والله عييييييينا واحنى نادووووووو كبدنا طابت

تذكير بمساهمة فاتح الموضوع :

كيف حالكم يارقدات
عارفه الموضوع مايبي حد يرد عليه
اللي مارحم ربي

بالله عليكم علاش خاشين ومشتركين فيه المنتدى
مدامكم مش فاضيات اللي تقول مشغولة
واللى تقول جهازي فاسد واللي تقول محصلتش فضوه نخش
واللي تقول الاشتراك تم وتقعد بالاسبوع باش تعبيئه
حتى المديرة معااش تخش زي قبل

الحق الحق غير الواحد دار كبد عليه المنتدى كان هذا حتى أني خلي ندرق وجهي
قاعدة بروحي نتصنت في عظامي
وام الشيماء المواضيع اللي مكدسيتيهم فوق وتبيهم يشاركو فيهم
تي هما وينهم العضوات وحتى المشرفات
ماهناك حد

ياريت تهتمي بيه المنتدى وتحطي اوسمه وتشجيعهم البنات

ونزلي مسابقات وجوائز رمزية للعضوات باش ينشط المنتدى الراقد

وتشددي على المشرفات بالالتزام
لأنه المنتدى أمانة في رقبتك ورقبة كل مشتركة فيه

عاد نوضو ياسركم تنبله
..

الله يحفضك ام لين

الله يبارك فيكم وربى مايحرمنى من صحبتكم
ربى يصبرنى على اختى الغالية حميدة يار ب
اختى لكبيرة اليوم سألتنى على حميدة وقلتلها توفت انصدمت
رغم هى ماتعرفهاش
لكن لما نمشى لليبيا نحكيلهم ان فى وحدة راده بالها على المنتدى هى زى نفسى
عمرى ماغبت الا وتتفقدنى
ربى يحفظ اخوات ومايحرمنى من صحبتكم

ام الشوش ربي يحفضك

اه جيتي على الجرح الحساس ياهدى بفتحك هذا الموضوع

اني لمه توفت امان لقيت روحي كل ما نخش للمنتدى نقعد نبكي طول الوقت لان مكانها فارغ هلبه ومستحيل حد يعبيه لكن لمه تفكرت قادش تتفقد فينا بالوحده وقداش تتمنى ان المنتدى يرتقي ويتعبى بالمشاركات قلت ان شاء الله بندير جهدي في عدم التغيب وقاعده كل ليله نخش للمنتدى نبكي لا فراقها مش ساهل

من الصعب جدا يا امان ننساك من الصعب لكن ان شاء الله ربي يصبرني

اخواتي ارجوكم ما تنسوهاش في الدعاء اثناء السجود وهذا اقل مانقدموه ليها

حبوبة ربي يحفضك

حميدة كانت روح المنتدى انى نفسى مطمئنة على المنتدى بوجودها حكم عندها فراسة وشجاعة وشخصية وقوية الله يرحمها ويصبر كل من حبها وعرفها حميدة كسبت ناس واخوة فى الله باخلاصها للناس واخلاصها لدينها

انى لما مات بوى الله يرحمها عندى خوى ملتزم الله يتبت على الدين لقانى نقول بوى كان وكان وكان قاللى بوك توة مات وقامت قيامتها بلغة الدين يعنى القبر اول منازل الاخرة ام روضة من رياض الجنة او حفرة من النار فانتى اخدمى مادامك حية لروحك كيف تستقبلى الموت وكيف تبعدى على كل مانهاك الله عنى وتتبعى طريق السلف الصالح

المهم حميدة خدمة على اخرتها انها كسبت اخوة فى الله لاينسوها ابدا والحق ليها مكانة فى قلوبنا وهدى من نعم الله عليها حب الناس من حب الله ويكفى انها اكتر وحدة تتفقد فينا من حبها لينا الحمد لله ياخواتى اللى عرفنا خوات يخافو ربى ويحبو الخير وهدى من فضل الله علينا

الله يفتح على ام الشيماء ويعوض ام الشيماء خير وحميدة من احبها يدعو لها فى ضهر الغيب يتصدق عليها ويتدكر كل لقطة جميلة معها
الى ان نتلاقوا معها وكل احبابنا فى جنات النعيم والمنتدى فى رقبة الجميع ديرو بالكم عليه وان شاء لله يرزقنا بخوات فى الله يزيدو ينشطونا ويكونو خير منا يارب عوضنا خير فى امان حميدة يارب عوضنا خير يارب

اللهم امييييييييييييييييييييييييين

امين يارب منورة علي هلكلمات جنان

حميدة الله يرحمك يا اختنا الكبيرة نتلاقو في الجنة بئذن الله

آه على فراقك ياحميدةأخولتى أنتم ليكم أيام تفضفضوا أنى هذا وين قدرت كنت نقرأ فى كلامكم ونبكى واليوم نكتب ونكتب ونبكى
أن شاء الله نأخذوا بوصيتك ياحميدة كانت تتفقد كل من تغيب
واليوم أحنى فقدنها لغيابهاالابدى

كوني في روحك ام ماب والله ايصبرك ويحفضك ويرزقك الجنة

اللهم آمين
مشكورة هدى على الموساة

ربي يحفضكم ويرحم حميدة برحمته الواسعة

اللهم امين حلم ربي ايوفقك في دراستك وتنجحي

ان شاء الله سلمك وربي يحفضلك صغارك ان شاءالله ويعطيك الصحة

اللهم امييييييييييييييييييييييييييييييييييييييييييييييييييين

ربى يرحم والدك ياجنان ويغفره وربى يصبرنى على امان واجعل مثواها الجنة
اللهم ارزقها دار خير من دارها وارغفر لها وارحمها \

حميده ان شاء الله ربي يغفرلك ويرحمك ويجعل مثواك الجنه

هدى بارك الله فيك

بارك الله فيك وخيتى راجية العفو والله نفس الشعور وكأنك قارية ما فى قلبى ربى ما يحرمنا من كلامك الطيب وحسن أخلاقك انت وكل الأخوات ويجعل محبتنا فيه سبحانه وتعالى ويرحم آمان ويسكنها الفردوس الأعلى اللهم آمين يارب العالمين

اللهم امين ربي يحفضكم

إن لله وإنا اليه راجعون