المجلس الانتقالي اعباءة واهواءة

اخواتي الشيموات المجلس الانتقالي اعباءة واهواءة 81527

مرحبا واهلا..

لا يخفى على كثير منا دور المجلس الوطني الانتقالي في السعي لاستعادة البلاد عافيتها واستقرارها,

وهذا الأمر ليس بالهين بعد أكثر من أربعة عقود من زرع الأفكار المسمومة والتجهيل وتشويه للدين حتى

يصير الناس سذج تسهل قيادتهم الى حيث أراد هذا المجرم, وبعد سبعة أشهر من الحرب والدمار

والابادة بشتى انواع الأسلحة, فالمجلس الانتقالي امام امتحان صعب وعبئ ثقيل خصوصا وان أصحاب

الكفاءات والخبرات ليس بالعدد الكافي , وذلك لمحاربة القذافي للعلم والعلماء من جهة ومن جهة أخرى

الأعتماد على الكفاءات الغير وطنية والمستجلبة من خارج البلاد ..

ومما يجعل المهمة صعبة أيضا وجود كثير من الشباب في الجبهات وخصوصا أصحاب المؤهلات العلمية

,و من الأسباب التي تصعب المهمة عدم الافراج عن كل الأصول اللليبية المجمدة في الخارج...

, ومن الأسباب أيضا كثرة انتشار الاسلحة بأنواعها في صفوف المدنين وكذلك الالغام المنتشرة في

نواحي عدة من البلاد, ومن الأسباب وجود أناس كثيرين ممن شاركوا في الجرائم ضد الليبيين موجودين

يحتاجون لملاحقة , اضافة الى جبهة سرت وبني وليد .....وغير ذلك من الأسباب التي تجعل المهمة صعبة

وصعبة جدا ....

فأين دورنا نحن من هذا كله؟

نحن باسم الحرية نزيد في أعباء المجلس الانتقالي, الحرية لها ضوابط بالنسبة لنا كمسلمين

تظهر مجموعة من الناس نريد مرتبات من 5 شهور ما خلصنا , ومجموعة ثانية الجرحى قاعدين

نبوهم يطلعوا برا للعلاج , ومجموعة تطعن في بعض اعضاء المجلس , ومجموعة تدور في لبلاد

وتجمع في الغنايم كأنه في غزوة ...

الخلاصة ان في شريحة من الناس باسم الحرية تريد ان تتبع اهوائها, وبالتالي تزيد الضغط والحمل

على المجلس .. وهذا الفعل لايصدر من شخص يحب وطنه ويسعى في مصلحة العامة..

فأرجوا أن يتفهم الليبيين كلهم هذا الوضع , ونتعاون ونضحي بأطماعنا الشخصية لاجل الناس

نصبر على المرتبات حتى سنة عشان مصلحة البلد...

يا خوتي نحن في مرحلة مهمة مرحلة البناء..

شني نصبرو سنة على المرتبات
باهي والله
نحطو رشادة على بطنا وخلاص
الحق إلا المرتبات ماحد يتكلم عليهم يدبرو روؤسهم المجلس أن شاء الله يستلفو سلف من أمريكا
لأنه فيه من ناس ماعندهاش منين تصرف لولا المرتبات راهو ماتو بالشر

فأين دورنا نحن من هذا كله؟ كلامك يابيلا فى مكانه انا فى الخارج منقدرش نتكلم على الناس اللى عايشيين فى البلاد

اللى بنقوله اهم شئ انه الناس تصبر على بعض

بخصوص الجرحى اللى فى المستشفيات مقصرين معاهم لكن خالى قالى كانو مقصرين معانا وتوا الحمد الله احسن هو توا فى تونس وبخصوص المرتبات الواحد المفروض يصبر ولو باعت اللى فوقها واللى تحتها من اجل انجاح الحرية اكيد نحنا الان نستفيد القليل من الحرية لكن اولادنا واجيال القادمة تشهد على هذا التاريج اللى رسماته ثورتنا اقل شئ يكون لنا تاريخ مجيد مش تاريخ القدافى الاسود ملئ بالاجرام وبس

حتى لو منزلتش المرتبات المفروض فى تعاون المفروض الليبيين ميبزنسوش فى بعض المفروض يكون فى تعاون اللى عنده يعطى للمعناش مش طايحين فيها بزنس من توا حتى خروف العيد شايط فيه النار تقول عليهم مش ليبيين اللطف عندك الحق ياامان تقولى شنو بنحطو على بطونا رشاد لكن ان شاء الله مابعد الصبر الا الفرج ياااااارب من عندك

اللى علينا هو الدعاء للشبابنا اللى فى الجهات

انا اليوم سمعت الصادق الغريانى يتكلم يوجه كلمة للمجلس انه لازم يوفرو كل شئ للشبابنا اللى فى الجبهات

يعنى نحنا اللى عايشين فى البيوتنا وناكلو ونشربو ونتفرجو على التلفزيون ونسهرو وووووووو مش قادرين نصبرو شنو انقولو على شبابنا فى الجبهات يستنو فى التلفونات معندهمش يستنو فى المنضار معندهمش الصادق هو اللى قاله الكلام هذا

اكيد بعدين يعاودو واسمعو

ربى يهدينا ويصبرنا ياااااااااااارب وينصر ثورتنا ونرتاحو من الفتنة اللى صايرة فى ليبيا

مافيش حد يموت بالجوع والناس لبعضها واعتقد واني مش حنتكلم على روحي بتقولوا عايشة برا بس نعرف هلبا ناس في ليبيا قالوا نقعدوا على خبزة ومية ويتعالجوا الابطال المصابين في الثورة واللي قاعدين في تونس وفي ليبيا اعتقد يستحقوا اننا نضحوا شوي عليهم

والاعمال بالنيات لا يؤمن أحدكم حتى يحب لأخيه ما يحب لنفسه، وحتى يكره لأخيه ما يكره لنفسه

منورات علي المرور وابداء رايكم المجلس الانتقالي اعباءة واهواءة 597124