الى كل عضوة

السلام عليكم ورحمة الله وبركاته

اخواتي العضوات الحبيبات
لاشك اننا في هذ المنتدى نلتقي لترتقي كما يقال دائما
وكل عضوة مننا تحتاج الى اخواتها لكي تتبادل معهن المعلومات والافكار والثقافات
ولكن لابد لذك من الالتقاء والتفاعل الذي يخلق علاقة الفة بين العضوات ويشعرنا اننا في اسرة مترابطة متحابة متواصل
ولا يتأتى هذا الا بالتواصل المستمر فلذلك انا ادعو كل العضوات السابقات والعضوات الجدد الى التفاعل والتواصل
والابداع
فلا يكفي ان تسجلي اسمك في المنتدى

ثم تختفي لمدة وتعودي لتدخلي دقائق معدودات ثم تخرجي
لابد منك ان تتواصلي مع اخواتك وتشعريهم بوجودك

وتتبادلي معهم الافكار
فأنت اذا دخلت لزيارة صديقة لن تكتفي بالنظر اليها من باب البيت ثم الانصراف
ولكن سوف تجلسين اليها وتتبادلين معها الاخبار والافكار والاراء وتحكين لها اخبارك وتسالين عن اخبارها
وهذه هي الصلة وهذا هو الذي يديم الحب والصداقة والا يدخل الجفاء
بيننا والعياذ بالله
فنرجو من كل عضوة تشترك ان ترينا شخصيتها وتعرفنا بنفسها ونحن هنا اسرة متحابة ونرحب بكل مولدة جديدة

ونود ان نستمتع بوجودها بيننا ونريد ان نسمع صوت مناغاتها ههههههههههههههه
هيا اسمعونا وشاركونا

تسلمي على الكلمات الاكثر من روعة ولو تبي مناغات عندي تزريك مش عادي متاكدة لو تسمعيه حتلغيها الجملة الاخيره
ههههههههههههههههههههههههههههههههه

مشكورة زوزو3

جزاك الله خيرايا زوزو وصدقتى فى كل كلمة لكن انى اليومين اللى فاتو القيت موضوع لأم مآب تعرض نفس كلامك ووالله حتى انى نتمنى نتلاقوا مع بعض كلنا او اكثرنا وجتنى فكرة امبكرى قلت لو اللى تجيب أو تتخرج أو تتزوج أو لاى مناسبة حلوة وخاصة الجياب لان الفت نظرى ان مرة مرة تبارك الرحمن نسمعو أخت جابت قلت ياريت تعملنا عزومة يوم معين حتى بعد شهر من جيابها او على حسب صحتها وتدعونا يوم معين ووقت معين اللى تقدر تخش او تعرف انها عندها لمة وتقول للى تعرفهم وهكى يصير جو حلو زى موضوع عرس فى حوش بيلا ونقدرو نهدرزو على بعض ونعرفو بعض اكثر ولا شنو رايك وبارك الله فيك وخيتى وربى يقدرنا على ان نستفيدو ونفيدو بعض اللهم آمين

فكرة حلوة المهم نحسو بالتواجد ويكون فيه تواصل وفعلا حكاية كل وحدة عندها مناسبة دير لمة للعضوات حاجة حلوة
لكن اهم شي العضوات يحضروا وما يغيبوش مش المرا تكلف روحها وتوتي وتجهز وتتعب وبعدين تلقى المنتدى فاضي غير من اللون البودري ههههههههه
العضوات عليهم واجب ناحية المنتدى وكل وحدة تورينا فلاحتها
واني موافقة على افكارك ام محمد
احبك في الله
وعلى فكرة حتى اني ام محمد هههههههه

أحبك الله الذى أحببتينى فيه يا زوزو وانا ايضا أحبك فى الله ربى يجمعنا على طاعته ويديم محبتنا فيه اللهم آمين
وبالنسبة للمناسبة المفروض كل وحدة تحس كأنها بتمشى فعلا للعزومة عمرك شفتى لمة فيها 3أو 9 لا ونزيدو حتى كل وحدة تحاول تجيب هدية واللى ما تعرفش تنزل الصور زى حالاتى تتكفل بيها ام الشيماء زى ما طلعت هديتى لسناء ربى يفرحها قريبا غير الوقت يكون مناسب مثلا فى الليل باش ارقدو الصغار ونخشوا ووالله عندى فكرة ان كل وحدة شن تعرف من أحكام القرآن تفيدنا واللى تبى تتعلم يكون الآجر كبير للى تعلمها ان شاء حتى جزء عامة بس والاخوات الحافظات اكيد يعرفو كيف يوصو المعلومة مش كيف ما تقرى فى كتاب و ربى يجازى الجميع خير الجزاء اللهم آمين

تبي تعرفي شخصيتي
حرفه واعرة ردو بالكم تقربوني حيه عليكم غوله هههههههههههههه وكان تبو صورتي عادي نحطها
باش تعرفوني على حقيقتي

نريش في الشعر هذا تخصصي ههههههههههههههههههه

ههههههههههههههههههههههههه

اللي كتبتبه زوزو3 كله انسيته بعد قريت كلام امان ههههههههههههههههههههههههههه

كنك دايرة عركة ياامان والا شن في واللهي حتي الموضوةع معاد مذكرته ههههههههههههههههههه

هههههههههههههه بشوية يآمان وسعى بالك انى شخصيا عرفتك انت آمان آمان آمان يعنى لا تعرفى تضربى ولا تريشى وصدقتى يا مرام اللى يقرأ رد آمان أكيد حينسى كلام زوزو

تخيركم يا بناويت شن صار نخش نعول على روحي شوية نجي نلقاكم تريشوفي روس بعض وانتي يا امان خيرك انقلبتي مرة وحدة توا كنتي بعقلك اللطف

نوضو نوضو وتوا للمة متاعة خالتكم احلام وديروا حسابكم اامكم ايناس قريب تجيب نبوا نزوقو ونوتو لكعك والحلويات وبعدين نبوا نوتولها دار تقعمزفيها ومكان للبيبي وشن تبو توكلوها لما تتطلع بالسلامة وكيف بنديرولها استقبال نبو زينة وانوار عرس طبعا مش امنا
نوضوا اشحطو روحكم يزي من الناقرة والعراك حشمتوني مع جراننا في النتديات اللي بحدانا

كل وحدة تشد الحاجة اللي فالحة فيها وكل وحدة تعطينا فكرة كيف بنوتوا للوالدة
وبعدين احلام ما درنالهاش حفلة تناسب مقامها حتى هي خالتكم اراهو
يلا واني جداكم
نقعمز ندعيلكم ربي يقوي سعدكم يا رب

مش اني زوزو هذي مرام وام محمد يناشبو فيه هههههههههههههههه

وبعدين اني قالتلي ام الشيماء دويرنا صاله باهية والعواله عليكم انتو



العوالة على منو ؟؟؟؟؟؟ظظظظظ
تعالي جاي ما تتبليش

كل وحدة فيكم بتعول عولتها

انتي شكلك بندخلوك تصوبني حوايج الوالدة والبيبي



وانتي يا مرام عليك

توتي ماكلة الوالدة
بتطلع مسيكينة تبي حاجة سخونة ودجاجة واللا طرف اللحم مع جغوم بالحلبة يعوضلها
شوية
ودحية بالكمون
المهم انتي عليك ماكلة الوالدة

ام محمد انشطي ويزي من مناشبة في خواتك وعولي معاهم لن نولي
نبي نجي نلقى كل شي واتي

ووطو صوتكم وصل للمنتديا كلها

وين هاربه ياتنباله امان تعالي عولي معانا تبي تهربي في السيارة اديري روحك ماشية ادوري في صالة

لالالالالالا تعالي انا توا اندورها راهو خيرلك

مشطرك تبي تمدي كرعيك وتقعمزي ونحنا نكردوا والحوسة اتجي ع روسنا

ههههههههههههههههههههههههههه

هادي الزينة اهي






وهادي الشموع



وهادي الكروسة اللي بتروح فيها امكم من المشتشفى
ومصنوعة من البلونات فقط




وهذا سرير للبيبي وتوه





طاولة يبدل عليها البيبي








وطبعا هادي الحاجات اللي بتحتاجها ايناس لما دوش للبيبي








وهذا البانيو متاعا والفوطة ووالليفة متاعتا لازم تكن اسفنج ناعم جدا باش البيبي ما يوجعاش التدويش

قاعدة لبنية لحمةها طري ما تتحملش





المهم كملو معايا باقي الحاجات لن نوليلكم نبي نعرف من الفالحة فيكم اللي تجيب وتوتي احسن حاجة

العفو ياربي أني كتبت سطرين لقيت ردي جريدة هذي مني الا تكتب من وراي هههههههههههه اكيد زوزو
مرام وام محمد مش اني كتبت الكلام هذا كله
أني كتبت السطرين لولات بكل لقيت رد طويل عريض
الاكتبت الكلام تعترف خير مانحرش فيها المديرة هههههههههههههه

ضحكتيني لن قريب ننفلق من الضحك لا واني كتبت الرد على اساس درت تعدبل للمشاركة متاعي اني

نحساب روحي دخلت لصفحتي عندك الحق هههههههههههههههه
مش قادرة نشد روحي من الضحك نتخيل فيك وانت مذمهلة من الخلعة

سامحيني اني فعلا اللي درت العملة هادي وتوا نصلحها غير خلي نضحكوا شوية ماهو هادي من عيوب الاشراف انك تفتحي اي موضوع وتخشي تعدلي فيه لكن والله ما مقصود
وحتىالحرف متاظظظظظظظظظظظظظظظ
هذا غير مقصود اني متكية على علامة الاستفها بس لكن فلتت من
لكن شن رايك في هالمفارقة

والله بدموعي
من ردك
ولقيتيه جريدة شنوا زعما

يعطيك لهنا وخلاص

عرفتك أنت شكلك دايخه شني صايمه اليوم امالا
هوا الحق نقرأ ونقول ياربي شني الكلام المكتوب ونمشي نشوف الصفحة كلها نلقى اسمي وتوقيعي نقول شني العفو من كتب الكلام هذا
قلت ماديرها الا زوزو ماهو مشرفه القسم وتقدري تعدلي براحتك وتمسحي وخاصة الحذف هههههههههه
لكن معليش سامحتك مدام اعترفتي وكان تبي تخلي الكلام خليه عادي
غير معاش تعاودي صنعتك هههههههههههههه

ههههههههههههههههههههههههههههه

يازوزو3 عليك عمايل سود وخلاص مالقيتي ماديريها الا مع امان

امان اقتليها وخلاص وريحينا من شر عزوز المكنسة الساحرة

مايسدش الرسوم المتحركة وتوا لاحقتنه ع المنتدي

ههههههههههههههههههههههههههههه

بكرة نحظر الطريحة اللي بتعطيها لكي امان ع الصبح

لكن شن رايك

في اعراض الاشراف يامرام

خلاص شديت لبطم ونتكى وما دخليش

وين جت جت

لكن موقف ولا اروع لا تقوليلي نكت المشرفينولا حتى المديرين

وشن حكاية تبي تحضري الطريحة
اني قلت اختي في الاشراف وبدافع عليا وتوقف معايا
اتريتها جاية تهدي النفوس





هههههههههههههههه

علي حسب كان نضت بكرة الصبح رايقة توا نحز عليك وكان نضت متعقدة نبي نضرب مع امان وخلاص

نفش غلي فيك هههههههههههههههههههههه

مها جاية تضحك شكلها رقدت العويلة وتريحت من حرق الدم رايقة ههههههههههههههههههههههههه

مها كتب:

اضحكي اضحكي ماهو
ما هو البقرة لما طيح يكتروا
اللي يضحكو
اضحك الله سنك

مرام البيان كتب:

علي حسب كان نضت بكرة الصبح رايقة توا نحز عليك وكان نضت متعقدة نبي نضرب مع امان وخلاص

نفش غلي فيك هههههههههههههههههههههه

مها جاية تضحك شكلها رقدت العويلة وتريحت من حرق الدم رايقة ههههههههههههههههههههههههه

اني بنقعد ندعي طول الليل انك تنوضي رايقة ومبسوطة

ان شاءالله ما تتعقدي ولا تتكدري ابدا يارب
المهم تحزي عليا

(يخرب بيت اللي يزعلك ياشيخة)

zozo3 كتب:

ضحكتيني لن قريب ننفلق من الضحك لا واني كتبت الرد على اساس درت تعدبل للمشاركة متاعي اني

نحساب روحي دخلت لصفحتي عندك الحق هههههههههههههههه
مش قادرة نشد روحي من الضحك نتخيل فيك وانت مذمهلة من الخلعة

سامحيني اني فعلا اللي درت العملة هادي وتوا نصلحها غير خلي نضحكوا شوية ماهو هادي من عيوب الاشراف انك تفتحي اي موضوع وتخشي تعدلي فيه لكن والله ما مقصود
وحتىالحرف متاظظظظظظظظظظظظظظظ
هذا غير مقصود اني متكية على علامة الاستفها بس لكن فلتت من
لكن شن رايك في هالمفارقة

والله بدموعي
من ردك
ولقيتيه جريدة شنوا زعما

يعطيك لهنا وخلاص

مشرفة فاشلة ههههههههههههههههههههه

مرام دونك لزوزو تبي دورة تدريبية على الاشراف


تي حيه عليك كان تعاودي صنعتك يازوزو بعدين هكي نديرلك