مسجات رووعة

موضوع: مسجات رووعة 2010-03-08, 08:39

-1-
ترفع رموش الشوق وتواطيها يسيل دمعها يخطر عزيز عليها العين رايفت

-2-
جضيت ياقديم أمعاك........تكميدك علي قيس الوجع

-3-
مازلت ياغالي أنقولك غالي وديما مكانك مايطوله والي .ومازلت في تذكارك ومازلت عاشق في سماع
أخبارك ومزال طيفك علي المنام أيشارك ومزال قدرك فوق عندي عالي ومزلت في مرجاك ومازلت صاين ياعزيز غلاك.

-4-
لوكان مانك غالي لاندورك ولانريد نشغل بالي لو كان مانك زين ولو كان مانك من عرب زينين ولو كان
مانك خير من لخرين مابيك نشقى وندزلك مرسالي

-5-
ماينشدو أمفيت لصحاب ويرايفو أن غبناهم هم عزوتي أوهم لحباب وبيهم أنشدو ظهرنا معروفين خيرة عربنا عليهم نرادو الجواب

-6-
أن رافقت رافق جواد في الناس طيب نباهم لا يخالفو يوم ميعاد ولا ظيم تنظر أحذاهم ألهم في الكرم صيت أوقات عليك يقسمو من عشاهم فراسين أشداد أن عاديتهم راك واهم.

-7-
النشده واجب والعين ماتحمل فراق الحاجب والصاحب وده يبقى أقريب كيف خوك أتعده وقت الزعل أيهون عليك ألشده وساعة الفرح تلقاه قبلك طارب.

-8-
سلامي علي لجواد نشكر فيهم أتريس عزفي لحاضر أوفي ماضيهم أتريس أيعزو وتريس في المواقف يفزعو مايفزو في الصايبه لايكبكبو ولا أيكزو دارو الواجب قبل ماتوصيهم هم كيف تصريف الذهب يندسو صرف الذهب ماهو خساره فيهم.

-9-
بين العقل وبين جروحه فوق الناس غلاك أبروحه ..بين الصدر وبين أظلوعه مكانك في الصمام أبروحه

-10-
مش كل من يالاي أنديرا صاحب ومش كل من يلف أنقول مراحب ومش كل حد نمشيله ومش كل حد أنعبره ونحكيله وألي مثيلك في العيون أنشيله موحال نطلع في غلاكم ذاهب.

-11-
أنشد علي الزينين ديمه ديمه كيف العسل في الريق وقت الضيمه أنشد علي لجواد ديمه دور راهو ولد لجواد مايتحول عز الرفق تلقاه ديمه ديمه.

-12-
لاجفا لاسيه كل يوم ينشد يا نظيف النيه عليك خاطري..(a)

-13-
فيك شي خلاني صحيح أنعزك وفيك شي حسيت أبحنانه جنبك وفيك شي ماهو عادي وفيك شي شاغلني وشاغل أرقادي ولك شي في قلبي عليك أينادي.

-14-
أعزاز غوالي نزلتو في منازل مانزلهن والي أولي أعزاز أتكونوا لاعمركم هنتوا أولا علي أتهونوا ياريت غير الود معاي أتصونوا يعيش قدركم ديما مكانه عالي وتبقوا في منازل مانزلهن والي.

-15-
مرات نطرب والمدامع سايله ومرات يوم الفرح نبكي فيه. ومرات نثقل ثقل نقعد شايله ومرات حمل الريش نغلب فيه.ومرات تقرب والموانع حايله ومرات نبعد رغم شوقي ليه.ومرات نسقى والجوابي خاليه ومرات نعطش والميه فيه.ومرات نحمل في حمول الزايله ومرات حتي الجرد كايد فيه.ومرات نذهب في خيار القايله ومرات حتى الليل نخبر فيه.

-16-
ياخاطري غلطان في تفكيرك تحساب يرجوا فيك دارو غيرك.ياخاطري ضنك خايب.ناسك جفو دارو خلاص حبايب.خساره سنين الشوق فيهم ذايب وخسارة الكلام الحلو في تعبيرك.

-17-
أنتم سند للظهر مش ناسيكم وحق من خلق عزي بيكم..كيف ننساكم والعين مارامت النوم بلاكم وعندي نهار العيد يوم لقاكم كيف القمر والشمس ننظر فيكم ماهناك في هالكون من يسواكم.. عز الرفق مشروح عقلي ليكم.

-18-
ويش دارلك ياعين طول أريافك ترجي ماردو عليك أولافك.طال رجاك أبقيتي أبروحك ماعزيز أحذاك . ديمه أمعيط يالعين وراك علي مارميتي.

-19-
أمرايفين حبينا عليك أنمسوا بريافنا ياريت غير أتحسوا

-20-
تتعب كان درتلهم سريب أذيول الناس صحبتهم دمار أوقات الضيق مافيهم قريب ويبيعوك في وضح النهار. أوروس الناس نيتهم حليب أبهم تعتز جيابت أفخار.أوراهو الزين مو كيف العطيب وعندك عقل ياصاحب أختار.

-21-
هناك الرفيق الباهي ألي طلته كيف الربيع الزاهي.لايخدك لايوم عنك لاهي.ولايجرحك لابالقول ولابافعاله.

-22-
رفيقي أمصوقر ماهناك مثيله يصون الرفق من قبل مانشكيله .رفيقي ذراعي..وين الفزع حاضر يجي أمداعي.نرقد ويبقى في سرير واعي.

-23-
ما يوجعك جرح الغريب تنساها وألا ترده.أللي يوجعك جرح الحبيب وقسوته ملامه وصده والدنيا أيقولو مكاتيب مرات يسر ومرات شده وماعيب خاطي العيب هو خونت أصحاب موده.

-24-
عد الخطا بيناتنا ماباعدك من بالي مازلت في الخاطر عزيز وغالي حتي قبل سوالك أشتقنا وحنينالك
كيف قبل ليك مكانه طيفك رفيق معانا ومازال قدرك عالي.

-25-
العين في الشقا من يومها أمطول سريب أهمومها عذبها رفيق الصوب ومابت عليه أتوب تقول فالغطا مكتوب يخطر عزيز ساعة نومها.

-26-
أصحاب المعالي والمقام كبير غايبين وأنشا الله خير لاراسلو لاطلو زعم من رفقنا ملو ماهمش كيف الغير أصحاب المقام كبير

-27-
من قالك تخطر علي مافيوم ذكرتك ولايوم لك حنيت ولاعبرتك ولاجبت مره سيرتك ولاشاغلتني حيرتك
ولا جا طيفك في خيال أحلامي .ولاسهرت لاشاكيت فيك أيامي.من قبل لاتزعل جميع كلامي اللي فات خوذه عكس ماخبرتك.

-28-
صبح الغلا والشوق والحنيه علي باهيين الذوق عي طيبين النيه.

-29-
جيابت الخبر قالو أنك ناسيني رديت ماعمره أيديرها حتي ولو شفت الخبر وبعيني مانصدقه ونقول عيني خيرها.

-30-
طولت في الجيه أشتقنالك زعم نخطرو ديمه علي بالك وأنت بعيد أفكارنا كل يوم ترحالك وانت بعيد
أزهارنا تنشد علي ظلك مالبعد مامليتولله عليه خذيت صابر هنيالك أشتقنالك.

-31-
أبعث مراسيلك ماتغيب عني أحكي ونحكيلك بحلو الرسايل ودني حنيتلك ماتردني وقول أف مقاولك
رايفت والدمع خطي مناديلك.

-32-
ماهو غريب عليك أتهون قلب كامي لوعتك دافناها .وماهو غريب عليك تنسى أعيون أريافها جننها.
تروم غيرنا معشوق وتصيف ربيع الشوق هذي أتديرها وتدير أكبرمنها.

-33-
لاتشيل هم السيئه..ولا تقول دنيا ضاقت اليوم علي..بعد تنعقد تنحل طيه طيه..ويأتي الفرج في وقت ماتريبه.

-34-
الخاطر أيصبح والصباح عليكم ويا بخت من كاين صباحه فيكم والخير خيرك والصبح صباحك وأشواق
قلبي أتجيك في مطراحك"صباح الخير"

-35-
بدر وين أتشوفه سلملي عليه وشوف كيف أظروفه.. راهي عليه أكبيدتي ملهوفه ومزال هو همي وبيت قصدي..ويابدر ناظرني وناظر حبيبي جديد هات لي منه وخوذ جديدي.

-36-
خليك بين الناس فاعل خير والعمر مهما طال راهو قصير..خليك ديما صافي كيف العسل للناس حلو وشافي..لاتهين غيرك لاشر أتكافي مهما حصلك من أقليل الخير..ولا أتبع من باعك ولا تتكبر وللقول الصايب دوم حضر..وخليك للمحتاج حاضر كيف الزهر في موسمه يتناظر.

-37-
مازلت مانك هاين دفنتك وسرك في الجواجي صاين وحبك خفي في القلب ماهو باين ينزف ومنك كاترات
جراحه..ومن القلبالغالي ياحلو عشقتك وجيتك بكل صراحه ومازال في مطراحه كيف مادفن صدام سر سلاحه غلاك دافنه.

-38-
لاكل من داوى أيحيد ألعله..ولاكل متعلم أيرد السؤال..ولاكل مسلم في الجوامع صلى.. عليه ربنا غافر ذنوبه شال..ولا كل من ذاهب النجم أيدله..ولا كل من يقنص يجيب غزال.

-39-
خارج نطاق التغطيه ياساده عزيز باعني ومارن في ميعاده..ليش رخاني..وخارج نطاق التغطيه خلاني.
أيقول نتركه أيعاود حنيني ثاني..نلقاه منشغل كالعاده خارج نطاق التغطيه ياسده.

-40-
مش كل من يعش يطول وده ولا كل من يأخذ قليب يرده..غلاك في القلب فايت حده ..غلاك كابر له زمان ومده..غلاك كامل محال تلقى نده..غلاي صادق يصعب عليك أتصده..غلاي دايم للعزيز في بعده..غلاي وافي مازلت صاين عده..

-41-
لايم علي غالي عزيز جفاني بعد الزها في الصوب ليش نساني..علي قاسي اللي قبل ساكن خاطري وأحساسي ياما ورد عطشان قاصد كاسي ومن بير حبه بالحنين سقاني..ومازل عطفه في الغرام أساسي.. ومازلت غيره مانوالف ثاني..

-42-
وين الزمان يهدك حتي قريب الدم يبقى ضدك والناس تنسى هيبتك وتردك تحبس الدمعه تغلبك وتسيل
والغدر واعر يقهرك ويعذبك وتلقى المحبه كلها تمثيل..

-43-
العظم ينكسر ويعيب لاكن يبره ألا كسرة الخاطر مصيبه غبره..العظم ينكسرويعيب ويجبر ويبره علي أيدين طبيب ألا كسرة الخاطر أدير الشيب..تخلي كبير القدر يبكي بعبره.

-44-
أنت حبيب الجلسه ومضي المكان وشمسه والغالي أصله غالي والحلو يفرض نفسه.

-45-
نحنا العين وأنتم نظرها ونحنا الايد وأنتم الاصابع ونحنا الارض وأنتم مطرها بلاكم تصيف المرابع.

-46-
أخيار لولاد سيف وأخيار البنات الرزينه وأللي عقله شويه ياخسارته وين زينه.3

-47-
أنتم غلاكم بالقلب ماله قياس وأنتم سماها في حبكم مغرم من الساس للراس مثل البحور السبع واللي وراها.

-48-
وين ما الليل أيجيها تسيل فاقده غالي وعزيز عليها..العين باكيه.

-49-
وين مانقول بننسى..أيجي طيفهم يشغل حواسى الخمسه ..أيجي طيفهم يشغلني ويهجر عيوني النوم ويسهرني..ويسيطر عليا أحساس ويحيرني..كيف ماسهرت الليل نصبح نمسى.

-50-
ساكن خاطري وأحساسي ياما ورد عطشان قاصد كاسي ومن بئر حبه بالحنين سقاني ومازال عطفه في الغرام أساسي ومازلت ألغيره مانوالف ثاني.

موضوع: رد: مسجات رووعة 2010-03-08, 08:41

وين ما الليل أيجيها تسيل فاقده غالي وعزيز عليها..العين باكيه.

مسجات رووعة 953932

موضوع: رد: مسجات رووعة 2010-03-13, 12:15