عبري عن فرحتك بالعيد

وانى نبدا باسم الله الرحمن الرحيم

يوم الوقوف بعرفة اكيد ايكون فيه الحوش كله صايم والحمد لله وحسب الظروف مرات اخواتي المتزوجات ايجو عندنا والا يمشوا الى شيابينهم والحوش اتقيم فيه حملة نظافة وتجهيز من الصبح الفحم والشوايات والمشاريب والليمون للشواء وعدة الشواء والجنان من خيوط ربط والسكاكين وانتى ادرى بالعواله

يوم النحر
بالنسبة لحوشنا انعيدو مع اعمامي الاتنين يعني 4 خرفان ايجو الصبح بعد صلاة العيد يبدوا في الذبح والسلخ والنساوين في غسل البطون طبعا انى منغسلش ههههههههه لانى منعرفش حاولت السنه اللى فاتت وكان عمتى فوق راسي لكن تخصصي شواااااااء واندير الغذاء وانحوس عليهم بس ههههههههههههههه

لين انكملو الحوسه كلها في جو من الضحك والبصارة يعنى تقريبا الساعة 3 بالكتير نتغدوا ويبدوا ايجو اخوالى وخالتي ايعيدو علينا والا احنى نمشو لحوش جدي نتلاقو غادي حسب ويتم العيد ونرقدوا ماديين رجلينا من التعب ههههههههه

سناء موضوع روعة خلى نعرفو كل عضوة كيف تقضي في يوم العيد

طبعا يوم عرفة ديمة نكونو صايمين والاغلب نمشى نفطرو عند شيابينى وبعدين في الليل نقرضو في الخضرةمرات نبات يوم الموسم عند شيابينى ومرات نروحو
يوم العيد نمشى بعد ما يروح راجلى من الصلاة ومرات قبل الصلاةمن الصبح
واحنى ندبحو في خمسة سلافى وشيابينى
وطبعا انى من فريق غسل البطون احنى مقسمين كل مجموعة اتدير حاجة انى كانت معاي الشرقية في غسل البطون لكن العيد هدا سيبتني بنستعين بالمهندسة
وبعد مانكملو الحوسة المغرب نمشو كلنا الى حوش حناهم نعيدو عليها وبعدين نروح الى شقتى وتانى يوم نمشى الى حوش بوى ونتلاقى مع خواتى

وان شاء الله كل عام والجميع بالف خير

منورة ام ايوب وان شاء الله كل عام وانتى وعيلتك بالف خير وكل عيد ملتمين على الفرح والهني


هيا وين بقية العضواااااااات احكولنا على عيدكم وين القلاية والشواء وامتى العصباااااان ومنو اللى تغسل في البطن

ههههههههههههههههههههه

كل عام وانتم بالف خير

احني العيد عندنا
اولا يوم الوقفة صيام
وعولة يعني الترتيبات الاخيرة من تفريش الحوش اللي ينقام قبلها بكم يوم
وبعدين
يوم العيد
نمشوا نصلوا العيد وراجلي يمشي للدبح عند السلخانة
واني نروح للحوش نستناه لن ايجي
ويبدا اليوم بعد ما يجي نوتو اللحم اللي بيتوزع نوزعوه وبعدين ونديرو غدانا
ومشوياتنا
اني وسلايفي نتجمعوا في الفيلا متاعتنا في الساحل
وتجيني اختي تاني يوم

واحلى مافيها السنة هادي الاجازة عندنا بدت من يوم الاحد
ان شاء الله اليوم ماشيين للساحل
وطبعا عيدنا بالتليفونات نكلم امي واخواتي
ونكلم خوي اللي بريطانيا
واهو ماشي الحال

شطورة سنسونة
ان شالله يارب العام الجاي تكون في حوش راجلك انت وكل اللي زيك
وانت ياحزينة تكوني سعيدة وفي حوش راجلك وزينة وكلي امل وبيلا وستاركاباو
كلكم نفرحو بيكم
كل سنة وانتم طيبين

ان شاء الله ربي يوصلكم سالمين وكل عيد ملتمين وصحيتي على الدعوه العسل ياعسل

مشكورة سناء على الموضوعالرائع

يوم الوقفة صائمين والفطور مشكل زى رمضان
وفى الليل نقرض خضرة العصبانونج هز المواعين متاع الحركة

والصبح بعد مايجى راجلى والاولاد منالصلاة ندبحوا

واول شىء ندير القلاية


وبعدين نغسل البطن وبعدين خضرة العصبانج اهزة نبدا ندير فى العصبان

وراجلى تسلم ايدياته هو اللى يقطع ويقدد

والرأس ما ياكل فيه حد قبل ندير فيه على خاطر عزوزتى الله يرحمها

والسة هدى مش عارفة؟؟؟؟؟

قبل حوش سلفى يجو يعيدوا عندى وبعد وفاة عزوزتى يبوا يعيدوا فى حوشهم

وبعدين نكيس اللحم ونحطه فى الفريز ونسيقوا الجنان ونديروا حمامات وناكلوا العصبان والشواءوالمشروب

والسلام وثانى يوم فى حوش أهلى



كل عام والجميع بخير وربى يرد كل مغترب من غربته

ويعيد بين أهله وناسه

مشكورة على الموضوع العسل زيك يا سنو
احنا يوم الوقفة صائمين طبعا اليوم اللي قبله نضم الحوش والجنان ويوم الوقفة اندير العصبان لاني نشري في بطن
قبل بايام انظفها ونخليها في الفريز ليوم الوقفة نأخذوا منها شوي للفطور بعد الصيام والباقي انخليه في الثلاجة
يوم العيد ندبحوا وانظف انا البطن وانديرها في الفريز وزوجي يقطع اللحم ويكيسه وكان بنديروا قديد انجي انقدد معاه
اما الرأس نعطي فيه لاي حد لاننا مناكلوش فيه
طبعا قبل هذا كله نأخذ لحم وشوي من الكبدة واندير قلاية باش اول ما يمر حد بيعيد نسخن له شوي من العصبان
ونحط معاه قلاية ( باش يقولوا فالحة مدايرة حتى العصبان ومكملة)
بعدين نلفوا على حيشان سلافي الكبار لان زوجي هو الصغير وشيابيني متوفيين ونمشي لحمواتي وبعدين نروحوا
في اليوم الثاني نمشي لحوش اهلي ونتلاقى انا واخواتي ونسوين خوتي
وكل عام والشيموات بألف خير

ما شاء الله عليكم
كل سنة وانتم طيبين بارك الله فيك ام ماب على الدعوة
كل عام والجميع بخير وربى يرد كل مغترب من غربته

وبنسبة ليا انا
معيدة ياحنى عند جارتى التونسية قريبة عليا وعندها بنتين كبار ووليد
وبما انا فى اوروبا مافيش جو الخرفان نشرو لحم ونشيطو ونحرقو هههههههه
لكن صاحبتى التونسية دابحة لكن الخروف يوصل ثانى يوم العيد

الحق عزمونى صاحباتى الليبيات وام نبراس وام اويس لكن البعد والله ماعندى نية نكركر صغارى فى هالصقع ونمشى للمدينة ثانية

الله غالب الراجل فى الحج
توا نعوضوها فى العيد الجاى
هذا هو العيد
ماتنسوش بش تخشو للمنتدى وتعيدو عليا رانى فاتحاته ههههههههههههههههههههههه

موضوع رااااااااااااااااااااائع
زيكم بالضبط يوم الوقفة الصبح أنضموا الحوش بعدين ونتوا صفرة الفطور لأن العويلة كلها صايمة يوم العيد بعد صلاة العيد انعيدوا ويذبح بوي الخروف الله يحفظه ومعاه خوتي أعلقوه وناخدوا الكبدة تأخدها امي وتقليها ونفطرو بيها وبعدين إنديروا القلاية ولي يبي يشوا ولي يبي ياكل القلاية على راحتهم انخلوا الخروف معلق لبعد الظهر تأخد اختي تشوط الراس وامي تغسل البطن معاها يأني يأختي وخواتي الصغيرات شادينها على الشوه طبعا إمطيبين الغده مكرونة وإلا بازين بوي نادي مرات في عمي الكبير وولاده يتغدوا معانا وبعد الظهر إنزلوا الخروف واحد انديروا منه قديد والثاني ايقطعوه ونحطوا في الفريز ونضموا الحوسه ونسيقوا الجنانات ونخشوا نديروا حمامات وبعدين نستقبلوا المعيدين من الأقارب والعصبان ينديروه عشانا وإلا غدانا ثاني يوم
وان شاء الله ينعادك عليكم وكل عام وانتم بخير وان شاء الله ديمة فرحنين وعلى الخير متجمعيين

ام مآب كتب:

مشكورة سناء على الموضوعالرائع

انتى اروع ام ماءب

يوم الوقفة صائمين والفطور مشكل زى رمضان
وفى الليل نقرض خضرة العصبانونج هز المواعين متاع الحركة

الله ايكون في العون

والصبح بعد مايجى راجلى والاولاد منالصلاة ندبحوا

واول شىء ندير القلاية


وبعدين نغسل البطن وبعدين خضرة العصبانج اهزة نبدا ندير فى العصبان

وراجلى تسلم ايدياته هو اللى يقطع ويقدد

الله يسلمه ان شاء الله ايعاون ماشاء الله


والرأس ما ياكل فيه حد قبل ندير فيه على خاطر عزوزتى الله يرحمها

الله يرحمها ويغفرلها


والسة هدى مش عارفة؟؟؟؟؟

قبل حوش سلفى يجو يعيدوا عندى وبعد وفاة عزوزتى يبوا يعيدوا فى حوشهم

ربي يهديهم حلاوة العيد باللمة


وبعدين نكيس اللحم ونحطه فى الفريز ونسيقوا الجنان ونديروا حمامات وناكلوا العصبان والشواءوالمشروب

والسلام وثانى يوم فى حوش أهلى



كل عام والجميع بخير وربى يرد كل مغترب من غربته

ويعيد بين أهله وناسه

اللهم امين

وان شاء الله كل عام وانتى وعيلتك بالف خير وصحة

نورتي بردك

دنيا المحبة كتب:

مشكورة على الموضوع العسل زيك يا سنو

كلامك العسل يادندون

احنا يوم الوقفة صائمين طبعا اليوم اللي قبله نضم الحوش والجنان ويوم الوقفة اندير العصبان لاني نشري في بطن
قبل بايام انظفها ونخليها في الفريز ليوم الوقفة نأخذوا منها شوي للفطور بعد الصيام والباقي انخليه في الثلاجة
يوم العيد ندبحوا وانظف انا البطن وانديرها في الفريز وزوجي يقطع اللحم ويكيسه وكان بنديروا قديد انجي انقدد معاه
اما الرأس نعطي فيه لاي حد لاننا مناكلوش فيه
طبعا قبل هذا كله نأخذ لحم وشوي من الكبدة واندير قلاية باش اول ما يمر حد بيعيد نسخن له شوي من العصبان
ونحط معاه قلاية ( باش يقولوا فالحة مدايرة حتى العصبان ومكملة)

غير ايجوني انى انقوللهم فالحه ههههههههه

بعدين نلفوا على حيشان سلافي الكبار لان زوجي هو الصغير وشيابيني متوفيين ونمشي لحمواتي وبعدين نروحوا
في اليوم الثاني نمشي لحوش اهلي ونتلاقى انا واخواتي ونسوين خوتي
وكل عام والشيموات بألف خير

وانتى واهلك بالف خير يارب وينعاد عليكم بالخير واليمن والبركات

*أم الشيماء* كتب:

ما شاء الله عليكم
كل سنة وانتم طيبين بارك الله فيك ام ماب على الدعوة
كل عام والجميع بخير وربى يرد كل مغترب من غربته

وبنسبة ليا انا
معيدة ياحنى عند جارتى التونسية قريبة عليا وعندها بنتين كبار ووليد
وبما انا فى اوروبا مافيش جو الخرفان نشرو لحم ونشيطو ونحرقو هههههههه
لكن صاحبتى التونسية دابحة لكن الخروف يوصل ثانى يوم العيد

باذن الله العام الجاي عيدك معانا قولي امين وانتى شيموات قول ان شاء الله


الحق عزمونى صاحباتى الليبيات وام نبراس وام اويس لكن البعد والله ماعندى نية نكركر صغارى فى هالصقع ونمشى للمدينة ثانية

حق والله في هالصقع

الله غالب الراجل فى الحج

ايه ريتي والله ان شاء الله ربي يحفظه ويرجعه سالم يارب العالمين

توا نعوضوها فى العيد الجاى

ان شاء الله انتى ادعي بس

هذا هو العيد
ماتنسوش بش تخشو للمنتدى وتعيدو عليا رانى فاتحاته ههههههههههههههههههههههه

ان شـــــــــــــــاء الله

عظمت الصمت كتب:

موضوع رااااااااااااااااااااائع
زيكم بالضبط يوم الوقفة الصبح أنضموا الحوش بعدين ونتوا صفرة الفطور لأن العويلة كلها صايمة يوم العيد بعد صلاة العيد انعيدوا ويذبح بوي الخروف الله يحفظه ومعاه خوتي أعلقوه وناخدوا الكبدة تأخدها امي وتقليها ونفطرو بيها وبعدين إنديروا القلاية ولي يبي يشوا ولي يبي ياكل القلاية على راحتهم انخلوا الخروف معلق لبعد الظهر تأخد اختي تشوط الراس وامي تغسل البطن معاها يأني يأختي وخواتي الصغيرات شادينها على الشوه طبعا إمطيبين الغده مكرونة وإلا بازين بوي نادي مرات في عمي الكبير وولاده يتغدوا معانا وبعد الظهر إنزلوا الخروف واحد انديروا منه قديد والثاني ايقطعوه ونحطوا في الفريز ونضموا الحوسه ونسيقوا الجنانات ونخشوا نديروا حمامات وبعدين نستقبلوا المعيدين من الأقارب والعصبان ينديروه عشانا وإلا غدانا ثاني يوم
وان شاء الله ينعادك عليكم وكل عام وانتم بخير وان شاء الله ديمة فرحنين وعلى الخير متجمعيين

اللهم امين اجمعين عظمت الصمت نورتي وان شاء الله بطول عمر والديك والعام الجاي في حوشك يارب العالمين

وكل عام وانتى واهلك بالف خير

أم خالد كتب:

ما شاء الله على
اخواتي فعلا يوم العيد حلو وممتع لكن متعب وتعبه مايبان إلا وراسي على المخده هههههههههه

هههههههههه مع تعبه لكن حلو هههههه

ونظامي زي ما قالت الأخوات لكن العصبان مش بالضرورة أول يوم مرات تاني يوم او حتى بعده على الجو, وطبعا أنا لابد أحضر دبخ الخروف هذا من الأساسيات ههههههههه وأيضا الأولاد الحضور اجباري هههههههه

هوا شن حلواته لو ماشافوش الخروف ولعبوا معاه هكي بيكون احلى

ومرات نصور الخروف للذكرى هههههههه مع الأولاد طبعا قبل الذبح أكيد ومن بعده اول حاجة الكبدة مشوية ومقلية ومن بعدها الشوي والتنظيف
وطبعا لابد من المعايدة على الحبايب والجيران وتوزيع جزء من الأضحية اقتداءا بسنة الرسول صلى الله عليه وسلم...

وكل عام وانتن بخير

وانتى واهلك بالف صحة وسلامة ويحفظك ربي ويجمعك باهلك ان شاء الله

احنا ياحنة في يوم العيد انوضو الصبح بما اني عايشة في حوشنا مش الي بجمب عمامي فلهذا انوضو الصبح ونمشو غادي وبابا يمشي مع عمامي للجام ويبدا جو العيد واحيانا العصبان انديرو فيه في الموسم مش اول يوم
وان شاء الله ربي يفرحكم كلكم
وان شاء الله ياام الشوش العام الاتي في ليبيا وكل المغتربات

وكل عام وانتم بخير

billa كتب:

احنا ياحنة في يوم العيد انوضو الصبح بما اني عايشة في حوشنا مش الي بجمب عمامي فلهذا انوضو الصبح ونمشو غادي وبابا يمشي مع عمامي للجام ويبدا جو العيد واحيانا العصبان انديرو فيه في الموسم مش اول يوم
وان شاء الله ربي يفرحكم كلكم
وان شاء الله ياام الشوش العام الاتي في ليبيا وكل المغتربات

وكل عام وانتم بخير

وانتى بالف صحة وسلامة بلبل وكل عمامك وأهلك شن تغسلي في البطن والا زي ماتعرفي راسك من رجليك فيها هههههههههه

تواء ياحنة كل عام وانتم بخير وبعد ما كليتوا العصبان والشواء والقلاية


أمشوا ديروا تحليل كلسترول


ههههههههههههههههههه

عاااااااااال جدا ام مأب خصوصا انى اليوم

تعشينا اليوم شواء وقلاية وبورديم وسلاطة مشوية على الفحم يعني مش عالي بس الكوليسترول امشيط

الحمد لله نعمة كريم اللهم ديما نعمه واحفظها من الزوال

الحمد الله متهنية
من المصارين لاكن مشتااااااااااقة


مافيش كولوسترول

ارتحتى منه الكوليسترول ام شوشو وان شاء الله العام الجاي باذن الله انركبهولك هههههههههههه مش صحيا هههههههه