شاب ليبي ينجو من عصابة تتاجر بأعضاء البشر

السلام عليكم

كتبت في جريدة
أويا - منتصر الشريف


ذكر مصدر طبي بمستشفى شارع الزاوية المركزي أن قسم الإسعاف بالمستشفى استقبل ليلة أمس شابا يبلغ من العمر 18عاما فى حالة من الإعياء الشديد وظهر ت على رسغيه آثار قيود معدنية



وأضاف المصدر الذي فضل عدم ذكر اسمه بان الشاب إسمه أحمد وهو فار من عصابة مشكلة من عدة جنسيات مختلفة تتاجر بأعضاء البشر وتتخذ من إحدى المزارع الكائنة بمنطقة 'غوط الرمان' طرابلس مقر ا لها، وان عملية خطفه جرت صباح الخميس قبل الماضي بينما كان يمشى راجلاًً على الطريق العام بمنطقة 11يونيو تفاجأ بوقوف سيارة نوع هونداى سوداء اللون لا تحمل لوحة معدنية وقد اجبره أربعة أشخاص على الركوب في المقعد الخلفي و خلال ثواني تم تخديره لحين وصوله للمزرعة المشار إليها .



وذكر نفس المصدر إن الشاب أحمد عند دخوله للمزرعة وجد نفسه فى حجرة صغيرة ظلماء لم يسمع فيها إلا صوت طفلة صغيرة تبكى ورجل مسن يصيح ويستنجد بالدعاء مضيفا انه قد خضع لفحوصات وتحاليل طبية مشبوهة من قبل أشخاص غير ليبيين يرطنون بلغات مختلفة حسب ماذكره الفتى المخطوف لأقاربه أثناء تلقيه العلاج مؤكدا بأن عملية فراره من المزرعةكانت معجزة من الله عندما قدم له احد الأشخاص الطعام تاركا باب الحجرة مفتوحا فانتهز الفرصة للفرار.


وربي يستر

خبر غريب
لكن اني قبل هكي سمعت عن قصة هوليودية في نفس الموضوع
وان مرا دخلت لمحل وراجلها قعد يستنى فيها لبرا
وبعدين خش مالقاش حد وبعدين قعد يدور ويتعارك نين اكتشفوا ان فيه مخبأ في حجرة تغيير الملايس
المهم قصة طويلة خلاصتها عصابة لسرقة الاعضاء


لكن هني القصة مش حاسة انها منطقية
باهي الشيباني شن بيدروا بيه
كان بيخنبو يخنبو الصغار اسهل واضمن على الاقل قطع الغيار جديدة
هههههههههههههههههههه

مشكورة ام ايوب على الخبر

زوزو القصة صحيحة ومنتشرة فى طرابلس وعلقت صور الولد فى الاماكن العامة


وعرفنا حتى أسمه

الحمد لله على رجوعه الى أهله سالم

مشكورة ام ايوب

مشكورة ام مآب ربي يستر علينا وخلاص
الواحد بدي يسمع في حاجات غريبة

لكن اللي مستغربتلا الشيباني شن بياخدوا منا

لكن الشرطة شن دارو هل قبضو على العصابة واللا مازال
باهي منين الدكاترة اسيويين واللا اروبيين

ياستاااااااار

بارك الله فيك وربي يحفظنا جميعا

زوزو الشيبانى اكيد مش كبير هلبة في العمر وياخدو منه الكلى او اى شى ولانه الشيابين سرقتهم اسهل من الشباب

وربي يستر من اللى وصلناله وخلاص

لا حول ولاقوة الا بالله العلي العظيم

والله الدنيا بدت اتخوف وكتر الخطف انى الصبح بديت نمشي متاخره نصف ساعه على خدمتي من الخوف لانه جهتنا الساعه 7 وربع اتصفر فيها الريح وقبل مانطلع نفتح باب الكراج وانطل اذا في حد والا لا والله شي يرعش بدينا اتقول شيكاغو ربي يسترنا يارب

صح قصة أم أيوب لأنه الشاب جيران حوش خالتي والقصة ليه قريب شهر
وربي يستر على بناتنا وشبابنا

السلام عليكم
حبيباتي انا يوم الاربعاء الماضي حضرت بنفسي حلقة (الامن والمجتمع) ومقدم البرنامج حكي على هذي القصة بالتفصيل وطمن سكان سوق الجمعة والقصة هي انا عم الشاب قدم بلاغ بأن ابن اخيه مختفي من ايام فقامت الدوريات بالبحث لعدة ايام ولم تجد شئ وبعدها رجع الشاب لبيت اهله واخبرهم ان هناك مجموعة من الشباب قاموا بخطفه وقاموا بسرقة شئ من اعضائه وليصدقوا اهله ذلك قام بوخز ابرة في يده ووضع عليها شريط لاصق حتى يصدقوا القصة وينجو من العقاب وجاء الشاب مع عمه لاخبار مركز الامن بذلك وقال لهم ان العصابة في مزرعة بغوط الرمان فذهبوا وبحثوا ولم يجدوا شئ واخضعوا الشاب للفحص عنددكتور شرعي فلم يتبين انه قد مس شئ من اعضائه مما زادت شكوك رجال الامن في مصدقية الموضوع
احضروا الشاب لاستجوابه مرة اخرى وبعد الضغط عليه اعترف انه كان في صحبة صديقه وفتاة اخرى في استراحة باحدى المزارع ومكث هو معهم لمدة تسع ايام ثم عادلاسرته ولكي ينجو من العقاب الف قصة الخطف
والان الشاب في السجن بتهمة تضليل العدالة والوقوع في الفاحشة
والله يستر علينا وعلى بناتنا واولادنا
والله لما سمعت القصة تمنيت انهم اخذوا اعضاءه علىانه يبات ليلة وحدة مع فتاة بالحرام

لاحول ولا قوة الا بالله العلى العظيم ناس كيف هذه تتمنى حق الموت ليهم مش انه ياخد اعضاء جسمه بس
يمشى يبات مع البنت بالحرام ويكدب ربى يستر وخلاص

zozo3 كتب:

خبر غريب
لكن اني قبل هكي سمعت عن قصة هوليودية في نفس الموضوع
وان مرا دخلت لمحل وراجلها قعد يستنى فيها لبرا
وبعدين خش مالقاش حد وبعدين قعد يدور ويتعارك نين اكتشفوا ان فيه مخبأ في حجرة تغيير الملايس
المهم قصة طويلة خلاصتها عصابة لسرقة الاعضاء


لكن هني القصة مش حاسة انها منطقية
باهي الشيباني شن بيدروا بيه
كان بيخنبو يخنبو الصغار اسهل واضمن على الاقل قطع الغيار جديدة
هههههههههههههههههههه

مشكورة ام ايوب على الخبر

ههههههههههههههههههههههههه

معناها تحليلي صح
عصابة وهمية زي متاعت المرا اللي في محل الملابس
المهم ان الولد خيالا واسع يقدر يالف قصص وافلام اكشن
هههههههههههههههههه

زي ماقالت دنيا المحبة القصة من تاليف الشاب باش يغطي على غيبته عن الحوش لمدة اسبوع

دنيا المحبة كتب:

السلام عليكم
حبيباتي انا يوم الاربعاء الماضي حضرت بنفسي حلقة (الامن والمجتمع) ومقدم البرنامج حكي على هذي القصة بالتفصيل وطمن سكان سوق الجمعة والقصة هي انا عم الشاب قدم بلاغ بأن ابن اخيه مختفي من ايام فقامت الدوريات بالبحث لعدة ايام ولم تجد شئ وبعدها رجع الشاب لبيت اهله واخبرهم ان هناك مجموعة من الشباب قاموا بخطفه وقاموا بسرقة شئ من اعضائه وليصدقوا اهله ذلك قام بوخز ابرة في يده ووضع عليها شريط لاصق حتى يصدقوا القصة وينجو من العقاب وجاء الشاب مع عمه لاخبار مركز الامن بذلك وقال لهم ان العصابة في مزرعة بغوط الرمان فذهبوا وبحثوا ولم يجدوا شئ واخضعوا الشاب للفحص عنددكتور شرعي فلم يتبين انه قد مس شئ من اعضائه مما زادت شكوك رجال الامن في مصدقية الموضوع
احضروا الشاب لاستجوابه مرة اخرى وبعد الضغط عليه اعترف انه كان في صحبة صديقه وفتاة اخرى في استراحة باحدى المزارع ومكث هو معهم لمدة تسع ايام ثم عادلاسرته ولكي ينجو من العقاب الف قصة الخطف
والان الشاب في السجن بتهمة تضليل العدالة والوقوع في الفاحشة
والله يستر علينا وعلى بناتنا واولادنا
والله لما سمعت القصة تمنيت انهم اخذوا اعضاءه علىانه يبات ليلة وحدة مع فتاة بالحرام

والله يادنيا المحبة ممكن شاب آخر بالنسبة لقصتك وقصة الشاب الا حكت عنها أم أيوب لأنهم جيران خالتي وقالو لما روح الولد والده دار عرس
هذا إلا سمعته والله أعلم

وووووووووووووواو يا دنيا المحبة زدتى خوفتيا فى وقتنا هدا حتى تربية الاولاد والبنات وله شئ صعب والدنيا بدت تخوف كل يوم نسمعو بقصة شكل
وممكن قصة الشاب هدا صح وقصة الشاب الاخر صح يعنى القصتين صح

والمشكلة انه القصتين يخوفو ان كانو صح

والله اعلم ربي يسترنا

ربي يستر ان شاء الله

لا حول ولا قوة الا بالله

ربي يستر

الله اعلم كل واحد يفتي شكل إلا فيه يقول حق الحكاية ولا فيه مكذبها
وربي يعلم الواحد معاش يصدق حد في وفتنا هذا
كثر الكذب ويستر الله على عقابها

خبر غريب ومشكوره علي الموضوع