نوري وجهك بالعكر الفاسي

هالوصفة جبتها من مزينة مغربية ولكنها موجودة في اغلب المنتديات وجربتها الاسبوع اللي فات وجابت نتيجة حلوة وحبيت نفيدكن عن تجربة مع البشرة الدهنية تحديداً: جيبي طين مغربي اطلي ولونه رمادي وتلقيه عند المزينات +مية ورد+عكر فاسي بالنسبة للطين والمية عينك ميزانك اما العكر فكمية قليلة جدا يعني جيبي كاشيك صغير ومن ورا على راس طرفه خوذي من العكر وضيفيه للوصفة وحطيها حوالي 1/4 ساعة انا مش دقيقة في الوقت قد ما نستحمل نقعد بالقناع ولكن خوفا من اي طاريء التزمن بالوقت هذا واغسلي بمية وبعدين امسحي بمية ورد نظافة ولون وردي خفيف و حلو وبشرة مشدودة
بالنسبة للعكر الفاسي ردي بالك من المقلد وتعرفي بهالاختبار البسيط حطي منه شوي في طاسة شاهي وزيديه مية وخلطيه واستني 10 دقايق كان ترسب راهو مقلد وكان هذا راهو اصلي واوقات حتى السوم يعطيك فكرة انا شريت 2 جرام ب 5 دينار من المزينة والحق ماني عارفة كيف حسبتهن بس في شيشة تشبه البنسلين ويا دوبك العكر في قعرها.وتقدري تخلطي منه مع شوية فازلين طبي وتحطيه على شفايفك روج ارجواني طبيعي وتقدري حتى ترقدي بيه بلا خوف وتقدري زيادة تخلطيه مع مية ورد وتمسحي وجهك بالكامل او خدودك بس يعطي نورة مش عادية.

تسلمي علي الوصفة

سلم يدياتك

صحيتي لكن شن هو العكر الفاسي اول مرة نسمع بيه
بالله عليك قوليلي وين نلقاه
انا عرسي قريب ونبي هدي الوصفة
والطين وين يبوعوه

سلم يدك لكن شن هو العكر الفاسى؟؟

شن هو العكر الفاسى

وعلى العموم المنطقة اللى نسكن فيها اسمها الفاسى

بارك الله فيك شنو هو العكر الفاسى