السوييييييسرووووووووووووول

السلام عليكم.............................
طريقة السويسرول:
5 بيضات+كوب سكر+فانيليا+ملعقة كبيرة خل تفاح+كوب ممسوح وملعقة كبيرة دقيق (لازم نفس المقدار ايكون الدقيق ماتزيديش عليه)+ملعقة كبيرة بيكنج باودر
الطريقة:
تحطي البيض والفانيليا وتضربي بالمضرب وتبقي تضربي تضربي تضربي تضربي تضربي تضربي تضربي لعننننننننننند ما يتضاعف حجم البيض ويعبي البوول اللي انتي حاطه فيه بعدها اتضيفي السكر وتستمري فالضرب بعدها الخل وتضربي تضربي في صونية اخري تنخلي الدقيق والبيكنج باودر وتخلطيهم بملعقة وبعدين تحطيهم في منتصف الخليط وطبعا تضربي الخليط اكويس قبل ما اتظيفي الدقيق وبملعقة خشبية حركي بهدووووووووووووووووووووء علشان ماتطلعيش الهواء من الكيك ومش لازم يتخلط الدقيق كله انتي حركي حركات دائرية وبكل خفه بعدين اتكوني امجهزة طاجين مربع خاص بالسويسرول بس لو عندك طاجين كوشة الضي تقدري تستخدميه عموما تدهني الطاجين بزيت وفير واتحطي ورق زبده طبعا كل حاجه عندي لها بديل ههههههههههههههه لو ماعندكش ورق زبدة ممكن تاخدي ورق السحب العادي او ورق طلب وتدهنية جوا الطاتجين ولازم ايكون معبي زيت علشان الكيك ماتلصق واتكون حواف الاوراق مرفوعة علشان اتشيليها واتحطي الكيك في الوررق بشوية تواسية بالملعقة الخشبية وبعدها اتكوني قبلها امولعه الفرن من فوق وتحت واتاخليها لمدة عشر دقايق مش اكثر علي طووووول اتطلعيه من الفرن ايكون لونه ذهبي او ابيض واول ما اتطلعيه خلي حد ايساعدك او بروحك طلعية من الطاجين بالورق حطيه علي الرخام او في صفرة وبعدها كيف ماتحبي تحشية احشية كريم شانتية او شوكولاته او مربي كيف ماتحبي بس نحنا انديرو فيها بالكريم روعه عموما اتحطي من الكريم وتدهنية بعدين تبدي اتلفي واثناء ماتلفي اتشيلي الورق يعني نلف ونفصل الورقه بالسكين اتحولي الكيك من الورق بشويييييييييييييييش وتضغطي عالكيك علشان يبقي منظرها حلو ومتناسق بعدها ادهنيها من برا بالكريم ورشي لوز محمر ومهروس وخليها فالثلاجه تبرد وقدميها وبالهناء علي فكرة ممكن اتكون الطريقه طويله واتحسيها صعبة بس لما اتديريها هتلقيها سااااااااااااااهله ومسرع ماتتعود يدك عليها المهم ان المقادير اتكون صحيحه وطريقة تحريكك للدقيق خفيفة بيش ما يطلعش الهواء وطبعا تقدري تستخدمي الكيك بروحه اتديري بيه سفير لانه هيكون اسفنجي وخفيف انا والله حاولت اني انديره بالصور لكن ماصارتش فرصة بس والله هنحاول انديره قريب واننزلكم الصور بس ماتخافوش الطريقه مضمونه ان شاء الله وحتي عطيتها لصحبتي وجرباته حاجه ثانية مهمة نوعية البيكنج باودر مهمه في بيكنج باودر اسمه جورج هذا ماننصحكش بيه واجد لانه ما ينفجش اكويس جربي زوزو او أي نوعية اخري انتي تثقي فيها واسفه طولت عليكم هههههههههههههههه انحب الدوة وانحب نعطي الطريقه بأدق التفاصيل ههههههههه ان شاء الله يعجبكم وينجح معاكم واللي اتجربه اتقوللي سلاااااااااااااااااااااااااااااام

ان شاء الله انديرها

بارك الله فيك شرح فوق من العادى بجديات منستحقش انزيد نسألك حتى قبل بنكتيب لك وين الصورة لكن الشرح وافى وفى الاخير انقولك مكثر دوتك هههههههههههههههههههههههههه

انا فرحانه فى منو يونس فيا فى المنتدى بدوى انت وفراشة وانا طبعا

حتى ولدى لما نهدرز معا بوه يقولى ماما راسى يوجع فيا هههههههههههههههههههههههههه

لى عودة بالكيكة ان شاء الله

ههههههههههههههههه ماعندكش مشكلة ان شاء الله تعجبكم بس

مشكورة البتول تعرفي انى مجرب قبل تلاتة طريفات للسويسرول وميجينيش كويس

لكن ان شاء الله انجرب طريقتك لكن الخل ضرورى خل التفاح انى الخل اللى عندى مكتوب عليه خل المائدة يمشى حاله والا ضروري نشرى خل التفاح


تو انجربها ونقولك على النتيجة

والله يا أم ايوب مش امجربة خل عادي بس هيا الطريقه خل تفاح

مشكوره أختى على الطريقه أنشاء الله نجربه ونقولك

تسلمييييي على الطريقه ان شاء الله نجربه

بارك الله فيك ان شاء الله انديره المدة الجاية