الغيرة المفرطة على الاصدقاء

بسم الله الرحمن الرحيم

الغيرة بصفة عامة غريزة في البشر بس فيه انواع من الغيرة وكل وحدة تختلف على الثانية

الغيرة بين الزوجين

الغيرة بين الاقارب

الغيرة بين الاصدقاء

والغيرة بين الاصدقاء موضوعي اللي حابة تشاركوني فيه

الغيرة حلوة س احيانا لما تفوت حدها تصبح قاتلة

مثلا وحدة ليها كم من صديقة وهي بطبعها اجتماعية وهدرازة يعني تنحب من اول مرة

المهم كل متهدرز على وحدة او تهتم شوي بحد تحصل في صاحبتها اللي تنزل فيها بانها مهتمة بغيرها او انها مهملة معاها

ولو موقف بسيط يصير لصديقتها مع وحدة ثانية تلقيها تعطي مبررات تظهر بيها الاولوية لصديقتها

واحيانا تضعها في مواقف لا تحسد عليها وقد تكون سبب هذه الغيرة نهاية هذه الصداقة لانها تضع صديقتها في قفص وتكتب عليه ممنوع الاقتراب

بمعنى اصح تقول انت صديقتي انا فقط بمعنى التملك

مارايكم في هذه الغيرة المفرطة

وكيف تتعاملين معها

وهل لو واجهتك صديقة حقيقية ولاحظت ان صديقتها الاخرى تغير بهذا الشكل هل تتركيها ام تتحاشي صديقتها وتستمري معها

ولو كانت صديقتك التي تغير عليك هل سترضي بانك لها فقط وتتحاشين الاخرين او كيف سيكون تصرفك

كل وحدة تخش وتحكي صار معاها هالشئ او انها من الناس الغيورين لهذه الدرجة

يلا وروني الردود واعطوني رايكم

موضوع روعه ام الحلوين وموجود في واقعنا

انى اول واحده كنت انعاني منها مش غيرة صاحباتي عليا بس ولكن غيرتي انى علي صاحباتي لكن الحمد لله توا نضجت وفهمت والحمد لله تنحت مني العاده السيئه هاذي

نحكيلك موقف عندي صديقة زي روحي اسمها يارا كان ايام القرايه تعرفت على واحده من البنات وكل مانخش محاضره والا شي ونطلع نلقى هذيك البنت لازقه فيها مادورتش وبعدين عزمتها على حوشهم للعشاء تعرفي شن درت كلمت بوها قلتلي يارا صاحبتي انى وماتخليهاش تمشي لحد وهيا جنبي لما انكلم فيها ودرت ورقه كتبت فيها انه يارا صاحبتي وماتمشيش لحد ووقع عليها بوها هههههههههههههه كل مانتفكر انقول وين كان عقلي هههههههههه

يسلمو ولي عوده ان شاء الله

sana كتب:: موضوع روعه ام الحلوين وموجود في واقعنا

انى اول واحده كنت انعاني منها مش غيرة صاحباتي عليا بس ولكن غيرتي انى علي صاحباتي لكن الحمد لله توا نضجت وفهمت والحمد لله تنحت مني العاده السيئه هاذي

نحكيلك موقف عندي صديقة زي روحي اسمها يارا كان ايام القرايه تعرفت على واحده من البنات وكل مانخش محاضره والا شي ونطلع نلقى هذيك البنت لازقه فيها مادورتش وبعدين عزمتها على حوشهم للعشاء تعرفي شن درت كلمت بوها قلتلي يارا صاحبتي انى وماتخليهاش تمشي لحد وهيا جنبي لما انكلم فيها ودرت ورقه كتبت فيها انه يارا صاحبتي وماتمشيش لحد ووقع عليها بوها هههههههههههههه كل مانتفكر انقول وين كان عقلي هههههههههه

يسلمو ولي عوده ان شاء الله

هههههههههههههههههههههه عجبتني الورقة والتوقيع من ولي الامر

تسلمي سنيوة نورتي الموضوع وزي ما قاتي المهم الواحد يفهم ويعرف الشئ الصح من الغلط
لانها يمكن تكون ناتجة من كثرت الحب بس متفوتش الحد

صحيتي يا حبيبة تخدمي بالاصول مايمشيش معاك الدوة كلها بالكتيبة مش ضامنة الوقت هههههههههههههههههههههههههههههه

الغيرة المفرطة على الاصدقاء 935872

هههههههههههههههههههه شفتي مالا شنو لازم نضمن عندك علم لعند الان محتفظه بيها الورقه وين مانتلاقو نضحكو عليها ههههههههههههههههه

السلام عليكم
موضوع حلو زيك ام الحلوين
بس ضحكت هلبه على قصه سنووالورقه اللي دارتها هههههههههه

سبحان الله المواقف هذه مرينا بها كلنا
بالنسبه ليا كنت لما وحده من صاحباتي تغير من الثانيه نحاول اني نقرب بينهم
ولو يئست نتفادي نتلاقى بيهم في نفسش الوقت

ولو تعرفت على وحده وصاحبتها غارت مني وتصير اكيد نحاول نخلي علاقتي بيها سطحيه
الا لو هي حبت تكون اعمق وماتدورش صاحبتها
مشكورة علةى الموضوع الخفوفي

وين لقيتوهم الصاحبات هذو اكيد في الاحلام ههههههههههه
أني لغاية الان ماشفتش صاحبه تستاهل الصحبه
كلهم صحبة مصالح وحفر

مرحبا ام الحلوين موضوع جميل فعلا

وأنا أعتقد ان هذه الأيام زاد أكثر...

أنا بصراحة مريت بهذه التجربة من صديقة لي في الجامعه وكانت معنا في نفس القسم طبعا لاحظت انها تحاول أن تحدد

صداقاتي بالبنات وانا كنت أفهمها ليس بمعنى الغيرة أبدا بمعنى الحرص, الحرص عليا, ولكن مع الوقت ومع السنين ماعادت هذه الصديقة في حياتي...

بصراحة البنت كانت طيبة جدا, ولا أريد أن أذكرها بغير ذلك, وأتمنى ان ألتقي معها لأنني فعلا أحبها في الله ولا يمكن ان انسى الأوقات التي قضيناها معا في الجامعه...

وأكيد سوف أعتذر لها عن أي شئ ممكن يكون سبب لها حزن بسببي انا, إن قابلتها وان شاء الله سأقابلها, لتعرف أنني لا أكن في نفسي لها سوى الحب والتقدير....

sana كتب:: هههههههههههههههههههه شفتي مالا شنو لازم نضمن عندك علم لعند الان محتفظه بيها الورقه وين مانتلاقو نضحكو عليها ههههههههههههههههه

والله ضحكت لين خلاص مخليتيش غير البصم ان شاء الله ربي يخليكم لبعض وميحرمكمش من بعض

سارهمو كتب:: السلام عليكم
موضوع حلو زيك ام الحلوين
بس ضحكت هلبه على قصه سنووالورقه اللي دارتها هههههههههه

سبحان الله المواقف هذه مرينا بها كلنا
بالنسبه ليا كنت لما وحده من صاحباتي تغير من الثانيه نحاول اني نقرب بينهم
ولو يئست نتفادي نتلاقى بيهم في نفسش الوقت

ولو تعرفت على وحده وصاحبتها غارت مني وتصير اكيد نحاول نخلي علاقتي بيها سطحيه
الا لو هي حبت تكون اعمق وماتدورش صاحبتها
مشكورة علةى الموضوع الخفوفي

اكيد كلنا مرينا بيها بس فيه اللي ميحبش يتقيد وفيه اللي يراعي شعور الاخر
حلو تفكيرك في انك متجمعيهمش او تتحاشي الغيرة

نورتي سارهمو اني نستنا في التورتة متاع العيد ميلاد ههههههههههههههههههه

آمــان كتب:: وين لقيتوهم الصاحبات هذو اكيد في الاحلام ههههههههههه
أني لغاية الان ماشفتش صاحبه تستاهل الصحبه
كلهم صحبة مصالح وحفر

ههههههههههههههه لالا على ارض الواقع
فيه يا امان غير شكلك ماتبيش اتوجعي راسك هههههههههههههههه
فيه صاحبات يتقلوا بالذهب زي مايقولوا وفيه لالا
بس كان خليت خربت

تسلمي امون

مها كتب:: مرحبا ام الحلوين موضوع جميل فعلا

وأنا أعتقد ان هذه الأيام زاد أكثر...

أنا بصراحة مريت بهذه التجربة من صديقة لي في الجامعه وكانت معنا في نفس القسم طبعا لاحظت انها تحاول أن تحدد

صداقاتي بالبنات وانا كنت أفهمها ليس بمعنى الغيرة أبدا بمعنى الحرص, الحرص عليا, ولكن مع الوقت ومع السنين ماعادت هذه الصديقة في حياتي...

بصراحة البنت كانت طيبة جدا, ولا أريد أن أذكرها بغير ذلك, وأتمنى ان ألتقي معها لأنني فعلا أحبها في الله ولا يمكن ان انسى الأوقات التي قضيناها معا في الجامعه...

وأكيد سوف أعتذر لها عن أي شئ ممكن يكون سبب لها حزن بسببي انا, إن قابلتها وان شاء الله سأقابلها, لتعرف أنني لا أكن في نفسي لها سوى الحب والتقدير....

جميل ان يكون هناك صداقة صادقة
وحرصها عليك يدل على صداقتها الرائعة
بارك الله فيك يا مها على الشعور الطيب اتجاه صديقتك وربي يجمعك بيها وتقوليلها اللي في نفسك كله يارب

والله اني مريت عرفت وحدة وحسيت ان صديقتها تتضايق فيها باي تصرف معاي او مع غيري

بس زيادة تحسي انها بدت تضايق من هالتصرفات يعني زي منقولوا اني الصح اني الاولة واني الاهم

لو صح او مش صح

اني مريت في هالغيرة مع صاحبتي وتخاصمت معاها هلبا لانها طيبة واللي معاها كانوا ديمة ياخدوها بالدوة وتفوت المحاضرات فكان ميعجبنيش اللي يصير بس الحمدلله تخرجنا وتزوجنا والحمدلله

ام الحلوين كتب:

آمــان كتب:: وين لقيتوهم الصاحبات هذو اكيد في الاحلام ههههههههههه
أني لغاية الان ماشفتش صاحبه تستاهل الصحبه
كلهم صحبة مصالح وحفر

ههههههههههههههه لالا على ارض الواقع
فيه يا امان غير شكلك ماتبيش اتوجعي راسك هههههههههههههههه
فيه صاحبات يتقلوا بالذهب زي مايقولوا وفيه لالا
بس كان خليت خربت

تسلمي امون

الله يسلمك أم الحلوين لكن الله صدقيني ماتلقيش صاحبه زي نفسك
ممكن تصاحبي اختك أما بنت خارج العيلة ماعتقدش لأنها ايجي يوم وتعاود سرارك الخاصة
لكن اختك ماترضاش فيك حاجة

أشكرك ام الحلوين على ردك ...

ويا أمان الصداقات الوفية مازالت موجودة ولله الحمد, بس زي ما قالت لك ام الحلوين دوري وبتلاقي وربنا يخليلك اختك ويخليكي لها ويخليكم لعيلتكم جميعا....

حلوو موضوعك
بس لو البنت لما تشبح حد تاني دون صاحبتها وتهدرز وتنسي صاحبتها وتتجاهل فيها عندها حق
بس لو خاشا حتي هيا في الدوة وبتغير انانية هلبه
بس لو فايتتها بعد ماشفت حد تاني عندها حق
هذا تفكيري انا طبعا ههههههههههه
كل واحد ورأيه
الغيرة المفرطة على الاصدقاء 437659

بارك الله فيك

billa كتب:: حلوو موضوعك
بس لو البنت لما تشبح حد تاني دون صاحبتها وتهدرز وتنسي صاحبتها وتتجاهل فيها عندها حق
بس لو خاشا حتي هيا في الدوة وبتغير انانية هلبه
بس لو فايتتها بعد ماشفت حد تاني عندها حق
هذا تفكيري انا طبعا ههههههههههه
كل واحد ورأيه
بارك الله فيك

تفكيرك حلو زيك وروعة بس المشكلة في الصداقة الي توصل للتملك هادي المشكلة وكاثرة بشكل مش عادي في الايام هادي
مشكورة بيلا
الغيرة المفرطة على الاصدقاء 589163

وينكم هيا شاركوا واعطوا رايكم يا شيموااااااااااااااات
الغيرة المفرطة على الاصدقاء 90459

شوفي يا أم الحلوين لو تسألي عن سبب انتشار هذه الظاهرة اعتقد أن سببها هو انشغال كل فرد في الأسرة بنفسه وانفصالهم عن بعض داخل المنزل...

يعني زمان الناس كانت كلها تقعد مع بعض على الطعام وبعد العصر على كباية شاي, ويتحدثون في امورهم كلها اما الان أصبح هناك فراغ عاطفي عند البنات والأولاد ولابد من تعويضه خارج البيت....

فعلا نقطة مهمة جدا جدا ونبهتي عليها يا مها بارك الله فيك فعلا الفراغ العاطفي يسبب في اكثر من هكي
يعني الترابط الاسري اساس كل شئ

بارك الله فيكي أم الحلوين

الصداقة شىء جميل عندما تكون محبة فى الله

الحمد لله الحمد لله انى صديقاتى هما نفسهم من ايام الدراسة فيه اللى بعد ماتخرجت لكن الحمد لله

والله الغيرة ماهى موجودة بينا مرات وديما نتلاقوا مع بعض ولو تلاقوا اثنين دون الاخرات مافيش لاغيرة ولازعل الحمد لله

نلقوا فى بعضنا هلبة ونوقفوا لبعض وكل وحدة عندها صديقات من جهة أخرى لكن هدا لايؤثر علينا ابدا

موضوع حلو ياام الحلوين زيك والله
لكن هذا وين شوفته معلشى راسى مازال دايخ

على العموم
وانا كانت عندى هذه المشكلة مع صاحبتى سهيلة
تصدقى حتى من خواتى منحبهمش يتكلمو معاها اول ماتتصل كنت نوقف جنبهم
انقول سهيلة صاحبتى انا وبس وبعدين حولونا من الفصول كل واحدة فى فصل قريب هبلت والله
والحمد الله تحولت منى العادة هذه
لكن نعانى منها انا توا والله
اول ماتزوجت كانت عندى صاحبتى روح بروح انا وهى فى هولندا وبعدها انا حملت قلت المشى وجى عليها وبعدين كنت نمشى للمدرسة بالدراجة 45 دقيفة بعيدة مدرستى وكنت نمشى لصاحبتى ليبية قريبة على المدرسة نرتاح عندها كانت اديرلى الفطور سمعت بيا والله انقلبت الدنيا على راسى
وتعركت انا وهى وقالت لى انت معندكش صاحبة والله كنت مضلومة
طبها معدلتش على كلامها
وخليتها
لكن علاقتى بها الان فقط تلفون او فى المناسبات لانى لاحظت انها تعانى من هذه المشكلة مع هلبا ناس
وانا نعذرها اكيد وتظل صاحبتى لكن بحدود

حتى انا كنت اندير احرف من هكى مع سهيلة صاحبتى فى ليبيا

ام مآب كتب:: الصداقة شىء جميل عندما تكون محبة فى الله

الحمد لله الحمد لله انى صديقاتى هما نفسهم من ايام الدراسة فيه اللى بعد ماتخرجت لكن الحمد لله

والله الغيرة ماهى موجودة بينا مرات وديما نتلاقوا مع بعض ولو تلاقوا اثنين دون الاخرات مافيش لاغيرة ولازعل الحمد لله

نلقوا فى بعضنا هلبة ونوقفوا لبعض وكل وحدة عندها صديقات من جهة أخرى لكن هدا لايؤثر علينا ابدا

مشكورة ام مآب وربي يخليكم لبعض وميبعدكمش عن بعض
وحلوة الصداقة هادي
الغيرة المفرطة على الاصدقاء 437659

[quote="*أم الشيماء*"]موضوع حلو ياام الحلوين زيك والله
لكن هذا وين شوفته معلشى راسى مازال دايخ

على العموم
وانا كانت عندى هذه المشكلة مع صاحبتى سهيلة
تصدقى حتى من خواتى منحبهمش يتكلمو معاها اول ماتتصل كنت نوقف جنبهم
انقول سهيلة صاحبتى انا وبس وبعدين حولونا من الفصول كل واحدة فى فصل قريب هبلت والله
والحمد الله تحولت منى العادة هذه
لكن نعانى منها انا توا والله
اول ماتزوجت كانت عندى صاحبتى روح بروح انا وهى فى هولندا وبعدها انا حملت قلت المشى وجى عليها وبعدين كنت نمشى للمدرسة بالدراجة 45 دقيفة بعيدة مدرستى وكنت نمشى لصاحبتى ليبية قريبة على المدرسة نرتاح عندها كانت اديرلى الفطور سمعت بيا والله انقلبت الدنيا على راسى
وتعركت انا وهى وقالت لى انت معندكش صاحبة والله كنت مضلومة
طبها معدلتش على كلامها
وخليتها
لكن علاقتى بها الان فقط تلفون او فى المناسبات لانى لاحظت انها تعانى من هذه المشكلة مع هلبا ناس
وانا نعذرها اكيد وتظل صاحبتى لكن بحدود

حتى انا كنت اندير احرف من هكى مع سهيلة صاحبتى فى ليبيا

عاذراتك يا ام جنى
صار اللي درتيه القيتيه هههههههههههههههههههه
الحمدلله افتكيتي منها والله هي لما تفوت حدها تصبح مرض وتعب الشخص اللي يعاني منها تو بنديرلك اني هكي يا ويلك ههههههههههههههههههههههههههههههههه

تسلمي على المرور وشن اخبار صاحبتك سهيلة متقوليش بعد كل الغيرة هاديكا خليتها في ليبيا

الغيرة المفرطة على الاصدقاء 29742

» نصائح مهمة للتخفيف من الغيرة الزوجية
» حسن الظن ........ أقصر الطرق للقضاء على الغيرة الزوجية