لعبة اكمل القصة .......

موضوع: لعبة اكمل القصة ....... 2010-10-27, 01:05

السلام عليكم
لعبة اكمل القصة ....... 808795

اليوم جايبتلكم لعبة الفايدة منها المرح وتعطينا فكرة علي خيال كل عضوة

اللعبة هي انه اني توا بنبدأ في قصة خيالية وما ننهيهاش واتجي العضوة اللي بعدي اتكمل باقي احداث القصة وما تنهيهاش واتجي العضوة اللي بعدها وهكذا

هيا نبدأ اني

مرة في وحدة اسمها مريم هي البنت الوحيدة عند اهلها المهم جايها واحد بيتزوجها اسمه سليمان وهي ما تبيشي لكن امها وبوها غصبوها عليه لكن هي قررت ان........................... كملوا هي

موضوع: رد: لعبة اكمل القصة ....... 2010-10-27, 01:12

قررت أن تصارح الشاب بأنها لا تريد الزواج منه أفصبحت تفكر بفكرة كيف تصارحه وفجأة هيا تغسل في المعين خطرت ببالها فكرة هيا..............كملوا

موضوع: رد: لعبة اكمل القصة ....... 2010-10-27, 04:11

خطرت ببالها فكرة انها تقوله فى واحد ثانى فى بالى بالك يتفهم الموضوع
وقعدت مريم فكرة تمشى فى راسها وفكرة ادجى وفى الاخير قررت ................... كملو

موضوع: رد: لعبة اكمل القصة ....... 2010-10-27, 05:15

نقطة نظام لو سمحتي يا باش مهندزة
يعني بعد كل اربع صفحات تختم القصة ونبدوا في قصة جديدة حتى يكون فيه تنوع والرتم يكون سريع لان هكي بيقعد الموضوع مفتوح على قصة وحدة بيملوا لبنات
الموضوع هذا موجود في منتدى وهكي ماشي وماشاء الله الشباب والبنات مدايرين ابداع
ارجو ان تقبلي اقتراحي

نجو للبقية القصة

قرر ت ان تكلم احتا في التاليفون وتخليها هي اللي تقول لخوها بالشوية لان تعرفا حساس وممكن يمشي فيها لان الولد

يحبها ومتعلق بيها هلبة
فجأة التاليفون رن
.....................كملي اللي بعدي

موضوع: رد: لعبة اكمل القصة ....... 2010-10-27, 10:03

طبعا اللي رن هو تلفون البيت

واللي كان على التلفون هو أبو العريس وكلم الأب وطلب منه يحدد موعد للخطوبة....

رحب الأب بالفكرة جدا وخاصة انه يحب الراجل كثير ومن مبدأ خير البر عاجلة, وحدد موعد الخميس الجاي يعني بعد أسبوع من اليوم....

وخبر الأم عشان تخبر بنتها العنيدة.......

كملوا.....

موضوع: رد: لعبة اكمل القصة ....... 2010-10-27, 22:55

وراحت الام وخبرت بنتها باللي صار وصارت البنت تصرخ وتقطع في شعرها..............
وتقول مستحيل نتزوجها ولو على قطع رقبتي........ والام صارت تهدي فيها..وفجأة دخل ابوها وسمع الكلام والصراخ...............
كملي

موضوع: رد: لعبة اكمل القصة ....... 2010-10-27, 22:59

سمع بوها الكلام والصراخ امشي خش اضربها كف وقاللها تتزوجيه يعني تتزوجيه وابدت امها اتهدي في بوها وقالتله مش هكي الحل مش بالضرب بعتالي اهدي بوها امشي قالتله مريم............. كملوا

موضوع: رد: لعبة اكمل القصة ....... 2010-10-27, 23:36

قالت مريم يابوي انا منبيش نتزوج سليمان قاللها علالالالالالالالالالالالالالالالالالاش يالله قولي علاش وشد في الموضوع شوي قااااااااااااااااااالت يييبويي انا نبي نت نت زززززو..........كملوا

موضوع: رد: لعبة اكمل القصة ....... 2010-10-28, 00:46

يا والله مسلسل تركي
هههههههههههههههه

شكلي مريم هادي بنرزيلكم فيها ونريحكم ونرتاح
نعطيها طاسة سم ونريحها ونرتاح
خلاص فديت منها
شن هالبرادة

هي البنت قالت لبوها مانبيش ناخدا
مشى بعت بوها لبو الولد قالا الله غالب البنت ما عندهاش نية في الولد وامشي دور على نصيبك في مكان تاني
ومريم فرحت
وجاها عريس اسما محمد تحبة ولد جيرانهم وتحبة من زمان وبوها واف وتزوجت وتوا اوينها بصغارها وتسلم عليكم

اي خشو في قصة تانية الفيلم الهندي كملتهولكم
سلامات لعبة اكمل القصة ....... 284798

موضوع: رد: لعبة اكمل القصة ....... 2010-10-28, 01:02

ههههههههههههههههه يازوزو

يعطيك الصحة

موضوع: رد: لعبة اكمل القصة ....... 2010-10-28, 02:02

يازوزو شكلك محضرتيشي مسلسل التركي هذا هههههههههههههههههههه
مش ولد جيرانهم لتبيه لالالالالالالالالالالالالالالا
زميلها ايامات الجامعة هههههههههههههههههههههه قالت لبوها اني نبي نتزوج مسعود قال من هو مسعود هذا قالته طبعا بوها مرضاش من أول لكن بعد ماسمعتها أمها وحكتلها إقتنعت بكلامها وقنعت بوها بعدين مشي قصقص على الولد إلقاه راجل باهي والناس كلها تشكر فيه فوافق بوها على الموضوع قال لثاني مافيش نصيب بناتنا ربي سخرلك الحال في بنت حلال ثانية
واشعلت الأنوار ورتفعت الزغاريد
وتزوجت مريم مسعود وعاشوا في هناء ونبات وجابوا أولاد وبنات

توا ابديلنا في قصة ثانية يا زوزو

موضوع: رد: لعبة اكمل القصة ....... 2010-10-28, 02:35

تي هوا ياريتا كان تركي تي حتى المسلسل الليبي يتحرك اكتر من هكي

عموما اني نبي نزوج سليمان لان بصراحة سخفني

وسليمان هدا شاب ماشاء الله عليه انسان طموح وعندا ذكاء وسيم وكل البنات يتمنوه
بعد مارفضاتا مريم حس بطعنة في كرامة لان هو عندا بنت عما تبيه وبتهلل عليه لكن هو حتى هو ماكانش ليه نيه فيها لكن بعد ما مريم رفضاتا حس بالطعنة اللي حست بيها بنت عما امشى قال لبوه يابوي اني بناخد بنت عمي شن رايك لكن بناخدها وبنسافر للخارج نبي ندير دراسات وعندي مشروع نبي نفتحا لكن في الحارج

.......................زكملي يافالحة انتي وهي
وديروهولي مسلسل تركي نهاركم
بنرزيلكم في سليمان وبنت عما نديرلهم حادث ونخلصلكم عليهم
هههههههههههههههههههه
خلصونا
اللي بنلقاها تمط في الفيلم بنحيهولها ونسكرهولكم

كملوا زززززززززززززززززززززززززززز

موضوع: رد: لعبة اكمل القصة ....... 2010-10-28, 03:07

هههههههههههههههههههههه والله يا زوزو حتى انا كنت نبي ننهي القصة قلت خلي مريم تنتحر
لكن خفت تزعل المهندسة وتقول نهت القصة بسرعة
عموما سليمان جي خبره من ساعة قالوا لقوه يتأجر في المخدرات دفوه اللداخل ورتاح

موضوع: رد: لعبة اكمل القصة ....... 2010-10-30, 00:05

كانت عصابة من العصابات قد ارتكبت جريمة سرقة لتوها وارادت الهروب والاختباء في الغابه و عندا و صولهم الى الغابه وجدو اسد ..... فهرب الجميع

الا واحد فقد اغمى عليه فظن الاسد ان ميت فدهب الاسد و تركه .....اما على باقى افراد
العصابه ..... تركو صديقهم و روحو فا ظنو ان صديقهم اكله الاسد .......الى بعدى كمل

موضوع: رد: لعبة اكمل القصة ....... 2010-10-30, 03:11

اخبروا اهله بذلك فحزن الجميع واقاموا له العزاء ..........في حين افاق صديقهم فوجد نفسه وحيدا.....
صار يلف يمين ويسار ولا يدري ما يفعل والخوف يسيطر عليه......سار لايام دون ما آكل ولا ماء فنهارت قواه
وبينما هو يلهث........اكملي يا غالية

موضوع: رد: لعبة اكمل القصة ....... 2010-10-30, 03:26

بنديرلكم مسلسل ليبي المرة هدي
هههههههههههههههههه

وبينما هو يلهث ويلهث ويلهث
اخذ يلهث ويلهث ويلهث

ثم جلس يلهث ويلهث ويلهث
فلما اكمل اللهاث
اخذ
يلهث ويلهث ويلهث
حتى اذا تعب من اللهاث
عاد الى مكانه واخذ يلهث ويلهث ويلهث
وبعدين قال انا خيرني نلهث
مشى قال ماعادش نبي نلهث
لكن ايضا بقي يلهث ويلهث ويلهث
واستمر يلهث ويلهث ويلهث
الى ان احس انه يلهث ويلهث ويلهث
ثم نام وهويلهث ويلهث ويلهث ولم يستطع النوم لانه يلهث ويلهث ويلهث

اللي بعدي يلهث ................قصدي يكمل................

موضوع: رد: لعبة اكمل القصة ....... 2010-10-30, 05:13

بصراحة أنا حاليا ألهث من خيال زوزو الخصب

ومش قادرة أكتب وأنا ألهث خلي الدور للي بعدي بس أوعي تلهثي إنتي كمان

موضوع: رد: لعبة اكمل القصة ....... 2010-10-30, 05:20

ههههههههههههههههه
منورة مها

المهم لما ارتاح من اللهاث
جي بيلهث مرة تانية
مشى قال لالا خلاص يزي من اللهاث

واخيرا نظر فإذا اضواء من بعيد لاحت له
فامعن النظر جيدا فإذا هي مدينته
الى المدينة وهو يصرخ ياناس ياناس
انا حي انا حي
فنظر اليه اهل المدينة مذهولين وقالوا له .....................كملي يا ناشطة ههههههه

موضوع: رد: لعبة اكمل القصة ....... 2010-10-30, 05:25

قالوا له اكذب كذبة تانية انتا خلاص مت يا شاطر واحنا خلاص زعلنا عليك وعملنا عزا وخسرنا مصاريف كثير

وطردوه شر طردة من المدينة وأصدروا فيه قرار بمنعه من دخول المدينة...

وتوته توته خلصت الحدوته

حلوة ولا ملتوتة؟

موضوع: رد: لعبة اكمل القصة ....... 2010-10-30, 05:33

ههههههههههههههههههههه

حلوة زي اللي ختمتها

منورة ام خلودي

كان يا ما كان في اخر العهد والزمان ههههههه

كان هناك نمر قوي يحكم بلاد النمور و كان مافية النمور الخمسة تخطط لقتله

و لكن مصادر واعوان النمر القوي عرفو بدالك فأخبروه

بالمخطط فـ..................كملي يا عسلة

موضوع: رد: لعبة اكمل القصة ....... 2010-10-30, 05:37

فقرر النمر أن يبعث خادمه الأمين ويده اليمين الفأر فرفور ليكون جاسوسا له عندهم بحجة انه سيساعدهم في اكمال خطتهم لأنه انقلب على النمر بعد أن منع عنه جبنة البارميزان التي يحبها....

كملوا

موضوع: رد: لعبة اكمل القصة ....... 2010-10-30, 05:46

ذهب الفار واخذ يتقرب الى احد افراد المافيا وادعى البكاء والحزن واخذ يلعن
النمر وبخله ................كملي

موضوع: رد: لعبة اكمل القصة ....... 2010-10-30, 08:34

لكن مافيا النمور ما صدقت الفار وشكت فيه ...

وقرروا أن يختبروه لكي يتأكدوا من صدق نواياه وولائه الجديد...قبل أن يضموه للمافيا.....

موضوع: رد: لعبة اكمل القصة ....... 2010-10-30, 08:52

وينك يا صاحبة الموضوع
ديرو عرسي في غيبتي

واخذوه الى رئيسهم حتى يختبره
واكتشف رئيس العصابة كذب الفار
وحبسه
ثم ارسل جماعة من اعضاءالعصابة الى النمر لقوموبقتله

وعندما وصلو الى وكر النمر القوي

وجدوا (( الكنشيلو )) مسكر فأطروا انهم ايخشو من الباب الوراني (( الجراج)) ...وفي الوقت نفسه حيتما كانو يقومون بالالتفاف حول ...(( الصور )) طبعا الصور كان واطي

شويا ومشبك يعني يقدرو ايقصقصو عالحوش وشن صاير فسطا

كملي ......... يا لا الهول

موضوع: رد: لعبة اكمل القصة ....... 2010-10-30, 09:09

قبل أن يتجه النمور لقتل النمر

حبسوا الفأر في قفص صغير من القش يالغبائهم وطبعا الفأر اكل جزء من القفص وهرب واتبع طريق مختصرة ليصل لفيلا النمر الزعيم, وفعلا وصل قبلهم وحذر النمر فقام النمر ولم أتباعه واختفوا وراء أسوار الفيلا وقطعوا الكهربا من قبل وأول ما دخلت المافيا هجموا عليهم وشردوهم.....

طبعا تخلت زعامة المافيات العظمى في الغابات كلها عن عصابة النمور الغبية لأنها سببت احراج لهم وأصدروا فيهم قرارو والفأر تولى منصب كبير في الغابة بسبب أدائه المهمة على أكمل وجه...

» لعبة الفلوس
» لعبة الديكور والاثاث
» لعبة الحرباء والصرصور
» القصة الحاصلة على جائزة الاداع 2008
» لعبة كملي الكلمة