د. ابراهيم قويدر / معلومات مؤكدة توضح قصة عبدالله ناكر والسنوسي

د. ابراهيم قويدر / معلومات مؤكدة توضح قصة عبدالله ناكر والسنوسي


ما هو السبب الذي جعل ناكر يكذب ويقول عبدالله السنوسي في قبضتي وهو يعلم ان يوما ما سيكتشف امره بل ويزيد بكل ثقة ويقول سوف اخرج عبدالله السنوسي قريبا بصفته رئيس مجلس عسكري ورئيس حزب والانتخابات على الابواب وهو يحرص على نشر وشهر اسمه في الوسط السياسي قبل الانتخابات بأي ثمن ..

المهم كيف القصة وايش في بينه وبين السنوسي:
... تم القبض على عبداللة السنوسي من قيبل اشخاص تابعين ل ناكر بعد سقوط طرابلس بأيام ولا يعرف اين قبض علية المهم عبداللة السنوسي كان مجهز مبالغ ضخمة لهذه اللحظة وعرض على ناكر مبالغ خيالية مقابل اطلاق سراحة وطلب من ناكر اعلان القبض على السنوسي حتى لا يلاحق في الخارج واكد السنوسي لناكر بأنه سوف يغير جنسيته وحتى شكله وقال ايضا ان عنده اصدقاء في امريكا اللاتينية ممكن يقصد فينزويلا او الارجنتين سوف يبقى هناك مدى الحياة متخفيا وطبعا ناكر راجل طموح ويحتاج للشهرة والمال لكي يحقق اهدافة فقام بالابلاغ عن القبض على السنوسي وبهذا ذاع صيته في ليبيا وتحصل على اموال ضخمة من سبائك ذهب ودولار و يوروا وعملة ليبية قام السنوسي بتخزينها اول ايام الثورة في الصحراء واكيد تذكروا لما الجزيرة جابت خبر قبل شهر رمضان قالت ان عبداللة السنوسي يوميا يسحب في مبالغ ضخمة من مصرف طرابلس المركزي هذه الاموال الان بين يدي ناكر

كيف تم القبض على عبدالله السنوسي:
الاستخبارات الفرنسية والبريطانية كانت تعلم بوجود السنوسي في المغرب بعد ان اتى من الصحراء الليبية ثم الي مالي ثم الي المغرب عن طريق السفير الفرنسي في المغرب منذ شهور وكانت تعلم ايضا انه ينوي الانتقال الي بلد اخر فجعلت تراقبه حتى سافر لموروتانيا فأخبرت الحكومة الفرنسية سفيرها في موروتانيا بأن ينسق مع الحكومة الموروتانية للقبض علية

السؤال الاخر لماذا خرج ناكر ليؤكد ان السنوسي في حوزة الثوار على قناة ليبيا الاحرار قبل القبض على السنوسي بأيام:
الاجابة لان السنوسي اتصل بي ناكر من المغرب وقال له انه قرر السفر لموريتانيا ومن ثم الي امريكا الجنوبية وقال له اشغل الاعلام في ليبيا بوجودي في السجن لديك حتى يسهل على التنقل بسهولة وكان ناكر حريص على ان السنوسي يهرب لان لو تم القبض علية سوف يفضح ولكن الله سلم لكي يعلم ناكر وغيره ان الثورة كان ثمنها دماء شهداء والله وحده هو وكيل ليبيا ونعم الوكيل ونعم الوكيل ..

من مصادر موثوقة وهذا ما سيظهر قريبا في وسائل الاعلام مع العلم ان بعض اعضاء المجلس الانتقالي وليس كلهم كان لديه العلم بذلك ولهذا لم يطالبوا ناكر بتسليم السنوسي رغم ان عائلات ضحايا مجزرة بوسليم طالبوا اكثر من مرة المجلس الانتقالي بأن يأخذ السنوسي وأن يقوم بمحاكمته في بنغازي .

الحمد لله ديمة نقول الثورة حاميها ربى مش فلاحة من حد اهو ربى يغربل فيها كل يوم ينفضح واحد

صباح الفل ياقرباجة

صباح النور يانويشطة
شني حالك اليوم وحال أختك

تعرفى باامان عجبنى فى املية مايكبروش فى المسائل واختى من ها العيلة صابرة ومحتسبة لله والحمد لله ماقلتش كلمة شينة فى حقة والبنات عندهم خالات وخوال ماينشروش بالدنيا همنا الاخرة ياامان توة بدينا نحدرو فيهم من العقوق فى الاخير الزواج كاتبة ربى وعلى قولت خوى اللى دار حاجة غلط مش احنى اللى بنحاسب الناس ربى فوق الجميع

توة ربى يفتح عليهم ويتعودو مش اول واحد ولا اخر واحد يدير هكى

درونا قسم هدرزة خير من اخلطو فى المواضيع

د. ابراهيم ماشاء الله انسان مثقف وكلامه موزون وناكر انسان متخلف مش طبيعي واللى زاده انه اعطوه قيمة اكتر من حقه وربي ياخد الحق ان شاء الله

حسبي الله ونعمه الوكيل فيهم الزوز

اني مستغربه كيف الناس تتاثر بناكر وديمه انقول فيها مش تواء بس لكن الحمد لله ربي فضحه بيش معش يتاثروا بكلامه الكذاب هذا

والحمد لله الثوره حاميها ربي مش ناس كذابه

ههههههههههههههههههههههههههههههههههه
اهي تحليل أخر لتقوموري عصره
هههههههههههههههههههههههههههههههههههههه
جو ليبيين وخلاص
عليك تخلف

السلام عليكم

أستغرب لو كان في قبضة ناكر من البداية لماذا لم يصور في فيديو ويا كتر الموبايلات اللي بالكاميرا يعني لو حق نشوفوه بعيوننا
أما يقعد يومك وتاليك طالعنا في القنوات ويقول السنوسي عندي وأني مش معدل عاللي يتكلموا في النت ويوصفهم بأنهم طحالب وفيروسات!!
وعلي فكرة ناكر يسكن في جيهتنا ونعرفوه من قبل شن كان وربي يستر علي الليبيين
شكرا لكي أختي امان**

حور كتب:

السلام عليكم

أستغرب لو كان في قبضة ناكر من البداية لماذا لم يصور في فيديو ويا كتر الموبايلات اللي بالكاميرا يعني لو حق نشوفوه بعيوننا
شكرا لكي أختي امان**

هيا مورتانيا دولة على كبرها ماطلعاتاش فيديو واتلومي في ناكر
بالله فكري في الموضوع اشوية بعين العقل!!!

رواسى معلشى

انا طلبت منك ترجعى للمنتدى لانه تفقدناك وانت تعرفى معزتك الغالية عندنا والزنتان او اى مدينة فى ليبيا الحبيبة كل ايد تمسح على وجها ومش معقلولة توا عقولنا كلنا غلط وعقلك انت اللى صح انتى تشوفى فى زنتان بشكل وفى ناس تانية تشوفها بشكل والموضوع وجهت نظر مش اكثر ومافيش داعى وحدة من الاخوات تجرح اخت ثانية على مواضيع تافها اكيد بتقولو الموضوع مش تافه لكن نقاشاتنا هى اللى تافها لما توصل فى اهانة البعض

رواسى اختى اكيد من حقك ادافعى على الزنتان لكن متنسيش انه الزنتان هى ليبيا وليبيا هى الزنتان يعنى مش لازم منه التفرقة وناكر او غيره اللى يكذب يتحمل اللى يجيه

حتى من الاخوات فى اللى صالح وفى اللى طالح

وهذه مدينة طول وعرض حسبي الله ونعم الوكيل فى الناس اللى تشوه صورة ليبيا والثوار الاحرار ان شاء الله يارب منكونش زعلتك او زعلت وحدة من الاخوات

أختي أم شيماء أنا بعدت على المنتدى الفترة اللي فاتت منبيش انخوض أي نقاش من هذا النوع
والمشكلة أول مارجعت نلقى مواضيع للأسف بنفس الأسلوب وبنفس العقلية
والموضوع هذا واللي زيه وصل لدرجة التجريح والتشكيك بنزاهة الثوار وحتى الشيخ الطاهر الجديع
والمشكلة نلقى في تفاعل جنوني من قبل العضوات مع الموضوع
وبعدين أنا نحكيلك على الواقع اللي انشوف فيه مش لأنه صح أو غلط
وزي ماقلتلك أن المواضيع وصلت لدرجة الاتهام بالباطل مش مجرد رأي
وارجوك اتحطي حد لهذه المهزلة وياريت كل وحدة تلتفت لأمورها الحياتية وبلاش كلام فاضي ودخول في مواضيع ماتفهم فيها شيء

رواسى مايمنعك حد من الكتابة فى المنتدى على ثوار اللى تقولى عليهم لكن مش لازم انك تجرحى اى عضوة برايها

انا ملاحظة منك فى بعض الردود تكتب افهمو قبل ماتردو ردود بالجنون هذه وجهت نظر مافى حد يمانعك من وجعت نظرك حتى انت تقبلي وجهت نظر الاخوات

والموضوع اللى يعجبك ردى عليه واللى ميعجبكش فوتيه

اقل مشاكل

توا انت متغيبة على المنتدى معقولة ماشوفتيش ولا موضوع الا هذا

رواسى تربحى فوتى الموضوع هذا

انفوته كانه هوا فاتني


لاكن أكيد مافيش عضوة ترضى بأن حد يتكلم على ثوار بلادها خليني انقول منطقتها حتى تاورغا والرياينة والمشاشة أكبر مؤيدين للطاغي
فمابالك الزنتان وأهلها "عذراء الجبل"
ووجهة النضر ناخدها وجهة نضر لما اتكون في حدود ومعقولة وانا اللي انجرحت مش العضوات

ومجروحة منك أكثر لانك من قبل حطيتي شروط وقوانين لكتابة المواضيع ولاكن انشوف فيك تقري فيهم ومسيبتيهم
ارجو انك "فهمتي" وجهة نضري كاليبية وزنتانية

هذا الناس اللي تتهموا فيها
والشعب الليبي "ناكر" للجميل
https://www.youtube.com/watch?v=ONDyLiH9ELM

رواسي كتب:

انفوته كانه هوا فاتني


لاكن أكيد مافيش عضوة ترضى بأن حد يتكلم على ثوار بلادها خليني انقول منطقتها حتى تاورغا والرياينة والمشاشة أكبر مؤيدين للطاغي
فمابالك الزنتان وأهلها "عذراء الجبل"
ووجهة النضر ناخدها وجهة نضر لما اتكون في حدود ومعقولة وانا اللي انجرحت مش العضوات

ومجروحة منك أكثر لانك من قبل حطيتي شروط وقوانين لكتابة المواضيع ولاكن انشوف فيك تقري فيهم ومسيبتيهم
ارجو انك "فهمتي" وجهة نضري كاليبية وزنتانية

كلام كبيييييييييير يارواسى انك تقولى انى انقرم فيهم عيب عليك

والناس كلها عندها عيون وتشوف ووذان تسمع

ولله الحمد

انا بنقول كلمة وحدة على قولتك تبى تفهمى انت حرة

اى كلمة تنكتب منك او من اى عضوة تانية

حدف وبس

انا لو نفهم موضوع نرد عليه ولو مفعمتش او معجبنيش منردش عليه حتى منجرح حد

على فكرة حتى نكتة متعجبنيش منردش عليها وامشى شوفى

حتى ازياء متعجبنيش منردش

حسبي الله ونعم الوكيل

رواسي انتي علاش ما عجبكش الموضوع ما نعرفش مع ان الشعب كله يعرف ن ناكر كذاب ومش تواء من شهور واني نفسي كنت نقوللهم خلوه يعبر على شعور توء يجيه يوم وينفضح

لانه كذبه ووعوده كانت واضحه زي عين الشمس واني كنت نستغرب في الناس لي كانت تتاثر بيه وتصدق فيه

*أم الشيماء* كتب:

انك تقولى انى انقرم فيهم عيب عليك

هذا أكبر دليل انك مافهمتينيش أنا ماقلتش اتقرمي قلت "تقري" فيهم

رواسي كتب:

ومجروحة منك أكثر لانك من قبل حطيتي شروط وقوانين لكتابة المواضيع ولاكن انشوف فيك تقري فيهم ومسيبتيهم

*أم الشيماء* كتب:

حسبي الله ونعم الوكيل

الله وكيل كل مظلوم

*حبوبه* كتب:

رواسي انتي علاش ما عجبكش الموضوع ما نعرفش مع ان الشعب كله يعرف ن ناكر
كذاب ومش تواء من شهور واني نفسي كنت نقوللهم خلوه يعبر على شعور توء يجيه
يوم وينفضح

لانه كذبه ووعوده كانت واضحه زي عين الشمس واني كنت نستغرب في الناس لي كانت تتاثر بيه وتصدق فيه

هذا دليل تاني على أنه مافيش حد فاهمني

تي ناكر كذاب أمس على أول أمس وعاودي أقري الموضوع
تي من اللي ماوصلش فيه فيلم الأكشن هواه
ناكر كذاب ......مختار الأخضر مرات .....لاكن وصل في الشيخ الطاهر اجديع .... قعد ايقول الزنتان أكبر مؤيدة للطاغي لأخر لحظة ورافعة العلم الاخضر
بالله عليكم اتقوا الله في هالقرية اللي ماتبوش تعترفوا بيها بأي شكل من الأشكال وحسبها الله ونعم الوكيل

باهى خلاص انا غالطة وانا نقرى فيهم وانا اسفة

اصبحنا واصبح الملك لله

*أم الشيماء* كتب:

اصبحنا واصبح الملك لله

لا تعليق

ربي ياخد الحق في ناكر والي زيه شووه الثورة وعطلوها