الى أين يامصر؟؟؟

ربى يفك اسرهم ان شاء الله ماعلينا الا الدعاء لهم
وان شاء الله زوزو تكون بصحة جيدة وطمنا

حتى انى بالي مشغول عليها وكان مشغول على منى بنت خالتي كلمتها بالتليفون نفسيتها تعبانه لانه العماره اللى حرقوها في الاسكندرية مقابل لعمارتها وماحصلتش حجز باش اتروح ان شاء الله ربي يفرج عليهم كلهم

انا عندى رقمها
واتصلنا بيها لكن طلع الرقم غلط
مسكينة والله واكيد خالتك مشغولة
كل القنوات مقلوبة على مصر
لاحول ولا قوة الا بالله
تحسابيها بتنطفة تلقيها فى مكان تانى والعة
مظاهرات عمرها ماصارت فى التاريخ ومصر دخلت للتاريخ ربى يفرج على شعبها

الموبايل مسكر لانهم مسكرين كلمتها على الارضي يشتغل عادي هلبا هلبا مظاهرات والجيش في الشوارع بكل ياناري رااعشه على الاخر

لاحول ولاقوة الا بالله
ربي يهون عليهم ويساعدهم وان شاء الله بنت خالتك تروح بالسلامة يا سناء

ان شاء الله يام الحلوين بارك الله فيك وطمنا على كل المسلمين يااااااااارب العالمين

ان شاء الله ربي ايطمنكم عليها ويرجعها سالمه باذن الله

لا حول ولا قوة الا بالله

ان شاء الله ربي يرجع الشرقيه بالسلامه وهو حامل ان شاء الله ما تحصلش رعشه منهم

سناء باهي طمنتينا على زوزو لكن الرعشه بس ساده ما بعدها

حبوبه انى اطمنت على بنت خالتي زوزو مانعرفش رقمها كان هذا كلمتها وسالت عليها بالي مشغول عليها ربي يطمنا عليها ان شاء الله

سبقتيني يا احلام توني خاشة مخصوص بنكتب موضوع عن مصر فيك الخير اللي قاعد يصير في امة محمد مخزي ومهين ويحرق السكر ويرفع الظغط ويجيب السكتة الدماغية والقلبية واللي قاعد يصير في مصر ادهى وامر وبلا ما نحكوا في التفاصيل والسياسة اللي ريناه عالجزيرة وغيرها من القنوات ما خلى كلام ينقال والله الكلاب الدايحة في الشوارع لا تعامل هكي فما بالك بالانسان المكرم هالرجولة والفروسية اللي ما تطلعها الحكومات الفاسدة الا على شعوبها المسكينة ياريت هالجيوش كانت في الجبهة بدل ما هي في الشوارع لعنة الله عالظلم والظلام كل خبر نسمعه وكل صورة نشوفها افظع والعن من اللي قبلها والله السبت لما ريت حصيلة مظاهرات الجمعة وصلوا 100 انذهلت وحتى الغذا ما قدرت نبلع اللقمة من الغبينة انا عندي اقتراح كنت بادية حملة قيام واستغفار بنية الزواج وتوا حسيت انه الوضع يتطلب مني نكون في موضع مسئولية ويوم القيامة بننسأل عن اعمالي ونصرة المسلم لأخيه المسلم واجب وعليه قررت ان صلاة القيام اليوم وغدوة وبعد غدوة بنوحد الدعاء للشعب المصري واللي حابة تكون معاي وعسى رب العالمين يتقبلها ويحق الحق وهو القوي المتين.

طرفة اليوم يتبادل
المصريون نكته حول الانتفاضة الشعبية التي عمت مصر تقول: إن الثورة كانت
رايحة من تونس على ليبيا، بس الليبيين شاطرين عملوا لها كوبري وحولوها على
مصر.

والله شيء يحزن ويقطع القلب مصر قتل وسرقه ونهب المشكله من دم واحد وشعب وااحد ان شاء الله ربي يهديهم ويحنن قلوبهم على بعض ويطكما على زوزو والله بالي مشغول لو حد يعرف رقمها في مصر يبعتهولى في رساله بالله عليكم طمنونا عليها اللى يعرف

وانى معاك زينه بارك الله فيك على المبادره اللى ادل علي طيب اصلك وشهامتك الله يحفظك وينولك اللى في بالك

ربي يفرجها عليهم وعلى امة محمد جميعا وهالنكتة انا سمعتها جديات في فتكات اول امس خشيت نعبراً عن تضامني معاهم فوحدة مصرية واخرى جزائرية قالوا كلام مسيء لشخص العقيد معمر القذافي وانه الدور علينا وما الى ذلك سجلت اعتراضي وانسحبت والاخت الجزائرية تقول ما عليش حقك علي وبعدين تفهمي؟ الكمال لله وكل دولة عندها مشاكل بس الحق احنا بخير ونعمة غير عنهم وعشتي دوووووم جماهيرية!

اللي شفته اليوم في ميدان التحرير بخصوص مسيرة المليون شي يفرح والحق اني على ثقة بنجاح الثورة الشعبية المصرية وسنا تسأل مصر الى اين وانا اجيب الى الحرية والديمقراطية واحترام حقوق الانسان والتنمية الاقتصادية الى كل ماهو في صالح الشعب في مصر. واليكم ابرز ما يدعوا للتفاؤل:
1.تصريحات عمرو موسى هي الابرز من وجهة نظري الخاصة فهذه الشخصية المصرية تحظى باحترام الشارع المصري منذ ان كان وزيرا للخارجية وحينما يقول لاعودة لما قبل 25 ينايرفهذا يعني الكثيروالكثير
2.الموقف الاخير للجيش المصري المشرف والبيان الذي اصدره وتعهد فيه بعدم استخدام القوة ضد المتظاهرين وبالتزامه الحياد وحماية ارواح المواطنين
3. المصطلحات الجديدة كلياً والتي لم تستخدم قط في مصر قبل 25 يناير (الثورة الشعبية-اللجان الشعبية-الامن الشعبي)وسبحان مغير الاحوال
4.مشاركة كل فئات المجتمع من شخصيات عامة اعلاميين وفنانين ودعاة وشيوخ وائمة واذكر منهم عمرو خالد /معز مسعود/مصطفى حسني/محمد حسان/خالد الصاوي/حنان مطاوع/نهى العمروسي/سهير المرشدي/جيهان فاضل/ومواطنين بسطاء من كل الاعمار جنبا الى جنب ولعل ابرز ما رأيته اليوم الفنانة تيسير فهمي وهي تصرخ بأعلى صوتها بشعارات ضد الرئيس مطالبة اياه بالتخلي عن الحكم والرحيل عن مصر.
المصريين ومن قبلهم التوانسة فجروا قنبلة الموسم زي ما يقولوا اعادوا الامل في هذه الامة التي ظن كثيرون انها ماتت او انها تحتضر خاصة بعد توالي النكسات طوال ال30 سنة الماضية فمنذ اكتوبر 1973 وهو بطولة مصرية بأمتياز لم نرى نصرا عربيا اسلاميا مبينا حتى مايو 2000 تاريخ تحرير معظم تراب الجنوب اللبناني على يد المقاومة اللبنلنية بزعامة حزب الله.
وانا ملاحقة الموضوع بأهتمام غيرعادي ومستغربة من حماستي الزايدة لو تشوفوني نردد في الشعارات مع المتظاهرين ونبكي ونصفق وكل انواع الانفعالات عندي