سؤال عن جفاف الملابس

السلام عليكم

اخواتي العزيزات نبي نسألكم من عندها جفاف ملابس اني من حوالي شهر ونص شريت جفاف اريستو 7كيلوا

لكن عندي مشكله انحس فيه يطول التجفيف امتعه يبي حوالي ساعتين بيش الحوايج يجفو

هما صح في الاخير طبقي وحطي في الدولاب جافين ميه في الميه لكن يطول هلبه

معليشي لي عندها جفاف تقولي قداش يقعد بيش يجفف وشن نوعيته لاني حسيت روحي اتسرعت وقلت لو صبرت شويه وخديت حاجه ماركتها امريكيا احسن مش عارفه ياريت تردوا عيا

وعلى فكره عندي سؤال تاني اني لي توا ما جففتش فيه ملابس الصوف خايفه يفسدهولي ياريت تقولولي شن جو الصوف فيه

نعرف روحي كثرت الدوه لكن هيا فيسع لي عندها اي معلومه ما تبخل عليا

سلااااااااام

والله ياحبوبة تبي الحق ماعمري سمعت بيه الجفاف
نعرف الغساله فيه جفاف لكن جفاف بروحه مانعرفش الحق
لكن ردي بالك من ملابس الصوف بالك يتعكرشو
زي جفاف الغسالة
المدة الا فاتت غسلت حوايج صوف وجففتهم بجفاف الغسالة طلعو معكرشات

وأن شاء الله يخشو العضوات الرقدات على وذانهم يقولولك على الجفاف بالك عندهم معلومه عليه

خطرها شني أنتي عايشة في الخارج لين تشري جفاف ؟

صباح الخيرا ت فى الليل
اولا مكثر دوتك ههههههههههههه
ثانى شئ انا مجربتهاش الجفاف لكن ا لما امشيت لليبيا شوفت امى عندها وحدة وصح تعطل وتكسر الرقبة
انا كنت مستعجلة بحوايج الصغار وحطيتهم فى الجفاف وندمت اطول
وبعدين جففت على الدفاية بسرعة هههههههههههههههههههههههه
لكن النوعيات منعرفش شنو فى فى ليبيا هنا احسن شئ نعرفها هى ماركة بوش



وان شاء الله يفيدوك الاخوات

كيف راده بعدي وتقولي صباح الخيرات في الليل واني رديت اليوم الصبح

اسكت انتى ماهو الحبوبة تخش فى الليل وبتقراها اكيد فى الليل هههههههههههههههههههههههههههههه

اااااه باهي
وشني حبوبة عايشة في الخارج اللي تسأل على الجفاف

انا مازلت ماشريت ولاجربت اللي موجودات هنا بس لما كنت خارج كنت نستخدم في ماركة بوش زي ام الشيماء

وجربت ال جي سامسونج كلهن كويسات بس مانعرفش زيهن او لا

وبالنسبة له لازم نفس الشي تنتبهي ع درجة الحرارة والوقت واللي جربتهن ماياخذنش وقت طويل

بس عندي سؤال ليش ياحبوبة تشري في مجفف الشمس احسن وصحيه اكثر

الجفاف الاغلبيه يستخدموا فيه اللي في الخارج

وانسيت انقولك لك وحشة

آمــان كتب:

والله ياحبوبة تبي الحق ماعمري سمعت بيه الجفاف
نعرف الغساله فيه جفاف لكن جفاف بروحه مانعرفش الحق
لكن ردي بالك من ملابس الصوف بالك يتعكرشو
زي جفاف الغسالة
المدة الا فاتت غسلت حوايج صوف وجففتهم بجفاف الغسالة طلعو معكرشات

وأن شاء الله يخشو العضوات الرقدات على وذانهم يقولولك على الجفاف بالك عندهم معلومه عليه

خطرها شني أنتي عايشة في الخارج لين تشري جفاف ؟

شكرا يا امونه على الرد والله بالنسبه لصوف ما جربتاش لكن حوايج القطن والدجين يطلع فيهم يهبلوا تقولي محدادات لكن مشكلة الوقت بس يطول


لا يا حنه عايشه في ليبيا في طرابلس ومش بعيده عليك هلبه عشره دقايق تكوني عندي

*أم الشيماء* كتب:

صباح الخيرا ت فى الليل
اولا مكثر دوتك ههههههههههههه
ثانى شئ انا مجربتهاش الجفاف لكن ا لما امشيت لليبيا شوفت امى عندها وحدة وصح تعطل وتكسر الرقبة
انا كنت مستعجلة بحوايج الصغار وحطيتهم فى الجفاف وندمت اطول
وبعدين جففت على الدفاية بسرعة هههههههههههههههههههههههه
لكن النوعيات منعرفش شنو فى فى ليبيا هنا احسن شئ نعرفها هى ماركة بوش



وان شاء الله يفيدوك الاخوات

صباح النور في الليل هههههههههههههه زيدي زيدي اتسهوكي تي باهي لي نخش في الليل بيش نحرسلكم المنتدى وانتوا ما شيين ومخليينه هكي هههههههههههههههههههه

شوره جفاف امك زي حالاتي

توا قلتيلي على جفاف بوش بعد ما شريت شن بندير بلي عندي ديريلي حل في اللي عندي مش اتقوليلي على ماركه تانيه

مرام البيان كتب:

انا مازلت ماشريت ولاجربت اللي موجودات هنا بس لما كنت خارج كنت نستخدم في ماركة بوش زي ام الشيماء

وجربت ال جي سامسونج كلهن كويسات بس مانعرفش زيهن او لا

وبالنسبة له لازم نفس الشي تنتبهي ع درجة الحرارة والوقت واللي جربتهن ماياخذنش وقت طويل

بس عندي سؤال ليش ياحبوبة تشري في مجفف الشمس احسن وصحيه اكثر

الجفاف الاغلبيه يستخدموا فيه اللي في الخارج

وانسيت انقولك لك وحشة

ايه فهمت عليك بخصوص الحراره اني نستخدم في حراره مرتفه بيش يجفو بسرعه ومع ذلك نبي اكثر من ساعه نستنى

باهي لي جربتيهم قداش يقعدوا حوالي

اني شريته لاني محتاجاته اني ما نحبش ننشر الحوايج في الهواء لاني نحب صنت الصابون تقعد فيهم وطبعا موتي وجنوني نخلي الحوايج يباتوا منشورات بره انحس في صنتهم تتغير مع الندوى وحتى في النهار زي ما قتلك اني ما نحبش ننشرهم بره

فاديمه ننشر في الحوايج داخل يعني في الحوش بيش تقعد صنتهم زي ما طلعتهم من الغساله بالزبط لكن المشكله اني حوشي مصقع هلبه الحوايج يطولو بيش يجفوا احيانا يقعدو بالثلاثه ايام بيش يجفو فكرت بندير حل يرضيني قلت خلي نشري جفاف لكن ما ننكرش انه عجبني تجفيفه خصوصا انه الحوايج يطلعوا كانهم محدادات لكن اني قلت خلي نسال لي تستعمل فيه تقولي قداش يقعدو عندها بيش يجفوا ولي عندها نفس ماركتي يا ريت تفيدني


حتى انتي يالغاليه ليك وحشه هلبه هلبه وخليتي مكانك في المنتدى لمه انقطعتي علينا

حبوبه كتب:

*أم الشيماء* كتب:

صباح الخيرا ت فى الليل
اولا مكثر دوتك ههههههههههههه
ثانى شئ انا مجربتهاش الجفاف لكن ا لما امشيت لليبيا شوفت امى عندها وحدة وصح تعطل وتكسر الرقبة
انا كنت مستعجلة بحوايج الصغار وحطيتهم فى الجفاف وندمت اطول
وبعدين جففت على الدفاية بسرعة هههههههههههههههههههههههه
لكن النوعيات منعرفش شنو فى فى ليبيا هنا احسن شئ نعرفها هى ماركة بوش



وان شاء الله يفيدوك الاخوات

صباح النور في الليل هههههههههههههه زيدي زيدي اتسهوكي تي باهي لي نخش في الليل بيش نحرسلكم المنتدى وانتوا ما شيين ومخليينه هكي هههههههههههههههههههه

شوره جفاف امك زي حالاتي

توا قلتيلي على جفاف بوش بعد ما شريت شن بندير بلي عندي ديريلي حل في اللي عندي مش اتقوليلي على ماركه تانيه

انديرلك حل خطيها فى المنتدى وبعيها هههههههههههههههههههههههههه
مافو فتحنا قسم السوق ههههههههههههههههههههه

ونبى انقولك الحوايج لما اطلعيهم من الغساله مبلولات طبقيهم كويس وحطيهم فى الجفاف يطلعو محددات مية فى المية جربى وردى عليا
حاجة صقع تعلمتها من الهولنديات

باهي ساعة كويسة مش واااجد انت تبي جفاف خمس دقايق ويجف هذا مايصيرش منه

عندي لك حلي انا كنت اندير فيه لما اكون عندي دبش واااجد

حطيهن في المجفف بعدها طلعيهن وخليهن ع المنشر باقي الليل وفي الصبح طبقيهن

وبالنسبة للريحه انا نفس الشي وسواس عندي انحب ريحتهن ماتتغيرش ولذلك نشري في المنعم ايكون ماركة كويسة

وتقعد الريحه فيهن ومانخليش فيهن بعد المغرب برا لازم انخششهن حتي لو مبلولات

والصبح انطلعهن ...وعلي فكرة في عطر ايبيعوا فيه للملابس اسمه فاكس حلوووو انا مازلت ماجربته لكن شميت

ريحته في ملابس اختي قالتلي معطر ملابس زي معطر الجو .....جربيه

صار انحطه في قسم السوق يا ام شوشو تي ماشي ماشي بيش تخنبيه

شكرا على المعلومه غدوى ان شاء الله انجربها انطبقهم كويس وبعدين انحطهم ونقولك النتيجه


مرام احيانا لمه يكونوا الحوايج قطن غلاط والا ادجين يقعدوا قريب ساعتين بيش يجفوا يعني يطول كنت نتمنى اقصي حاجه ساعه ويجفوا لكن يالله فيها خيره

شكرا على اسم المعطر ان شاء اللله انجربه مادام ريحته حلوه والله هذه المشكله نبي ريحتهم زي اول ما نطلعهم من الغسساله ما نحبش ريحت الجوا والغبره ودخان السيارت تكون فيهم
اني ديمه انغير ونحب نجرب مطعرات الملابس لكن حاليا مستقره على ver nel


ام خالد دخولك على الموضوع هو شرف ليا حتى اني لمه اتكون قطعه وحده ومستعجله عليها انحطها على الدفايه يمشي الحال لكن المشكله لمه اتكون دفعه صابون كامله

شكرا اخواتي الشيموات

واني مع مرام وام الشيماء احسن نوعية بوش بس حتى اني اطول بالساعة واكثر
بس مهما كان صح الجو برا مغبر بس الشمس افضل واحسن اني هني غير لان مافيش شمس والجو مش مضمون ننشر الداخل وصنة الصابون تقعد مفوحة الحوش كله مش الحوايج بس ههههههههههههههههههههههههههههه

ومبروك عليك يا خفاش المبدع ومجتهد اووووووووووووه
حتى هو الليل كله مقعمزة تحرسي

ههههههههههههههههههههههههه

مبروك لقب الخفاش المبدع ريتي ام الشوش شن يطلع منها

ام الحلوين صحيتي على الرد لكن للاسف اني خديت خلاص وحتى اني لاني ننشر داخل تقعد صنتة الحوش فايحه وحلوه لكن الايام هذه خلاص بديت لانشر لا شئ في الجفاف طول اريح هههههههههههههههههههههه كسوله

الله يبارك فيك زعمه من اول من اخترعه اسم الخفاش هههههههههههههههه

مرام الله يبارك فيك اسمعي اللقب مجاش بالساهل راهو حتى هو طول الليل واني حارستلكم المنتدى ههههههههههههههههههههههه