ضاعو شبابنا وبناتنا والسبب الأب والأم ؟؟؟

اتمنى أن موضوع يعجبكم ولاتزعلوا لانه هذه هي الحقيقة التي نعانيها في مجتمعنا المسلم المسالم والاسلامي...




شباب اخر زمن؟؟؟
اذا سلم قال هاي,واذا ودع قال باي ,واذا لفحاته الشمس قال ياي, قطرات النسيم تجرح خديه ,لمس الحرير يدمي بنانه, راسه يحمل الشعر ولايحمل الفكر ,اذا سألته أين أنت قال في محلات ألعاب البلستيشن, واذا سألته أين أمسيت قال في مقاهي الانترنت ,نصف عمره فوق المخدة والنصف الاخر في شارع ,ابوه يقوله بابا وامه ماما وعمه عموو
...فيا حسرتاه على أبناءنا وبناتنا
...

فعلا يا أمان هدا موضوع حساس

لكن الاساس أهم شىء فى بناءرجال وأمهات المستقبل

وحجر الاساس يبداء من البيت اى من الوالدين بالنصائح ةالارشادات وزرع القيم والمبادى الهادفة فى نفوس أبناءهم

حتى ولو لجا الوالدين الى التوبيخ المهم النتيجة تكون مريضة

حتى العين الحمراء تجيب نتيجة

والمدرسة لها دور كبير فى تربية الابناء التربية الصحيحة

فا ايتها الام وايها الاب الابناء جوهرة فلا تخسروها

وحافظوا عليها


وربى يسترنا ويكونوا ابناءنا زى ما نبوا

شعارى فى الحوش ديما نقول لصغارى الكلام اللى ما تسمعوش فينا انى وبوكم نقولوا فيه مانبيش نسمعه فى الحوش

وهكى نبعد الفاظ الشوارع على البيت

الابناء مسؤولية مش ساهلة

مشكورة أمان على الموضوع القيم

بارك الله فيك على الموضوع وان شاء الله ربي يهديهم وعندك حق كتروا ولاد البابا والماما وكلام الجيلي هههههههه

والسبب الاهل مشاركين والصحبه تاثر حتى هيا يسلمو على الموضوع

مشكورات مها وسناء بارك الله فيكم
لكن تعرفو السبب الرئيسي الام أولا لأنها اكثر الحال متواجدة بالبيت
والاب في المرتبة الثانية

كتبت كلام طويل عريض ردا عليك يا امان لكن ضاع مني لما اعتمدته

للاسف
لي عودة لان عييت
والكلام اللي بنقولا مهم

اهي اهي اهي اهي اهي اهي

هههههههههههههههه

انا صارلي صدمة

لكن لان الموضوع مهم وحساس
لان فعلا الشباب صار له افكار لاتمت لديننا ولا لقيمنا بصلة
وهذا لاننا نحن من نزرع فيهم الاحساس بالعزة والاعتزاز بقيمنا او العكس
فعلى الام دائما ان تزرع في طفلها الاتنماء الى الدين والوطن
فلايجب ان نتحدث اما الابناء عن براعة وتقدم وافضلية هؤلاء القوم الذين نحن ايضا ننظر اليهم على انهم افضل منا بل على العكس
لابد ان تزرع الام في نفس طفلها منذ نعومة اظافره انه من امة مفضله عند الله وان الله يحبنا اذا تمسكنا بسنة نبينا وسرنا على هداه وهذا هو التحضر بعينه
حتى ينشأ على حب نبيه ومحاولة التمسك بسنن النبي
وليس تقليد الكفر واهله

وهذه الميوعة ليست الا نتيجة لما يزرع في الطفل منذ صغره من افلام الكارتون التي تعرض لاطفالنا دون ان ننتبه لمحتواها الذي فيه كمية هدم لقيمنا لاتتصور
وبدون ان نشعر
والله المستعان
فعلى الامهات عبء كبير لزرع الرجولة والانتماء في ابنائها منذ الصغر وقبل ان يتشبع بلافكار الواردة والهدامة

وكيفك يا مها وين رايك

مها انا احب اراءك اشعر انها ناضجة وعلمية
بالفعل مش مجاملة
والحمدلله كل البنات ماشاء الله ثقافة عالية وناس عندها وعي بالواقع وهذا يجعلني اطمئن لان فعلا الظواهر التي تنتشر في بيوتنا سببها الاصلي كما قالت امان
الاب والام

فالطفل هو غرس الاب والام
فان خرج الغرس مثمرا دل ذلك على ان الغارسين اتقنو الاعتناء به
وان خرج غير ذلك فهو ايضا دليل على ان الغارس اهمل في الحفاظ على غرسه من العوامل الجوية والبيئية الخارجية
ولهذا فعلينا ان نهتم بغرسنا جيدا ونحميه لكي ينضج صحيحا بدون ندوب او امراض (امراض العصر)

ماشاء الله عليكم يازوزو ومها كفيتو ووفيتو
ونتمنى الكلام هذا يطبق على الواقع
مش حبر على ورق
وكلامي للجميع
ونتمنى من الجميع المشاركة في الموضوع
لأنه يخص ابناءنا جيل المستقبل

بارك الله فيك مها علىمشاركاتك في الموضوع
وتمنيت الكل يشارك ويناقش لكن الباين مش فاضيات للنقاش وحتى ام الشيماء قالت لي عودة مصارلهاش من العودة
ياغيبة مرام وخلاص
والله مشغولة عليها اشبح خيرها المراه طولت الغيبة

قلة فضوى والله والناس تمشى ودجى عليا اخر مرة تقوليلى وينك ياام الشيماء انطيحك من كرسى الاعتراف راهو
ههههههههههههههههههههههه
والله ماعندى مانقول الا ربى يهدى الشباب
كلهم بدو نفس الشئ انا مش فى ليبيا نسمع بهذ ه الحركات والله نتعجب خواتى يضحكو عليا يقولو ماشفتى شئ

مسمينى ماحدا لحدا ياحبيبى
اكيد تبى تعرفى شنو معناها
مرة سالتنى اختى قالت لى ماتت الفنانة مش عارفة اسمها قلت لها منعرفهاش وبديت توصفلى فيها وانا منعرفهاش
وتقولى شنو تغنى معرفتهاش وفى الاخير ورتلى صورتها قلت لها منعرفهاش قالت لى شنو تعرفى قلت لها اخر اغنية سمعتها كنت فى ليبيا ماحد لحدا ياحبيبي متاه نجوى كرم
ماتو عليا بالضحك

يعنى اللى صاير فى ليبيا من سرواسل الطايحة او الولاد السحانين شئ يقهر والله

*أم الشيماء* كتب:

قلة فضوى والله والناس تمشى ودجى عليا اخر مرة تقوليلى وينك ياام الشيماء انطيحك من كرسى الاعتراف راهو
ههههههههههههههههههههههه



والله ماعندى مانقول الا ربى يهدى الشباب
كلهم بدو نفس الشئ انا مش فى ليبيا نسمع بهذ ه الحركات والله نتعجب خواتى يضحكو عليا يقولو ماشفتى شئ

مسمينى ماحدا لحدا ياحبيبى
اكيد تبى تعرفى شنو معناها
مرة سالتنى اختى قالت لى ماتت الفنانة مش عارفة اسمها قلت لها منعرفهاش وبديت توصفلى فيها وانا منعرفهاش
وتقولى شنو تغنى معرفتهاش وفى الاخير ورتلى صورتها قلت لها منعرفهاش قالت لى شنو تعرفى قلت لها اخر اغنية سمعتها كنت فى ليبيا ماحد لحدا ياحبيبي متاه نجوى كرم
ماتو عليا بالضحك

يعنى اللى صاير فى ليبيا من سرواسل الطايحة او الولاد السحانين شئ يقهر والله

هههههههههههههههه واني مسمينس زوزو نفضي الغبرة

كل مانمشي نجي نتكلم نلقى كلامي كلا قديم
ويقعدوا يضحكوا عليا
هههههههههههههه
ونحس لساني تقل من التلخبيط متاعهم

لكن على الموضات
المشكلة مش للاد بس بل حتى البنات الواحد يسمع في مهازل متناسبش الشعب الليبي المحافظ نهائي مش عارف شن صار

حتى انا ديما يقولولى وووووووووووووه انت مازال بغبرتك
هههههههههههههههههههههههه

اني حيطت رد مالقيتاش

امونة مش بعت لك رسالة خاصة وقلت لك مسحت ردى وردك شكلك مش راقدة كويس

هههههههههههههههههههههههههه تي نحسابك مسحتي الجزء الاخير
عادي عادي ام الشيماء سامحيني دايخه اليوم

مرحبا خير ان شاء الله

رجعت للموضوع يا أمان لو عندك محور جديد تناقشيه هاتي اطرحيه...

ايوا مها والله موضوع هذا مهم ويحتاج نقاش لكن البنات الله يسامحهم مش شاغلهم الموضوع مع أنه مهم
وفيه هلبه مواضيع قلت تحتاج نقاش لكن لاحياة لمن تنادي