السلام عليكم

السلام عليكم
اخواتي الفاضلات معكم احسست بمعني الصداقة والاخوة ايضا
بوركتم فيما افدوتوني مشكورين ومستحيل رح انسي الي درتوهولي ..............."
حان وقت الوداع هادي سنة الحياة كل شيء له بداية وينتهي بنهاية "
ام شوشو :اتمني ان اسمع بك ولدتي بكل خير وربي يحفظ اصغارك يارب وبارك الله فيك علي المنتدي الرائع
ستار :شكرا حبيبة علي العزومة للمنتدي ربي مايحرومنا من بعض نلت مرادك ان شاء الله
مريومة :الله غالب عليا مهبولة وتسايري فيا مشكووووووووورة احبيبة ان شاء الله ربي حقق مافي بالك ونسمعو بيك جيتي لليبيا ع خير
سنو :شن جوك ياعسلة انن شاء الله يارب نسمعو بيك عروس وبصغارك وسلميلي ع خطيبك

ام ماب ام ايوب والحبوبة :ربي يخليكم لبعض والله منورين المنتدي مشكورا احبيبات بجديات حبيتكم هلباااااااااااااااااااا يارب يخليلكم اصغاركم ويدومو عليكم ونسمعو
بالاخبار الحلوة عليكم ........
مها : والله انحبك هلباااااااااااااااااااا لانك ترفعي في المعويات وتسايري هلباااااااااا
امونة :منورة المنتدي بمواضيعك
: دندونة ام غفران
ع قد مانعرفكومش هلبا الا انكم ماشاء الله نعمة الاخوات

كلي امل "امولة ": بجديات عندك شخصية مش عاديا مبننية علي الهدؤء التام وتمنيت نعرف اسمك الحقيقي

زوزو :اتحوسي عاد توا في المصيف منورة حبيبة المنتدي
احلام د/مودة نرجوسة : ماشااااااااااااااءالله عليكم ربي يحقق مافيبالكم مع ذالك مانعرفكمش هلبا



ام محمد : سلميلي ع المجتهدة وان احبك يااحلي ام محمد في الدنيا
والي نسيته والله نسوة الله غالب هادي الدنيا

احبكم في الله

فكونا من المقالب مش ناقصين رعايش

ههههههههههههه خير ان شاء الله يابيلا ما قلتيش سبب الوداع عاد نحنا قصقاصين زيك اسمي اسماء بيلا

تسمط توا عارفتها لقت المنتدي مكسد خشت تسمط علينا واتبرد علي وجوهنا

تشوف فينا متريحين تحرق في دمنا بحناطتها وخفة دمها

لو ماتخشيش ندير زيارة ونجيك في حوشكم

ماناقصنا رعايش صدقتي ياسناء

ماتعدلوش عليها توا اتغيب وترد دايرته مقلب لها فترة مانزلتش موضوع وكنت متوقعه ادير هكي

شكلها اليوم دارت رز محروق والا كيكة معجنة وامها هزبتها

بيلا يابيلا معقولة يهون عليك تسيبينا

انا نحس بيه مقلب منك

خاشا فرحانة نبى انقول لكم هولندا ربحت البرازيا القيتك
صادمتينا بالخبر

هيا تعالى من غير مقالب زايدة
والله ليك مكان فى المنتدى ومحلى المنتدى وانا متاكدة انا مافيش فى المنتدى وحدة متحبكش ولا شنو رايكم يااخوات


بيلا لو تدلعى خودى راحتك احنا خواتك ودلعى على راحتك لكن بش تسيبينا هذا ولا تحلمى بيه

وعلى قولة مريومة شكلها امك عاطياتك على راسك
لكن اكيد يكون معاها الحق


ردى علينا يابيلا

بيلا بلا جو اعلاش هكى
بس اكيد ادير فى الجو مش معقولة تسيب المنتدى هكى بلا سبب
وان شاء الله يكون مقلب منك ياقصقاصة

بيلا لقيتلك موضوع حلوووووووووووووووو
خشي غرفة الدردشة

لالالالالالالالالا يا بيلا كان انتي طلعتي من المنتدى بنطلع حتى اني

تي انتي روح ونبض المنتدى كيف يعيش المنتدى بعدك

لكن كان طلع مقلب نهارك مش فايت اعطيني عنوان حوشكم طووول وبنبدء فيك بالعصى لكن كان تتغلي علينا خودي راحتك كان ما قستيش غلاك علينا على من يتقيسي

هيه خشي وردي علينا بسرعه نستنى فيك

ام شوشو مبروك على فوز هولندا شن جوء البلاد عندكم تعرفي ما نحكيلكش اني وراجلي اليوم هو يشجع في البرازيل واني في هولندا هههههههههههههه قريب اطلقنا اليوم يقولي تي شن دخلك فيها هولندا تشجعي فيها اني عارفك غير عناد فيا وخلاص هههههههههه قتله لا لا نشجع فيها ما هو صاحبتي عايشه فيها هههههههه والمقصوده انتي طبعا

بيلا وينك هيا خشى نحنا نراجو فيك توا تشوفى ناخد اميلك ونعطيه لااعضاء كلهم يطيحو فيك ضرب
لان حوشك بعيد
هههههههههههههههههههههههههه



حبوبة هولندا مقلوبة قلبا منحكيلكش
هبااااااااااااااااااااااال والله هباااااااااااااااااااال
كلها بوليس ومرة مرة تسمعى سيارة الاسعاف
وفى كل شارع تلقى سيارة بوليس

يعنى تقول قامت القيامة

الله المستعان

حتى انا راجلى يشجع فى البرازيل



هيا بيلا تعالى اكيد زعلانة لان البرازيل خسرت

شكلها النت يبي يوقف كم يوم او تبي تمشي زياره وقالت اندير هكي قبل مانمشي

اه اه اه اه اه اه اه اه اه اه اه اه اه اه اه اه اه اه اه اه

تذكرت عندها عرس وتبي تمشي تقعد فيه هي قالتها الايام اللي فاتت

الخلباطة بيلا.......ههههههههه

وينك بس يكمل العرس توا اتشوفوها ههههههههههه

بيلا هيا بلاش تزعبين كيف تسيبى المنتدى وانتى روح وريحان وعطر المنتدى انتى وردة المنتدى وبسمة المنتدى

كان انتى تطلعتى احنى بنصكروا المنتدى وبنمشولك انى وحبوبة وام ايوب لغاية حوشكم

لكن مرام قالت عندك عرس حطيتى ها المقلب زمشيتى تهيجى فى العرس

باهى غير تجى تشوفى حسابك

بيلا سلم بنيتى ردى علي وخياتك وردى عليا انى حرجانة منك هللللللللللبة ولما تولى تو انقولك علاش والله ما ترديش ما نسامحك راهو انت ما تعرفيش مكانتك فى قلبى والله العظيم عندى قلب يحبك ما تقولى الا شايفاتك ولا عايشة معاك انى ما عندى حيل للرعايش مرة آمان دارت مقلب والله صدقته ونقرأ والدمعة فى عينى وتوة انت بتكملى عليا وخلاص واهو ما نيش مبطلة بكى لين تخشى وتردى

انا خاشة بنقولكم سلمولي ع سويت وبنطلع اتمنيت نعرفك يابنت الناس
سلام اتمنيت نقعد معاكم سلام
















































تحياتي اخواتي

ام محمد اتمنيت ان نعرف شن مزعلك مني حبيبتي والله انحبك كيف وانعزك موت ونتمني كل يوم نسمع نصايحك
حبينتي ياريت نعرف شن مزعلك

مرومة تم العرس

لا لا يا بيلا قولى مقلب هيا وخلاص انى لا زعلانة منك لا شى سامحينى حبيبتى بس نبى نجبرك تردى بالله عليك تقولى مقلب سلم بنيتى والله غششتينى ورديت عليك بسرعة فى الرسالة لانك قلتى بنطلع بسرعة طمنينا بالله عليك

انا اصلا المقالب هدي مانحبهاش هلبااااااااااا
لكن الله غالب هادي الدنيا

بيلا معقوله اتهون عليك اخواتك في منتدى الشيماء اتسيبهم سويت قالتلك لو ترجعي انسيب امتحاناتي وانخش على خاطرك ديما نحكيلها عليك

هيا بيلا من غير جو خير مانجيك انى قريبه منك الزاويه مش بعيده عليا انى جارتك في جنزور وسيارتي عندي توا انكلم ستار تعطيني العنوان وانجيك وانجيب معاي العضوات كلهم

هيا تتغلا بس وبتشوف اذا غابت عن المنتدى شن بنديرو

شني والله مافهمت حاجة يابيلا فيكنا بلا رعيش والله مانقصني عظامي يتصاترو قولي أكيد مقلب زي مقلب الا درته أني هداك اليوم
هيا قولي مقلب وريحينا
هيا نستنى في الرد
بسرعة ردي وقولينا مقلب بالله عليك
كان طلعتي معناه المنتدى بيكسد للمليون
نرجي فيك ردي عليه

يآمان شورها بالحق بيلا بتسيبنا والله بعتلها رسالة على الخاص وردت بالدموع وتودع فيا وتقولى شن مزعلك منى سبحان الله انى زيكم خديت عليها هالبنية والله العظيم نحبها لدرجة كبيرة هلبة غر ياريتها تقول علاش خلتنا محتارين وخلاص ربى يهديها ويحفظها

بيلا لا