الى أخواتى اللى حابه تسأل عن عضوه

تذكير بمساهمة فاتح الموضوع :

السلام عليكم اخواتى

اخواتى فى الله هذا الموضوع مخصص لسؤال عن عضوه غائبة عن المنتدى
كلنا اسرة واحدة ونتمنى من الاعضاء اخبارنا عند التغيب عن المنتدى
حتى لاننشغل عنها اكثر

للاداره والمشرفات لها الحق في حذف أو تعديل أي من الردود أو المواضيع المخالفة للقوانين

نلتقى لنرتقى اخواتى

الشكر والتقدير لكم على حسن تعاونكم

ومع تمنياتي لكم بالتوفيق الدائم

دمتم في حفظ الرحمن

قمت بدمج المواضيع السابقة فى قسم التهانى والترحيب

اهلين وشكرا على السؤال ان شاء الله ما تفقدو غالى

امان انى خفت على شقتى خفتك تخنبيها حقة روحت نجرى هههههههههههههه

حمد لله على السلامة ام أيوب

هههههههههههههههههههه ام ايوب تي فسدتي عليه الخطة هههههههههههه
اسمعي امتى بتمشي مرة ثانية هههههههههههههههه

المهم الحمد لله على سلامتك وسلامة زوجك

أم خالد منورة وخيتي صحيتي ومشكورة هلبه

زوزو طولت الباين مازال مريضة الى أخواتى اللى حابه تسأل عن عضوه - صفحة 20 398232

الى أخواتى اللى حابه تسأل عن عضوه - صفحة 20 477185

زوزو وينك

الله يسلمكم يا ام خالد وامان

امان لما بيسافر راجلى مرة تانية معاش بنطلع من شقتى بنخاف عليها باهى وقضتينى

وخيرها زوزو لاباس عليها حقة مريضة

زوزو مريضة ياام ايوب تأخذ في دواء ايفشل فيها متع حساسية ربي يشفيها ويعافيها
وبعدين اصلا بنقعمز في البلكونة بنشوفك امتي تطلعي زي جيرانكم الا في جنبكم واحد في جنبك يفنص واحد فوق منك يراقب هههههههههههههه مسكينة ام ايوب

وينكم صفحة المنتدى ملخبطة عندي....عندي انا والا حتى انتو نفس الشيء؟؟؟؟ الى أخواتى اللى حابه تسأل عن عضوه - صفحة 20 90459

سلامتك يا زوزو ان شاء الله بالشفاء العاجل

مسكينه اوخيتي ام ايوب مصخفتيني من جارتك القصقاصه

السلام على أحلى أخوات

كل عام وانتم بخي ر بمناسبة حلول سنة 2011

اللهم أجعلها سنة خير وتقوى للجميع

شكرا لكل من سال عليا كان النت عندى واقف

الف لاباس عليك زوزو

كيفك أمان وكيفك أم خالد

أم خالد انشاء الله سنة 2011سنة خير عليك وانشاء الله تشوفى فيها أهلك يارب زى مادعينا لمرام وام الشبماء والحمد لله جوا ليبيا

السنة هدة خاصة لى أم خالد بالدعاء يارب تسافرى لاهلك وتشوفيهم وتطمنى عليهم

بالنسبة لمرام حالها كويس بس ماعندهاش نت

بالنسبة لام الشيماء مسكينة وأخدة بردة لين صوتها متغير لكن مبسوطة هلبة وتدهور

والحمد لله على لم الشمل والعقبة لام خالد يارب

ولكم تحياتى وأحر أشواقى

منورة أم مآب وآنستينا وآنستي المنتدى والحمد لله على سلامتك باهي إلا صلحتي النت
المنتدى راقد رقدت عدوك نص العضوات هربو مع ام الشمياء شكلهم مشو يستقبلو فيها في المطار خخخخخ

حبوبة باهي باهي أني قصقاصة أني نعس على حوش ام ايوب باش مايجيش خانب يخنبه هههههههههههه

نورتينا ام مآب وكل العام والجميع بألف خير بمناسبة السنة الجديدة

اهللللللللللين ام ماب نورتينا ومشكورة على الاخيار وطمنتينا على مرام وم الشيماء...وكل العام والجميع بخير وسنة خير على الجميع ان شاء الله

لا باس على أم الشيماء وعلى وزوزو ربى يشفيهما وكل مرضى المسلمين وبارك الله فيك يأم مآب والله العظيم ندعى من وسط قلبى لأم خالد تشوف أهلها وتوة لما قريت مشاركتك فرحت وحسيت اننا فعلا أخوات فى الله ربى يديم المحبة بين كل العضوات وهذه أقل حاجة نفدرو انديروها لبعض وهى الإحساس ببعض والدعاء لبعض ربى ينول كل وحدة ما فى بالها اللهم آمين

ان شاء الله ربي يشفيهم ويرجعولنا بالسلامة

ام خالد ان شاءالله تنفك غربتك حتى انتى والعقبال عندك لما تزورى اهلك يارب وان شاء الله ديمة بندعيلك انك تشوفي اهلك عن قريب

ام محمد هما كلهم غابو ومعاش لا خشو ولا طمنونا عليهم
بالنسبة الى ام الحلوين كانت في ليبيا الفترة الماضية ومنعرفش روحت او قاعدة

واحلام شكلها بنتها خدت كل وقتها ويبال توة اختها اهنى وهيا توة اكيد توتى لعزومة ام الشيماء عازمتها عندها في مصراتة نهاية الاسبوع

صحيتى يأم أيوب الله يبارك فيك
ونسيت بنسأل على الشرقية مش تقريبا حماتك ولا حماة حبوبة ؟ حتى هى ما عادش بانت ان شاء الله خير

ان شاء الله يا ام خالد تزوري اهلك في هذه السنه وتشبعي منهم يا رب

ام الحلويين الحمد لله على السلامه وين هالغيبه كلها الفتره لي فاتت كنتي في ليبيا

والله اني شخصيا فقدتك الصراحه لانك تعرفي معزتك عندي

أم مآب حق يبوها الجريده الخضراء هههههههههههه
لكن معليش خلي اتجي ام الشيماء وبعدين ساهل الى أخواتى اللى حابه تسأل عن عضوه - صفحة 20 962822

شكرا يا ام الحلوين المهم رجعتي توا اتصفحي بالشويه عليك لكن اسمك نبوه ديمه موجود

السلام عليكم ياحلوين

كيف اخباركم شن حالكم وحشتوني هلبة

اشكركم جميعا وكل الي سأل عليا وبعتلي السلام او الدعاء جزاكم الله خيرا
مايحرمنيش منكم يارب

واهلا باللي كانوا غايبين ام محمد وام الحلوين مرحبتين بيكم

وكل من نشد عليا نقولا
جزاك الله خيرا وجعله في ميزان حسناتكم

احبكم في الله

الحمد لله على سلامتك يا زوزو نورتي المنتدى وان شاء الله حالك توا احسن طهور ان شاء الله

ام الحلويين كان فكرتي تغيبي مره تانيه بنبعتلك امان تهيج فيك بالجريده امتعها

وعلى فكره اني قاعده خفاش المنتدى زي ما سميتيني ما تغير شئ بعدك وكل ما نخش في الليل نتفكرك ههههههههههه

هالايام هذه معش خشت راجية العفو واريام وزينه ورنا وينهم يا ترى الى أخواتى اللى حابه تسأل عن عضوه - صفحة 20 788201

حبوبه كتب:: الحمد لله على سلامتك يا زوزو نورتي المنتدى وان شاء الله حالك توا احسن طهور ان شاء الله

مشكورة حبوبة المنتدى الله يسلمك المنتدى منور بيكم

اشتقتلكم هلبة

جزاك الله خيرا

وانت زهرة المنتدى مش خفاش المنتدى

خيرها راجية تنشدي عليها من امتى ما خشتش
ممكن تكون سافرت والا شنو ربي يطمنا عليها

زوزو يا زوزو فييييييييينك؟؟؟ انستينا وان شاء الله لاباس؟؟؟ وينه هالغيبة

ههههههههههههه يا زوزو شكلي اني مش خفاش المنتدى اني حارس المنتدى لاني بروحي في المنتدى في الليل انهيج لين مرات نخاف تجيني الغوله ههههههههههههههه

تستاحشك العافيه ان شاء الله كيف صرتي توا ان شاء الله احسن

راجيه نحس فيها هاليومين غطست معش خشت وين بتسافر هي في ليبيا والا لا

لالا يا حبوبة فكينا منها الجريدة وكل يوم تلقيني قبلك ان شاء الله يا خفاش الليل لالا يا حبوبة

» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الي كل عضوه
» عضوه جديده هل من مرحب
» لنتواصوا بالحق أخواتى