كيف نعالج سلبيات ازواجنا واولادنا

اخواتى العزيزات نبى ناخذ رايكم فى موضوع وهو: -

كل واحدة تخش وتقول على الشىء الى مش عجبها فى اولادها وزوجها حسب الرغبة ههههه يعنى الاشياء السلبية ونعطوا اراء بعضنا وكل وعضوه تحط الحل الى تراه مناسب وهكى نكون اسرة واحدة ومشاكلنا نحلها مع بعض ونستفيد من خبرات بعض


نستنى فى رأيكم وكن وافقتوا نبدا بيكم

موضوع مهم بالفعل
وانا نبدا بسلبيات اطفالى
نبدا بالشيماء ههههههههههههههه سلبياتها هى انها متحبش ترقد فى دارها ابدا ابدا ابدا وحاولت معاها كم مرة لكن من غير فايدة
وفى قراءة القرآن متحبش تقراء لو نعطيها تكتب او ترسم او تحفظ اى شئ تانى مستحيل تقول لا لكن قرآن ابدا متحبش
عنايدية احيانا لك

نجو لخوها محمد
عناد عنده بدرجة الاولى ويحب بوه اكثر منى حتى يبى يشرب ماء لو انا اعطيته ميشربش لو بوه اعطاه يشرب وقت الغداء مستحيل ياكل منى الا من بوه دلاع بوه هذا
والكارثة الكبرى هى

مش لازم انقولها تضحو عليا

وهى هى هى الحفاظ عفاكم الله مقدرتش نحوله منه وحاااااااااااولت لكن من غير فايدة
ومعلمته تقولى عادى حتى الصغار اللى يقرو مع ولدى لابسينه
لكن انا نحس بيه كبير عليه علما ان عمره سنيتن و10 شهور



المرة الجايا انجيكم بسلبيات راجلى لانه قصص قصص مرعبة هههههههههههه وتبيلها يوم كامل


طولت عليكم
لكن اعطونى الحل شنو اندير معاهم وبدات الحفاظ

يا ام شوشوبالنسبة لشيماء بيش ترغبيها فى دارها حطيلها فيها الحاجات الى تحبها مثلا اللعب وقوليلها الاعاب كان انتى مش معاها بنطلعها وتقعد دارك مش حلوة وقاءة القران بفتح المسجل والا الكمبيوتر وقويلها مش ليك انتى انى نبى نسمع وهكى مرة مرة تلقط ايات واما حمودةمش مشكلة زى انتى زى ابوه لكن حاولى تقربيه منك باالاغراءت والحفاظ فى الصيف احسن بيش مايتعبكش وتواء يتعلم معليش

السلام عليكم نبدا بالشىء السلبى الىفىى اولادى وقريب يفجرنى انهم اتكليين اكثر من اللازم كل شىء ندير فيه بروحى ختى ديارهم انى نرتب فيها على مانخرف مافيش فائدة كسالى جدا اماراجلى باله واسع الحاجة الى تفسد فى الحوش تبى شهر وانى نتكلم وشهر ثانى بيش يصلحها انى حوشى كبير ثلاثة ادوار يبى مجهود جماعى لكن لاحياة لمن تنادى كنت نجيب مرة مرة فى شغالة وبعدين الغيت الموضوع ملرة وحدة تغيب وتبعتلى وحدة تانية ومرة مايجى حد لقيت كل مرة بتخش وحدة وتعرف اسرار حوشى لغيت الموضوع وانى وراجلى نبوا نجيبوا شغالة مقيمة تصورى صغارى رافضين الموضوع بشدة شن رايكم لايرحموا لا يخلوا رحمة ربى تنزل

أم مآب حتى انا منحبش حوش تكون فيه شغاله علاش مش عارفة والله ههههههههه حتى امى مدايرة شغاله لكن خواتى تزوجو واختى تشتغل والحوش فيه امى والاولاد بس وحتى هما يشتغلو وحوش امى كبير يعنى متقدرش بروحها والعمر حتى هوا
لكن انت علاش ادجيبى فى شغاله لازم تحوسى الثلاثة دوار هههههههههههههههه اختك واعرة راهو هههههههههههه تحملينى
شوفى لو استعملو الصغار ديارهم وانت دار النوم والمطبغ والكوجينة ودار المعيشة الباقى علاش تستعملى فيه
ولو على صغارك انا نقول احرميهم من حاجة لعند مايضمو دارهم وراجلك عندى منه هههههههههههههه حتى انا يقولى باهى باهى واستنى لعند مانوقف فى على راسه او اندير موعد للراجل اللى بيصلح بش يتلحلح ويوقف هههههههههههههه


وبخصوص بنتى دارها مليانه العاب بتطربق وحتى الكمبيوتر عندها هو متاعى حطيته فى دارها
تلعب بيه مرات ولكن ديما بلمقابل
وربى يعينا عليهم الحق
والنوم اليومين هذه حاولت معاها وكشخت وجيت بالاسلوب والله تخاف تموت من الرعب تلقانى مش معاها وحتى لو كان بوها بس لا تبينى انا
وخوها ما شاء الله عليه مستحيل ينوض فى الليل

[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك ام شوشو الباين الموضوع مش عاجب العضوات مافيه الا انى وانتى فكرت نحذفه شن رايك

نهاااااااااااارك بعدين توا يخشو اصبرى

خلى نحكيلك على سلبيات راجلى هههههههههههههه

حتى هو معتمد عليا انا فى كل شئ حتى المية لازم انا انجيبه له
حتى انكون مريضة يقولى توتو جيبى مية انقوله تشوف فيا مريضة صح يقولى اه انسيت ههههههههههههههههه
من كثر ماانى اندير فى كل شئ
وطبعا الحوايج الهم الكبير هنا
مستحيل يحط الحوايج اللى تبى الغسيل فى الحمام ابدا ولا تحلمى مرات انا انطبق منعرفش لو كانت الحوايج نظيفة ولا لا
هو يقولى انسسيييييييييييت مرة ثانية انحطهم
واتكالى لأبعد حد اى حاجة بخصوص الحوش انا نتحمل مثلا تكسر ت حاجة انا نكلم الشركة حتى يجو يصلحو هو ميديرش
ملقيتش له سلبيات تبيلها حل هههههههههههههه راجل قنوع مرة مرة
هههههههههههه
والمرة الجايا نحكيلكم على سلبيات منوووووووو هههههههههههههههه
ام الشيماء
لنا لقاء

والله يا ام الشيما مانعرفش علا ش معظم الرجا لبدوا معتمدين على زوجاتهم انى راجلى يعنى مش اتكالى هلبة لكن هلبة حا جات ندير فيها بروحى ام شوشو خاى نقول فى حقه حاجة باهية امس نظف الجنا ن بروحه هههه من الفرحة انى اليوم بندير زردة بيش تتفضلى هههههههه

ههههههههههههههه والله كويس نظفلك الجنانا
وانا اول امس راجلى لقانى مريضة خدى صغار وطلعهم لعبو كرة وجابهم هههههههههههههههه
ودخلهم للحوش وغسلهم يديهم وجوهم ودار اكبر خير ههههههههههههه

حتى انا اليوم قلت خلى اندير فيه الخير ههههههههههه
قريب انقول ياريتنى ديما مريضة ههههههههههههه

الحال من بعضة يامرام حتى انا صغارى ماياكلوش
لكن سبحان الله انصدمت فى ولدى
الفواكه ياكل بس التفاح
لكن الموز لو كانت طايبة حتى شويا مستحيل ياكلها
لانه هو توا يمشى لروضة شوره يوكلو فيه فى الفواكه
مرة حطيت لبنتى كيوى واناناس جتنى تبكى قالت لى محمد كلى صونيتى كلها وهو طبعا هارب وراء الباب والفم بيطربق ههههههههههههه
على طول شديته وقعدت انبوس فيه الولد مصدوم يقول هذه امى ولا منو هههههههههه
والله درت له صونية فواكه ماشاء الله كلها
وتعالى للخضراء شوفتو عيل مايكلش البطاطا هذا ولدى ولا يحطها فى فمه مستحيل
لا ياكل جبنة ولا دحى ولا خضراء ماعدا الجزر فقط لانه ارنب حتى سنيناته كيف الارنبه هههههههههههه
هذه اولاد نا الله غالب نصبرو وبس
على فكرة انقوللكم حاجة تضحكو

لو درت حاجة فى الغدى فيها خضرا من غير البطاطا والجزر راجلى يرجع على طول يعنى يكره الخظراء

وهذا الشبل من داك الاسد
هههههههههههههههههههههه

السلام عليكم ورحمة الله وبركاته مشكورة يأم مآب على الموضوع الرائع ان شاء الله فيه الافادة ويجازيك ربى كل خير انى قبل ما نقول على مشاكلى نبى نقوللكم والله عن تجربة وانى صغارى توة تبارك الرحمن كبرو الله يحفظهم ويحفظلكم صغاركم اللهم آمين راهو علاج الاكل عند الاطفال ساهل بس يبى ام عارفة وفاهمة شن اديروالتعليم فى الصغر ساهل لكن لما تسايريهم فى الصغر تندمى لما يكبرو ويقعدو ديما يدلعو يعنى انى لما نحط الاكل طبعا مرت عليا ماما انى ما نبيش وما خاطريش انقوله وبلسان فصيح هذا الموجود واللى انى واقفة وانطيب فيه تبى تاكل تفضل ما تبيش سلامتك لكن ما فيش بديل ولا شكلاطة ولا اى شئ يملاء المعدة وما يعطيكش الصحة وهكى ومرة بعد مرة فهمو كويس الدرس وما عادش فى دلاع طبعا تبى الوحدة تعفس على قلبها شوية لازم والله خديت درس من امى الله يحقظها ويطول فى عمرها ديما تلقيها مدايرة اكثر من صنف على الغدى هذا ما ياكلش الحلبة وهذا ما يحبش المكرونة وبرة وانى من اللى كنت بنت مش راضية وانقوللها ماهو ما كنتيش حازمة من صغرهم سلامتهم من مدة كنت انهدرز مع اختى على الياغورت قالتلى صغارى كان مش مذاقه حلو ما ياكلوشى قلتلها والله الغلط منك مرة مرة بنكهة ممكن اغلب الاحيان طبيعى على خاطر صحتهم وكل شئ بالتعود هذا اهم شئ فى التربية لانه يمس صحتهم وسامحونى طولت عليكم

موضوع ممتاز

والحال من بعضه
ابني الكبير سلبياته العصبية ولكن ميزته الحلوة خوفه على أخواته وحاليا لا يأكل اللحوم والأسماك يعني تقريبا لاغي البروتينات ان شاء الله مرحلة وتعدي

ابني اللي بعده رايق جدا ولكن دايما يغيظ في أخوه الكبير ومستحيل يمر يوم من غير 3 أو 4 خناقات معه وأنا في النص بينهم محتارة

بنتي هبة في الصف الأول ماشي حالها تردعلى الكلام بس حتى هيا عندها بداية عصبية ومشكلتها ما تنظف غرفتها إلا بالارهاب غالبا

بسمة الأصغر ما توكل وغالبا لازم تزعل مع وقت الأكل ولما ما يكون وقت الغدا تطلب الأكل وتحب التلفزيزن جدا قناة طيور الجنه أخيرا آخر العنقود عبد الرحمن حركي جدا ما يقعد في مكان صوته عالي جدا يصرخ كثيرا وأصبح مؤخرا يفتح ادراج أخوته ويفتش فيها وصايرة بينهم فتنه كل واحد يحسب التاني هو الي مفتش درجه !!!!!!!!! ههههههه وهو كله من نص نصيص عبودي ههههههه وما حد مصدق, وزوجي انا مش حتكلم عنه هههههههههههه خليها بيني وبينه انت قلت يا أم ماب براحتنا يعني الصغار مقدور عليهم

المرة الجاية حاتكلم عن نفسي وسلبياتها

واللي عندها حل ألي ترد عطول أنا قريب أنجن من الأولاد [ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك ياام ماآب على النصائح وانا الحمد الله عافسة على قلب ومنعطيش فيهم لا تشيبس ولا الحلوة ولا شوكولاته
مرات فى المدرسة يعطوهم لكن فى الحوش منعطيهمش
وكيف يجونى صاحباتى وعندهم صغار لازم نطلع ونفرحهم مع بعض
صغارى اول مايشوفو صغار جايين عندنا يبدو يفتحو الدولاب ويطلعولهم ونخلي فيهم انقول معلشى يوم ويعدى الله غالب محرومين من العيلة ولمتها
الحمد الله

لكن مع الحظراء شنو اندير مايكلوهاش اللى عندها فكرة فى طريقة انقدمها بيها تقول
وربى يحفظ لك اميمتك ويديم فى عمرها

اختى مها ربى يحفظ لك صغيوريتك
حتى انا صغارى شويا عدوانيين لكن محمد يحب اخته اكثر منها هى
وديما انقول لشيماء ناخدو محمد ونعطوله للناس تقولى لا اليوم نرقد معاه ومعادش نضربه وبجد تاخد العابها وكل شئ تعطيهم لمحمد خوها وتبدا تحبها لكن كل يوم تكرر نفس اللى سبق
والحمد الله المدارس تربى الصغار فى هولندا لانهم يمشو للمدرسة من الساعة 8 ونص الصبح الى 3 الظهر وهى واللى دجى تقولى ماما انا طيبة منضربش الصغار انا لازم ناكل بش نكبر وممنوع ناكلو الحلوة سنونى يبدو سود ويجينى الفار الحمد الله المدرسة رحمة ههههههههههههههههه


مها الدور عليك انك تحببيهم فى بعض وهذا العمر صح صعب وانا مجربتش المرحلة اللى فيها انت
ممكن لو تشرى حاجة لواحد لازم تشرى ليهم كلهم وتفهميهم انكم مع بعض تلعبو مع بعض تقسمو
فى مقولة بالهولندى
سامن ديلين سامن سبيلن
اول حاجة يتعلموها فى المدرسة وهى
مع بعض تلعبو ومع بعض تقسمو العابكم

وفى نقطة تانية من معلمة الشيماء هى اللى قالت عليها وهى
الطوابع
انك تاخدى كتاب صغير وتاخدى طوابع اللى يضرب اخوه ماتعطيه طابع واعظى الى اخوه
واللى يجمع اكثر تشريله شئ مثلا قلم او كراسة صغيرة
او اى شئ لانهم مازالو صغار

طولت عليك الحديث يامها
انا اسفة ههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيكي يا ام الشيماء أبدا ما طولتي كلامك أكثر من رائع والله

انا عارفة أنها مرحلة وتمر وأنا عموما عارفة السبب أنه من الحبسة في البيت لكن ما الحل أهون من الشارع وفي المدرسة أسلوب العنف منتشر للأسف بين الطلبة وخاصة بعد ما خش الاعدادي ابني الكبير صار عصبي مع انه مستواه ممتاز الحمد لله عموما كل أبلاته يشكروا فيه هو وأخوه, أبوهم يقول ما كنا نقعد في البيت واحنا في عمرهم علطول كورة مع أصحابنا وما كنا ندخل غير للغدا والقراية والنوم هههههههههه لكن الزمن تغير والبيت مش واسع وهذه كلها تسبب اكيد المشاكل المهم أني أظل أحنن قلوبهم على بعض, مع اني والله اعصابي مرات تنهار, وبنتي الصغيرة من أول ما دخلت المدرسة أصبحت عصبية ههههههههه الظاهر من البنات في الصفو الله أعلم لو أبلة غابت تقلبها على راسي وتقول المدرسة مش حلوة وأنا رايحة أقرا مش اقعد البنت ما خدة الموضوع جد ههههههههههه لكن بدت تتعود على الوضع وكونت صداقات ولله الحمد

السلام عليكم

بالنسبة للاكل يا مرام حتى انى بنتى ماب ماتكلش متعبتنى هلبة يقولولى المهم صحيحة تواء تكبر وتاكل وحتى ام الشيماء تشكى من قلة اكل صغارهامش عارفة شن بنديرولهم ويا اختى مها اولادك هذه فترة الحيوية والنشاط تواء يكبروا ويعقلوا ما تزعليش روحك ا

وينكم