لماذا يفكر رجل الأربعين بالزواج بأخرى؟

لماذا يفكر رجل الأربعين بالزواج بأخرى؟

يقول الكاتب " يحيى حمدي " في كتابه " ترويض الرجل":تحدث استثناءات قليلة جداً هي تلك التي تستطيع المرأة أن تحتفظ بمشاعر رجلها ناحيتها حتى آخر العمر.
أما القاعدة هي أن الزوج في الأغلب الأعم وبعدما يتوارى جمال امرأته وشبابها وتدخل مكرهة نحو سنواتها العجاف يشعر بأن من حقه أن يسعى نحو ما يجدد له بعض شبابه.سواء على المستوى العاطفي أو على المستوى الحسي، فيلجأ إلى أن يتزوج أو يحب أو يميل أو حتى يكبت إذا لم يجد أياً مما سبق متاحاً.
وبالطبع فإن ذبول تلك الفتنة وأفول شمس ذلك الشباب سوف يفرض واقعاً جديداً تفتقد المرأة فيه لأدوات النقاش المقنع.
كما أن عدم توفر الزوجة الصديقة التي تشارك الزوج أحلامه وهواياته وتوفر له الأمان والاستقرار والمشاركة الفعلية من الأسباب الأخرى التي تؤدي إلى وقوع الزوج في فخ 'المراهقة الثانية'.

عندما يشعر الرجل أنه اقترب من سن الأربعين يريد أن يثبت لنفسه ولكل من حوله أنه مازال قوياً وجذاباً ومؤثراً، وربما هذا ما يفسر بحثه عن الفتاة صغيرة السن، لا من تساويه عمراً.. ليقول علناً أنظروا مازلت شاباً ومرغوباً.
وفي أحيان أخرى تحدث مراهقة الأب كرد فعل على مراهقة الابن، حين يراه مفعماً بالشباب، فيوقظ فيه شبابا وذكريات، فيتمرد بطريقته الخاصة على شعره الأبيض وشكله الجديد، بكل الطرق من صبغ الشعر إلى ارتداء الملابس الشبابية.
يصاب الرجل بما يسمى بالمراهقة الثانية عندما يشعر بأن الأحلام قد تلاشت والمشاريع التي فكر وأمل بتحقيقها قد انتهت أو لم يعد هناك وقت أو فائدة لنتفيذها وأن الباقي من العمر أقل من الذي راح ..
وإن أكثر الأمور التي تصيب الرجل باليأس والإحباط أن يشعر بأن لا جديد يعمله أو يتعلمه، أو ليس من أحد بحاجة إلى رأيه أو رعايته.
وعموماً يرغب رجل الأربعين أن ينفي تهمة الكبر عنه ويثبت لنفسه أولاً ولكل المحيطين به أنه لازال ينبض بالحيوية والشباب .

منقول

ربي يطنك يا آمان

معناها اني توا قريب نولي الزوجة الاولى
يا والله عملة
عموما الواحد يدير استعداد ويجهز اسلحة للمعركة القادمة
لازم نأمن روحي شن بنستسلم بسهوله هكي ؟

[ندعوك للتسجيل في المنتدى أو التعريف بنفسك لمعاينة هذا الرابط]بندير عملية تجميل لازم نزلي زي اهيا

والله يا أمان مش كله تقصير من الزوجة أهبال الرجالة حشاك

وبيش يبين زى ما قلتى يا امان انه مازال شلب

ويا حنة اللى يبدلك بالفول بدله بقشوره

لا لا لا الموضوع ما بنفع نعمم على كل الرجال يا أمان ويا ام اماب

بعدين الموضوع ظلم المراة بصراحة يعني الرجل عندما يقترب من الأربعين نادرا ماتكون زوجته وضح عليها العمر والكبر بصراحة ....

لأن أغلب الرجال العرب يتزوجون من تصغرهم في السن, صح؟؟؟

وغير هيك المرأة هذه الأيام تهتم بنفسها وبجمالها وشبابها, والمنتجات مساعداها وأيضا الوعي زاد باهمية الحفاظ على الأسرة

أما هبة الأربعين عند الرجل لابد منها هههههه لكن على حسب كل راجل وطبعه مش لازم زواجه تانية. ههههه

هههههههههههههههههههههههه امان شنى اتخوفي فينا 475

شكلنا كلنا بنديروا كيف زوزو هههههههههههههههههههه لكن يازوزو فيه اللى مرته اية من الجمال وياخد عليها مش قاعدة لاالجمال ولا الاهتمال غير يهدى ربي لانه اللي يحط في دماغه التفكير هدا خلاص لازم ياخد

وعلى قولة ام ماب اللى يبدلك بالفول بدله بقشوره
انى في نظرى لما الراجل يفكر حتى التفكير انه ياخد على مرته سليمته المفروض حتى المراة تفوته

فيه رجاله عيونهم زايغه حشاكم
وردو بالكم من رجالتكم وخاصة كان حالته المادية كويسة بنات الحرام كاثرات
وربي يستر على الجميع ويباعد عنكم المشاكل
ام ايوب وين يخش راجلك فنصي فيه ههههههههه باش يخاف منك
زوزو لو مش مقصره في حق زوجك ثقى وتأكدي لايمكن يتزوج عليك
مها وأم مآب ردو بالكم حي عليكم ههههههههه
[ندعوك للتسجيل في المنتدى أو التعريف بنفسك لمعاينة هذه الصورة]
المرأه لما تكون تأدي ماعليها من واجبات لا يمكن يتزوج عليها زوجها حتى لو فكر يتزوج عليها معناها ماتستاهل أنها ادير منه قيمه ولاتحسبه بن آدم
وربي يباعد عنكم المشاكل وتعيشو في هناء مع صغاركم ورجالتكم

الحمد الله فى هولندا العصمة فى يدينا هههههههههههههههههههههه فى اوروبا كلها
مرام وام الحلوين وانا مطمنينش خليهم يحلمو لصبح ميقدر ش ياخد وحدة ثانية
[ندعوك للتسجيل في المنتدى أو التعريف بنفسك لمعاينة هذه الصورة]

والله هنا مايقدر واحد فيهم يتنفس ياخذوا منه كل شئ ويعزقوه في الشارع وهي تعيش سلطانه زمانها وماينقصها شي غير عمرها اللي

راح معاه من يرده ههههههههههههههههههههه

خلونا توا من الضحك وتعالوا للجدية اذا كان الرجل يبي يحب ويتزوج ويسيب مراته وهانت عليه انا مع كلام ام ماب وام ايوب اللي يبدلك

بالفول بدله بقشوره ممكن اكثر حاجة حتوجع اي مراة فيها عقل التشتت اللي حيعيشه الاطفال وكلنا نعرفوا اثاره النفسية ع الطفل

غير هكي الايام والعشرة والعمر اللي يضيع

هو مش بس الرجاله اللي في الاربعين عندهم ميل للشئ هذا بل المحيطين بيهم نفس الشي

والبنت الصغيرة تراي في رجل الاربعين صورة مانعرفش شن هي خليط من الاب المفقود ام الرجل الكامل او.....الخ

وانا عن نفسي مانتمنش اللحظة هذي اتسير مش عشاني انا لاني لحظتها الحياة حتستمر ونلقيي نصيبي من جديد

بل عشان الاطفال مايشتتوا لان الطفل له عالم اذا انهار انهارت معاه حاجات حلوة وانا مجربه ذلك من طلاق والديا

صحيتي امان

مرام ردك ايهمني بأعتبارك محلله نفسيه
منورة الموضوع ومشكورة على التوضيح
وربي يهديهم الرجاله

ام الشيماء شني العصمة في ايديك شني تحسابي روحك هولندية غير تروحي لليبيا ويبالك العصمة عند منو هههههههههههههه

ربي يهديهم ويهدي البنات بيكلبو نسمع فيهم صغار في السن اتقول عادي نرضى بيه كبير ومتزوج لين نستغرب وهذا اللى فتح عيون الرجاله البنات النوعيه هذي ولو مش موجودات ماكنوش فكرو الرجاله يتزوجو على نساوينهم وربي يستركم جميعا

آمــان كتب:: مرام ردك ايهمني بأعتبارك محلله نفسيه
منورة الموضوع ومشكورة على التوضيح
وربي يهديهم الرجاله

ام الشيماء شني العصمة في ايديك شني تحسابي روحك هولندية غير تروحي لليبيا ويبالك العصمة عند منو هههههههههههههه

امونه صحيتي ع الرد لكن راهو انا ماخذيت عملي بس شهادة ستفتها ع الجنب وخلاص هههههههههه ونسيت اللي قريته كله حتي هنا سبع سنين وحرفتي زي الطبيب الجراح تبي لازم نشتغل بيها ديمة والا مايسير شي ننساه كله

sana كتب:: ربي يهديهم ويهدي البنات بيكلبو نسمع فيهم صغار في السن اتقول عادي نرضى بيه كبير ومتزوج لين نستغرب وهذا اللى فتح عيون الرجاله البنات النوعيه هذي ولو مش موجودات ماكنوش فكرو الرجاله يتزوجو على نساوينهم وربي يستركم جميعا

واللهي لولا الفضايح كنت حكيت ع مواقف شفتهن من بنات صغار مع رجالة كبار وربي يسترنا ويستر بناتنا دنيا واخرة صدقتي ياسناء كلامك 100%

سبحان الله

ربنا ما يكتب على وحدة انها تكون الزوجة الأولى أبدا,,,,

وزي ما قلتي يامرام الولاد هم اللي يكسروا ظهر أمهم في مثل هذه المواقف والله

الرجاله هضووووووووومـ حشاكمـ يدرهوا الكبد لا يعجبهم العجب ولا الصيااامـ في رجب

وما يملا عينهمـ الا الترااااااب

وكله من المخرووووب اللي أسمااااه النت هذا هو سباااب الفساااااااد المفروض متخلنش رجالتكن يقعدوا عليه بلكل

[ندعوك للتسجيل في المنتدى أو التعريف بنفسك لمعاينة هذه الصورة]

همـ أن شاء الله بس يقدروا علي وحده باااااش يزوجوا الثانيه

ربي يهديهمـ ويعقلهمـ

مرام البيان كتب:

آمــان كتب:: مرام ردك ايهمني بأعتبارك محلله نفسيه
منورة الموضوع ومشكورة على التوضيح
وربي يهديهم الرجاله

ام الشيماء شني العصمة في ايديك شني تحسابي روحك هولندية غير تروحي لليبيا ويبالك العصمة عند منو هههههههههههههه

امونه صحيتي ع الرد لكن راهو انا ماخذيت عملي بس شهادة ستفتها ع الجنب وخلاص هههههههههه ونسيت اللي قريته كله حتي هنا سبع سنين وحرفتي زي الطبيب الجراح تبي لازم نشتغل بيها ديمة والا مايسير شي ننساه كله

خلاص المنتدى ومواضيعه على حسابك أي مشكلة عند أي عضوة ياريت تحليلها وتناقشيها لأنها أكيد نحتاجوك باعتبار مجال عملك علم نفس
[ندعوك للتسجيل في المنتدى أو التعريف بنفسك لمعاينة هذه الصورة]

مها صدقتي مايشغلك حد الا الولاد حتى الراجل في هديك اللحظة معاش ادوريه تقعدي تفكر في الصغار ومصيرهم كيف بيكون

وسمراء والله النت ولا خاطي النت الرجالة كان نوا على الزواج يتزوج أن شاء الله بالسر لأنه بنات الحرام استغفر الله كاثرات وياريت الزوجة الجديدة تتزوج وتسعده بالعكس اتزيد تحطمه ويقعد يتحصر على عملته