ماهي ردة فعالك عند سماعك لخبر - مفرح أو محزن ؟

السلام عليكم

موضوع من الاخير حلو ومن وحي أفكاري وهذا الموضوع يخصنا أحنى كلنا وهو
شني تكون ردة فعلك لما يجيك خبر مفرح ولا خبر محزن
زي مثال الخبر المفرح
تسمعي بأن أحد من المقربين لك نجح في دراسته أو نجح في شيء معين أو جاءك خبر فجأة أنه حد عرسه قريب وأنتي مش متوقعة العرس او الخطبة أو غيرها من الاشياء المفرحة
والخبر المحزن
زي مانقولو رحيل صديقة أو جارة أو أو فاة أحد عزيز عليك او جاءك خبر محزن جدا
شني يكون ردة فعالك في الحاليتن ( المفرح والمحزن)

نتمنى من الجميع يكون عجبهم الموضوع
وحنجاوب لما يجاوبو العضوات منورين كلكم

السلام عليكم ورحمة الله وبركاته

في الخبر المفرح بصراحة نفرح هلبة واول كلمة انقوله باهي مشااااااااااااااااااء الله ومبروك عليهم
وفي الخبر المحزن أول شئ ينزلو الدموع ما غير إرادة حتى انكان في مسلسل لقطت حزن وأول دموع هما أولات وحمد الله ديما راضية بحكم الله

اني في الحالتين نبكي هههههههههههههههههه
دموعي قريبات هلبببببببببببببببببببببببببببببة ماهي ردة فعالك عند سماعك لخبر - مفرح أو محزن ؟ 303445

أني أول شيء ننصدم لما يجني خبر مفرح ولا محزن يعني نتفاجأة وخاصة الخبر المفرح لما تكوني معندكش خلفيه عليه مثال جاك خبر فرح صديقة وفي نفس الوقت كنا نتلاقو وماقلتش أن فرحها قريب
والخبر المخزن تجيني صدمة قبل وخاصة لما يكون المتوفي قريب جدا كأني مش مصدقة وبعد مانتأكد من الخبر الدموع معاش يبطلو نهائي أن شاء الله بعد 100 عام لما نتفكره خلاص معاش نقدر نسيطر على نفسي من البكي وخاصة لما نتفكر بوي وأني توا نكلم فيكم ودموعي قريب ينزلو

اكيد الدموع
ماهي ردة فعالك عند سماعك لخبر - مفرح أو محزن ؟ 196708

في الخبر المحزن بدون تفكير و في الخبر المفرح المفاجئ الغير متوقع

لما أسمع خبر مفرح ومفاجئ علطول بقول ألف ألف مبروك والابتسامة تكون عريضة على وجهي ولو كان الخبر يخص أقرب المقربين لي زي اخوتي أبكي من الفرح واحمد الله كثيرا وممكن اصلي ركعتين شكر لله....

الأخبار الحزينه على حسب مرات صدمه يليها صمت قصير لتدراك الصدمة أو بكاء وخوف ومرات بحس رجليا ماعاد يحملوني على حسب قرب الشخص لي

ماهي ردة فعالك عند سماعك لخبر - مفرح أو محزن ؟ 284798

انى امتا فى الخبر المفرح اطير منى شهية الاكل ومعاش نأكل شى خاصة لو كان خبر ماعنديش خلفية عليه

واما فى الخبر المحزن فالله لايروعك على الدموع ونقعد ساكته ومانكلم حد يعنى نقعد منطويه وتقعد المعده تلوى فيا ماهي ردة فعالك عند سماعك لخبر - مفرح أو محزن ؟ 483972

ماهي ردة فعالك عند سماعك لخبر - مفرح أو محزن ؟ 483972

وخلاص

أم أيوب اولاً 1000مبروك الفوز في مسابقة الالغاز والمسابقة الشعرية بالتوفيق أن شاء الله لك ولي جميع الاخوات
ومها وستار أن شاء الله ديمه فرحنين وماتفقدو عزيز عليكم جميعاً
---------------------------------------------------------------

وأني لما حد من خوتي نسمع أنه صارله شيء مفرح ويكون الخبر ماسمعتش به قبل نفرح وحتى الارض مش حاملتني من الفرحة
وبالنسبة للاخبار المحزنة مرات يجيك خبر محزن أنه صديقة لك قالت عليك شيء خلاك تنصدمي تقولي كيف صديقتي وتقول عليه هكي
نقصد الاخبار المحزنة مش غير موت وبس حتى الاخبار السيئة إلا توصلك من قبل شخص آخر

انا الدموع في الحالتين والله
بس دموع الرفح غير ع دموع الحزن
نحكيلكم لما خوي جانا مفجاءة عايش البرا هداكا اليوم كان خوي وعيلته بيجو من لحج تعروفو جوه المهم انا جايبة في ايدية صواني مرش يخش خوي التاني الي مش في الحج انعيييييييييييييييييييييييييييييييييييييييييييييط بالصوت وايطحو مني الصواني ويتكسرو ا يوم والله ماينتسي
jhbj

فى الخبر المفرح ويارب تكون كل أخبارنا وأخباركم مفرحة إذا كان يخص أمى أو أبى أو زوجى أو أحد أبنائى أوأحد عزيز هلبة على قلبى فعلى طول أسجد سجود شكر وتدمع عيناى وأنا أحمد الله وأشكره
أما فى الخبر المحزن فقد يكون انسان لم أره فى حياتى ولكن موته ورحيله يحزن الأمة بأسرها فأدعو بدعاء المصيبة وأنا أبكى ولا أتمالك نفسى ربى يبعد عنا وعنكم كل شر اللهم آمين
jhbj

بالنسبه ليا كل حاله وليها رد فعل مختلف حسب الفرح والحزن

مرات نبكي ومرات نضحك ومرات انعيط لكن منتوقعش رد فعلتي بكل

بيلا أن شاء الله ربي ديمه يفرحكم وماتسمعي كان الاخبار الطيبة
ام محمد ربي يفرح كل مؤمن ونسمعو عنكم كل خبر مفرح
سناء أن شاء الله ايامك كلها فرح وسعادة ويارب يباعد عنكم كل حزن وهم وضيق ياكريم
sda;

جى دورى اما عليا انا الخبر المفرح يبكينى والخبر المحزن يبكينى
الخبر المفرح مثلا لو سمعت شئ على خواتى او على اقاربى يفرح يعنى شئ مش متوقع حتى النوم معادش يجينى ونقول ياريتنى ماسمعته من كثرت التفكير وماعنديش نية اندير شئ حتى صغارى نغيبهم من المدرسة ونقعد فى الحوش كيف المدهوبة الشيرة هذه الغربة تهبل العباد

والخبر المحزن ولا شئ نبكى نبكى لعند عيونى يطلعو ونستغفر ربى ونقعد ندعى وخلاص

عرس حماتى بكيت لعند قلت خلاص عرس احلام واختى فهيمة واميرة قريب اطربقت من البكاء

حتى راجلى معادش يكلم فيا لانه معنده ميقول ههههههههههههههه

حمل اختى احلام كان خبر متوقع اكيد لكن فرحته بالذنيا كلها كانت ليا والى امى

وخبر وفاة عمى كانت صدمة لاتصدق الى هذا اليوم

رحم الله والدينا
رحم الله والدك اختى امان

ماهي ردة فعالك عند سماعك لخبر - مفرح أو محزن ؟ 953932

ماهي ردة فعالك عند سماعك لخبر - مفرح أو محزن ؟ 953932

فكرتيني يا أم الشيماء بمواقف كثيرة مرت عليا وأنا بعيدة عن امي وأبي والله

لم يكن أمامي سوى الدموع سواء مواقف مفرحة أو نوعا ما حزينة

تعرفي أذكر يوم أن مات الشيخ زايد حاكم الامارات بكيت وبكيت لما عيوني انتفخت من البكاء لأنه رجل صالح كان يأخذ سيارته ويسوق بها في الشوارع دون حراسة ليتفقد الناس, أحبه شعبه وكل من كان مقيم في الامارات حتى العمال في الشوارع بكوا عليه, ربنا يرحمه يومها بكيت لدرجة أنني اتصلت في أهلي أعزيهم على وفاته وكنت حامل أذكر وفي رمضان....

في الحالتين ابكي بس الخبر المفرح نبكي ونسجد سجود حمد وشكر لله لانه ماسمعني الا الاخبار الحلوة وانقول ان شاءالله ديمه

في الخبر المحزن نبكي وننطوي ع نفسي ونقعد مصدومه وكامده الغصة

لكن للاسف انا مش من اللي ينسوا بسرعه

الايام اللي فاتت شفت صورة الطفل العراقي اللي قتلوه الملشيات في العراق شفت وجهه بس ماشفت الفيديو وتلخبطت كل حياتي

وياريتني ماشفته

حسيت ظلوعي زي السجن حابس قلبي منظر الطفل لم انساه

في احداث غزة من اول مانوض في الصبح وانا نبكي الي الليل

والغربه سبحان الله زي ماقالت ام الشيماء تهبل في العباد

وفي نفس الوقت تبني شخصيه قويه

المنظر المحزن يحزني والمنظر المفرح يعلمني التفاءل

موضوعك حلو ياامان صحيتي

آآآآآآآآآآآآه يامرام فكرتيني ليش بغزة وبأهلي هناك وانا مش ناسياهم أصلا

هاديك الفترة انتفخوا عيوني بكل ماتحمله الكلمة من معنى وكرهت حياتي الصراحة ووجدت اناه تافهه بكل ما للكلمة من معنى...

وطبعا أحداث لبنان سنة 2006 تقربا ياااااااااااااه على اللي صار فيا لدرجة امي تتصل فيا وتقولي وراكي أطفال ياماما...

لاحول ولاقوة إلا بالله عموما أنا لاأحب أن أتذكر الأشياء الصعبة لأنها تقلب حياتي وتأثر فيا وصورة الطفل يامرام ما شفتها لأنه بعد صور أطفال الرجل الفلسطيني في الحرب الأخيرة ما عاد عندي حيل لمثل هذه المواقف

ربي يعننا بس صور الطفل العراقي ابشع صور ممكن يشوفها بني ادام انا ماشفتهم بس التعليق تحت الصورة وشكلهم وهما ماسكينه

ولابسين زي اللبس اللي يلبسه الجزار وفي ايدهم سيوف وهو عمره حوالي السبع سنوات او اقل والباين انهم قطعوه قطع

استغفر الله وخلاص مش قادرة نشيل صورته من بالي ليا علي هالحالة اسبوع

سامحينا ياامان نقعدنا نهدرزوا في الموضوع واعتبريه نقاش علي المفرح والمحزن

خوذي راحتك مرام هدرزي وفضفضي وقولي كل إلا في خاطرك بالك تفرجي على قلبك شوية من الغربة وهمها
وربي يصبركم وأن شاء الله ديمه فرحنين والزعل بعيد عليكم ومرتاحين
----------
مها ربي يصبر اهلك أن شاء الله ويحرر بلادكم من الظلم والظالمين ويفرج على كل مسلم في كربته وربي يفرحكم عن قريب ياقادر على كل شيء
----------
مرام هدرزي عادي جدا وربي يفرحك عن قريب
اللهم أمين

في جميع الحالات نبكي

مشكورة أم الحلوين على مرورك وأن شاء الله تبكي من الفرح jhbj

تصدقي نبكي في الحالتين

سارهمو البكاء يغسل القلب ويفرج على الخاطر
وأن شاء الله ديمه ايامك فرح

موضوع جميل جدا
انا بقه بالنسبه ليه الخبر المفروح بقول الف مبروك واحاول اشوف اقدر اساعد فحاجه وابقه هطير من الفرح بس ده لو لغيري
لكن لو خبر مفرح ليه ببقه خيفه منه ومخنوقه لحد مااتأكد لاني ديما الاخبار الحلو ه تجيلي وبسرعه تنتهي قبل ماتبتدي
اما الحزن لا مافي دموع بيكون فيه خنقه وصوتي مايطلع واشعر باانى محتاجه اصرخ وصوتي ما يطلع . واقف فالموقف للنهايه لو محتاج تصرف لكن بعدها انعزل والخنقه تزيد والبكا يجي بعدها بحوالى اسبوع لما احس خلاص الموقف ده فعلا حصل
بس في تلك الحالتين ببقه بشكر بنا فالفرح بشكره على الخير والحزن ببقه عارفه ان ربنا خفف البلا بكتير قبل ماينزله عليه فبحمده واستغفره

تعرفى يا امان انى نبكى فى الحالتين ديمة دموعى على الباب

روى الإمام مسلم في صحيحه قوله - صلى الله عليه وسلم -: (عجباً لأمر المؤمن إنّ أمره كله له خير؛ وليس ذلك لأحد إلا للمؤمن، إن أصابته سراء شكر فكان خيراً له، وإن أصابته ضراء صبر فكان خيراً له).