دروس لتعليم الطبخ للأصغر سنا

تذكير بمساهمة فاتح الموضوع :

فكرة حلوة يا ستار شن رايكم يلا قولونا ايش رايكم

شكللك دايخة يا د مودة من الحمل
في من تشكرييييييين

اه اه اه اه اه عرفت تشكري في مرومة ع خاطر عطيت طريحة للستار


اضحكو ع ستار الكل يضحكوا عليها هههههههههه

اااااااااااااه بيلا الشريرة

انا شريرة انا اطيب مني مافيش






تضحكي ع الستار يا مرومة اضحكي
اضحكوا ع ستار

يا ابدوا في الطبخة التانية

حق شكلى دايخة الايقونة مشت بى الغلط
قولى يابيلا شنى تبى اكلة تتعلميه واحنا حاضرين

احلي اكله عندك ساهلة

اى اكلة اتجى من ايدياتك حلوة
غير علمونا بس

ياستار شكلنا تعلمنا دحي المقلي وخلاص
ياسر ايشبع ياحسرة

فاتونا

وعد منى جيتكم بى طبخ سهلة وحلوا فى الليل

انعلمكم انى المره هاذي شن رايكم

طريقة المكرونة بالبشاميل سهلة وحلوة واختكم خبره فيهاااااا
لكن بشرط بيلا وستار اديروها واتصورو واتحطو في المنتدى والا معاش في دروس

ايوه مش ايقولو ابلاتهم ماعرفوش ايعلمو نبدو حبيباتي

المقادير
لحمه مفرومه طبعا حسب عيلتك وطاجينك طاجين متوسط لستى اشخاص ديري نصف كيلو
بصل مقطع صغير
مكرونة نصف كيلو
4 اكواب حليب
4 ملاعق زبدة
4 ملاعق دقيق
جبنة مبشورة
المطيبات : ملح + فلفل أسود + جوزة الطيب+قرفه + عود لحم

الطريقة :
ناخد البصل انقليه في الزيت شوي ماتكتروش زيت ملعقتين كبار بس وبعدين انحط اللحمه وملح وفلفل اسود ونبشرو شويه جوزة الطيب ماتكتروش تولي مره والقرفه وعود اللحم وانحطوه على النار ومره مره طلي عليه وزيديه شويه ميه مش تلهي في المنتدى وتنسي الطنجره اتشيط
بعد ماتوتي اللحمه تاخدي طنجرتين واحده تطبخي فيها المكرونه ساهله ماتقولوش ماتعرفوش تطبخو مكرونه
والتانيه تاخد الزبده اذوبيهاوبعدين اتحطي الدقيق اقعدي قلبي بسرعه باش ماتتكتلش وبعدين شوية ملح وفلفل اسود ورشه خفيفه جوزة الطيب وشويههههه قرفه وحركيهم وبعدين ضيفي الحليب شوي شوي وبسرعه حركي

بعد ماتختر البشاميل شوي
تاخدي صونية كبيرة اتحطي فيها المكرونة وتخلطيها بتلت ارباع كمية البشاميل واضيفي عليها الجبنة المبشورة حطي نصها في الطاجين وبعدين فوقها حطي اللحمه وماتنسيش اتنحي عود اللحم مش اتخليه بعد ماطيب اللحمه وبعدين حطي جبنة وبعدين بقية المكرونة وبعدين ياحنى دهشتوني بقية البشاميل اللى فضلت وترشي جبنه فوق الطاجين واتحطي في الكوشة لين اتلقاها تحمرت وطابت

وصحتين ان شاء الله مش تنسو اديرو وصوروا


بانتظااااار

شكرااااااااااااااااااااا انا رح انديرها باءذن الله
لكن ستار تبي الضرب باش ادير

يالا انراجي فيك اديرها واتصوري وستار نعرفها شاطره من غير ضرب اديرها

خلينا انشجعوها شوي

الله ايسلمك مرام

باااااااهي تو انديرها ان شاء اله بعد الامتحانات باءذن الله ولا يهمك

شن المعني ستار اديرها وانا لا

لا حبيبتي انتى اديرهااااااا وادير ابوها

هههههههههههههههههههه شكرا




شوفي ياستار





ههههههههههههه

هذه طريقة البان كيك سهلة جدا وحلوة للفطور ياريت تجربوها بكرة على الفطور يوم الجمعة









1 بيضة

½ كوب سكر بودرة (مطحون)

¼ كوب زبدة مذابة (سائلة)

2 ملعقة صغيرة بيكنج باودر (بودرة الخبيز)

1 كوب دقيق (طحين)

¼ ملعقة صغيرة بيكربونات الصودا

2/3 كوب حليب سائل

1/8 ملعقة صغيرة ملح







يخلط البيض والسكر مع الزبدة.

تضاف المكونات الجافة للخليط، ويضاف إليها الحليب وتخلط جيدا.

تسخن المقلاة التيفال (المقاومة للإلتصاق) ويصب جزء من

الخليط في المقلاة ليشكل قرص متوسط

ننتظر حتى تظهر الفقاقيع على سطح القرص وتبدأ في الننضوج،

ثم نقلب القرص على الوجه الآخر

نكر العملية حتى ننتهي من جميع الأقراص

تقدم ساخنة مع بعض القطر (الشيره)

ملاحظة: لعمل عجينة أقل سماكة، نضيف ملعقة

او ملعقتين طعام من الحليب للخليط


بالهنــــــا والشفـــــــــــــــا

شكرااااااا بارك الله فيك تلقيه في ميزان حياناتك

موضوع ممتاز وفكرة حلوة وغير تجى العطلة توة اندخل بنياتى معاكم ونعطيكم وصغات ساهلة انى بنتى الكبيرة تحب التطيب هلبة لكن توة شادتها القراية ربى يوفقها ويوفقكم اللهم آمين

الله يبارك فيكي يا بيلا

ورينا شطارتك طبق حلو وسهل جدا

حلو ساهل البانكيك لكن اختنا بيلا لاهيه بالعرس

وينك يا د/مودة مش قلتي بتقولينا اكلة

شكرا ليك اختى مها على الطريقة الحلوة

مكرونة فى الكوشة ودجاج فى الكيس 1 كيلو مكرونة طويلة(المكرونة موجودة فى سوق القناعة يا بيلا وشكلها على هيئة دوائر متوسطة الحجم وكل كيس يحتوى على مجموعة دوائر لعمل الصلصة 2 عدد4 او 5 طماطم ويشر اويفرم فى المفرم 3 راس بصل ويتم بشرها واربع فصوص من التوم المدقوق 4يضاف التوابل الاتى (ملعقة فلفل احمر+بزار +توابل دجاج +زنجبيل+نصف ملعقة فلفل اسود ملح حسب الرغبة) وتوضع طنجرة الخليط فوق النار تم نضاف ملعقة طماطم معجون اول ما يغلى الخليط نضاف مقدار كوب صغير ماء ناخد طنجرة ونصب فيه ماء وقليل من الزيت وقليل من الملح وتترك على النار حتى تغلى ومن تم نضاف المكرونة حسب عدد العائلة ونتركها حتى تنضج نصفى المكرونة فى الصفى وناخد بيض ونضعه فوق المكرونة ونخلط جيدا وناخد قليل من الزيت الموجود فى الصلصة ونحركها جيدا ناخد الطجين الحرارى وندهن بى قليل من الزيت تم نبدا بى تشكيل المكرونة دوائر ونضع قليل من الصلصو والجبن المبشورة وطبقة مكرونة اخرى ونضع عليها جبنة شرائح ونضعه فى الكوشة لمدة نصف ساعة حتى تتحمر وجه المكرونة دجاج فى الكيس الحرارى على فكرة الكيس الحراريباع فىى سوق القناعة 1 مقدار اربع بطاطا مقطع بى الطول يعانى البطاطا الوحدة على اربع بصل مقطع جوانح ودجاج على حسب افراد العائلة نضع التوابل على الخليط (ملعقة زنجبيل +توابل دجاج وتوضع جميعه فى الكيس الحرارى تم نضع الكيس فى طاجين بيه ماء وتوضع فى الكوشة مقدار ساعة ونصف