزوجات معناها بيزيد على جهد الراجل بصراحة الراجل اللي مستريح ومرته صحيحة وعنده صغار الاولى انه يهتم بهالاسرة والبنيات اللي كبروا يفترض ان معادش الاسر الليبية تشد بناتها على المسلمين من جنسيات اخرى زي مصر او تونس وان شاء الله حتى اجنبي والمهم مسلم هذا رائيي 20120

» الرياضيات و تعدد الزوجات ـ حسبة مقنعة وطريفة‏
» ماليزيا تحظر كتابا يشجع تعدد الزوجات
» ادوات فاشله تستخدمها الزوجات
» تدخين الازواج قد يصيب الزوجات بالعقم
» أسوأ سبعة أخطاء ترتكبها الزوجات