قصة حقيقية لكن لاتصدق

موضوع: قصة حقيقية لكن لاتصدق 2010-09-06, 02:35

تذكير بمساهمة فاتح الموضوع :

السلام عليكم أخواتى

اليوم جايبتلكم قصة حقيقية حصلت مع زميلتى

زميلتى ما شية فاطرة عند اصحاب زوجها مشت بكرى شوية بيش تساعد

صاحبة البيت فى التطييب

المهم وهى تطيب معاها لقتها مجهزة ورق البوريك قالتلها زميلتى وين الحشو

ردت صاحبة البيت اهو جاهز غير نستنى فى البيض يطيب بيش نحطه على المفروم

البيض مسلوق بتقطه على المفروم وبعدين تخلطه وتحشى بيه البوريك

المهم السؤال هنى وين البيض تسلق فيه مش باين على النار

زميلى تقوللها وين وهى تقول اهو قريب يطيب

نبيكم انتو تجاوبوا وين تطبخ فى البيض ؟؟؟؟؟؟؟؟

هههههههههه نبى نشوقكم بعد ما نشوف توقعاتكم بعدين نجاوبكم
حبوبة وام ايوب ما يجاوبوش لانى حكيتلهم عليها

فهمتوا حبوبة وام ايوب

هيا جابوا راهو المكان مشوق

ههههههههههههههه

موضوع: رد: قصة حقيقية لكن لاتصدق 2010-09-07, 08:30

بصراحة ماعنديش اجابة

زوزو وامان ضحكتوني ههههههههههههههههههههههه

انا مافهمت شي لاني نفهم من الدور الرابع كيف ماقالت ام الشيماء هي الدور التاني وانا الرابع

وينك ام ماب قصة حقيقية لكن لاتصدق - صفحة 2 90459

موضوع: رد: قصة حقيقية لكن لاتصدق 2010-09-07, 09:18

هههههههههههههه زوزو اسكتي ياسر ام الشيماء ورواسي طارتلهم من طريقة جارتك
اسمعي في الشتاء اشري بطاطا الحلوة واعطيتهالها تشويهالك على نار هاديه ههههههههههههه

وينها صاحبة اللغز خلتنا متشوقين للاجابة
ممكن اطيب في الدحي في طنجرة الشربه قصة حقيقية لكن لاتصدق - صفحة 2 962822

موضوع: رد: قصة حقيقية لكن لاتصدق 2010-09-07, 10:22

بالله لما تعرفوا قولولي
ماعنديش طولة بال
زوزو وكيف طلعت الدحية او البطاطا بعد ما رفدت بيها رحمها

موضوع: رد: قصة حقيقية لكن لاتصدق 2010-09-07, 10:54

هههههههههههههههههههههه

زوزو يعطيك السلامة ضحكتينى كيف جارتك هذى ما يطرالها شىء هههههههه

الاجابة هى كانت تطبخ فيه حاشكمaفى

v

v

v

v

v

v
v

v

v

v

طنجرة الشربة

جاوبتها أمان بعد محولات
اما فيه رجالة ما بعدهم من خمر زوجاهم

والله بعضهم لما يطلقوا معام الحق

والطريقة الللى قالت عليها زوزو أكيد فيه a ثانيات يديروها

ننتظر تعليقاتكم

سامحونى شحورتكم لكن بجوها والا لا هههههههههههههه

موضوع: رد: قصة حقيقية لكن لاتصدق 2010-09-07, 14:09

بصراحة الطريقة اللي قالت عليها زوزو زهفتلي كبدي
كل ما انشوف الدحي ولا البطاطا نجي بنرجع "حاشاكم" كرهت الماكلة
ودحي الشربة أول مرة نسمع بيه من قلة لماعين ولا الغيزان
عليك حالة وخلاص

موضوع: رد: قصة حقيقية لكن لاتصدق 2010-09-07, 15:03

zozo3 كتب:: بسم الله والصلاة والسلام على خير خلق الله

تعرفي ام مآب عندنا زمان جارتنا عندها سقوط في الرحم
لازم يا دحية يابطاطا تحطهم ترفع بيهم الرحم خخخخخخخخخخخخخخخ

ويا سلام يطلعو طايبات مية مية
شن رايك في هذا المكان
ههههههههههههههههههههه
مهناش من يعرفا غير اني
باهي قوليلي خطرلك هالمكان؟؟؟؟؟؟؟؟؟؟
ههههههههههههههههههه

جاوبي خيرلك راهو

اني نقول في طنجرة الطبيخة واللا الشربة

على فكرة يا أم مآب اني اللي قلت الاجابة اهوا الرد متاعي

وعلى فكرة جارتنا هادي مرا كبيرة وربي يرحمها

ما كانتش تاكل فيهم هادو كانوا يتلوحوا غير اني كنت اندير في الجو

والنساوين لكبار زمان كانو هدي طريقة العلاج متاعهم اللي عندها سقوط
انشدوا النساوين لكبار توا يقولولكم

حتى اني كنت صغيرة لما شبحت الحركة هادي لكن اتفكرتها بسبب ام مآب دارتلنا حيرة
فقلت اندير جو في الموضوع

ما تدرهش كبدكم ولا شي
المرا هادي ربي يرحمها ما فيش حد انضف منها لما كانت qwre

كليتو زوز مقالب وخلاص
صحتين

موضوع: رد: قصة حقيقية لكن لاتصدق 2010-09-07, 15:18

تي عادي يازوزو خيرك تكهربتي
تي خودي الموضوع بروح رياضية
ومش قصدي نزعلك ياستي حقك على راسي
غير انا باطنتي عافنة زي ما ايقولوا اشوي تخيلت الموضوع
ومرة تانية انقولك مني اسفة كان علتك

موضوع: رد: قصة حقيقية لكن لاتصدق 2010-09-07, 15:24

شن يارواسي من قالك اني زعلت شورك ما تعرفنيش

اني نطمن فيكم بس لان لمرا فهمتوها غلط واني السبب

لكن هدا كلا جو بس ما تخافيش اني ما نزعلش من حد وان شاء الله ما نزعل حد

حبي للمنتدى والعضوات فوق كل التصور
لعلمك انتو احلى حاجة عندي في الدنيا
وناخد في راحتي معاكم من غير عقد ولا حساسيات

كلنا فاهمين بعضنا وكلا كلام بصارة وتغيرة جو بيناتنا بس

وكلهم يعرفو طبعي اني نحب البصارة
وانشدي امنا r3eer

ام الشيماء

موضوع: رد: قصة حقيقية لكن لاتصدق 2010-09-07, 19:15

والله قلته هكي وخلاص الجواب
لأنه مفيش حل ثاني
وأول مرة نسمع بها طريقة تطيب الدحي في طنجرة الشربة لاحول ولاقوة إلا بالله
والله a حق شني من قلة الطناجر وبعدين الدحي مش قشرته خامرة يعني تتحلل في طنجرة الشربة
وصدقت رواسي والله كبدي درهت من الدحي والبطاطا والحمد لله الدحي معاش ناكل فيه ليه قريب عام معاش كليته
والدور الجاي البطاطا بنسيبها ههههههه
قولي لصاحبتك معاش تمسيلها هذا قدامها هكي امالا وراءها شني ادير

موضوع: رد: قصة حقيقية لكن لاتصدق 2010-09-07, 21:15

زوزو المراءة الله يرحمها صح نساوين قبل كانت عندهم طرقهم الخاصة

اهو كل شىء كان بالبركة

أمان صح القشرة تتحلل حتى المية اللى تطبخ فيها لازم تنحيها منها على طول فما بالك الشربة

مسكينة زميلتى قالت ما قدرت نضوق حتى حاجة ودارت سبلة بطنها توجع فيها هلبة

وقالت بالصدفة حوش خوها قريب من الناس هذوا قالت استاذنت ورفعنى راجلى على طول لحوش خوى

مسكينة قالت من لما خشيت عندهم وانى نرجع لين قريب اغمى لى

النكتة الثانية قاللى ولدى ما تظلموش المراءة بالك غاسلته كويس الدحى هههههههههه

يبصر ههههههههه

موضوع: رد: قصة حقيقية لكن لاتصدق 2010-09-07, 22:24

أني مره تغديت عند ناس شفت بعيني زقرلو في المكرونة تعرفو مابيتش ناكلها درت سندوتش قتلهم مانكش فيها المكرونة
والله فيه ناس خامرة حتى في ماكلتها ولبسها وحوشها وربي يهدي من خلق
النظافة من الايمان مش عارفه كيف يصلو

موضوع: رد: قصة حقيقية لكن لاتصدق 2010-09-08, 18:43

هههههههههههههههههه ياوالله زوزو
سلم وخيتي
والله والله وربي يشهد على كلامي
من يوم انضميت للمنتدى انحس فيكم عائلتي التانية
وربي يدوم المحبة

موضوع: رد: قصة حقيقية لكن لاتصدق 2010-09-09, 01:12

صاح في رجالة مابعدهم هذي صدقتي فيها وانقول كيف متحملين

انا توقعت في طنجرة الشربة لكن كلام زوزو والاخوات خلاني زي العبيطة مافاهمة شي

باهية كيف ايطيب الدحي شنوا هيا طالقة النار علي الشربة من البداية والا شنوا وبعدين زفة الدحي اللي ماتكملش شنوا اديرلها الشريبة

مش نحطوا بعدها النعناع اليابس والليمون والحرارات كيف ياكلوا الزفرة والقشرة اعوذوا بالله ياما لامة

خلاصة الموضوع خلوا موضوع ام ماب للحاجات الغريبة ونوادر النساء في الطبخ

موضوع: رد: قصة حقيقية لكن لاتصدق 2010-09-12, 18:56

ياللطيف سمعنا وسلمنا
ماعمري سمعت بها الحاجة هذي
اهم شيء النظافة في الماكلة واللبس والاصول وخاصة لما يكون عندك ضيف ويعول معاك في الكوجينه
حاله وخلاص

موضوع: رد: قصة حقيقية لكن لاتصدق 2010-09-12, 23:40

والله صدقوا عناها الواحد معاد يقدر ياكل عند حد الا اللى زى نفسه

شىء يدره الكبد

موضوع: رد: قصة حقيقية لكن لاتصدق 2010-09-14, 07:59

العفو يصير منه هالكلام خلاص معاش فيه غير طنجرة الشربة
هذي اكيد بلا عقل حشاكم
اللهم تبثنا بعقولنا
ومشكورة ام مآآآآآآآآآآآآآآآآآآآب

موضوع: رد: قصة حقيقية لكن لاتصدق 2010-09-14, 08:30

تسلمى يا دنيا المحبة

» أكتشاف الحقائق ... وبالصور (لاتصدق كل مايقال)
» قصة حقيقية
» رائحة الجنة .. قصة حقيقية
» قصص غريبة ولكنها حقيقية
» صور غريبة ولكن حقيقية