مارأيك عزيزتي؟؟

السلام عليكم ورحمة الله وبركاته والصلاة والسلام على سيدنا محمد صلى الله عليه وسلم

في موضوع قداش ليا انفكر فيه ونبيكم اتقولو شن رايكم هوا اكتر شيء يخص المتزوجات

ايش رايكم في الزوجات اللى اتقول لراجلها كل شيء مادس في شيء سواء يخصها او يخص غيرها من الناس

مثلا واحده امشيت لعرس والا لمه او تهدريزه وبعدين اتروح لراجلها تحكيله كل شيء

بالنسبه ليا انحسه غلط كبير ليش اتقولو في اشياء زي هذا وشن السبب اللى يخليها ادير هكي وهل كل المتزوجات لازم ماتحكي لراجلها

بالانتظار لردودكم

يعني احنا لا يعني استار ماتجيش اهنا بكل مش لازم قريت الموضو ع انا سااااااااااد
هههههههههههههههههههه
يافالحة انقلي الموضوع لمتع الحياة الزوجية

هذا موضوع للنقاش بيلا للكل انتى قولي رايك زي ماقلت انى لكن اني نسال المتزوجات لانهم مجربات وهذا قسم للنقاش الاجتماعي مش مواضيع خاصة بالزواج

انا نعطيك راءي في المستقبل البعييييييييييييييييييييد جداااااااااااااااااا ههههههههههه
بس نعطيك راي توا
من المستحب ماتحكيش كل شيء شن المعني تحكيله ع لمة كانت فيها مشينها الحركة مش حلوة
يعني اتقول مشيت وماشاء اللله عليهم وياسر
مش حركة تحكي شن دارو وشن لبسوا
هكي اصلا اتغر في الراجل لو تحكي فلانة لابسة وفلانة مدايرة
هادي وجه نظري انا
بس اكيد المتزوجااااات اعلم مني
عااارفة مش ح تستفيدي حتي حاجة ههههههههههه
مهبولة الله غالب عليا هههههههه وج انا

الله ايبارك فيك على الكلام الحلو امان

موضوع يفلق الصخرة ياسناء

انا بنحكى توا على نفسى

واسألو المجرب

انا كنت كنت كنت نحكى لراجلى فى كل شئ

وبعدها نندم

مثلا نحكيله مشيت لصاحبتى لسوق وشرينا وكلينا وشربنا والى اخره هو يستنتج من نفسه انه هذه المراء اللى انتبع فيها شنو
مرات يقولى معادش اتبعيها ومرات يسكت ويدسها

وهذا اللى يخلينى نندم

لكن بخصوص انى انكون فى عرس ونحكى لراجلى شنو صار مستحييييييييييييييلة او انى انكون فى مجمع من النساء ونحكيله على وحدة او شنو لبست او كيف شكلها مستحييييييييلة ولا هو يسمعلى اصلا

والراجل عن فكرة مش كل شئ ينقاله وخصوص الحاجات العائلية

وفى مرات حد يقولى موضوع منقولاش لحد انا عندى راجلى مش حد ههههههههههههههههههههههه
انقعمزله على صفرة الغداء ونلقى روحى قلته له لكن والله مستحيل نحكيله حاجة عن حد تسببله مشكلة بلعكس نحب نكسب الناس بسكوتى


ولا شنو رايك فيا ياسناء راهو انقول ههههههههههههههههههههههههه


انا مرت خو ماصارتش فى الدنيا
ههههههههههههههه

شكله ردي ماعجبكش ياسنو ولا اهتميتي بيه
جاملي اللطف



اسكتي شوية ياام شوشو والله عليك حااااااااالة هههههههههههههههههههههههههه

لا مش كل شي نحكي لزوجي خاص يكون شي ما يخصوا لاانه هو نفس الشي يحكي مع اصحابه ما يقول شنو صار ليش نهدرز معه على البيت ولي صارلي شي في العمل نحكيه للعلم

اكيد انا من وجهة نظري مش كل شيء تحكيه للراجل...زي شن لابسة فلانة والا شعر فلانة والا جسم فلانة

مشكورة سناء وربي يرزقك بالزوج الصالح
وانتي يابيلا يرزقك بالزوج العاقل يلي اعقللك

بارك الله فيك يا سناء وانت يا زوزو قلتى اللى بنقوله وعن نفسى ما نحكى الا اذا كنت محتارة فى شئ ما وهو يساعدنى لانى نحس ان تفكير الراجل اوسع من المرأة احيانا خاصة المرأة لما تكون مشوشة ما تعرفش تفكر صح والراجل او المرأة اللى يخافو ربى لازم يكونو عارفين ان الكلام على اعراض الناس له مردود سئ عليهم واللى ما يرضى ربى عذابه فى الدنيا قبل الآخرة وهذا علاش هالايام الوحدة لازم تفكر مية مرة شن تلبس وانى انشوف للاسف اغلب البنات والنساوين تلبس فى لبس ما يرضى ربى ابدا شبه عارية حاشاكم وعلى اساس انها بين نساوين لكن ما ادراك ان فى هالنساوين من تمشى توصفك لزوجها وكأنه شافك ما هو انت خليتيلها الفرصة وخاصة توة الخوف من ربى ما عادش موجود هلبة حسب ما نشوف واغلب النساوين ما تعرفش عورة المرأة أمام المرأة شن حدودها وفيه حتى اللى تعرف لكن ما تبيش تهتم خاصة فى المناسبات وكأن المناسبة يجوز فيها المعصية والله المستعان ربى يهدينا ويجعلنا فى مرضاته اللهم آمين

بارك الله فيكم اخواتى وفيت وكفيت وان شاء الله هذا الموضوع يكون قدوة وعبرة للناس

فى احيانا المراء تعاود لراجلها بكل نية وهو يكون لها اذن صاغية حتى هذه الطريقة انشوف فيها هو مشترك معاها فى الذنب

الحمد الله انا راجلى ميحبش يحكيلى شئ بخصوص صحابه

حتى هو ميحبش انى نحكيله اى شئ على صاحباتى ولو كان بسيط

لكن اول ماتزوجت

تعلمت هلبا حاجات من الحياة والله

الحياة هى اللى تعلم

سنو جاملي ردي والا

بارك الله فيكم اخواتي على الردود والنقاش البناء ماشاء الله عليكم

حتى انى والله مانحبها المراه اللى تحكي لراجلها انحسها انسانه فاضي دماغها ماعندهاش على شن تحكي فتهدرز في كلام عواقبه اكثر من حسناته وان شاء الله ري يهديها النوعيه هذي

ابدعتو في الردود والتفاعل وفي الانتظار لبقية الاخوات

خيرك حزينه بيلا حبيبتي

موضوعك ممتاز ياسناء انا مع قول المرأة لزوجها كل شيء مرت به








إلا أثناء الزيارات النسائية فهي امور خاصة بين النساء....

بوركتى مها على الرد والمرور الرائع

تبو تضحكو تعالووووو











فى مواضيع تافه مش لازم حتى تنقال لراجل
حتى لو انقالت ملهاش فايدة عندها
فى مرات نختبر نفسى انى اليوم منحكيلاش شنو صار مثلا فى حفلة بنتى المدرسة او انى شنو شريت وين امشيت

لكن مع صفرة الغذاء نلقى روحى مافى حاجة الا وقلتها

تبو تضحك صح

حتى هذا الموضوع حكيت عليه لراجلى
هههههههههههههههههه





بلبولة اللى تسمعه تقولة

هههههههههههههههههههههههه

يعطيهالك ان شاء الله

سناء اعذرنى هذا وين شفته موضوعك

فيه امور حتى لو حكيتيها لزوجك مش مشكلة وفيه امور لاتعنيه نهائى هنا يكون مش لازم تحكيله عليها

عذرك معاك عزيزتي ام ماءب اتصير

بوركتي على مرورك وتفاعلك ام ماءب وعزيزتي نرجوس

ههههههههههههههههههههههههههههههههههههههههههههههههههههه
ماتخلي فولة في فمك هههههههههههههههه
يافالحة حزينة لان ردي ماعدلتيش عليه
عرفتي ههههههههههههههههههههههههههههههههههههههههههههههههههههههههههه