ليش الرجال نعم والنساء لا

موضوع: ليش الرجال نعم والنساء لا 2010-07-21, 10:08

السلام عليكم ورحمة الله وبركاته

كيف حالكم اخواتي الشيموات الراقدات وينكم مغطسين هذي العطله والصيف والنو دار فيكم هكي هيا انشطو معاي اليوم جايبتلكم موضوع نبو نتناقشو ونعرف رايكم فيه

ليش الراجل الليبي او اي راجل من بلد معين ليه الحق انه يتزوج امراه من بلد تاني مع موافقه الاهالي ومباركتهم ولكن لو فكرت البنت تتزوج شخص من غير بلدها تنوض الدنيا وماتقعد وخصوصا عندنا في ليبيا واني بنشارككم قصه صارت معاي مره شافنى شاب أردني مؤدب خلوق ويخدم ماشاء الله عليه المهم طلب انه يتزوجنى انى ماقلتش موافقه وماكنتش ناويه انى انوافق المهم انى ماندس في شي على ماما قلتلها على الموضوع 3 ايام ماتكلمش فيا ليش الرجال نعم والنساء لا 783387

هذا لانها سمعت بالموضوع يعني لو قلتلها انى انفكر انوافق عليها مش عارفه شن كانت ادير فيا ليش الرجال نعم والنساء لا 788201

وانتو شن رايكم هيا عويله سمعوني ارائكم وانشطو ليش الرجال نعم والنساء لا 90459

سناء أنتي تعرفي دور الرجل في السيطرة على الامور نقصد لو الرجل يتزوج وحدة من خارج ليبيا وصار بينهم خصام فاعادي يقدر ايطلقها بدون أي مشاكل لكن البنت لأنه لاحول لها ولاقوة يقدر أي رجل من جنسية أخري يتزوج بنت لكن ممكن يديرلها البهادل وهيا ماتقدر ديرله شيء ممكن تتغرب وتعيش في بؤس وفقر معاه وحدتث عدة مشاكل عن تجربه ، نعطيك قصة حقيقية
أخت مرت خوي تزجت مصري كذب عليها طلع ماعنده شيء في ليبيا لاشغل ولا مشغله عذبها عذاب الهدهد وأخر حاجة رفعها لمصر سكنها في خرابه + فقر + عذاب رهيب شافته منه وأخر شيء هربت في ليلة من غير قمر وتعرفي ياسناء أكثر الاجانب يتزوجو الليبيات طامعين في الاقامة مجرد مايأخذ الاقامة يطلقها
أني مش نبي نخوفك ياسناء لكن ديري الاحتمالات هذي كلها بين عيونك
والله نعيش مع ليبي وفقير ومتملح ولا نتزوج شخص أخر من جنسية أخرى ومانعرفش شني هيا عاداتهم وتقاليدهم ولا نعرف طبعه ولا شني يفكر
المهم سناء كوني حذره فيه اشخاص متفننين في الحديث يجيبلك العسل في الرواني وبعدين تقعدي تعاني وتندمي ، وأمك أكيد مش موافقة لأنها متبيش بنتها تتغرب وتعيش بعيد عنها وممكن ماترتاحش معاه
هوا ولد بلادك ماعندي فيه ثقة لابال من جنسية أخرى، ونقولك حاجة ياسناء ثقي وتأكدي أنه الشاب الاردني مليون في الميه فلسطيني مش اردني
المهم ماتوافقي عليه إلا بعد ماتتأكدي ةتسألي عنه وقبل كل شيء أهلك يكونو راضيين عليه
ماتحرجيش من كلامي سناء كلامي واضح وصريح وعن تجربه من أقرباء ليا
وربي يجيب إلا فيها الخير

تبي الحق يا سناء اني مش مقتنعة اني نتزوج من غير ليبي حتى ولو انه قاعد في ليبيا لكن اكيد ايجي يوم وايولي لبلاده وبعتالي شوفي الصغار حتى هما ايولوا منبودين لانهم مش ليبيين

موضوع حلو ياسنيوة
وماعندى منقول عليه
هى عادات وتقاليد وبس
لهذا السبب اعتقد ان الاهالى لايوافقون على الزواج من غير جنسية اخرى
ومش كل اصابع اليد كيف بعضها
مثلا ابسط مثال الجبالية قليللللللللللللللللل جدا يعطو بنتهم الى واحد يكون مش جبالى
رغم انهم ليبيين
وهذا يرجع الى التقاليد وبس لاغير

على فكرة ياامان سناء مخطوبة وقريب تنسجن فى قفص الزواج هههههههههههه
من واحد ليبي ابا عن جد
ليش الرجال نعم والنساء لا 95994

لى عودة

أن شاء الله خاطبها الاردني ياأم الشيماء

انى مع العادات والتقاليد اى البنت تاخد ليبى احسن ليها من حيت العادات والانسجام وحتى الرجل لما ياخد من نفس البلد احسن ليه والى اطفاله مستقبلا لان العادات تختلف فيكون من الصعب الانسجام وخصوصا السنوات الاولى

مشكورة سونة موضوع رائع والحمد لله انك موافقتبش اهو انخطبتى الى ليبي والعقبة للفرح ان شاء الله ربي يكملك على خير ليش الرجال نعم والنساء لا 295571

امان خطيب سونة ليبي
هى فتحت هذا الموضوع للنقاش بس
لاغير
ليش الرجال نعم والنساء لا 279909

آمــان كتب:: سناء أنتي تعرفي دور الرجل في السيطرة على الامور نقصد لو الرجل يتزوج وحدة من خارج ليبيا وصار بينهم خصام فاعادي يقدر ايطلقها بدون أي مشاكل لكن البنت لأنه لاحول لها ولاقوة يقدر أي رجل من جنسية أخري يتزوج بنت لكن ممكن يديرلها البهادل وهيا ماتقدر ديرله شيء ممكن تتغرب وتعيش في بؤس وفقر معاه وحدتث عدة مشاكل عن تجربه ، نعطيك قصة حقيقية
أخت مرت خوي تزجت مصري كذب عليها طلع ماعنده شيء في ليبيا لاشغل ولا مشغله عذبها عذاب الهدهد وأخر حاجة رفعها لمصر سكنها في خرابه + فقر + عذاب رهيب شافته منه وأخر شيء هربت في ليلة من غير قمر وتعرفي ياسناء أكثر الاجانب يتزوجو الليبيات طامعين في الاقامة مجرد مايأخذ الاقامة يطلقها
أني مش نبي نخوفك ياسناء لكن ديري الاحتمالات هذي كلها بين عيونك
والله نعيش مع ليبي وفقير ومتملح ولا نتزوج شخص أخر من جنسية أخرى ومانعرفش شني هيا عاداتهم وتقاليدهم ولا نعرف طبعه ولا شني يفكر
المهم سناء كوني حذره فيه اشخاص متفننين في الحديث يجيبلك العسل في الرواني وبعدين تقعدي تعاني وتندمي ، وأمك أكيد مش موافقة لأنها متبيش بنتها تتغرب وتعيش بعيد عنها وممكن ماترتاحش معاه
هوا ولد بلادك ماعندي فيه ثقة لابال من جنسية أخرى، ونقولك حاجة ياسناء ثقي وتأكدي أنه الشاب الاردني مليون في الميه فلسطيني مش اردني
المهم ماتوافقي عليه إلا بعد ماتتأكدي ةتسألي عنه وقبل كل شيء أهلك يكونو راضيين عليه
ماتحرجيش من كلامي سناء كلامي واضح وصريح وعن تجربه من أقرباء ليا
وربي يجيب إلا فيها الخير

بارك الله فيكي اختى امان على المشاركه والنصيحه وانى مقتنعه ماناخدش الا ليبي لانى مانحبش انبعد على اهلى مش لعيب فيهم كلهم مسلمين وكلنا اخوة لكن عاداتنا غير وتقاليدنا غير وانى مخطوبه لليبي &àà5 هههههههه
منوره على ردك وان شاء الله ربي يهني كل بنيه ويبعتلها النصيب الباهي

والله سناء القصة الا حكيتها في موضوعك أدل على أنك أنتي الفتاة وقلتي أمي 3 أيام متكلمش فيه هكي فهمت أني
المهم ربي يهنيك والحمد لله طلعتي مخطوبة لليبي ربي يفرح عن قريب
منورة أختي

طلب انه يتزوجنى انى ماقلتش موافقه وماكنتش ناويه انى انوافق المهم انى ماندس في شي على ماما قلتلها على الموضوع 3 ايام ماتكلمش فيا ليش الرجال نعم والنساء لا 783387

هذا لانها سمعت بالموضوع يعني لو قلتلها انى انفكر انوافق عليها مش عارفه شن كانت ادير فيا ليش الرجال نعم والنساء لا 788201

بارك الله فيك على شعورك الطيب امان لكن هذا الكلام اللى قلته قلتلك جي بيخطب وانى قلت لا مش موافقه ولكن ماما حرجت مني لاني حكيتلها على الموضوع بس

منوره امون

سناء ربي يهنيك ويفرحك عن قريب ياكريم
منورة بوجودك اختي سناء

وينكم يااخوات الموضوع للنفاش

امونة بالك عندك قنبة تحدفيها من عندك بش ينوضو الناعسات
ههههههههههههههههه

بكل ياأم الشيماء والله ناعسات حق امالا في رمضان كيف بيديرو
عابين عليهم يحطونا آكلات ومسابقات رمضانية
نشطيهم ياام الشيماء على الاقل رجعي اوسمة الحضور باش يخشو وينشطو
بيرقد المنتدى

رقدو هلباااااا شكلهم يبو صاروخ مش قنبله لانهم في غيبوبه عميقه

ياشيموااااااااااااااااات ليش الرجال نعم والنساء لا 90459

لالالا ، فكنا من القنابل خلاض نضنا وانتن ماتخلنا حد ينخمد

راهو الحكاية صيف واجازة

المهم بالنسبة لزواج الليبية من غير الليبي واذا استثنينا راي الدين وبعض حالات النجاح

ففي حالات ناحجة بس لانه الزوج يكون متريح ماديا ، او يكون ابن خالة او خال

الزواج هذا له مساوئ وخاصة اذا كان راقد ريح (هو حتى ولد بلادك كان هو راقد ريح تتعبي وتشردي معه ياباااال غريب الدار)

وكان ع الطمع يطمع فيك حتى بلدياتك على قولت المصريين

والله مافيها شي كان تزوجت واحد مش ليبي ، كنا افقكن ضيق ، وسعنا شوية

نحس في روحي متلخبطة كلا منكن نوضتني

لكن معليش اصعب مافي هذا الزواج هو البعد عن الاهل وليس هنا البعد المكاني فقط (فمرات تتجوزي في بلادك وبرا مدينتك) لكن قصدي البعد الاجتماعي والعادات والتقاليد ، وضنوتك على شنو بتربيها وبعدين خطرها على الضنوة حتى هم يتعبوا هم مرات امهم تقعد مش ليبية ويمايسير فيهم يابااال بوهم مش ليبي
وكان عاشوا هنا بيعانوا وخاصة في مسائل الزواج والنسب

وكان سافرت هي لبلاده صعب وخاصة اذا كان على قده

نورتي الصفحه وفاء وسامحينا فيقناك من النوم وكلامك صح الاطفال بيكون الجو عليهم غريب وعاداتهم مش زي عاداتنا وبعدين هيا مش حكاية أفق حكاية مجتمع بتعيش انتى وصغارك فيه

وفاااااااء ليش الرجال نعم والنساء لا 90459

باش اتنوضي صح هههههههههههه

sana كتب:: نورتي الصفحه وفاء وسامحينا فيقناك من النوم وكلامك صح الاطفال بيكون الجو عليهم غريب وعاداتهم مش زي عاداتنا وبعدين هيا مش حكاية أفق حكاية مجتمع بتعيش انتى وصغارك فيه

وفاااااااء باش اتنوضي صح هههههههههههه

لا والله واضح ياسنيوة انك متحشمة ومتأسفة على تنويضتي 475

هو كان جيتي ع المجتمع اللي بتعيشي فيه انا نحس انه المجتمعات العربية ماعدا الخليجية جوهم عادي ممكن ريلاكس اكثر منا في نظرتهم لهالموضوع

وكان جيتي على تفكير مجتمعنا معناها شوفي النظرة الدونية اللي ينظروا لك بيها ماهو انت متزوجة راجل مش ليبي !!!وعليك انت وياه تحمل مايقابلكم من مجتمعنا

لكن ياعزيزتي المشكلة انه رفضنا لمثل هذه الزيجات مش حب في بناتنا وإلا خوف عليهن انا نحس فيه انه نحن والعياذ بالله نحسابوا ارواحنا حاجة كبيرة وغير هالناس

wafaa كتب:: لا والله واضح ياسنيوة انك متحشمة ومتأسفة على تنويضتي

هههههههههههه باش تعرفي قداش انعزك هههههههههههه

هو كان جيتي ع المجتمع اللي بتعيشي فيه انا نحس انه المجتمعات العربية ماعدا الخليجية جوهم عادي ممكن ريلاكس اكثر منا في نظرتهم لهالموضوع

في مجتمعات غير الخليجية صعب تعيشي فيها اقرب شي المصرية والتونسيه عادات وحياتهم مش زينا بكل بالنسبه ليا صعب نتاقلم معاهم

وكان جيتي على تفكير مجتمعنا معناها شوفي النظرة الدونية اللي ينظروا لك بيها ماهو انت متزوجة راجل مش ليبي !!!وعليك انت وياه تحمل مايقابلكم من مجتمعنا

لكن ياعزيزتي المشكلة انه رفضنا لمثل هذه الزيجات مش حب في بناتنا وإلا خوف عليهن انا نحس فيه انه نحن والعياذ بالله نحسابوا ارواحنا حاجة كبيرة وغير هالناس

ممكن في ناس هكي لكن اكتر شي بيخافوا علي بنتهم انها في مجتمع وتربية غير اللى تربت عليها والله اعلم

منوره وفاء على المرور والتعقيب

موضوع شائك يا سناء

عموما الزواج كله قسمة ونصيب في النهاية وعلى الاهل ان يتخيروا الزوج الصالح لبناتهم والصلاح بمعنى صلاح الدين والصلاح الظاهر من الشاب في تعامله أما بالنسبة للجنسية فانا لست مع الزواج المختلط وليس هذا معناه ان الرأي صحيح, ولكن هذا رأيي ممكن غلط ممكن !! لكن هكذا تربيت انا فلسطينية وما يوخذني غير فلسطيني وأيضا في عيلتنا بزيادة زواج الأقارب كمان, لكن عموما وزي ما انا شايفة الزواج المختلط أصبح أكثر انتشارا هذه الأيام لأن العقول بدات تتفتح والناس صارت تسافر بكثرة وتعرف العرب على عادات بعض اكثر ودخلوا في بعض اكثر وفي النهاية كلنا عرب والتفاضل بيننا بالتقوى والعمل الصالح........

بوركتي على المرور والتعقيب مها صح كثر السفر والاختلاط بين الاجناس ولكن فكرة الزواج من غير جنسيتك لازالت صعبه

نورتيني مهوش

لالالالا والله حراااااااااام
انا بالنسبة ليا مفروض كل وحاحد وحريته علاش لا
والله مرات احيسن من ولد بلادك والله اعلم
والي فيه النصيب يجيبه ربي::

هيا الناس كل واحد وشخصيته وقناعاته

نورتي لمرورك وتعقيبك بيلا

» الرجال والنساء والحموات
» قاهر الفتيات والنساء
» خبر عاجل وخطير للبنات والنساء
» فتاوى فيما يخص (الحناء ) للرجال والنساء
» كيد الرجال