| كاتب الموضوع | رسالة |
|---|
كلي أمل
 مساهماتك : 2116
 وصلت إلى نقطة : 13251
تاريخ التسجيل : 15/01/2010
 | |
| | |
حبوبه
مساهماتك : 4714
وصلت إلى نقطة : 15539
تاريخ التسجيل : 06/03/2010
| موضوع: رد: ماذاأعددتى على سفرة الافطار اليوم  2010-08-28, 12:05 | |
| بسم الله ما شاء الله على فطوركم ربي يديمها نعمه
سارهمو ما شاء الله على صفرتك تشهي ربي يحفظلك زوجك ويرزقك بمن يملي عليكم الحوش ويفركس عليكم في السفره
مرمر ديمه حاجات ما شاء الله تفتح النفس وطاجين الدجاج شكله حلو وخش دماغي ومدام فيه زبادي اكيد راجلي بيحبه معناها لازم نجربه تسلمي لانك ماعمرك تبخلي علينا بحجاتك الحلوه | |
|
| | |
حبوبه
مساهماتك : 4714
وصلت إلى نقطة : 15539
تاريخ التسجيل : 06/03/2010
| | موضوع: رد: ماذاأعددتى على سفرة الافطار اليوم 2010-08-28, 12:08 | |
| ههههههههههههه نسيت ما كتبتش شن فطوري والله شيرتي اندهبت خلااااص
المهم اليوم طبعا شربتين شربة حوت وشربه عاديه وكباب مقلي وكفتة دجاج خديت طريقتها من ام ماب وبنتها تجنننن ولانها حفيفه مشت مع صغاري ميه ميه ودرت معاهم خبيزه بتن وخلاص بركه | |
|
| | |
كلي أمل
مساهماتك : 2116
وصلت إلى نقطة : 13251
تاريخ التسجيل : 15/01/2010
| | موضوع: رد: ماذاأعددتى على سفرة الافطار اليوم 2010-08-28, 12:15 | |
| هذي صورة البقلاوة الحالة على طريقة سارهمو ..انا زورت في العجينة شويا   [URL='http://hh7.net']مركز تحميل[/url]  [URL='http://hh7.net']مركز تحميل[/url] | |
|
| | |
حبوبه
مساهماتك : 4714
وصلت إلى نقطة : 15539
تاريخ التسجيل : 06/03/2010
| | موضوع: رد: ماذاأعددتى على سفرة الافطار اليوم 2010-08-28, 12:40 | |
| ما شاء الله عليك يا كلي امل والله تريتك مش شويه فاااااااالحه
يسلمو ايديك منظرها اممممممممممممممممممممممممممم | |
|
| | |
*أم الشيماء*
مساهماتك : 10632
وصلت إلى نقطة : 24004
تاريخ التسجيل : 12/03/2009
العمل/الترفيه : مدرسة احياء وكيمياء, ومن هواياتى التصميم والفوتوشوب
 sms : لا اله الا الله محمد رسول الله
المزاج : حسب سرعة الانترنت
| | موضوع: رد: ماذاأعددتى على سفرة الافطار اليوم 2010-08-28, 20:53 | |
| | |
|
| | |
ام ايوب
مساهماتك : 4041
وصلت إلى نقطة : 15139
تاريخ التسجيل : 04/05/2010
| | موضوع: رد: ماذاأعددتى على سفرة الافطار اليوم 2010-08-29, 01:22 | |
| صجة فطوركم
سارهمو يسلمو ايدياتك سفرتك تشهي
مرام ما شاء الله عليك ديمة سفرتك متنوعة وديمة مبدعة
كلى امل ما شاء الله يسلم ايدياتك اللي داروها وصورها وديمة اكرمينى بالصور خلى نشوفو الابداعات | |
|
| | |
سارهمو
مساهماتك : 383
وصلت إلى نقطة : 11251
تاريخ التسجيل : 01/02/2010
العمل/الترفيه : مدرسه
| | موضوع: رد: ماذاأعددتى على سفرة الافطار اليوم 2010-08-29, 04:03 | |
| يسلموا يديكم يا بنات
وصحه فطوركم
انشاء الله حبوبه من فمك لباب السما هما غير يجوا ان شاء الله ويحوسوا على قلبي زي العسل
اشبح بالك بعدين نغيير راي ههههههههههه
المهم بالنسبه للطاجين ام شوشو
ناخد الدجاج انا نحب الفخاد المهم اتبليهم بالبصل والتومه والتوابل اللي عندك واكليل لو في وزعتر
وتحطي عليهم كاشيكين زبادي وشويه مستردة مش مهم اللي مايبيهاش
تخليهم يتبلوا ساعتين او اكثر بعدين تحطيهم في طاجين وتدخليهم للكوشه حاجه نصف ساعه بعدين اطلعيهم وضيفيلهم حكه كريمه اللي بالمشروم بعد ماتخففيها بطاستين ميه على النار تصبيها على الطاجين وتدخليها للفرن تاني لين يطيب الدجاج
وصحتين | |
|
| | |
سارهمو
مساهماتك : 383
وصلت إلى نقطة : 11251
تاريخ التسجيل : 01/02/2010
العمل/الترفيه : مدرسه
| | موضوع: رد: ماذاأعددتى على سفرة الافطار اليوم 2010-08-29, 06:58 | |
| رجعتلكم  جبتلكم فطوري مي يومين فاتوا ستيك لحم وسلاطه ستار فرايز خديت طرف الللحمه شريحه غليضه شويه وتبلته من الليل بالتوابل والتومه وبصل مقرض تاني يوم حطيته في الفرن على نار هاديه وبعد ماطاب حطيت عليه جبنه قليت جنبه بطاطا قصيتها دوائر بعدين طبختها شويه وصفيتها وقليتها تجي مش مزيته ودرت سلاطه مشويه وخبزه من نفس عجينه البيتزا تقرصيها صغير وتفديها بالعصا وتحطيها في الشوايه متاع الللحم اللي زي التست ماتاخدش هلبه وقت ب ودرت السططه ستار فرايز اللي جنب اللحم بالبروكلي والزهره والجزر تقصيهم صغير وتقليهم في شويه زيت مع بعضهم وبعدين تحطي عليهم صالصه صويا و فلفل اسود درت معاهم بس شربه عدس حلوة بالمرة كان تبوها توا نجيبلكم طريقتي وصحتين   | |
|
| | |
دنيا المحبة
مساهماتك : 1441
وصلت إلى نقطة : 12368
تاريخ التسجيل : 09/05/2010
العمل/الترفيه : الكمبيوتر_القراءة
| | موضوع: رد: ماذاأعددتى على سفرة الافطار اليوم 2010-08-29, 08:48 | |
| انا مش طالع عندي ولا صورة من فطوركم بس يبدولي يشهي
النت عندي ضعييييييييييييف والله نخش شوي ويقطع مرة وحدة
مقدرتش حتي انزل صور فطوري اليومين اللي فاتو
اليوم مشيت للسوق وعطلت روحت درت طاجين جبن وبوريك بس | |
|
| | |
wafaa
مساهماتك : 81
وصلت إلى نقطة : 10713
تاريخ التسجيل : 08/05/2010
| | موضوع: رد: ماذاأعددتى على سفرة الافطار اليوم 2010-08-29, 09:06 | |
| صراحة :
جوعتني وانا شبعانة ، المهم باهي فيه وحدات كيفي يعني يالله شربة وحاجة ثانية
انا اليوم درت شربة طبعا كالعادة ومعها بيتزا | |
|
| | |
الشرقية
مساهماتك : 53
وصلت إلى نقطة : 10671
تاريخ التسجيل : 27/05/2010
| | موضوع: رد: ماذاأعددتى على سفرة الافطار اليوم 2010-08-29, 09:54 | |
| السلام عليكم
شن حالكم
كلللللللللللكم
تسلم عليكم همس القوافى وقالتلكم اليوم فطورنا بيتزا وفطيرة كباب وبيتزا ملفوفة وحوت ف الكوشة وشربة حوت وشربة عادية لان انى وهند ما ناكلوش فى شربة الحوت
هند: بنت سلفى | |
|
| | |
المميزة
مساهماتك : 271
وصلت إلى نقطة : 10927
تاريخ التسجيل : 15/05/2010
| | موضوع: رد: ماذاأعددتى على سفرة الافطار اليوم 2010-08-29, 12:34 | |
| صحة فطوركم جميعا
وصحة فطورك يالشرقية والله لك وحشة واسمعى بنقولك معاش اديريلهم الشطن كولى كل شى سايرى العيلة اللى جيتيها ياخساااااااااااااااااااارة ماانوصى فيك ديمة
لهيت فالشرقية وانسيت انقول على فطورى
الىوم شربة عدس وبيتزا وبوريك ومكرونة بالخلطة والحلو كنافة وكيكة من امس وساااااااااااد | |
|
| | |
آمــان
مساهماتك : 9351
وصلت إلى نقطة : 22656
تاريخ التسجيل : 11/02/2010
| | موضوع: رد: ماذاأعددتى على سفرة الافطار اليوم 2010-08-29, 14:11 | |
| منورات على الاكلات عطاكم ربي موسع بالكم في التطيب وفي الصور
أني كان كثرت في الفطور
ندير شربة ومعاها حاجة غليطة وحاجة ولا اثنين تفتيفات
معنديش من يأكل الحق راس ورويس | |
|
| | |
حبوبه
مساهماتك : 4714
وصلت إلى نقطة : 15539
تاريخ التسجيل : 06/03/2010
| | موضوع: رد: ماذاأعددتى على سفرة الافطار اليوم 2010-08-29, 15:53 | |
| صحه فطوركم وربي يديمها نعمه على الجميع
ما شاء الله عليك ياسارهمو سفرتك حللللللوه
وعلاش شاكه في روحك تغيري رايك هههههههههههههههه ان شاء الله ربي يرزقك بيهم عاجلا غير اجل
اكيد تقولي خيرها هذه ديمه تدعيلي لاني حاسه بيك ولاني قعدت اربعه سنين ما حملتش ولكن بعدها ربي عوضني الحمد لله
اني اليوم شربه عاديه وشربة حوت وبوريك وبيتزا وقلايا
وبعد المغرب اختي خطمت عليا وجابتلي من فطورها كانت عندها عزومه ( دجاج سكالوب ودجاج مشوي ولحم في الكسكاس ولحم ريش مشوي ومحشي سلك ودحي محشي وملبس وبوريك ورز بالخلطه ونوعين سلايط ) ان شاء الله تاكل من ثمار الجنه يارب والله كنا متعشيين ويعني كلينا نه شويه وفضل معناها غدوى ايجازه هههههههههههههههه
اه نسيت وبعدين جت عمتي ربي يحفضها وجابت من عشاها طاجين جبن وبيتزا وبوريك هههههههههههه زي ما قلتلكم غدوى ايجازه من الكوجينه | |
|
| | |
*أم الشيماء*
مساهماتك : 10632
وصلت إلى نقطة : 24004
تاريخ التسجيل : 12/03/2009
العمل/الترفيه : مدرسة احياء وكيمياء, ومن هواياتى التصميم والفوتوشوب
sms : لا اله الا الله محمد رسول الله
المزاج : حسب سرعة الانترنت
| | موضوع: رد: ماذاأعددتى على سفرة الافطار اليوم 2010-08-29, 19:48 | |
| حبوبة ياريتنى جارتك والله
ههههههههههههههههههه
امبكرى خشيت للكوجينة
وفتحت الفريز بنطلع اللحم
قلت ياريت فى جارة تبعتلى والله ماعندى جهد نوقف فى الكوجينة
لكن شكلى بنديرله امبكبكة هههههههههههههه
امس فرحت مستريحة تعشيت عند ام الحلوين ههههههههههههه
دارت لنا طاجين همبورقة وطاجين جبن
ورز قالى راجلى فى السيارة تعلمى منها كيف دارت الرز انحرق دمى طبعا قلت له وخيرنى شنو قالولك منعرفش انطيب هههههههههههههههه
لا هو تبو الحق يهبل بس مسألتهاش كيف داراته توا قوليلى كيف درتيه ياام الحلوين هههههههه
خلى نكملكم الرز فوقه اللحم مشوى
وحريرة وسلاطة وبرويك بالدحى
وبعدين دارت لنا قهوى والشاهى وحلويات
ودارت سلاطة فواكه
سلم يدياتك ياام الحلوين | |
|
| | |
ام الحلوين
مساهماتك : 1834
وصلت إلى نقطة : 12578
تاريخ التسجيل : 18/04/2010
| | موضوع: رد: ماذاأعددتى على سفرة الافطار اليوم 2010-08-30, 03:40 | |
| - *أم الشيماء* كتب:
- حبوبة ياريتنى جارتك والله
ههههههههههههههههههه
امبكرى خشيت للكوجينة
وفتحت الفريز بنطلع اللحم
قلت ياريت فى جارة تبعتلى والله ماعندى جهد نوقف فى الكوجينة
لكن شكلى بنديرله امبكبكة هههههههههههههه
امس فرحت مستريحة تعشيت عند ام الحلوين ههههههههههههه
دارت لنا طاجين همبورقة وطاجين جبن
ورز قالى راجلى فى السيارة تعلمى منها كيف دارت الرز انحرق دمى طبعا قلت له وخيرنى شنو قالولك منعرفش انطيب هههههههههههههههه
لا هو تبو الحق يهبل بس مسألتهاش كيف داراته توا قوليلى كيف درتيه ياام الحلوين هههههههه
خلى نكملكم الرز فوقه اللحم مشوى
وحريرة وسلاطة وبرويك بالدحى
وبعدين دارت لنا قهوى والشاهى وحلويات
ودارت سلاطة فواكه
سلم يدياتك ياام الحلوين ياريتك جنبي يا ام الشيماء كان هذا كل يوم نبعتلك والله ربي يكون في عونك ويسهلك وترجعي النويشطة متاعنا ههههههههههههههههه امس طبعا مكترتش بكل في الماكلة لان احني اهني من الفطور للسحور وتبوا الحق والله كان اختي راني عازمتها لكن ام الشيماء مش نعزم فيها الحوش حوشها وفي اي وقت وعلى اي سفرة تتفضل حطينا السفرة بوه على خوه طاجين وهمبورقا وسلاطة ورز وبوريك وحريرة ومكلتيش قعدت توكل في الصغار هههههههههههههههههههههههههههههههه لكن ان شاء الله المرة جاية تتعوض ونديرلك سفرة حلوة ونحشيك حشي ههههههههههههههههه مازال رمضان متمش واليوم فيه من كل شئ فاضل الا الحرية فلهذا بندير شربة وخلاص وصحتين للكل | |
|
| | |
مرام البيان
مساهماتك : 4476
وصلت إلى نقطة : 16358
تاريخ التسجيل : 17/12/2009
العمل/الترفيه : خريجة علم نفس سيكولوجي-تحليلي وقاعدة امبوجة في الحوش
sms : اذا كبرت فتذكر ان الله عز وجل اكبر
| | موضوع: رد: ماذاأعددتى على سفرة الافطار اليوم 2010-08-30, 04:41 | |
| ماشاءالله عليكن وربي يدومها عليكم بالخيروالهناء منورات ان شاءالله ديمة
ام الشيماء طريقة كفتة الخضرة بسيطة وسهلة بطاطا مبشورة بالمبشرة وتكون هي اكثر حاجة مثلا ثلاث طروف متوسطة
وطماطمة وراس بصل صغير او تقدري اتدير احلي بصل خضر ومعاه شوية بصل يابس
ومعدنوس وراسين ثوم وفلفل اسودوكمون وملح وتحطي عليه اثنين بيض وثلاث ملاعق دقيق وتخلطي وماتخليهاش واجد
تقلي علي طول وطبعا تغرفي بالكاشيك لانها سائلة شوية
وتاكلوها بالهنا
الدجاج ياحبوبة انا نشري في افخاذ بس تقدري اديري نص دجاجة او حتي دجاجة وتحطي عليها زبادي حوالي علبة وفلفل
اسود وملح وثوم تبشريه بالمبشرة الرقيقة عشان يجي احلي وماتكثريش توابل لانه الطريقة هذي عجبتني
وتغطيها بالكيس ساعتين او اذا مستعجلة حتي ساعة وبعدين اقليها في طاجين علي الغاز وعلي نار مش عالية واجد
وحتلاظي انها طلعت منها صلصة ثقيلة شوية حولي الدجاج وحطيها في الفرن
والصلصة المتبقية بشري عليها شوية بصل حوالي راس ويادوبك يتخلط في الصلصة وبعدها صبيه علي الدجاج
وتاكلوا بالهناء
ماشاءالله عليكم سهفتوني كلي امل وام ايوب وسارهمو وام الحلوين وامان ووفاء
اليوم العشر الاواخر لاتنسوني من الدعاء وربي يحفظكم جميعا | |
|
| | |
حبوبه
مساهماتك : 4714
وصلت إلى نقطة : 15539
تاريخ التسجيل : 06/03/2010
| | موضوع: رد: ماذاأعددتى على سفرة الافطار اليوم 2010-08-30, 15:57 | |
| صحه فطوركم جميعا
والله ياريتك جارتي يا ام الشوش كان هذا كل يوم فطورك يوصلك لعندك لكم والله بعيده هللللبه وتبي الحق ما بعدك كيف اتقدري نقاومي وتطيبي كان اني والله مشيتهاله مبكبه وسندوتشات هههههههههههه
ام الحلويين ما شاء الله عليك علاش التكثير هلبه ام شوشو صاحبتك يعني مش برانيه هكي احلى من التكثير هلبه
مرمر صحيتي على طريقة الدجاج وهوفعلا عجبني طريقته لان الدجاج بالزبادي ضايقاته قبل وعاجبني هلبه ان شاء الله ناويه بنجربه
اني طبعا ما طيبتش سخنت البايت ودرت معاهم بوريك بالدحي
ام ايوب اليوم جايتها الشرقيه اشبح شن طيبت يا خساره كنت نبي نمشيهلها اليوم حتى اني لكن طلعلي عزي في النص اطريت نمشي للعزي ونفوت ام ايوب توا ان شاء الله ما تورينيش حساباتي لانها قالتلي ضروري تجي | |
|
| | |
** ahlam **
مساهماتك : 1610
وصلت إلى نقطة : 13375
تاريخ التسجيل : 15/03/2009
العمل/الترفيه : الانترنت والطبخ
sms : ((رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ))
اللهم عليك توكلت فارزقني واكفني
ونجني مما يؤذيني أنت حسبي
ونعم الوكيل اللهم أرضني بقضائك
وقنعني بعطائك واجعلني من أوليائك
| |
| | |
عيون زوجى
مساهماتك : 183
وصلت إلى نقطة : 10876
تاريخ التسجيل : 25/04/2010
| | موضوع: رد: ماذاأعددتى على سفرة الافطار اليوم 2010-08-31, 02:32 | |
| صحه فطوركم جميعا
ويااحلام ربى ايسهل عليك وعلى كل حوامل المنتدى
انا اليوم مازلت ماطيبت ام فطورى امس
شربه ومحشى وبوريك بطاطا ومكرونه امبوخه بالخلطه والحلو بكلاوه من السوق | |
|
| | |
*أم الشيماء*
مساهماتك : 10632
وصلت إلى نقطة : 24004
تاريخ التسجيل : 12/03/2009
العمل/الترفيه : مدرسة احياء وكيمياء, ومن هواياتى التصميم والفوتوشوب
sms : لا اله الا الله محمد رسول الله
المزاج : حسب سرعة الانترنت
| | موضوع: رد: ماذاأعددتى على سفرة الافطار اليوم 2010-08-31, 03:08 | |
| معلشى يااحلام هانت ماعليك الا الصبر صبرتى 8 شهور شنو ماازل
ياالله
فطورى اليوم همبورقة طبعا تعلمتها من ام الحلوين لانى لما كنت فى ليبيا ماكنتش الهمبورقا ههههههههه قديمة اختكم عزيز
وبندير بوريك ودشيشة وفركسى وخلاص
اه تفكرت بندير حاجة ماصارتش بكل
سلاطة ومسيرهههههههههههههه | |
|
| | |
ام ايوب
مساهماتك : 4041
وصلت إلى نقطة : 15139
تاريخ التسجيل : 04/05/2010
| | موضوع: رد: ماذاأعددتى على سفرة الافطار اليوم 2010-08-31, 03:37 | |
| صحة فطوركم جميعا
ما شاء عليكم كلكم شكلكم نا شطين ام شوشو يا ريتك جارتى حتى انى وكنهدا منخليك تتحركى في رمضان بكل
انى اليوم راحة من التطيب راجلى فاطر برة رااااااااااااااااااااااااحة
والصغار حتى غدى مدرتلهمش سخنتلهم من اللى فاضل من امس فاضل هلبة زى ما قالتلكم حبوبة امس جتنى الشرقية هيا وحمواتى اول مرة تجينى بعد عرسها فاتاتك يا حبوبة الهدرزة والسهرة قعدت الى الساعة تلاتة فاتك الجو وعلى فكرة انى مرة تانية لما يجيك حد معاش ماشيتلك وانى ديمة ما شيتلك نجرى لما نسمع بحد بيجيك
احلام ربي يسهلك واسمعى ردى بالك على روحك بعد الدكتور مانعك من الحركة شنى بتديري بيها المسابقة | |
|
| | |
مرام البيان
مساهماتك : 4476
وصلت إلى نقطة : 16358
تاريخ التسجيل : 17/12/2009
العمل/الترفيه : خريجة علم نفس سيكولوجي-تحليلي وقاعدة امبوجة في الحوش
sms : اذا كبرت فتذكر ان الله عز وجل اكبر
| |
| | |
** ahlam **
مساهماتك : 1610
وصلت إلى نقطة : 13375
تاريخ التسجيل : 15/03/2009
العمل/الترفيه : الانترنت والطبخ
sms : ((رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ))
اللهم عليك توكلت فارزقني واكفني
ونجني مما يؤذيني أنت حسبي
ونعم الوكيل اللهم أرضني بقضائك
وقنعني بعطائك واجعلني من أوليائك
| | موضوع: رد: ماذاأعددتى على سفرة الافطار اليوم 2010-08-31, 09:15 | |
| صحة شريبتكم يا حبايبي
وتسلموا على الردود اللي ترفع المعنويات
فطوري اليوم
شواية من نوع جديد تهبللللللللللللللل تو نحطهالكم بالصور
بيتزا
عجة حمراء <<<< دارتها عزوزتي اكلة مصراتية
ادا تبوا طريقتها مافيش مانع خخخخخ
شربة حوت
والحلو حاجة صقعععععععععععععععععععععععععع
بكلاوة من تركيا جابها معاه سلفي
وحلقوم بالمسكرات وجوز الهند
وبثثثثثثثثثثثثثثثثثثثثثثثثثثثثثثثثثث
| |
|
| | |
| | ماذاأعددتى على سفرة الافطار اليوم | |
|
