الى أخواتى اللى حابه تسأل عن عضوه

تذكير بمساهمة فاتح الموضوع :

السلام عليكم اخواتى

اخواتى فى الله هذا الموضوع مخصص لسؤال عن عضوه غائبة عن المنتدى
كلنا اسرة واحدة ونتمنى من الاعضاء اخبارنا عند التغيب عن المنتدى
حتى لاننشغل عنها اكثر

للاداره والمشرفات لها الحق في حذف أو تعديل أي من الردود أو المواضيع المخالفة للقوانين

نلتقى لنرتقى اخواتى

الشكر والتقدير لكم على حسن تعاونكم

ومع تمنياتي لكم بالتوفيق الدائم

دمتم في حفظ الرحمن

قمت بدمج المواضيع السابقة فى قسم التهانى والترحيب

مرام امورها كويسة والحمد لله تقريبا ان نت عندها ضعييف وصفحة تقيلة

وام ماب بسبب الارضي حتي هيا من نت تقريبا هي فهمتني ام ايوب يومها

وام ايوب الله اعلم

ان شاء الله خير

وسناء حتي هيا من نت الارضي مفصول ماعندهاش نت

وربي يطمنا علي يقية العضوات ان شاء الله

السلام عليكم ورحمة الله وبركاته

كيف حالكم يا أخواتى ومشكورة لكل من سأل عليا

كانت عندى مشكلة التلفون الارضى عاطل بسبب البرق القوى أنضرب الكابل متاع المنطقة كلها

وماشيين جايين على البريد ومافيش فايدة

لكن أخيرا الحمد لله جى النت

والله ليكم وحشة وكل عام وانتم بخير

نورتى يأم مآب والحمد لله على تصليح تلفونك وان شاء معادش يعطل وكل عام وانت وكل الأخوات بخير

الى أخواتى اللى حابه تسأل عن عضوه - صفحة 25 808795

الله يسلمك يا ام محمد والله ليك وحشة كيفك انتى والعويلة

والله المنتدى بيتنا الثانى ولما نغيب نستاحش فيكم كلكم

سبب الغياب ديمة يكون من العطل خارج أرادتنا

سبحان الله والله القلوب عند بعضها ربى يجعل محبتنا خالصة فيه سبحانه وتعالى وربى ما يغيبك والله وين ما نخش ونلقى هلبة اسماء اتعودنا عليها غايبة وليها هلبة ما خشتش انحس المنتدى نااااااااااااااااقص وفعلا زى ما قلتى المنتدى بيتنا الثانى ان شاء الله ديما ملمومين وما منا مفقود اللهم آمين

بالله عليكم بنسأل على آمان والله مخلية مكانها ربى ما يغيبها وأم أيوب هما الإثنيت ماعادش بانو ان شاء الله خير

امان سافرت

وبيلا عندها عرس ولد عمها

وام ايوب تلفونها عاطل

الى أخواتى اللى حابه تسأل عن عضوه - صفحة 25 457155

الله يبارك قيك يأم الشيماء وان شاء يرجعو فى أقرب وقت وهما فى أحسن حال اللهم آمين

أمان ان شاء الله ترجع بالسلامة وبيلا مبارك على ولد عمها والعقبال ليها وأم أيوب ان شاء الله يتصلح تليفونها

أم الشيماء نبى نسأل على زوزو شن أخبارها ؟؟؟؟؟

الله اعلم خيرها زوزو لكن فى ايام الثورة قالت لى تعبانة نفسيتها وقالت والله مانرقد الا بالدواء وبعدها معادش خشت لكن فى مرة وحدة القيتها فاتحة الياهو وسكرت الله اعلم شنو صاير ان شاء الله خير

أن شاء الله خير ويعودوا كل الغائبات

هو الحمد لله معظمهم رجعوا

ام الحلوييين وييييييييييييييييييييييييينك هذا كله وحم والا شني

ام شوشو خيره صاحبتك معش تخش شني تعركتي معاها والا خيرها لان انتي الايام هذه ما فيكش تقه قلتي ديمه وانتي تكي فيها

ههههههههههههههههههههههه لالا ام الحلوين تهيج بكرشتها فى سبها

الى أخواتى اللى حابه تسأل عن عضوه - صفحة 25 81527

بالله عليك يأم الشيماء زيدى حاولى تتصلى بزوزو ربى ما يغيبها وانى والله تفألت هلبة برجوع الدكتورة مودة العقبال لما ترجع براءة وكل الأخوات وحتى سناء ليها هلبة مش باينة طمنينا عليها يأم الشيماء ان شاء الله خير ربى ما يغيبها ولا يغيب كل أخت اللهم آمين

دنيا المحبة وينك طولتى الغيبة ؟؟؟؟؟؟؟؟؟؟

باهي ما شاء الله عليها جت زياره ربي يحميها هي وكرشتها ههههههههههه

ام شوشو ياريت لو عندك رقمها في ليبيا ابعتيهولي على الخاص

فيه هلبه عضوات معاش خشو

مودة وسناء ودنيا الامل ومرام ورواسي وبيلا المطفوشة هههههههه وأختها معاش خشت ومها وخاصة زوزو !!!!

حبوبة اعطتهولى لكن والله متسح من الموبايل لانى بعت لها لبسة العيد لبنت احلام توصلها لها واعطتنى رقمها لكن امتسح من التلفون

هى ممكن اليومين هذو تروح لانه ليها اكثر من شهر ولدها لازم يقرا تملها الجو والفرهده

بيلا عندها عرس ولد عمها

زوزو والله منعرف خيرها متردش عليا

مرام البيان ان شاء الله يكون غيابها خير

سنو معندهاش نت ديما تسال عليكم والله

واخت بيلا ضربتها وقالت لها بيلا معادش تخش على المنتدى هههههههههههههههههههههههههههههههه

الى أخواتى اللى حابه تسأل عن عضوه - صفحة 25 284798

الى أخواتى اللى حابه تسأل عن عضوه - صفحة 25 284798

شكرا لكل من سال عليا وكل عام وانتم بخير ....الصراحه الاحداث والثورة مازالت ماثره فينا ولها صدي

عندنا مفقودين وشهداء ولذلك الفرحه مش كامله امي وبويا في الحج وبنغازي معبيه من كل جهه

اعتقد ان بنغازي اصبحت زي القاهرة مصر من الزحمه من كل المدن......

النت عندي صفحات يفتح وصفحات صعب تحميلهن .....والمنتدي مانحبش نخشلا ونريح كل المواضيع

مانحبش انخش الا وانا فاضيه عشان نقراء كل المواضيع خصوصا في مواضيع مازالت ماشفتهن

سلمكن نشادات وان شاءالله ماتغيبن

السلام عليكم

بيلا وام محمد مشكورين على السؤال انى كان عندى عطل في الجهاز واخيرا صلح وان شاء الله معاد يفسد بيش معاش نغيب عليكم

وان شاء الله نتطمنو على كل الغائبات

مرام الحمد لله اتطمنا عليك والعقبة لزوزو ان شاء الله تكون بخير

الله يسلمك ام ايوب ويحفظك ياخيتي

سلميلي ع خواتك حبوبه وام ماب وااااااجد

اسكتو مش جيت سارهمو خشت للمنتدى بعد غيبة طويلة هللللللللبه

وينها ؟؟؟لها وحشه رايفنا عليها الشيف

الحمد لله على رجوعك يا سارهمو والعقبة لباقى الغايبات وانى بنى نسأل على سنونة والله مخلية مكانها ربى ما يغيبها وحتى راجية ليها مدة مش باينة ان شاء الله خير

ربي يرجعهم أن شاء الله للمنتدى وأن شاء الله المانع يكون خير

» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الي كل عضوه
» عضوه جديده هل من مرحب
» لنتواصوا بالحق أخواتى