كيلو مكياج وترتدى ماتسميه الحجاب

السلام عليكم

موضوعى غريب

انا نشوف ونسمع على بلادى ليبيا فى التلفزيون وبس يعنى انتم عايشين فيها وعارفين اكثر منى

انشوف فى حرائر ليبيا النساء ماشاء الله عليهم لكن فى شئ واحد يجنن فيا هو

المكياج وما يسموناه بالحجاب

علاش كل هذا المكياح كيلو مكياج على وجها ومع هذا تشوفيها بالحجاب ونص شعرها فى الشارع والله انه عااااااااااااااااااااااااااااار

علاش

شوفو هذا الفيديو وانتم تحكمو

كابرنامج ومعرض ماشاء الله عليهم وربى يزيد ويبارك

وربى ينصرهم ان شاء الله

لكن والله شوفت الفيديو انصدمت من المكياج والعرض الازياء اللى دايرنه

اخواتنا

والله لو كل وحدة فينا عندها صديقة او جارة او اخت او هى نفسها تلبس فى الحجاب المتبرج انها تراجع نفسها وتشوف الحجاب الصح وتستقيم لكانت امة صالحة

وتكسب اجر كبير عند ربى

نبى اقترحاتكم اخواتى فى هذا الموضوع وخصوصا فى هذا الفيديو

https://www.youtube.com/watch?v=SBUU_HYWUYI&feature=player_embedded

للأمانة لم أرى الفيديو بعد لأن النت ضعيفة جدا جدا اليوم

ولكن انا عارفة عن ايش تحكي يا ام الشيماء, عموما لو لم تكوني تعرفي القصة - يعني الغرّة -الي طالعه من جنب الحجاب او الوشاح أصبحت حاجة أساسية لكل فتاة تقريبا, السبب؟ لا اعلم على وجه التحديد بس أعتقد والله اعلم أنها عينة عن باقي الشعر المغطى بالحجاب ليرى الشباب نوعية الشعر واللون!!!!! هل هناك تفسير آخر؟ يمكن....

أما المكياج أصبح عند أغلب الفتيات ضرورة ملحة, لماذا؟ يمكن ليخبّوا فقر الدم البادي على وجوههن يعني أليس أسهل أن تضعي الأبيض والأحمر على خدودك من أن تهتمي بنظام غذائي متوازن؟ وخاصة أن اغلب شبابنا بدأوا يتجهوا للفاست فود والأغذية من خارج المنزل, يعني المكياج بيغطي النقص الحاصل في الفيتامينات والهيموجلوبين وغيره, هل هذا السبب؟ الله أعلم, لأنه مش معقول وحدة اطلعت ربها من ناحية ارتداء الحجاب ومن ثم خلعته بطريقة غير مباشرة من خلال تبرج كامل. يعني هل كانت المشكلة في الكم شعرة اللي فوق الراس؟ لا اعتقد.....

معليش أعتقد انني تناولت الموضوع الموضوع بطريقة ساخرة شوية ولكن صدقيني لا تخلو من المصداقية, لأني زيك والله يا أم الشيماء مقهورة منه, وخاصة مقهورة من الأهال اللي غاضين الطرف عن بناتهم........

عموما يا أم الشيماء هي نفسيات وقناعات ومسألة ايمان هل هو ضعيف أو قوى أو نص نص وليس أكثر, وبعدها مسألة ثقة في النفس انتا عارفة حالك بترضي ربك ليرضى عنك إذن مايهمك رأي غيرك أو أي موضه أو أي تعليق....

كيف حالك ام الشوش
والله الموضوع حتى انا مجنني ونقول ليش متعبة حالك ولابسة الوشاح هو مش مكياج وبس
حتى البس ضيق ومخصر مرات البنطلون قريب ينفلق عليها ولابسة وشاح خلي القصة اللي برء تشم في النسمة
انا من رائي تخلي شعرها كله برء بلا متشقي روحها على الفاضي
خلي نطلعلك من الموضوع شوي بس مش بعيد عليه بدي الشيخ يفتي للمشاهدين وقدامه المذيعة مقعمزة بكامل زينتها
ترى قوليلي كيف المرأة حتى هي مازال بتفهم لحلال من الحرام والشيخ نفسه مش مطبق دينه مزبوط
ربي يهدي بناتنا ونساءنا
محلاها الوحدة لما تلبس حجابها كامل وتخلي وجهها على طبيعته
ما علينا غير النصح ما استطعنا وربي هو الهادي لسواء السبيل

ربي يهديهم ان شاء الله

مرات تشوفي مناظر في الشارع لين تحسابي روحك مقعمزة في حفلة من ناحية المكياج وحتى اللبس

موضوع غاية فى الاهمية مشكورة أم الشيماء على طرحه

هو مكياج وهواللبس الضيق وهو الشعر الباين

وفى الاخير حاطة هضاك الوشاح الشفاف أهو أسمى متحجبة

هو غير الوشاح بس لايعتبر زى حجاب

والبنطاون والبدى بالله عليكم كيف هذا حجاب ؟؟؟؟

والمكياج تقول صدارة العفو وين ماشية ؟؟ل

فى الشارع والجامعة والسوق والمدرسة

مش عارفة هذوا وين أهاليهم وأزواجهم المتزوجات؟

المكياج فى النهار والشمس يحرق الوجه ويفسد البشرة

والجمال جمال الروح مش المنظر

امس مشيت لمهرجان فى مدرسة فتاة الثورة فى شارع الظل

حدث ولا حرج على اللبس والمكياج شىء مش مرضى بكل

الله اكبر الله أكبر الله أكبر لا إله إلا الله

الله أكبر الله أكبر ولله الحمد

سرحت شوية مع جامعنا وأصوات التكبير

[b]الفيديو ما باش يفتح بس قصة المكياج هذه مشكله ربى يهدى الجميع

تمنيت شوفتو الفيديو

وكيف تشوف للكاميرة شئ يحشم مرات انقول والله يضحكو عليهم شوفو التعليق تحت الفيديو الراجل كاتب هذا معرض او تستعرض

ياريت انديرو حل لهذه المشكلة او سوف تتسرب للاجيال القادمة وتصبح ليبيا فى المكياج مثل الدول العربية الاخرى حاشا الصالحات

انى شفته الفيديو يا ام الشيماء

لكن لاتعليق ربي يهدى وخلاص انى لما نشوف وحدة هكى في الشارع لين انى نتحشملها

الخطأ عندما يصبح عادة يومية هنا الطامة الكبرى وهنا المصيبة......

لابد من أن يعود الأهل لدورهم التربوي الذي تنازلوا عنه ولابد ان يرجع الدين الاسلامي بكل مظاهره لحياتنا فالدين الاسلامي خلق أولا وأخيرا.....

مشكلة

ياريت نقدرو اندير حل لهالمشكلة

هذا الموضوع المهم يا أم الشيماء يتعا لج تربويا

يبداء من البيت وتكمل المدرسة

ردو بالكم من بناويتكم يا أخوات

ام الشيماء ردى بالك من جنى شكلها حاطة حاجة على وجهها ههههههههه

أهو وقضتك

» مقطع فيديو لعمل مكياج خفيف وكيفية تسريح الشعر ووضع الحجاب للمناسبات
» سعودية توافق لزوجها بـ'ضرة' مقابل كيلو من الذهب .. ؟؟
» طريقه لانقاص الوزن 10 كيلو في اسبوع واحد فقط !
» مكياج 2010
» مكياج جميل