موسوعة الشعر الشعبي متجدد

موضوع: موسوعة الشعر الشعبي متجدد 2010-11-04, 04:08

تذكير بمساهمة فاتح الموضوع :

هذا الموضوع فتحته لاجمع فيه الشعر الشعبي الذي يقابلني ويروق لي
لكي يكون تجميع لتراثنا الذي نعشقه ونهواه وله اصداء حتى على مستوى العالم العربي

وهذه اول قصيدة

عيون سود

للشاعر المهدى إبراهيم مخيون

عيون سود في مُولَى الْخِدْود نِقِيّة*** مِشارِبْ غَذارَة تَاوْ شَبنْ فِية

عيون سود في اللي قُصتَه مَحَرُودَة*** نِظيفْ العَظَا بُوعِينْ تِكْوى سُودة

انْكَانْ نَارْهُم كيفْ نارُنا مِيقُودَة هِيهْ*** ياشقّا اللِّى يُحُجْروا فِى الغَيَّة

عيون سود في اللى حَجّرونِى نَاسَه *** نظيف العظا خوتامْ رُوس خَمََاسَه

وُرَا خالْتي ماينفعوا العَسـَّـــاسة *** الخانِبْ خَنّبْ سلطان يامَدْعِيــــة

عيون سود في اللي صيتْها مِتْعَلِّي *** قَمَرْ زاهُيَةْ تاو السحابْ مْجَلــــــِّى

هَنِي بال من يَضْبَحْ عَلِيكْ تْحِلـــِّـى*** اتْجي حافْلَة في الجّرَدْ والشَّامِيــَّـــة

عيون سود في جَارْةِ الشِّيبانــِــى*** نِظيفْ العظا مولي الغثِيثْ َمتَانـــِــى

حِسَّه كُواني قُلْتْ يادوحانـــِــــى*** نِشْكِي لْمُولَايَ ايرُوفْ عَلـــيـــَّـه

والى اللقاء في قصيدة جديدة

وين ما نقول كفايا ...................وما عد نجر معاك في سهرايا
من يوماً رضيتي بالخراب معايا .... واخترتي اللي ماكان غالي دوني
عليك غير ماي ساعة عدد يا منايا .... ما هن سوايا واجدات ديوني
وظلمك وجفاك مخلَفات سوايا .... ساكنات جوا ضربهن دكنوني
وزولك هذاك السمح كان تهايا .... وانتي ترتشاقي مشيتك فصعوني
تقول تشغلي في بهيب عنايا .... وانكان غمضت عيني حذاي تكوني

ماشاء الله عليكم رغم أنى مش من المياليين للشعر ابدا

ما شاء الله الشعر الشعبي قداش نحبه بس منحفظ منه شيء
تسلمي زوزو

موش كل هالى تريده تكسبها *** ولا كل ضحكه وادك صاحبها

موش كل هالى اتريدها توصلها *** ولا كل سمحت لون زين عملها

اموج البحر لو اتعد ما اتكملها *** والشمس ما تزرق مع مغربها

ومحروق من جوا اللى قايلها *** نار الغلا خزرة العين حطبها

موش كل هالى اتريدها واتريدك *** ايواتن قساميها وتبقى قيدك

مرات يا صاحب الدهر ايكيدك *** والعين ديما تحت من حاجبها

دور على اللى تنفعك واتفيدك *** والنفس وين اتعف ما تغصبها

موش كل هالى اتريدها تاجدها *** وبرمة فلك الايام ما اتعاندها

بكره ثماير غرستك تحصدها*** القاسمه للحى ما ايهلبها

اتجى بالسوا كيف مالله رايدها *** وموش كيف ظنك وين ما تاجدها

موش كل هالى اتريدها وتبيها *** تجيك كان ما تسعالها واتجيها

اللى ساهله مرات توحل فيها *** والصاعبه تسهل يزول تعبها

واللى اتعدها م الناس لوم عليها *** وحاجه اتقل القدر ما تطلبها

موش كل هالى اتريدها اتلايمها *** وعلة الغاوى الغاويه تفهمها

وفى الريق حنظل مر تستطعمها *** تمويحة اللى خاطرك راغبها

والعين ع المعاصى كان ما تعصمها *** تضلك ضلال كبير ما تغلبها

سناء حلوات الاشعار

اخر قرار صدرته
ينساك عقلي يا عزيز جبرته
لك نبعته
بناءً علي ما فات وعلي حب كاين في صميمي مات
وعلي عقل تما ممتلي سيات
وعلي قلب حبك حب ما قدرته
وعلي عمر كملته بلاك شتات
وعلي عهد سيبته وما عبرته
وخليتهن لنظار بكايات جسر المحبة بينا دمرته
حبك ابقي ممنوع منعاً باتاً قرار معتمد فالصادرات نشرته
وماعد نذكر الذكريات
وصوبك دفنته دفن في مقبرته
منك خديت الدرس فالجيات ومسامحك م القلب علي درته
خود الودايع والودايع هات
بابك اللي في جلوتي سكرته
لك نبعته
اخر قرار صدرته ينساك عقلي يالقديم جبرته

تسلمي يامهندسة حتى انتى ماشاء الله مبدعه

طعنّى طعن ما منّا شفـــــا..جرحنى جرح يا صاحب عطيب

ظلمنى ظلم فى ايام الزها..سقانى السم وامراره غريب

جبد القلب من جسمى خدا..لحــق الكبد وابسهمه يصيب

الله الله يا ماضى مضا..خـــــــــــــذينا ايام ومعاى الحبيب

سهرت الليل من بعد الجفا..ويلى ويــــل من فضية الجيب

اف بحر الحب واغرقنا سوا..جانا المـوج وابسرعه عصيب

وكنا الزوز فى مركب غـــلا..جــــــــــــاته ريح خلاته خريب

عشقته عشق فى ايامى امعا..غدرنى غدر جرحى ما يطيب

عذرته عدر وين قايل نســـا..موعد كان فى مـــاضى جذيب

سلخنى سلخ وين باع وشرا..قبل الذبح وامــــالى اتخيب

كسرنى كسر مادرت الخطا..كسير جناح ركبنى الشيب

طريح طريح مالقيتش دوا..مريض مريض ما هناكش طبيب

طبيبى الياس مالقيت الوفا..دواى الهـــــــم وابناره لهيب

قتلنى قتل زايدنى عنــــــــــا.. ميّت موت ما عنداش طيب

ملكنى ملك فى خلوة خلا..خاين خون كى خـــونة الذيب

بكيت بكيت مانافع ابكـــــــــــا..حزين حزين وامكتر نحيب

غريب غريب وفى الخونه اسطا..كى جساس فى خونة كُلِيبْ

قصفنى قصف واجيوشه احدا..قليل العزم والراى العطيب

حياة الروح سمّيته اسما..وهوا ليش سمانى الْغريب

طير غلاى ذبحه م القفا..ومنى العين ما تبطَل سكيب

يومى عام واحزانه اقوا..طال الموح فى ماضى قريب

الله الله يارب السمــــــــــا..جيب الخير ياعالم الغيب

جيتي بعيدة ومسكنك في الظهرة		وكيف القمر درتي عليها بهرة
سعيد بيوم ريت الخّلة		قمر زراقة عليها السّحاب إجّلّى
تقول زهرة فتق من فروع الفلّة		وسبحان فيك صوّر كريم الباري
ظهر خدها الخرخوط سمح الطلّة		صف الصفوف الامام اذّن صلّى
يعيد الصلاة بدّر ولاتقبل له		ولا عليه حرج ولا خطا من الطّاري
شاف زول يدّولش طلع يتسلّى		اللي بسمته تبري العليل بعلّة
نور خدها عكس الشعر بضله		بدّو الصلاة في كل جامع ساري
لبس الرهيف ومشيته بالزّلة		سحن كبدتي وكملّ عليّ ولّى
جرح قلب من حبّه عليه تخلّى		أشقى بمن يبغاك بيّ احتاري
لحظة فراقك قاسية ومملّة		ومرّة كما الحنضل عليّ والله
وقدّاش بنعطي حكامي لله		وقدّاش على عيون الحبيب نداري
انت داك ما تقدر جمال تقلّه		خلّي عضاي مفتّتة ومنشلّة
حنا بينّا المشكل تواعص حلّه		وبنخايرك فامرين وانتِ إختاري
بنقترح قولي عليك نملّه		ولي لامتى نعيشو حياة الذلّة
	وما كفالك هذا ياعزيزي الكلّه	من دناين تغيّب فكرتي مختلّة
	يابنت خودي بالنصيحة يالله	لشور السعادات نفتحو لمجاري
	شور ايام سعيدة	نوصل مرادي سمحة التقليدة
	نزهو معاً نفتح ابواب جديدة	والاسرار تبدا بينّا منجهرة
تلم بالشّفايف واللحاف تحيده		وتلبس بليزي يزيدها في الوهرة

وداعاً باي
وكمل طريقك يا عزيز بلاي
كان الوداع اتريد وداعاً عدي
كان خاطرك ترحل بعيد اتهدي
لا نجبرك عالشئ وانت ضدي
ولا لنقولك ابقى اليوم امعاي
من يوم يومي كل شئ افيدى عايش بفكري وما يريد هواى
وياعين لاتبكي ولا تتجدي
قسمك فهجره كاتبه مولاي

يا مــــــــــــــــــــــا ريت
واليوم كدبة كان قلــــــــــــــــت نسيت
بيني وبينك قبل مــــــــــــــــــــا ضنيت
تقصر معايا ودرتها وقصـــــــــــــــرت
رضيت الخطاء فيا ومــــــــــــــا داريت
...لا قلت بالك عيــــــــــــــــــب لا كابرت
بلا ذنب عل حبــــــــــــي العفيف جنيت
كيف طاوعك قلبك وكيــــــــــــف قدرت
يا ما معايا يا عـــــــــــــــــــزيز زهيت
ويا ما لعبنا وشوق مـــــــــــــا بصّرت
ويا ما علــــــــى حوشك مشيت وجيت
واليوم يا حبــــــــــــــــي علي حجرت
قداش ليعة ففرقت عـــــــــــــــــــديت
وقداش خطرة مخطرة خاطـــــــــــرت
عاندت بيك أعناد وتحــــــــــــــــــــديت
شديت بيك ومــــــــــــــــن ورايا درت
بلا شك بيا وين مـــــــــــــــــــا واطيت
في عيون هللي حاســــــــــــدين كبرت
فلول معايا فــــــــــــــي الطريق مشيت
وبعدين شن في خاطرك خطـــــــــــرت
أسفاه في عيونــــــــــــــي صغير بديت
وحامد الله وفيك ما فكـــــــــــــــــــرت
يا مـــــــــــــــــــــــــــا درت

روعة اشعارك مهندسة
ممتعة ماشاء الله

مشورة عليهم

مشكورة انتي يا زوزوعلي الموضوع المتجدد و لا تأتي الروعة الا من مواضيعك المميزة

زيديني عشقا زيديني****للشاعر فتحي الزوي

زيـــديـــنــــي عـــشــــقــــا زيـــديــــنــــي **دوم حنيـنـي **لــك زايــد يـاغـرة عـيـنـي
******************************************

زيـــديــــنــــي عـــــشــــــق وتــفـــكـــيـــر**معاك نحير** ونبقي مـن العشـاق شهيـر
مـلــكــتــي قــلــبـــي ويـــــــش انـــديــــر**ايديك عطيني** نغرق في عيونك خلينـي
******************************************

زيـــديـــنــــي عـــشــــقــــا زيـــديــــنــــي**دوم حنيـنـي **لــك زايــد يـاغـرة عـيـنـي
******************************************

زيـــديـــنــــي عـــــشـــــق وتــضـــيـــيـــع**غــلاك ربـيـع ** لعيـنـي ولعقـلـي تـلـذيـع
ان غبت عليك نجيك سريع **وقولك ويني**مــــــنــــــك يــــابــــنــــت تـــوالـــيـــنــــي
******************************************

زيـــديـــنــــي عـــشــــقــــا زيـــديــــنــــي**دوم حنيـنـي **لــك زايــد يـاغـرة عـيـنـي
******************************************

زيديـنـي عشـقـا ومــودة ** واصــل حــدة**عــقــلـــي مـــــــن عــشـــقـــك لابــــــــدا
كاظـم قــال وعـنـدي رده ** يــاك تليـنـي**نـــقــــضــــي نـــــاويــــــاك ســنـــيـــنـــي
******************************************

زيـــديـــنــــي عـــشــــقــــا زيـــديــــنــــي**دوم حنيـنـي **لــك زايــد يـاغـرة عـيـنـي
******************************************

زيدينـى عشـق وتدلـيـل ** وجــو جمـيـل**تـمــيــلــى ويــــــــن مــــعــــاك نــمـــيـــل
بلاك العيشة مستحيل ** انتـي هروينـي**هـــرويــــنــــك نـــبــــقــــي خــلـــيـــنـــي
******************************************

زيـــديـــنــــي عـــشــــقــــا زيـــديــــنــــي**دوم حنيـنـي **لــك زايــد يـاغـرة عـيـنـي
******************************************

زيـــديــــنــــي عـــــشــــــق ونــــبــــيــــك**عطينـي ايديـك **نسيـب ماعنـدي ونجـيـك
وع الـــمـــوعـــد مــانــغــيـــب عـــلـــيــــك**وبينك بينـي **سـرك فـي ديمـوم كنينـي
******************************************

زيـــديـــنــــي عـــشــــقــــا زيـــديــــنـــي**دوم حنيـنـي **لــك زايــد يـاغـرة عـيـنـي

خذيت ع البكا...للشاعر / فرج العشيبي

خذيت ع البكا ...

الهن خليني سطير الجروح ودمعتي في عيني

لي الله ياظالم

سطير جروحي وكم ليلة كملته بلاك بروحي

لك الله ياعيني عليش تنوحي والصبر خير وربنا اينسيني

لا تعلمي بالغيب لابه توحى لا لي عليك ملام لا تعاتبيني

ناصب نوعي ما ليل كفيته نزيل ادموعي

خليلي صهيد النار بين اضلوعي تذكار منك فى عقاب اسنيني

تذكار من صفيت ازهار اربوعي تذكار من جرحك اللي رازيني

تذكار نذكر اسنين اولوعي نذكر اشواقي ف الغلا وحنيني

كميت العبره خذيت ع البكا م الوقت صاحب خبره

وعانيت فى جرحي حلف مايبرا ينزف عقاب الليل وايوعيني

وطول سلكها قالوا ايودر لبرا واللي بعيد مانطمع نهار ايجيني

سطير الجرح وهموم نسني معاني الفرح

لو كان فارقني بطيب وطرح لانا ظلمته لا ظلمها عيني

ودار حسبته امعانا بجمع وطرح خذاهن حقوقه وانا خذيتا ديني

» موسوعة الفتاوى متجدد
» **مهرجان كابــاو للزي الشعبي .. Kabaw **
» سلسلة احاديث مشروحة متجدد
» فـائدة اليوم؛؛؛موضوع متجدد
» ساعدوني اللي عندها خبرة بالطب الشعبي