| تقرير البنات ونساوين الفالحات بس | |
|
|
كاتب الموضوع | رسالة |
---|
*أم الشيماء*
مساهماتك : 10632 وصلت إلى نقطة : 23620 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: تقرير البنات ونساوين الفالحات بس 2013-09-10, 22:12 | |
| السلام عليكم ا اخواتى ليكم وحشة كبيييييرة شكلى نتكلم بروحى مش مشكلة توا نعيط تسمعونى اليوم نايضة ناشطة ضميت الحوش خطر فى بالى هذا الموضوع هو موضوع تقرير اليومى تشاركينا كل يوم بتقرير كامل شنو درتى اليوم من صبح الى الليل ان شاء الله عجبكم موضوعى نبى مشاركة من غير كسل هيا يافالحات شمرى درعانك ونوضى ضمى
عدل سابقا من قبل *أم الشيماء* في 2013-09-26, 10:22 عدل 1 مرات | |
|
| |
*أم الشيماء*
مساهماتك : 10632 وصلت إلى نقطة : 23620 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: رد: تقرير البنات ونساوين الفالحات بس 2013-09-10, 22:17 | |
| انا اول ناشطة اليوم نضت اول حاجة وجهزت صغارى للمدرسة وصلت شيماء وبعدين جنى لروضة ومحمد عنده موعد لدكتور طايح على عينه وبعدين رجعته للمدرسة وروحت ضميت الكوجينة وسيقت الحمام وطبقت حوايج قريب ساعة بش كملتهم ههههههههههههه 4 غسلات ماطبقتهمش وبعدين طلعت دجاج ونفكر شنو انطيب كله بكرى بكرى لان نرقد نازل عليا النوم بشكل غريب معلشى سايرونى حامل | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: تقرير البنات ونساوين الفالحات بس 2013-09-11, 07:22 | |
| هههههههههههههه موضوع حلو وجو
تقريري اليوم نضت الصبح واليوم الحق غايبه مامشيتش العمل فطرت وطلعت نشري في شوية حاجات ناقصتني تغديت برا وروحت درت حوسه في الحوش وتوا انشيمش في الشيموات ههههههههههههه | |
|
| |
فارسة السنة
مساهماتك : 3107 وصلت إلى نقطة : 13052 تاريخ التسجيل : 01/05/2011
| موضوع: رد: تقرير البنات ونساوين الفالحات بس 2013-09-12, 07:47 | |
| باسم الله ماشاء الله فالحات صح لي عودة باذن الله تعالى | |
|
| |
*أم الشيماء*
مساهماتك : 10632 وصلت إلى نقطة : 23620 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: رد: تقرير البنات ونساوين الفالحات بس 2013-09-12, 08:32 | |
| نورتى ياغالية فارسة السنة ليك وحشة ونحن فى انتضارك وانتضار باقى الاخوات اليوم تعبت تعبت من صبح وانا فى شارع اول حاجة رفعت صغارى للمدرسة ومشيت لسوق شريت لصغارى شوية حوايج الجو صقع وعيت كل صبح نفكر شنو نلبس ورجعت نضفت الحوش بسرعة وغسلت الحوايج طيبت على سريع وصلت جنى ومشيت لصاحبتى جايبة بيبي انا وجاراتى وساعة 4 روحت بصغارى ضربتها نويمة نودكم بيها هههههههههههههههه | |
|
| |
ام مآب
مساهماتك : 6181 وصلت إلى نقطة : 18427 تاريخ التسجيل : 30/12/2009 العمل/الترفيه : مدرسة رياضيات
| موضوع: رد: تقرير البنات ونساوين الفالحات بس 2013-09-24, 04:32 | |
| موضوع رائع أنى عدة نوض أذان الفجر نصلى ونجهز لمآب فطورها لان يجيها الباص بكرى الساعة 6وربع وبعد ماتمشى نتكأى ونبدأ أذكار الصباح لين نكمل وبعدين جهزت روحى لان عندى موعد منظار للمعدة الساعة 7ونصف ومشيت للمستشفى ودرت المنظار وروحت الساعة 10 دايخة فى حالة وتعبانة ومن وقتها وأنى ملوحة لعند العصر وبعدين نوضت كليت شوية وقاعدة دايخة وقعمزت على النت اليوم لاضمان ولاتطيب | |
|
| |
*أم الشيماء*
مساهماتك : 10632 وصلت إلى نقطة : 23620 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: رد: تقرير البنات ونساوين الفالحات بس 2013-09-24, 09:31 | |
| الحمد الله على سلامتك ياوخيتى ربى يدوم علينا صحيحة
انا اليوم تنضيف راجلى جاى ههههههههههههههههههه حملة على الحوش الاسبوع اللى فات مريضة ورقدت فى المستشفى يعنى تخيلى الحوش اسبوع كيف شكله الحمد الله اليوم نحس براحة ماهو شميت الديتول والوركينة هههههههههههههههههههههه | |
|
| |
ام مآب
مساهماتك : 6181 وصلت إلى نقطة : 18427 تاريخ التسجيل : 30/12/2009 العمل/الترفيه : مدرسة رياضيات
| موضوع: رد: تقرير البنات ونساوين الفالحات بس 2013-09-24, 23:53 | |
| ألف لاباس عليك أم الشيماء وأن شاء الله يوصل زوجك بالسلامة | |
|
| |
جنان70
مساهماتك : 2546 وصلت إلى نقطة : 11764 تاريخ التسجيل : 12/02/2012
| موضوع: رد: تقرير البنات ونساوين الفالحات بس 2013-09-25, 21:20 | |
| السلام عليكم شيموات وكيف حالكم
ام الشيماء ان شاء الله امورك تمام توة
وام ماب لاباس عليك وكيف حال وخياتك سلمى عليهم
فارسة الله يسر لك الخير احبك فى الله
سناء قاعدة عريسة ولا خشيتى معترك الحياة وشن مادرتيش حويجة هههههههههههههههههههه
وخلى نحكيلكم شوية على حالى اليوم نضت بكرى نبدا يومى بالادكار ورفعت بناتى للمدرسة وجنان غابت اليوم من الروضة وما عنديش اليوم نية فى الضمان بكل طبعا عابية على البنات الكبار مازال مايقروش وراجلى كيف روح من السفر يعنى الغدى لازم يوتى بكرى خاطرى بندير طاجين دجاج وسلطة ومعه طاجين مكرونى زى طاجين جبن غير بدل البطاطا مكرونة خرز صغيرة وعندى لمة جياب جارتنا وعادى البرنامج كله زى بعضه اللى يهون علينا الخبس فى الحوش والاجر من عند الله | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: تقرير البنات ونساوين الفالحات بس 2013-09-27, 10:38 | |
| السلام عليكم يا شيموات خشينا للمعترك جنان هههههههههههههه
اليوم نضت متاخر الحق درت الفطور كريب نلخبطو في الراجل باش يتاخر الغدي ههههههههههههههه وضميت الحوش صليت وقريت قران وحطيت الغذاء فوق النار درت رشدة كسكاس وسلاطه وبعدين رقدت وبعدين طلعت درت دوره وتعشيت وروحت وتوا انشيمش
والحمد لله جنان درت حويجه وربي يكمل على خير | |
|
| |
جنان70
مساهماتك : 2546 وصلت إلى نقطة : 11764 تاريخ التسجيل : 12/02/2012
| موضوع: رد: تقرير البنات ونساوين الفالحات بس 2013-09-27, 19:16 | |
| بسم الله كيفكم ياغوالى
مبروك سنونة والله متنحلى الحياة الا بالدرية الصالحة وفقك الله وبارك الله فى حملك وارزق يارب كل محروم
اليوم الباين فشل حتى هو والضمان امس جمعة درت اللازم الحق بالنسبة لية مالة راسى يوجع فية والنفسية شوى مكركبة لكن الحمد لله فترة وتعدى وعلى فكرة المرة اللى فاتت الراجل تغدى برة واللمة ماصارش منها مشيت حوش بوى
اليوم لمة مرت خوى جابت وليد سموه على بوى الله يرحمه ويغفرله وسائر المسلمين
الله يوفقنا الى مايحب ويرضى ويبارك الله فى اوقاتنا وازوجنا ودريتنا يارب | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: تقرير البنات ونساوين الفالحات بس 2013-09-28, 00:40 | |
| الله يبارك فيك الله امين ان شاء الله جنان ومبروك على وخيك الوليد ويتربى في عزكم ان شاء الله ويكون زي جده باذن الله وربي يشرح صدرك ان شاء الله انى فقت الصبح ودرت الفطور وضميت الحوش والغذاء اليوم امى باعتتي غداي عصبان وللان الامور تمام | |
|
| |
جنان70
مساهماتك : 2546 وصلت إلى نقطة : 11764 تاريخ التسجيل : 12/02/2012
| موضوع: رد: تقرير البنات ونساوين الفالحات بس 2013-10-02, 07:03 | |
| الله على المنتدى فاضى يغرد وينك ام الشوش وين باقى الوخيات هادى الدنيا فراق وتلاقى الله يصيرنا الحمد لله على كل حال
اليوميات زى العادة دائما توصيل مدرسة ضمان حوش وتطيب غذى والحمد لله والله يفرجها علينا يارب
اللهم لاعيش الاعيش الاخرة والدنيا متاع الغرور | |
|
| |
*أم الشيماء*
مساهماتك : 10632 وصلت إلى نقطة : 23620 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: رد: تقرير البنات ونساوين الفالحات بس 2013-10-03, 07:15 | |
| السلام عليكم وخياتى والله ليكم وحشة دنيا مشقى وتعب وجرى والحمد الله امس فى الليل رقدت بكرىىىىىىىىىىىىىىىىىىىىىىىىىىىىى قبل صلاة العشاء ونضت ساعة 12 صليت العشاء ورجعت للفجر نووووم واليوم كله جهاد فى ضمان الحوش والحوايج وصغار ومشت جبت قضية للحوش وروحت بصغار الساعة 4 وطيب بسرعة لصغار طبيخة بامية وتغدو ورقدو وتوا نشرب فى قهيوتى | |
|
| |
sana
مساهماتك : 9949 وصلت إلى نقطة : 22215 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: تقرير البنات ونساوين الفالحات بس 2013-10-04, 01:12 | |
| الله يكون في عون الجميع والله المنتدى موحش فاضيييييييييييييييييييي
امس نضت الصبح درت الفطور وامشيت لخدمتي روحت ضميت وطيبت الغذاء أرز مسقي وسلاطه والعصر امشيت عندي موعد دكتوره الحمد لله اطمنت وبعدين امشيت لحوش بوي الله يرحمه هدرزت لين عييت ههههههههههههههه وروحت رقدت وتم اليوم
واليوم فقت متاخر فطرت وضميت الحوش ومادرتش الغذاء راجلي متغدي برا صليت الظهر وقريت الكهف ان شاء الله جمعتكم مبركه والله اعلم شن بيصير بعدين؟؟ | |
|
| |
ام مآب
مساهماتك : 6181 وصلت إلى نقطة : 18427 تاريخ التسجيل : 30/12/2009 العمل/الترفيه : مدرسة رياضيات
| موضوع: رد: تقرير البنات ونساوين الفالحات بس 2013-11-05, 21:00 | |
| نحس فيه روتين يومى ليوم نضت قبل الفجر قعدت مع مآب لين جاها الباص وبعدين أتكيت ورددت أذكار الصباح وفريت قرآنومشيت للمدرسة لقيتها مسكرة قالوا أعتصام رجعت خذيت الدواء ورقبتى لوز درت شلهى سخون خذيته مع كيكة وومادرت شىء قعمزت على النت بديت نشوف كل اللى فاتنى نشوف شوية ونرتاح شوية مانقدرش نقعمز هلبة وماضميت شىء ومانبيش نطيب أمس طيبت وماكلوش بنسخنه وخلاص هذا تقرير الصباح وبعدين الله أعلم شن بيصير | |
|
| |
| تقرير البنات ونساوين الفالحات بس | |
|