.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب

تذكير بمساهمة فاتح الموضوع :

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 12032jm3

-
-الموضوع طبعا باين من عنوانه انه مفردات للهجه الليبيه الحمدلله ان الله خص الامه الاسلاميه والعربيه بلغه وحده
-
-اللغة العربيه لغة الضاد
-
-لكن يبقي السؤال وهو ان الدول العربيه تختلف في اللهجه
-
-وخصوصا المغرب العربي يتخلف بلهجة قد تكون غير مفهومه عند البعض
-
-اليوم علي بركه الله حيكون هذا الموضوع كمرجع لبعض العرب وحنرجع كل فتره واخري للكتابه فيه كل ما تذكرت كلمه او جدت علينا كلمه جديدة
-
-نبدوا اولا بكلمة شن الجو....معناها السؤال عن الحال يعني كيف حالك
-
-واجد يقولوها الشرق والجنوب ....معناها الكثير وفي الغرب يقولوا هلبه.....معناها كثير كيف ماقلنا
-
-شويه....معناها قليل وبعض المناطق في اقصي الشرق يقولوا طسيشه.
-
-مربوحه ...معناها مع السلامه واعتقد اكثر تدوال في الشرق
-
-باااااهي ....معناها جيد
-
ينظر....عند الشرق يبحت وعند الغرب يشبح
-
-بصاره ....معناها مزح
-
-علي طريق تقال للمراءه التي ستلد وتجدي اغلب انحاء ليبيا يتجنبون كلمه ولاده وذلك للخجل
-
-حل.....ههههههههههمعناها اذهب في طريقك

-هلك بالحمرا....واعتقد انها اكثر استخدام في الشرق....معناها ورينا عرض اكتافك
-
-برا عند الغرب مقابلها عدي عند الشرق....معناها اذهب
-
-صقع عليك ....معناها يعني شي حلو
-
-العاله....وهي ادوات لعمل الشاي
-
-مزوغد او زغده....معناها الشخص اللي مايفهم في الموضه
-
-خناب تقال عند الغرب معناها السارق
-
-خيتي عند الشرق ووخيتي عند الغرب ....معناها الاخت او من بمنزله الاخت
-
-العويله عند الغرب والعيله عند الشرق ....هما الاهل والاولاد
-
-مانضنيش....لااعتقد
-
-اشكون عند الغرب معناها من يكون
-
-الدندونه ...معناها الحلق الذي يوضع في الاذن
-
-سهريه....بعيد الشر عليكم يقصد بيها العزاء في الساعات الاخيره من النهار والليل
-
منجوه ...ههههه تطلق علي الشخص السئ الخلق
-
-مليوع ....تطلق علي الشخص المتعذب بالحب
-
-في بعض منه يقولوا للسياره كرهبه من الغرب والشرق
-
-لوطا او تحت ....تقال للاسفل
-وايضا وطا ....تقال للارض
-
-مريوح ...تقال للشخص الغير متزن او الكثير الخوف
-
-كنشي او يمكن
-
-وان شاءالله لنا عوده مع باقي الكلمات وحنديروهن في باقه يعني الكلمات الجايه حتكون عن الطقوس امتاع الافراح ومايقال فيها

فعلا أول مرة أسمع بهذه الأسماء يامرام

غير كلمة قصقاص طبعا التي تعلمتها من المنتدى هههههههه

بارك الله فيكي

بلعوط ....كذاب ووقح

ملاطعي ....الكذاب الوقح او المجادل بدون حق

عند الشرق كلمة قديمة مش عارفة تعرفوها او لا.....بلط ....معناها طلع

لوطا ....تحت

معنا...بتشديد العاء معناها ......مقصود

لكنة ههههههههههههه تقال للشخص الكثير الحكي للسكوت وتعتبر دعوة ....كان يقال يعطيك لكنة

ننتظر مشاركتكن ياسامطات مافي حد شارك الا مها ومرة وحدة امان والباقي كاني نحكي بروحي

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 196708

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 196708

بصراحة ما شاء الله عليكي يا مرام

كلمات أول مرة أسمع بها يمكن بحكم قلة اختلاطي بمن حولي يادوبني بيتي

وكل عام وأنت يامرام وكل العضوات بخير بمناسبة عيد الفطر

والله ضحكتيييييييييييييييييييييينى بجديات يامرمورة
.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 484450

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 484450

باهى قوليلهم سامطات شنو معناها ههههههههههههههههه
فى طرابلس انقولو يابايخات
هههههههههههههه

سامطة يعني قليلة الملح والفلفل يعني مش حانطة ياحانطة

حانطة او مملحة....الشخص خفيف الظل المحبوب

بايخة انقولوا فيها بس.....علي الحاجة الهايفة اللي مالهاش طعم

مها شرفتيني ياغالية انتي وام الشوش لكن الباقي يومهم مني اعلنت عليهم الحرررررررررررررررب

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 600813

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 600813

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 867223

قريت وخفت منك والله مغير ما حقيته

باهي نراجي في مشاركتك خصوصا انه درنه لها لهجة خاصة سواء اللكنة او الكلمات

قولليلهم ساهل تقشيره شنوا

وطماطم الحكاية شنوا اتقولولا هههههههههههههههه

ام غفران نهارك تهربي معش في الا التعريض والزرههههههههههههههههههههههههه .....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 743616

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 743616

تفكرت حاجة الشرق يقولو حكية طماطم والغرب يقولو حُكة طماطم
بضم حرف الحاء
صقع عليك

شاطرة خفتي مني وخشيتي ههههههههههههههههههههههه

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 284798

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 284798

يا مساء الأنوار والسعادة

أنا معاكم متابعة ماشاء الله الموضوع بدأ في الازدهار

مطرايا اطرش .....يعني الشخص اللي نشكيلا ونحكيلا اصم وابكم

كيفكم .....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 600813

الموضوع حلو وممتع يامرام

ماشاء الله عندك اطلاع واسع بالنسبة للهجات المختلفة
وهذا اللي مساعدك
وان شاء الله نشارك معاك لما نستجمع افكاري

ويزي من التجكتير علينا باهي

حمد لله على السلامة أحلام توة شفتي الموضوع؟؟؟؟؟؟؟؟

وينك يامرام وينك؟

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 398232

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 398232

تعالي كملي الموضوع

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 477185

مافي حد خش قالنا كلمة من الغرب والا الجنوب والا الشرق اللطف.....................معقوله انا شفت

كلام ماعرفتش معناه هنا في المنتدي موضوع كان نازل ع المفردات الجديدة امتاع الشباب

ليش مادخلتوا وذكرتوهن هنا بيش الواحد يعرفهن ومايدوخش لما يسمعهن

مش عارف استكراد والا كسل ...............اللي ماهيش خاشه هنا معش توقع مني انخش موضوعها

موضوعك حلو يا مرام ومفيد للتعرف على اللهجات المختلفة فى بلادنا ويا ريت الاخوات من المناطق المختلفة كل واحدة تذكر المفردات الغريبة أو الغير مألوفة فى مدينتها او منطقتها مع توضيح معناها للاستفادة اكثر من الموضوع

واكيد كان لقيت حاجة غريبة توا نشارك بيها ان شاء الله

مرام

أنا بنتظر اتعلم منكن هههههههههه

ولما كان عندي أسئلة كنت بسأل عطول عن الكلمات اللي ما بعرفها, والمفروض الموضوع تهتموا فيه أكثر, على الأقل لو وحدة مش ليبية انتسبت للمنتدى نرشدها للموضوع عشان تفهم اللهجة الدارجة في المنتدى , صح؟

مريومة متحرجيش معنديش كلام جديد
فجريها توا جديدة معناها فوتى الموضوع ههههههههههههههه تقريبا او معناها انسي
هههههههههههههه

.....؛؛؛؛مـــــــــــفرداتـــ اللهجــــــــــــه الليبيــــــــــــة؛؛؛؛.....طبعا للاخوه العرب - صفحة 3 81527

مرام وين غاطسة

عاطسة معنا مختفية

هههههههههههههههههههههه

الشكر الجزيل لك اختى مرام موضوعك ممتاز جدا فقط يا ليت تكون هناك اضافة من حضرتك لتوضيح جذور كل كلمة فى اللهجة الليبية و اثبات انها من جذور عربية لكى نقطع كل الشكوك التى تنتاب عن عروبة ليبيا مثلا على سبيل المثال كلمة واجد (فى اللهجة الشرقاوية السمحة) أتت من كلمة (الجود) أى أن( جاد , يجود , بالجود) كل هذه جذور كلمة واجد كذلك كلمة هلبة (فى اللهجة الغرباوية) أصلها الفعل (هبا) بالتشديد على الباء و الهب يقصد به الغيث و يعنى بذلك الكثير فأخذت الكلمة أى هلبة من ذلك الجذر و تكسرت بفعل اللهجة الليبية و كون أن أغلب الليبيين هم من ذرية بنو سليم و هلال اللدين هم بدورهم أغنياء عن التعريف , و المعروف عن بعض ذرية بنو سليم و هلال و بفعل الزمن و الحضارات فى منطقة الغرب و انقطاعهم عن جذورهم لفترة طويلة و غيرها من الامور و الاحداثيات التى تعرضت لها المنطقة تم تكسير العديد من الكلمات العربية كما حدث فى العديد من الدول العربية الشامية و الشمال افريقية كذلك أصل كلمة باهى و هى قد أتت من البهاء فنقول فى اللغة (بهاء الشئ ) أى صفوه و بالتالى قبوله من الناس و عليه فقد استخدمناها نحن سكان ليبيا استخدمنا هذه الكلمة لندل على موافقتنا على الشئ فنقول (باهى)و غيرها من الكلمات التى تحتاج الى الذهاب الى القاموس و من ثم اداج اصلها لنثبت للعالم أننا عرب قح و لا أحد يطعن فى اصلنا و فصلنا مع تحياتى اختى مرام تقبلى مرورى

سامحينى يا مرمر والله نتفكر زمان خشيتله هذا الموضوع وتقريبا من المشاركات الأولى وقعمزت نعصر فى دماغى ونكتب لين عييت وبعدين هرب الضى وتحسرت ومنها نسته بكل وانى عجبنى هلللللللللللللبة وتوة ان شاء الله نبدومرو تانية

بابا فى طرابلس معناها بوى فى باقى الضواحى وسيدى فى زليتن وباتى فى الشرق
هنا فى الغرب نقولوها هنى أو هنايا وفى الشرق يقولو هنا بفتح الهاء والنون
هذا فى الغرب نقولو هدا وفى الشرق يقولو هضا
ماذا بك فى الغرب نقولو خيرك وفى الشرق يقولو كنك

» لمحبات ملك الالوان زيي طبعا
» ‏ عجائب الدنيا عند العرب
» من طرائف أعراب العرب
» فندق برج العرب فى دبى وووووووواوووووو
» الفرق بين العرب والغرب ؟؟