اسمع هذه الحقائق عن ليبيا......اللي قال من ليبيا ياتي الجديد ماكذبش...!!!

من ليبيا ياتي الجديد
واللى مش مصدق يرجع للمراجع ويتأكد من هذا الكلام.....
رغم اني من قبل نقلت بعض هالحقائق بس المرة هذي مع الحقائق الاولي حقائق جديدة

يحكي الرجل ويقول........وهو من مشجعي الكرة
ذات امسيه كنت أشاهد في قناة ليبيا الرياضية على برنامج ايقاعات المنتخب الذي يقدمه المذيع محمد بالرأس علي...... بعد شوية قال العلامة الرياضي على رأي (بنور) ان منتخب ليبيا صاحب اسرع ردة فعل في تاريخ الكرة على هدف يدخل مرماه وجاب هدف من نص الملعب للاعب الزنتاني
حاجة خيالية من متاعات الكابتن ماجد.. .. المهم قلت أنا صح ليبيا بلاد صغيرة وماعندناش بطولات لكن بصراحة من قال من ليبيا ياتي الجديد ما كذبش وخوذ عندك :

ليبيا وعمان أكبر عدد من الاهداف 21 -0
اساس فرقت وانسحبوا العمانين احتجاجا على ركلة جزاء على 21 موش 22
وعمك بن صويد أدخل 9 أهداف وما يديرها إلا ليبي ولو لعب الريقولي راهو أصبحوا 10.. .. باهي.. ..
وأمسك عندك.. ..
أول دوري ممتاز في العالم يوصل عدد فرقه إلى 31 فريق
أول دوري درجة تانية يوصل فيه عدد الفرق إلى 47 فريق
أول لاعب عربي يسجل في فريقين فازوا بكاس العالم من هو؟
اكيد ليبي!
البرنس طارق التايب سجل على الارجنتين والارجواي فى مباريات وديه أقيمت فى ليبيا...... ومازال البرازيل.. ..
حتى أعلى درجة حرارة في التاريخ عندنا في العزيزية 58 درجة مئوية في الظل
باهي.. .. امسك عندك..
أول كاس افريقيا يشارك فيها محترفين في ليبيا
أول كاس افريقيا على العشب الصناعي في ليبيا
أول كاس يحسم بركلات الترجيح في ليبيا
أول فريق مايخسرش وماياخدش الكاس ليبيا
لا.. وشنو.. خشوا عالمحركات معاي..
أول سباق فورملا ون يندار في دولة عربية كان في ليبيا للترفيه عن الجنود الطليان أيام الأستعمارالأيطالى

المهم.. شد عندك..
أول نهر صناعي في ليبيا
أول مره تستعمل فيها الطائرات في الحرب في ليبيا
واول مره تدخل الدبابة للصحراء في ليبيا فى الحرب العالميه
وأول دولة أعتذر منها الإستعمار هي ليبيا
أطول شاطي في المتوسط في ليبيا
آخر مباراة في القرن العشرين والألفية الثانية في ليبيا
أول مباراة في القرن ال 21 والألفية الثالثة في ليبيا
طبعا الفقرة ماقبل الاخيرة تخص الشوط الاول من مباراة ليبيا وغانا في دورة النهر في بنغازي واللي بعدها تخص الشوط التاني من نفس المبارة..
باهي!.. من أول لاعب سجل في الالفية الثالثة؟ .. أكيد ليبي.. جهاد المنتصر.. سجل بعد دقيقتين من دخول سنة 2000 -- في رمضان
المهم أكيد طولت عليكم بس نقدر نكتب للصبح أصلا كل جديد وراه ليبي زي أول ثورة للعبيد دارها ليبي.. .. سبارتكوس
وأول شخص يدير الزقزاق ويهد على أوربا بالافيال ليبي وهو هانيبال وقام بمحاصرة روما.... شنو تبوا انعد ولا انعد!
أول بلاد عربية يزورها بيليه وماردونا وباتيستوتا
التحنيط أول مره اكتشفوه في ليبيا قبل حضارة الفراعنه بألف سنه..
هذا مش من عندي. هذا كلام ديسكوفري تشانل
أول من أخترع أو صنع الباستا أو المعكرونه أو السباجيتى أكيد كلكم تعتقدوا أنهم الطليان....... لا يا حبايبى انهم الليبيون ونقلها منهم الطليان حينما استعمروا ليبيا
والمفاجأه أنه فى أحد حلقات من يربح المليون سأل جورج قرداحى سيدة عربيه هذا السؤال وأعطاها ثلاثة اختيارات هى ايطاليا وليبيا وبلد أخر لا أذكره والمفاجأه ألأكبر أن السيده أختارت ليبيا والمفاجأة الأدهى أن الأجابه كانت صحححححححححح _
وعلى فكره فقد شاهدنا جداتنا وامهاتنا والى الآن يصنعوا المعكرونه فى البيت يعنى (هوم ميد)........ (تسمي بالليبي رشده مبكبكه.... أو فى بنغازى رشدة برمه)
__________________________________________

وبعدين آثار أقدم كنيسه كاثولوكية في العالم موجودة في وادي مرقص بالجبل الاخضر.. كنيسة مرقص.. وسواح ايطاليا وأقباط مصر يزورون ليبيا كل عام خصيصا لزيارتها
_______________________________________

وفي آخر مره انكسفت الشمس كان أفضل مكان في العالم للرؤيا الواضحه و المتكاملة كانت ليبيا
و بالذات في منطقه اسمها واو الناموس
أول سوبر ايطالي في افريقيا والدول العربية في ليبيا
أول مرة الارجنتين تلعب في افريقيا في ليبيا
أول مرة تلعب المكسيك في افريقيا في ليبيا
أول مرة تلعب كندا في افريقيا في ليبيا
أول فريق ينسحب من نهائي افريقي من ليبيا
وليبيا أول دولة تعلن الحرب على امريكا في بداية تأسيس الولايات المتحدة

أول رحلة الى مجاهل أفريقيا :
يروي هيرودوت ، أن مجموعة من الشباب الليبيين هم أول من أقتحم مجاهل أفريقيا وقد سجل هيرودوت في كتابه رحلة الليبين منذ 2500 سنة الى أفريقيا المشاهدات التي شاهدوها أنذاك.

أول لحن يرتفع في دنيا الموسيقى :
يقول إيثناوس في كتابه ((مائدة الفلاسفة)) أن الناى المصنوع من شجرة اللوتس التي تنمو في ليبيا كان يطلق عليها الناي الليبي ، وقد ذكر إيثناوس أن سيرتيس الليبي هو أول من اكتشف فن العزف على الناي.

الزي الليبى :
يذكر العالم ((سمث كاج بيركت)) في كتابه ((ممرات الحضارة)) الذى طبع عام 1965 ، أن اللباس الروماني منقول اي انه اخد عن اللباس اليوناني القديم. وأن اليونانيين نقلوا العباءة أو الجرد عن الليبيين القدماء ، أي الجرد الذى يلبسه الليبيون الأن عمره يناهز 2500 سنة.

النساء الليبيات :
ذكر هيرودوت في كتابه ، أن توب ودرع أثينا قد نقلهم الاغريق عن النساء الليبيات. وهذا الثوب الذي نقله اليونانيون عن الليبيات هو عبارة عن ثوب طويل يلف الجسم ويضم الكتفيين تتمنطق المرأة ببقيته وتلفه حول وسطها.

ليبيا والفلاسفة :
أختلف مؤرخون الفلسفة ، وقد ذكر يوجين في كتابه ((حياة مشاهير الفلاسفة)). أن الفلسفة نشأت في الشرق وليس في اليونان ، وذكر أن أشهر الفلاسفة القدماء ليبيي يدعى ((أطلس)) وذكر ((ديوجين)) أن محاورات أفلاطون المشهورة كانت اقتباسا من ارستبوس القوريني اللليبي.

الليبيون القدماء والموضة :
يبدو أن شغف الليبين بالموضة قديم قدم التاريخ ، فقد ذكر هيرودوت أن قبيلة ليبية كان أهلها مميزين بقص شعرهم ، فقد كانوا يطلقون شعورهم على شكل (عرف الديك) ، وذلك بحلق الرأس ، واطلاق الشعر على وسط الرأس. واخرون يربون شعورههم على الجانب الايمن من الرأس ويحلقون الذى على الجانب الأيسر.

الليبيون والعربات :
يقول هيرودوت. أن الاغريق تعلموا من الليبين جر العربات وهي طريقة يتقنها الليبيون ويقومون بربط أربعة خيول لتجر عربة واحدة..
أول قائد دخل الي بريطانيا واحتلها ليبي (سيتيموس سيفيروس) في العهد الروماني طبعا...
اول ملك يحكم مصر وهو مش مصري وقلب علي الفراعنة ودخل العربة الي تجرها الخيول هو ليبي (شيشنق)...
أول مكان يطلع منه الشعير ويمشي لاوروبا (طبعا الشعير اصله شمال افريقيا) من ليبيا..
المهم لو قعدت نحكي للصبح مش حتكمل القائمة.. .. وتذكروا دائما أنكم من بلد الأوائل "!!!!!!!!!!!

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! Imlibyacp4

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! Imlibyacp4

أنا ليبي

وحق على ليبيا أن تطالب بحقها مني

نعم أنه حقها مني ومنكم

ومن كل من يعيش على ترابها الغالي

نعم

أنتِ الغالية

( ليبيا )

معاً يداً بيد نحو ليبيا الغد .. ليبيا الأفضل

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 94813703pt1nm8

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 94813703pt1nm8

ولنبدأ على بركة الله
من جديد

ايه ياليبيا
صار من الاوائل
وخيره توا من الاواخر ههههههههه
احسن حاجة داروها الليبين
أول من أخترع أو صنع الباستا أو المعكرونه أو السباجيتى أكيد كلكم تعتقدوا أنهم الطليان....... لا يا حبايبى انهم الليبيون ونقلها منهم الطليان حينما استعمروا ليبيا
انجاز عظيم والله
مشكورة على المعلومات مرام
منورة

هههههههههههههههههههههه شكلك ماقريتيش كويس الاحصاءيات الاولي كلهن توا خصوصا الكورة

وبالنسبة للزي الليبي في تطور الي هاللحظة لدرجة اني لما شفت الموديلات الجديدة انذهلت

كل حصان وله كبوة حتي اوروبا ظلت قرون في ظلام

قريته موضوعك كله يامرام
ياريت الاوائل في كل شيء
لكن نسيتي قداش مرة يأخذو في الاوائل في مسابقة القرآن الكريم
والله ولادنا وبناتنا فيهم الخير غير الزمان معوج
مشكورة مرام
لكن مستغربة موضوعك علاش مارد عليه حد تعرفي 18 العضوة قروه موضوعك وماعلقوش حتى بالكذب
حتى كان فيه صور نقولو مافتحوش عندهم لكن هذا موضوع عادي
والغريبة أكثر المواضيع الثانية يخشو يعلقو عليها بالمرتين والثلاثة

الله يارمرام موضوعك رائع وبخصوص الباستا ليش الايطالين توا واخدين الشهرة مادام الاصل من ليبيا
ليبية وافتخر

كلامك صح كله ماعندي مانقول ياامان

قالوا المصريين ادي الله وادي قسمته الحمدلله علي الصحة والعافيه والمشكله في كم وحده مايشاركنش في المواضيع وتقولك

ليش ماتناقشوني مانعرف شن انقوللها؟؟؟؟؟

وكل واحد حر انا اللي عليا اندير فيه ونجيب في معلومات موثقه والباقي ماليا علاقه بيه يكفيني اللي يخشن يشكر ويردن بارك

الله فيهن مايقصرنش

وعموما انا مش معدله اليوم فرحانه لام الشوش بصراحة من قلبي كاني انا والا وحده من خواتي وتمنيت كنت جارتها

العقبالك ياامان ربي يجبر بخاطرك وخاطر كل من يبي الذرية الصالحة

تسلم ايدياتك مرمورة والله احصائية حلوة بس اهم شي ان تكون واقعية
فمثل هذه المعلومات ان لم تكن موثقة تفق القارئ الثقة في من طرح المعلومة
ونحن نتمنى ان تكون عندنا ريادات في كل شيء
ولكن وما نيل المطالب بالتمني ولكن تؤخذ الدنيا غلابا

اشكرك مرمر وجزاك الله خير على هذا المجهود الرائع اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 808795

زوزو3 ارجعي للمراجع تلقي كل شي موثق التاريخ ماينسي شي

منورة علي التخطيمة

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 808795

مرام البيان كتب:: كلامك صح كله ماعندي مانقول ياامان

قالوا المصريين ادي الله وادي قسمته الحمدلله علي الصحة والعافيه والمشكله في كم وحده مايشاركنش في المواضيع وتقولك

ليش ماتناقشوني مانعرف شن انقوللها؟؟؟؟؟

وكل واحد حر انا اللي عليا اندير فيه ونجيب في معلومات موثقه والباقي ماليا علاقه بيه يكفيني اللي يخشن يشكر ويردن بارك

الله فيهن مايقصرنش

وعموما انا مش معدله اليوم فرحانه لام الشوش بصراحة من قلبي كاني انا والا وحده من خواتي وتمنيت كنت جارتها

العقبالك ياامان ربي يجبر بخاطرك وخاطر كل من يبي الذرية الصالحة

بارك الله فيك مرام مشكورة على الكلام الطيب وأن شاء الله مانفقدو مواضيعك المميزة
اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 29742

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 29742

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 597124

مشكوره اختى

في كُلِّ مرةٍ أبتعِدُ فيها عَنْكِ
ينتابُني إحساسٌ بِأنـــّي أُحِبُكِ أكثر …
فأُودعُ مياهَ عينيكِ الصافيتين
و أعودُ مِنْ الأُفقِ البعيدِ لِأُبحِر…
إ نـّي بِكِ أفخر ..
يا ليبيا التاريخ ..يا ليبيا الانسا ن
يا ليبيا الجوهر ….
يا غُصناً في كُلِّ الفُصول ِ مُخْضَوْضِلاً ،أخضر …
بهاءُ و روعةُ المنظرِ
يتجليان في ابتسامةٍ
ارتسمتْ على وجهِ طِفلٍ صغير ٍ
يقبِضُ بِإحدى يديهِ على القلم
و يَضُمُّ بِالأُخرى إلى صدره الدفتر ..
رَبةٌ مِنْ رباتِ الجمالِ أ نتِ
بُعثتِ بِإمتزاجِ البحرِ و الرِّمَال
و الشَّمْسِ و الأحلام ..
نَسجتْ لَكِ الطبيعةُ ثَوباً رَبيعيِ الخُيوط
و ها أنتِ ذِي تَرْفـلين* في ثوبكِ السُندُسي
تستقبِلين بِالأحضان
كُلّ مَنْ يأتيكِ مِنْ وراءِ البحرِ
مَفتوناً بِجمالكِ الأسمر ..
إنـّي بِكِ أفخر …
يا ليبيا التاريخ ..يا ليبيا الانسان
يا ليبيا الجوهر ….
يا غُصناً في كُلِّ الفُصول ِ مُخضوضِلاً.. أخضر …

مشكورة على الطرح الاكثر من رائع

زيدي وكثري يا مرام من هالاخبار الحلوة خلينا نرفعوا معنوياتنا اكثر ... سبق وقلت ومازلت نقول اني لما نذكر اني ليبية سيفين ما يقطعن راسي.ونزيدك من الشعر بيت ان الليبين اول من عرف الملح واستخدمه هذا ما ذكره المؤرخ هيرودت.

الله يبارك فيك يا مرام ويحفظك ويحفظ ليبيا من كل شر اللهم آمين 856521

رااااااااااااااااااااااااائع حبيبتى مرام موضوع فى غاية الروعة يوجد الكثير من المعلومات اول مرة اسمع بها وأنا فخورة بسماعها وحفظ الله بلادنا وزادها من كل خير واتحفينا دائما بمثل هذه المواضيع

اسمع هذه الحقائق عن ليبيا......اللي قال من ليبيا ياتي الجديد ماكذبش...!!! 550745

مشكوره ع طرح الجميل

ومن ليبياا ياتى الجديد

أسعد الله أوقاتكم بكل خير دائما تبهرونا بمواضيعك التى تفوح منها عطر الابداع والتميز لك الشكر من كل قلبى

بارك الله فيك أختى مرام

أسعد الله أوقاتكم بكل خير دائما تبهرونا بمواضيعك التى تفوح منها عطر الابداع والتميز لك الشكر من كل قلبى

بارك الله فيك أختى مرام jhbj

وفيك بارك الله اكرام تشرفت بمرورك ومرور كل الاخوات

اهم شي الثقه دائما في النفس وان ليبيا دائما وابدا فوق كل اعتبار

هنيئا لنا بليبيا اللهم يعم الامن والامان كل ارجاء ليبيا الحبيبيه

من يوم وطالع يامرام وبّن الله يكون جديد ليبيا دايما في الخير وللخير وطريقها أخضر مزدهر مض اخضر بتاع زمان لأ أخضر من خضار الطبيعة اللي خالقها ربي, أخضر من خضار الرزق والخير

ودايما لقدام, ويارب يعم الأمن والأمان والازدهار أرضك ياليبيا

اشي اشي اشي ام خالد تحكي ليبي يهبل ماشي معاك

ان شاءالله

قالوا للعمي شن ودك قال في قفه مليان عيون

ان شاءالله ليبيا للافضل فتره حرجه جداااااا

أن شاء الله بعد ها الثورة ما يجىء من ليبيا الا كل جديد ومفيد يارب
مشكورة أمان

إن شـــــاء الله في جديد ليبيا غير

وان شاء الله نكون يد وحدة يااااااااااااااااااارب وبعد علينا كل الفتن ماظهر منها ومابطن يــــــــــــــارب

تسلم ايديك على الموضوع الرائع والله عندنا تاريخ مطموس

والحمدلله المهم والاهم اننا مقتنعين بان من ليبيا ياتى الجديد لاومايبطلش

ربي يحفظ بلادنا ويهدي سرها ويحنن قلوب الليبين على بعض يارب

فعلا من ليبيا ياتي الجديد ونحبها بلادي بكل مافيها والله مشيت شرق ومشيت غرب بس ليبيا افضل الكل ربي يحفظ ليبيا وناسها نحبك يابلادي

» من ليبيا ياتي الجديد
» علم ليبيا الجديد على جبل الرحمة في عرفات
» بالله اللي تعرف كيف توصل في المسؤلين بقناة ليبيا الوطنية للاهمية
» قصة البنت اللي طلبت رقم شاب بالغلط شوفوا اللي حصل؟؟؟؟؟؟؟؟؟
» اتفاق بين ليبيا والهند لانشاء مصنع من الذهب والماس في ليبيا...زيطوا