قناة الجزيرة هي إحدى قنوات الشر والفتن

انا نبي نقول حاجة وحدة نحنا اعلام معندناش عشان نظلم الجزيرة اولا ما ياتي اليها عن طريق الموبايل والنت فقط ونحن من ليبيا من يراسلها نحن نقصد الشباب الثورة لاتظلم الجزيرة لولاها لاابادنا الطاغية ما يشعر بينا احد صدقيني

شوفو نبى انقول رساله لكل الليبيين فى ليبيا
لو لا الجزيرة ماصار فينا اللى صار ولله الحمد
اول ماقامو الثورة فى بنغازى مافى حد سمع بيهم وبعدين اتصلو شباب من بنغازى باهليهم فى اوروبا ومنها نحن اللى فى اوروبا
ومنها راسلنا لجزيرة وكل الناس اللى فى بريطانيا وكندا والمانيا وكل الدول الاوربية شجعناهام لانه من زمان المفروض كان يصير اليهودى ماليشى مكان بيننا
والله لو فى تمتال للجزيرة كنت علقته فى رقبتى
كلمة الحق تقال

لولا الجزيزة راهو المجرم السفاح اباد بلادنا خبر لايصدق

لان الغرب ليبيا وهى طرابلس ماعندهم شئ ومايشوفو فى شئ لو الجزيرة كيف ماتقولو عليها
علاش تشفرت لانها الواقع لكن توا غيرنا على العربية توا انشوفوه شنو يدير المطروشق المهبول
والله صدق وجدى غنيم كيف قال هذا اهبل عبيط ويستهبل
والعريفى قال الموت شووية فيه

لا اله الا الله شيماء ... ما فهمتش الموضوع

يا اخواتي قناة الجزيرة اكبر قتانة في الارض كلامك صح يا امان اني ساكنة في طرابلس في حاجات تكتب فيها الجزيرة علي فشلوم وعلي جنزور قدامي نقرا ونكلم حماتي في فشلوم تقولي اني طالعة نشري في حاجات ناقصة للحوش والله ماتقولوش اني مش واقفة مع المعارضين يا ناس لاكن هدا الصدق اول امس تريا او اشبح مني كتبت موضع مدرس الجتة متاعه لقوها ملوحة في فشلوم اتصلت بولد حماتي وقلتله في منها الدوة هادي او لا قالي لا والله مانكدب عليكم لاني مش مستفيدة شي هدا الصدق اني مانقوللكم انه مافيش قتل اوشي من هكي يعني في لاكن والله الجزيرة تزيد في الكدب هلبة مش شوية ومعلومة نبي نقولهالكم اني الجزيرة والعربية ليا 4 ايام مافتحتها ماتقلوش اني مايهمنيش لا لانها بلعاني وتحرقلنا في دمنا وتزيد فينا الحقد علي بعضنا اواني نسال في كل مكان انتم بعاد ماتشوفو في شي والي يوصللكم اغلبيته كدب في معارضين وفي مؤيدين لاكن مافيش جرايم زي المعروض في الجزيرة والله علي ما اقولوهو شهيد

امورة انت اللى بعيدة مش حنى
البريقة واجدابيا او بنغازى او فشلوم كلها ليبيا
طرابلس هى بس اللى مسكته
لانه محاصرة ومافى حد يثدر ايدير حاجة فيها لانه راس الحمار الكبير فيها
امشى شوفى بنغازى
حتى هى ليبيا
وان شاء الله الفيديوهات كلها عندى الضرب فى الليل وبس
انا عندى فيديوهات فى السياحية جنب محل البصريات صرب والجته يكرو فيها خايفين من الجيش ياخدو الجتة اقسم بالله شئ يقطع القلب
انت وغيرك
ياسرنا 42 سنة
لما مصر قامو راية يسقط حسنى مبارك كلكم سبيتوه وتمنوتوله الموت حسنى مبارك وعلى داره لشعبه شنو تقولو على داره فينا
انا كنت وحدة منكم لاعلم لى بشى لعند ماجيت لاوروبا وعرفت حاجات معمر اليهودى مسكرلكم عيونكم
لو يحبكم مكانش يقوللكم جردان
او يقوللكم شنو تبو تانى تاكلو وتشربو ياسركم
هذا حمار كبير
الجزيرة مافى حد ينكر انهاماتبالغش اكيد تبالغ والبقوى لكن فى صالحنا
وتحيا الجزيرة

أم الطيور بارك الله فيك على الشهاة الطيبة
وحتي أني زيك قداش مرة نسمع قصف في تاجوراء مع أني ساكنة فيها والله لين نقول شني طرشة أني ولا مش ساكنة فيها
وينه القصف وينه الضرب كذب × كذب وكله من الكذابين اللي يتصلو بالقنوات ويكذبو عليهم والقنوات تصدق فيهم وهذا كله من قلة المراسلين الليبين كان فيه مراسلين مايصيرش هكي
ربي ينتقم من كل محرض وكذاب
وام الشيماء أنتي تتكلمي من هولندا لو مش خايفه على عمرك خافي على وامك وخوتك وناسك
مش لائق نهائي ردك باعتبارك مديرة منتدى ومازال الازمة في أولها ومادرتي على الدنيا شني داسه

انا منبيكمش تردو على مواضيعى اللى يقدر يرد واللى ميقدرش ميردش
الوقت توا مش وقت ردى او مترديش انا نبيك تتصقو وتشوفو المية اللى تجرى تحت رجليكم
القصة مش قصة جزيرة او عربية
القصة مناصرة اهلنا فى ليبيا
القصة دم الشهداء
انتم تقولو ياحسنى مبارك شعبك مايبيكش اقلب وجهك ونحن فى ليبيا انقولوها بالسلمية ياقائد الثورة ارحل ارحل ارحل
وبعد هذه الكلمة
اصبح 6000 ستة الاف قتيل تعرفى شنو معنى 6000 قتيل
يعنى ليبية اصبحت شعب للعبيد والمرتزقة وباى عليكم
انا لو منحبش بلادى كنت انقول طز فيكم انا عايشة فى هولندا ونجيب اهلى وخواتى وطز فى الباقى
لكن كلمة الحق لااااااااااااااازم تطلع خلاص طفح الكيل كنا نراجو فيها من زمااااااااااااااااان
وهذه بلاد كل المهندسين فى اوروبا والدكاترة فى اوروبا المحامين فى اورويا علاش القهر هذا
ليش ميكونوش فى ليبيا وتكون بلاد فى تقدم وخير
منو السبب فى غربتنا منو السبب فى فساد اولادنا فى ليبيا
انت اول وحدة ياامان كنت تهزى على الشعب الليبي والحمامات والوسخ اللى فى ليبيا شنو يخليهم يديرو هكى الا الفقر
الشيخ العريفى قال الشعب الليبى عايش عيشة فى تدنى والنفط عايشين بيه اولاده السفاحيين والدول الاوروبية
ياسركم فيقو

هدا الكلام كله يا ام شيماء عارفينه والله وعارفين الجهل الي احني فيه لاكن معقولة هكي يصير فينا بدينا مرعوشين معاش يجينا المنوم انتي عارفة شن معني قيمة الامان اهم شي اهم شي بعد ماريت الامان ياناس انتم عايشين برا مش عايشين معانا شن تقولي علي الي في بنغازي والله ياتوتو قريبة حماتي بنغازية قالت احني مانبو لا فلوس ولا يطلع معمر ولا شي نبو الامان تعرفي قيمة الامان وماتقولوش اني نبي معمر او شي من هكي لالالالالا مانبيشي لاكن هدا الصدق ناكلو احسن ماكلة واحسن لبس واحسن عيشة اقسم بالله واتات حوشي الحمد لله الحمد لله الحمد لله بديت نخاف نطلع مش توا توا الحمد لله اول ماصار الحرب واني نبي نقوللكم حاجة معمر لايوكل فيا ولا يشرب فيا يعني لا اني ولا راجلي ناخدو في معاش زوجي يبزنس في سيارات لاكن كل يوم يدخل في ماكلة والحمد لله حرام الناس الي تموت هادي كلها علااااش هكي اني نبيكم تفهمو مني مش تحرجو مني اني مايدتكم في كل شي لاكن بعد ماريت ياناس ياعالم الامااااااااان اسعو للخير اسعو للكلمة الطيبة وبعدين انتم عارفين ان الجزيرة هي السبب في موت 6000 قتيل هي الي سببت في الفتنة بين الشعب بنغازي بدو يقتلو في بعض علاش كنا كويسين والله ياسرنا والله اني نكتب ومتاترة علي صاير والله ربي يرحمهم معلومة طرابلس كلها شوية منها بس يبوه الباقي لا مايبوش لاكن يبو الامان يبو يرقدو وهما مستريحين ونبي نقوللكم حاجة المصريين مش كلهم مايبوش حسني مبارك لاكن الجزيرة هيا الي خلاته يطلع الفتنة والدوة وتونس نفس الشي شوفو تونس لا ماكلة ولا شراب والجزيرة جوها مليح تاكل وتشرب شوفو مصر مادارولهاش حل مازال مازال احني غير كان يخلونا في حالنا سايوره يموت وربي هو الي ياخد الحق مش العبد

الدوة معاكم على الفاضى
توا يجى وقته ونفتح الموضوع

تم القفل
خلونا على الازياء والاكلات ورجيم