الساكت عن الحق شيطان أخرس

موضوع: الساكت عن الحق شيطان أخرس 2011-09-24, 10:10

أخواتي الكريمات

أخواتي الليبيات بنات الأحرار

بصراحة في موضوع حابة اتناقش فيه معاكن وهو موضوع مأرقني من فترة واعتقد أنه لو استمر فإن الثورة لم تؤتي ثمارها الفعلية وهو نذير سيء على مجنمعنا الجديد الذي نطمح له........

الموضوع وبكل صراحة هو ان أغلب المحلات وليس الكل ولله الحمد ولكن والله الغالبية العظمى تبيع مواد الاغاثة التي وصلت للبلاد من الدول الشقيقة والصديقة!!!!!!!!!!!!! فهل هذا يجوز؟؟؟؟؟؟؟؟؟؟؟؟؟؟؟؟؟

يعني مواد وصلت للبلاد من اجل مساعدة من يحتاجها ليتم توزيعها على كل محتاج بل على الشعب كله, وخاصة أن الكثيرين كانوا عاطلين عن العمل في تلك الفترة او عندهم مصابين استنفذوا مدخراتهم او او أو ونرى محلات تبيع هذه السلع بكل عين قوية!!!!!!!!!!!

بصراحة هذا التصرف يطرح عدة تساؤلات.........

هل كانت ثورتنا بلا هدف؟

هل ذهبت أرواح ودماء شهداءنا هدرا؟

هل هذا الانسان الذي سولت له نفسه بيع مثل هذه السلع يفرق شيء عن ذلك المرتزق او ذلك القاتل الذي قتل اخوك او ابوك او ابنك او احد أقربائك او جيرانك؟ أليسوا كلهم مصاصوا دماء؟

هل هذه ليبيا الحرية والعدالة التي نريد؟

هل هناك اختلاف بين الان والعهد البائد , غير المعاناه التي عاشها كل من على أرض ليبيا, من بشر وحجر وحيوان ونبات؟

هل هذا المستقبل الذي نريده لأولادنا أن نعلمهم الاستغلال وعدم الرحمة؟

بصراحة...............

أعجز عن اكمال الموضوع ولكن الحرية في التعليقات...

ولكن ما أتمناه منكن أن كل واحدة منكن تعرف احدا في المجلس المحلي في مدينتها ان تتحرك

وتبلغ عن هذه الفعلة الشنيعة والتي أعتقد ان لا احد غافل عنها ومن هنا تأتي صدمتي!!!! لماذا الكل ساكت عن هذا الأمر؟

ولاتنسين ان الساكت عن الحق شيطان اخرس ووالله لم أرض على نفسي ان اكون شيطانة في ثوب انسانة وخاصة في مثل هذه الظروف الصعبة, وتذكروا حديث رسول الله عليه أفضل السلام والصلاة: من رأي منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الايمان.........

ليس أفضل من الآن وقتا للتغيير فنحن نعيش زمن الحرية أليس كذلك؟؟

أترك الحوار لكن على أمل التفاعل

السلام عليكم ورحمة الله وبركاته

ام خالد موضوع في محله

نحن نسعى الى ليبيا الحرة ليبيا الاخوة ولكن ما زال هناك مصاصين الدماء باقيين من عهد القدافي يستغلون الاغاتة والمساعدات ليس الكل ولكن يوجد افراد وانى قبل قليل شاهدت برنامج في ليبيا الاحرار على نفس الموضوع وقالو انه فيه حاجات واضحة انها للاغاتة متل المية الما لطية والدحى القطرى وجدوهم في المحلات وهما كانو للاغاتة وقالو انهم حيعلنو على ارقام هواتف للتبليغ على هده المحلات
وعلى فكرة المسؤولين على توزيع الاغاتة شباب 17 فبراير ربي يعطيهم الصحة حريصين على توزيعها على المستحقين ولكن هادم الاقلية هما ياخدو ويرجعو ياخدو لين يجمعوهم ويبيعوهم
وربي يهديهم ان شاء الله لانه والله فيه ناس مستحقة ودخلهم واقف ومش لاقيين ما يصرفو وهما مستحقين الى هده الحاجات

انى عندى خوي تبع لجنة الاغاتة والله يحكيلى قال يوزعو في حليب الاطفال والحفاظات قال لقينا نفس الاشخاص اللى تتردد وتاخد فبدو على كل شخص لما يجى بيستلم الحليب والحفاظات يجيب معاه كتيب العائلة ويسجلو فيها تاريخ الاستلام ومعاش من حقه يولى يا خد الا بعد خمسة ايام وقال هكى بدت تتنظم التوزيع ومعاش فيه استغلال ونتمنو انه كل المناطق هكى يديرو
وربي يهدى الجميع ان شاء الله وينقصو هالاستغلال

بارك الله فيك ام خالد على طرحك للموضوع

ام ايوب كتب:: السلام عليكم ورحمة الله وبركاته

ام خالد موضوع في محله

نحن نسعى الى ليبيا الحرة ليبيا الاخوة ولكن ما زال هناك مصاصين الدماء باقيين من عهد القدافي يستغلون الاغاتة والمساعدات ليس الكل ولكن يوجد افراد وانى قبل قليل شاهدت برنامج في ليبيا الاحرار على نفس الموضوع وقالو انه فيه حاجات واضحة انها للاغاتة متل المية الما لطية والدحى القطرى وجدوهم في المحلات وهما كانو للاغاتة وقالو انهم حيعلنو على ارقام هواتف للتبليغ على هده المحلات

مرحبا أختي أم أيوب ونورتي الموضوع والتقاش, خسارة ما شفت البرنامج لأنه هذا الموضوع شاغلني لأنه أسوأ شيء عندي استغلال حاجة الفرد, ولو تعرفي له اعادة أرجوكي خبريني عنها واسم البرنامج, ولأول مرة اعرف انه فيه بيض قطري, بحان الله إماله البيض ليش غالي ؟ ولاتنسي الحليب التركي ينباع عيني عينك وبأسعار تصل للدينارين وربع , وان شاء الله الشعب لايرضى بهذا الاستغلال ويبلغ عن مثل هذه المخالفات لأنه في ناس ماتيجي غير بالقوانين والعقوبات الصارمة لأنه الضمير عندها في إجازة مفتوحة

وعلى فكرة المسؤولين على توزيع الاغاتة شباب 17 فبراير ربي يعطيهم الصحة حريصين على توزيعها على المستحقين ولكن هادم الاقلية هما ياخدو ويرجعو ياخدو لين يجمعوهم ويبيعوهم
وربي يهديهم ان شاء الله لانه والله فيه ناس مستحقة ودخلهم واقف ومش لاقيين ما يصرفو وهما مستحقين الى هده الحاجات

[color=blue]
وأنا هذا اللي مجنني أني واثقة أن المسؤول عن التوزيع هم الثوار طيب من أين أتى هذا الخلل؟؟؟؟؟
معناها فيه متسلقين على الثورة يجب بترهم من الآن والانتباه لهم, وكل في مكانه ينظف البلد من هذه الأشكال
[/color]
انى عندى خوي تبع لجنة الاغاتة والله يحكيلى قال يوزعو في حليب الاطفال والحفاظات قال لقينا نفس الاشخاص اللى تتردد وتاخد فبدو على كل شخص لما يجى بيستلم الحليب والحفاظات يجيب معاه كتيب العائلة ويسجلو فيها تاريخ الاستلام ومعاش من حقه يولى يا خد الا بعد خمسة ايام وقال هكى بدت تتنظم التوزيع ومعاش فيه استغلال ونتمنو انه كل المناطق هكى يديرو
وربي يهدى الجميع ان شاء الله وينقصو هالاستغلال

بارك الله فيك ام خالد على طرحك للموضوع

[color=blue]

بارك الله في أخوكي وكل الشباب الأحرار وفيكي يا أم أيوب على تفاعلك مع الموضوع, ولابد من النظام ولا بد أن نثبت لأنفسنا قبل العالم أن الثورة قامت لهدف نبيل وهو الحرية والعدالة والديمقراطية كما قال عبد الجليل, وان شاء الله يكون منبر سيدات الشيماء, وهذا المنتدى الطيب له تأثير قوي على هذه الظاهرة وخاصة بعد أن نكثف جهودنا وكل وحدة تقوم من عندها بشيء ياهم في بتر هذه الظاهرة....[/color]

ويبارك فيك يا أم خالد ويبارك فى أولادك

لكن ماتخافبش بدوا يفيقوا بيهم وفيه هلبة أجراءت ضدهم

هما أصلهم من بقايا النظام الفاسد

لكن ماشا الله على شبابنا الثوار مش مقصرين

وان شاء الله يقضوا عليهم قريبا

بارك الله فيكي أم ماب

فعلا المطلوب القضاء عليهم سريعا وعلى شرهم

بارك الله فيك يا ام خالد فعلا صاير زي ماقلتي ويمكن يكونوا من بقايا النظام الفاسد ويمكن ناس استغلالية او متخافش ربي في الناس

لان ثورتنا ثورة شعب كامل وخاصة توا فيه فراغ في الحكم والامن فمش من الساهل ان تسيطري على كافة الشعب وخاصة ان كل الوزراء وكل المسؤلين تقريبا على نفش شاكلة النظام حاشا البعض منهم ولكن الحمدلله الثوار والشباب الفايقين بدوا يسيطروا على الوضع وحيشدوهم واحد واحد وربي يهدي الناس اللي ماتخافش ربي

أم الحلوين

الحمد لله انا لا أرى فراغا في الحكم ولله الحمد وبدليل ان المدراس فتحت أبوابها, حتى لو كان على نطاق محدود, المشكلة كما أراها مشكلة أشخاص وشعب وليس حكومة, يعني لو كل واحد وجد سلعة من سلع الاغاثة تباع في المحل المجاور له تكلم ولم يسكت وحاول أن يصلح المر حتى لو اضطر للإبلاغ عن اسم المحل, صدقيني لو أغلق محل أو اتنين بسبب هذا التصرف, لن تجدي هذه الظاهرة بعد اليوم.......

الموضوع يحتاج اجراء صارم والشعب الآن هو عين الحكومة, لأن الثوار حاليا مشغولين في تأمين الحدود واستتباب الأمن, لابد من تكاتف الجهود ومنع مصاصي الدماء كفاية كل هذه السنين................

طبعا من بيدير هكي الا الفاسدين الطحالب
قالك خايفين من البضاعة تبع الاغاثة بالك قطر ديرتلنا فيها حاجة هههههههه والله هكي سمعتهم بودني في مجلس
عطيهم سم ياريت يديرولهم حل ويريحونا منهم بديد نكره نطلع
هم خافين البضاعة يكون فيها شئ ما يبوش يكلوها لكن عادي يبعوها مش مشكلة مانيش عارفة بتغنيهم ولا شني
ربي يحفظ البلاد من هكي نمادج فاسدة
مشكورة ام خالد

هههههههههههههههههه ضحكتينى يا دنيا المحبة

فعلا عذر أقبح من ذنب, هذا الانسان لما يبرر لنفسه التصرف الدنئ, طيب هو لما يبيعها لمين بايعها؟ لأولاد بلده!!! أشكرك على اضافتك دنيا المحبة وبارك الله فيكي

أم ماب كل ما دخلتي الموضوع نورتيه

بالعكس يام خالد مافيش امن ومافيش من يحبس والمجلس مشغول والثوار لاهين في تحرير المدن والحدود فمن بيحاسب الحكومة شئ صارم فيه فراغ وفراغ كبير والدليل التخبط اللي صار في تشكيل حكومة مؤقتة لان كم من واحد مش عاجبه او كم من مدينة الناس يحكوا ان مافيش رجال شرطة في الطريق الثوار هم مسؤلين على الامن ومع هذا السلاح منتشر فمن الصعب تسيطري على الشعب واكيد فيه هلبا ما شاء الله عليهم راقبوا وشدوا بس مازال فيه فراغ صعب تقولي الشعب هو الحكومة لانه شعب كامل وكل شخص وتفكيره وتصرفاته فيه ناس متخافش ربي وفيه ناس حيادية وفيه ناس تراقب بس نرجع ونقول كلهم اللي يديروا هكي ياكلوا النار في بطونهم وبطون اولادهم وحيلقوه قدامهم باذن الله وربي يحفظ بلادنا من كل سوء

ربى يهدى

انا هذا وين سمعت بالموضوع

مش عارفة كيف واحد يرضى ياكل مال حرام ويوكله لصغاره

ختى موضوع بيع السلاح والمسروقات حطالى خوى والله صدمنى

ربى يحفظ بلاااااااااااادنا

وفى حاجة بنى انقولها وربى يسامحنى لو كنت غالطة

التبرعات اللى توصل من الدول العربية او من اوروبا

وانا نبى نتكلم على اوروبا اللى انشوف فيه بعينى

واللى نعرفه 100% مثل بريطانيا او كندا والمانيا وهولندا وبلجيكا فرنسا ايطاليا والسويد التبرعات اللى توصل لليبيا من هذه الدول هى من مال الليبيين

نحنا مدايريين منضمات ونجمعو فى الفلوس ونشرو فى سبارات اسعاف ومواد طبية وكراسى المعاقين وفى ناس لليبيين والله كل شهر تقريبا يحطو فى مبالغ خيالية لخاطر بلادهم وهذه التبرعات توصل لليبيا

فى مرة فى قناة الجزيرة كتبو خبر اول شاحنة تبعات من بريطانيا تصل الى ميناء بنغازى ويكتبو الحكومة البريطانية مافيش منه الكلام هذا

التبرعات كلها من الليبيين اللى فى ليبيا

لكن منتكلمش على قطر والامارات لانى منعرفش حد الحق وجميلهم فوووووووووووووووووووووق راسنا

https://www.youtube.com/watch?v=Y2_Mvw9wMrY

وهذه سيارات الاسعاف من السويد

https://www.youtube.com/watch?v=hHUcIWLl7Cc

https://www.youtube.com/watch?v=u8UQZ9xFnkU

من بريطانيا

https://www.youtube.com/watch?v=-HaNdnAlbEg

هولندا
يجمعو قريب بالسنت من المساجد من المحلات مافى مكان الا وجمعو منه وراجلى معاهم ههههههههههه راكم تنسوه هههههههههههههههههه
https://www.youtube.com/watch?v=R7CJhdo7HBc&feature=related

ومااااااااااااااااااااازال

أم الحلوين

ربنا يستر ويرجع الأمن احسن من قبل, وفعلا من يفعل ذلك فقد رضي بالحرام والعياذ بالله.......

أم الشيماء كلامك صح لأني مرة سمعت في الأخبار وشفت في بلد اوروبي بصراحة نسيته, أن الليبين مشوا باخرة معبية بمواد الاغاثة والأغذية لبنغازي أو مصراته لا أذكر.....

سبحان الله شوفي الفرق بين من يبذل الغالي والنفيس لبلده وبين من يأكل السحت في بطنه,,,,,,,,,,,,

بارك الله فيكم أخواتي

العالم كله لازم يعرف بهدا لانه اوريا وانا بنحكى على هولندا مستحيل تعطى حاجة فى سبيل الله هما يعرفو ربى اصلا

لازم بالفلوس او ينقصولك شويا فى تمن الادوية والسيارات الاسعاف والكراسى المتحركة لكن تطوعى ولا تحلمى

الساكت عن الحق شيطان أخرس 810285

*أم الشيماء* كتب:: العالم كله لازم يعرف بهدا لانه اوريا وانا بنحكى على هولندا مستحيل تعطى حاجة فى سبيل الله هما يعرفو ربى اصلا

لازم بالفلوس او ينقصولك شويا فى تمن الادوية والسيارات الاسعاف والكراسى المتحركة لكن تطوعى ولا تحلمى

فعلا معك حق يا أم الشيماء

حتى زوجي قاللي المساعدات اللي تيجي من برة من دول اجنبية هي باموال ليبين, يتفقوا مع المصانع ويبعتوا لليبيا, لكن سبحان الله هم يبعثوا فيها وهنا في الداخل تنباع, معقول اللي برا قلبوا على أهله واللي في الداخل, همه الفلوس وشايف شعبه يعاني, والا الشعب تعود على المعاناه والظلم وشافها حاجة عادية؟؟؟؟؟؟؟؟؟؟

» كيف كان أنسان وأصبح شيطان
» حارس القذافى الشخضى : القذافي شيطان.. لا يصوم ولا يصلي
» انشودة العفاسى ((الحق بكتنى))
» قولة الحق يراد بها باطل
» اكسسوارات بسيطات وحلوات الحق