| الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو | |
|
|
كاتب الموضوع | رسالة |
---|
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-16, 21:43 | |
| الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو
صرح أحد أعضاء اللجنة المشكلة من قبل المجلس الانتقالي والتي أضيف إليها اليوم د عمر الناكوع بأن اللجنة توجهت صباح الإثنين إلى الزنتان لمقابلة المجلس المحلي بحضور رئيسه ولجنة الشورى بالمجلس المحلي للحوار حول تسليم المطار ونقل سيف القذافي لسجنه ومحاكمته في طرابلس تحت إشراف وزارات الدولة المختصة في الامن والعدل وذكر العضو أن أمر تسليم المطار منتهي والمسألة مسألة ترتيبات نهائية فقط و ذكر أن أسباب العرقلة الماضية كانت ناتجة عن سوء تفاهم فقط تم توضيحه وتجاوزه ، وكشف العضو المذكور عن تخوفات تنتاب قادة الزنتان من نقل سيف إلى العاصمة حيث لا يؤمن عليه من التهريب لأنهم يرون أن طرابلس مدينة غير آمنة ودللوا بحوادث فرار محمد القذافي وصالح بشير وآخرين ، ورد أعضاء اللجنة بأن هناك خطة أمنية محكمة لتسلمه وحراسته وتأمينه ، ودار نقاش صريح بين أعضاء اللجنة و ممثلي الزنتان و من معهم من القانونيين ، ومن الجدير بالذكر أن بعض أعضاء اللجنة تحدث عن أن بعض الليبيين يتخذ من سلوك الزنتان ومصراتة ذريعة للكثير من المطالب ليس أقلها المطالبة بالفيدرالية ، وقد أعربت مصراتة عن استعدادها لنقل أحمد إبراهيم ومنصور ضو للعاصمة وتسليمهم لوزارة الداخلية والدور الآن على الزنتان كما دار في النقاش المحتدم بين الطرفين ، كما ذكر في النقاش أيضا موضوع الضغط الدولي لتسليم سيف للجنايات الدولية والتهديد بإحالة ليبيا على مجلس الأمن في حالة عدم تسليمه في ظل عدم توفر أجواء مناسبة لمحاكمته محليا وعدم قدرت الدولة على تسلمه من الذين اعتقلوه . واختتم اللقاء على أن يتم الرد صبا ح الثلاثاء في طرابلس وان شاء الله خير
| |
|
| |
حبوبه
مساهماتك : 4714 وصلت إلى نقطة : 15155 تاريخ التسجيل : 06/03/2010
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-17, 13:38 | |
| تبي رايي بصراحه اني اصلا وجود سيف حي لي تواء معفلقني
معقوله طلع بمنتهى الصراحه وهو يهدد وقاد الحرب مع بوه وقتل شبابنا ..................... الخ وقاعدين يوكلوا فيه ويشربوا ويصرفوا عليه تي اعطوا ادراه رصاصه في راسه وريحونا منه ومن دوت الطحالب في جرته | |
|
| |
آمــان
مساهماتك : 9351 وصلت إلى نقطة : 22272 تاريخ التسجيل : 11/02/2010
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-17, 18:44 | |
| قالو بيجيبو قوة آمن من خارج البلاد لحماية وحراسة سيف الاسلام أن شاء الله يجبولهم قوة من خارج ليبيا خلي يردعو الخارجين عن القانون واللي ماسكين السلاح ويهددو في الناس والاماكن العامه بالسلاح خلي يربوهم | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-17, 20:54 | |
| والله شي ايرعش واللى يقهر اكتر كيف يتكلم وايقول نبي الليبين ايحاكموني مش الجنائيه شن معناها هذا ربي يستر منه ومن شكالته | |
|
| |
رواسي
مساهماتك : 576 وصلت إلى نقطة : 10762 تاريخ التسجيل : 07/08/2010 العمل/الترفيه : مخرومة نت و كومبيوتر
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-29, 21:51 | |
| على سيرة الهاربين من النظام السابق وين "هالة" ؟؟؟؟؟؟ واصلا احنا الزنتان منبوهش يقعدلنا شن بنديروا بخليقته لان كان هرب أو مات أو قعد لين يتحاكم محاكمة عادلة أو تعذب أو تحسنت معاملته كاسجين في كل الحلات الشعب مش راضي مش عارفة كيف هالشعب بيرضى ؟؟؟ | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-29, 22:25 | |
| انتى تتكلمي على الشعب ليش انتى من وين مش ليبيه زيك زينا وبعدين هذي مش أقاويل هذي حقائق انى ماعيبتش على الزنتان لانهم في الاول والاخير ليبيين وماعمرنا درنا فرق بن شرقي وغربي زنتاني والا طرابلسي ماعليش أخت رواسي من غير حساسيات الواضح من كلامك متحسسه هلبا الزنتان خوتنا في ناس أشرف حتى من بعض الطرابلسيه لو عندك حقائق ووقائع ياريت تحكي عليها
وكان علي الهاربين سبحان الله لو هربوا من عدالة الدنيا في عدالة في الاخره والدليل شكري غانم والخويلدي هربوا من ليبيا لكن ماهربوش من ربي وهالة حتى لو هربت وهربوها لكن في الاخير ربي اقوى وأقدر أنه ياخد الحق
وشكرا لمرورك | |
|
| |
ام مآب
مساهماتك : 6181 وصلت إلى نقطة : 18427 تاريخ التسجيل : 30/12/2009 العمل/الترفيه : مدرسة رياضيات
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-30, 05:55 | |
| يارواسى ماتتحسسيش أصلا قضية تهريب بد الله السنوسى خلت الناس خايفة أن يتكرر نفس الشىء مع سيف ياريت طربقوه من الاول على قولة حبوبة وريحونا منه زى ماداروا مصراتة حل نهائى وقال سيف عطه قلقال : كان تحكمت فى ليبيا وطلعت برىء مازال محكمة الجنائيات الدولية تطالب بى ؟ شوفوا السخافة طامع فى البراءة وتصريحه هذا يخوف
| |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-04-30, 10:37 | |
| ان شاء الله ربي ايرد كيدهم في نحرهم يارب | |
|
| |
malak
مساهماتك : 62 وصلت إلى نقطة : 10324 تاريخ التسجيل : 10/05/2010
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-06-01, 05:55 | |
| اختي راوسي اني مصراتية وسمعت هلبة كلام علي مصراتة لكن مش معني هدا اني نتحيز لجهة ما بالعكس كلنا ليبين وفي الاخير نبو مصلحة بلادنا سواء كنا من مصراتة والا الزنتان بس لازم العدالة تاخد مجراها لان كان قعد الي زي سيف معناها مدرنا شي بعد خطاباته وتهديدته لينا مازال نبوه يعيش خسارة فيه يوم يعيشه وربي ياخد حق الشهداء | |
|
| |
هدي
مساهماتك : 3417 وصلت إلى نقطة : 13011 تاريخ التسجيل : 17/06/2011 العمل/الترفيه : مكسدة في الغربة عالنت ولاهية في الصغار
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-06-01, 07:11 | |
| لا شرقية لا غربية ليبيا وحدة وطنية منورة سناء علي الموضوع الله يسحق سيف وكل عائلته عاجلا غير اجلا | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-06-01, 07:37 | |
| الله يبارك فيكم أخواتي على كلامك وأحلى جمله سمعتها من بداية الثورة ليومنا هذا وكل مانقراها او نسمعها جسمي يقشعر
حـــفــظ الله لــيــبــيــا | |
|
| |
د/مودة
مساهماتك : 1754 وصلت إلى نقطة : 12666 تاريخ التسجيل : 07/12/2009 العمل/الترفيه : دكتورة تحاليل طبية sms : انا سعيدة باالانضمام الى المنتدى المزاج : على حسب الاجواء
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-06-01, 12:52 | |
| | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو 2012-06-02, 05:57 | |
| | |
|
| |
| الزنتان تطالب بتأجيل قرارهم بنقل سيف ومصراتة مستعدة لتسليم أحمد إبراهيم وضو | |
|