شتاوات جدد

موضوع: شتاوات جدد 2012-02-13, 00:47

** يالقديم تعال تفقد ماتطلق نار وتسقد يالقديم تعال تفقد

** يالقديم رحات أيامي تطحن في عمري قدامي يالقديم رحات أيامي

** اترك صوب قديم وهمه دير جديد إحرقله دمه اترك صوب قديم وهمه

** يالقديم جديدي درته من دمك ماكر فيك انت يالقديم جديدي درته

** اقدم خطاهم صار وفض اللي ينشدكن قولن حظ اقدم خطاهم صار وفض

** إسموحي يالقديم انساه اللي ايسامح في الناس الله اسموحي يالقديم انساه

** فيه عرب تنسا في الخير بعد تشرب تردم في البير وفيه عرب تنسى في الخير

** يربح كان قديمي عدا ماملي قاعد يجدا يربح كان قديمي عدا

** العين انقوللها واتقول قديم ملكني عرض وطول العين انقوللها واتقول

** عيني كان بكت خلوها تذكر في اللي خانوها عيني كان بكت خلوها

** فيه الحن جديد لقينا لين انفض عليه رمينا فيه الحن جديد لقينا

** موش امغير حسوفه نقه في ايد الغير عزيز اتحقه موش امغير حسوفه نقه

** يالقسام تعلمتنها كي نكرب رمه ترخنها يالقسام تعلمتنها

** خوذ كلام أبتر واقصير يالقديم انك متغير خوذ كلام ابتر واقصير

** حط علي زماني حطه لطه في جرتها لطه حط علي زماني حطه

**استحركت القسوة في ليد عرفتك ياهوَاي جديد استحركت القسوة في ليد

** ماحتى عالنوم انعدل يابال الهوَاي تبدل ماحتى ع النوم انعدل

** حلال اعدامك يامرهون امغير الصوب بلا قانون حلال اعدمك يامرهون

**منك يامرهون اجروحي غالب واموحل في روحي منك يامرهون اجروحي

** غلا درته قبل انداريه الياس لعب فيا لعب فيه غلا درته قبل انداريه

**ياسي وياسك خوت رضاعه إلا ياسي واعر في أطباعه ياسي وياسك خوت رضاعه

** انا والياس رفاقه دوم اتقول خلقنا ربي توم انا والياس رفاقه دوم

**شيخ الياس قتلته بإيدي القيت ضناه ايقولو سيدي شيخ الياس قتلته بإيدي

** الدنيا يالاعزاز ابخوت اتفرق حتى بين الخوت الدنيا يالاعزاز ابخوت

**من مر الحنظل نسقيها عيني كان نست غاليها من مر الحنظل نسقيها

موضوع: رد: شتاوات جدد 2012-02-13, 05:39

موضوع: رد: شتاوات جدد 2012-02-13, 09:42

شينك ياس علي امرسي.....قبل ايموت ضناه اموصي

موضوع: رد: شتاوات جدد 2012-02-13, 19:38

نقرا فيهم لخويا الصغير وقعد يضحك

جو بس صحيتي عليهم