تجهيزات العروسة

السلام عليكم
بالنسبة للملابس نفس ما قلتي تايير طويل وواحد قصير ولبسة بنطلون ودراعه عبايات هذا غير الارواب والبيجامات
والمطبخ ياما تبي اتشيل امعاها من خلاط فواكه ومضرب كهربائي والات التوست وست البيت وقلاية البطاطا والفرن والميكرويف وفي حاجات ثانية انسيتهم
طبعا غيرالسيرفيس واسفار التقديم والطناجر طبعا احسن ماركة الشريف وفي ماركة فرنسية حتى هي حلوة وبراد الشاي وامتاع القهوة
وفي عندكم المكنسة الكهربائية والحداد البخاري
وطبعا سلة الخضراوت وامتاع البهارات والسكريات وسلة المواعين وفي حاجات ثانية كل وحدة وشن اتحب تاخذ امعاها
طبعا احسن ماركة في الالات الكهربائية هي ماركة black&decker وفي ماركة rayan هذين ماركات انجليزيات ايهبلن
وبالنسبة لدار النوم عندها سجاد الدار والابجورات والشطار يللي بتعلق عليه ملابسها ويرغان وغطاء شتوي والشموع ومفارش السرير والمفارش المطرزات
والنسبة للحمام حتى هو سجاد الحمام وطاقم الصابونه الفخار احسن ويللي بتعلق عليها الملابس الداخلية
وفي حتى يللي ينشروا عليه ملابسهم البلاستيك احسن من الاستيل
وفي الغرفة يللي تبي اتفرشيها تبي سجاد وصالون وطاولة وعليها مناظر من فضة او كريستال وتوا دارج الكريستال
وتوا ياخذن في غسالة المواعين
ذكروني بالحاجات يللي انسيتهم

بارك الله فيكم على التفاعل وبانتظار المزيد

اني ما عنديش معلومات على التجهيزات هادوما

اختك غايبة على التطورات الجديدة
ياريت نقدر نساعد
البركة في البنات
موضع شيق
بارك الله فيك سناء

وفيكي بارك زوزو انستي الموضوع ونورتيه

سناء كتبت
الكثير من شخاشير اللحم ( شخاشير رقاق ) مش عارفة شنو يسمو فيهم
سناء حتى الشخاشير الغلاط مهمات هما والقوانطيات (القفزات)لانهم ضروريات على خاطر الحنة وخصوصا في الاماكن العامةاكيد العروسة تستحقلهم

وكان تفكرت حاجة تانية لى عودة

بارك الله فيك ام ايوب بانتظارك

شكرا ليك سناء فعلا موضوع مميز
وان شاء الله يستفادو منها البنات
زي ما استفدة منه انا

شكرا ليك سناء فعلا موضوع مميز
وان شاء الله يستفادو منها البنات
زي ما استفدة منه انا

بوركتي رواسي على المرور والحمد لله استفدتي منه الموضوع ولو عندك اضافه ياريت

السلامة عليكم

يا حلوات انى جديدة معكم يا ريت حد يشدنى من ايدى ويعرفنى بى العلة

الووووووووووووووووو

انا نشدك من رجليك ويدك
هههههههههههههههههههههه
شنو تحبى تعرفى
المنتدى تلت رباعه عيلة وصاحبات مافيش برانية
اى حاجة تبى تعرفيها كلهم موجودات فى فراشاتهم مدفيات

نجمتن وام شوشو كان تشوفكم سناء تتعارفو في موضوعها تحدفكم برة

ههههههههههههههههههههههههههه

نجمتن انستى ونورتى وتو تتعرفي بالشوية عليك وتكونى وحدة منا

خشى على موضوع الجلسة العائلية وشاركى وتو تتعرفي على العضوات مع جلسة العالة

لقيت الموضوع قلت ردود وافكار جديده يافرحة ماتمت


لكن بعدين كملت بعضوه جديده انستي اختى ومرحبتين بيك وشن تحتاجي اتفضلي كلنا اخواتك

المناشف والديشمبرات للحمام في انواع واااجد وهو من اهم مستلزمات العرايس وغير حتي العرايس

ارواب للعروسه للحمام


























عطورات ديور وكل زجاجة عطر مكتوب اسمها تحتها



دوكلا فيتا ايو دو تواليت 2



ميدنايت تشارم



ميس ديور شيرى ايو دو برفيومد بورز سبراى



ميس ديور شيرى



هايبنتك بيسزون

عطور شانيل



كوكو مودمازيل تواليت



الور تواليت



تشانس تواليت

عطور غوتشى



انفى مى



ايو دى بارفيم



غوتشى باى غوتشى

عطور فيرساتشى



برايت كريستال



وومان

عطورات سان لوران



اوسكار كليبريشن ايو دو تواليت



ريد ساتين



بيبى دول ناتورال سبراى



ان لوف اجين اديشن جاسمين ايتوالى



وفي نقشات حنه جديده المفروض توازي شن يعجبك قبل الفرح

حناء























وليا عودة ان شاءالله

الله يفتحها عليك مرومه ابدعتي ناشطه ماشاء الله عليك الله يحفظك

ياريتك الموضوع هدا فتحتيه من 6 سنين فاتو لاني وين تجوزت لقيت روحي في الشهر الاول كله عزايم لقيت روحي ناقصني لبس طبعا ماتقدريش تمشي بقونة وفانيليا وبدلة وحدة تعبديها شهر معاش تنحيها علي حسب هدا بنسبة ليا اني هدا الي ناقصني وفي الي ماتنعزمش في البداية وفي من الشهر الاول تحمل

ياريت ام الشوش فتحت المنتدى من 6 سنين كان هذا درته الموضوع هههههههه

نورتي ام طيور الزنقه على الاطلاله الحلوه واعصري راسك شوي تفكري كيف جهزتي نفسك وساعدي ان شاء الله العرايس اللى بتتزوج باش مايصيرلهاش زي ماصارلك

نورتي

ماشاء الله رووووووووووعة
ام ايوب اسكتى انت من غير توليع نار بينى وبين حماتى
ههههههههه
هذه حماتى انى وبس صح ياحبى ولا تبى تبيعينى هههههههههههههههه

ام ايوب قلبها عليا وانتى حبي وعمرى ودنيتي كلها ههههههههههههههه