كيكة الكستارده

اليوم درت كيكه قلت خلي نصورها ونزلها لي اخواتي الشيماوات

الكيكه هذه ساهله وحلوه هلبه

هيا من غير كثرة دوه نبدوا في الكيكه

اول حاجه اطيبي كيكه عاديه

]

خليها تبرد ولو مستعجله خليها تفتر حتى شويه

المهم خودي الكيكه وفترشيها ولو حسيتيها هلبه ما تفترشيش الطاجين كله اني ما فترشتهاش كلها خليت منها شويه وبعدين ظيفيلها على دوقك وشن متوفر عندك في الحوش اني حطيت على الكيكه المفترشه موزه ونجاسه وثلاثه اربع تفاحه طبعا مقشرين ومقطعين مكعبات صغيره وهروشي شوية لوز ولو حبيتي ممكن اضيفي ملعقه شكلاطه سايله

وبعدين اتصبي عليهم شويه عصير مش هلبه كان هذا اتجيك معجنه وخلطيهم كلهم مع بعضهم لين تتماسك الكيكه مع الخضراء واللوز

]

وبعدين تاخدي المقدار هذا كله تطرحيه في الطاجين واضغطي عليها شويه بيدك لين تتماسك وتتساوى وحاولي ما تكونش غليظه حوالي واحد سنتمتر او اكثر شويه

وبعدين طيبي الكستارده اني مقدار طاجيني 3اكواب حليب و3 ملاعق كبيره وشويه سكر و 3 ملاعق كستارد


وبعدين تصبي الكستارده على طاجين الكيكه المفترش واتحطيها في الثلاجه لين اتصقع الكستارده وتتماسك وكلوها بالهناء


وهذا طرف لي اول رد تاكلها بالصحه

]

على فكره بنتها امممممممممممممم وخصوصا مع فنجان نسكافيه

وتوا سلاااااااااااااااااااام وان شاء الله عجبتكم كيكتي

اكييييييييييييييييييييييد عجبتنا وساهلة سلم ايديك يارب

يسلمو هاالايديات ياطبااخة المنتدي ياسلام ياسلام عليك

خسااااااااااااااااااااااااااااااااااارة ماطلعوش الصور
بس أكيد من إيديك بتطلع حلووووووووووووووووووووووووة

اممممممممممممممممممممممم انى عارفتينى نحبها خيرك مبعتيليش منها طريف

ماااااااااااشاء الله عليك ضربت فى راسى ان شاء الله انديرها

طريقتها الباين سهله لكن انا مافهمتهن واجد ممكن من الشكل نفهمهن ...الصور مازال ماطلعن

يعطيك الصحه والعافيه ويسلموا ايديك مقدما

ام ايوب ان شاء الله المره الجايه انديرها ونبعتهالك كلها مش طرف

ام شوشو ديريها ساهله وحلوه هلبه حتى راجلي يحبها

مرام نورتي صفحتي يالغاليه استني تنزل الصور تفهميها لانها ساهله والنتيجه مضمونه

ماشاء الله عليك شكلك شادتها على الكيكات تسلم ايديك وتاكلوا بالهنا

نورتي صفحتي يا ام الحلويين

اني ديمه شادتها على الكيكات راجلي يحب الكيكات هلبه بدات الصبح اول ما ينوض

حبوبة الصور ما طلعوش ... اختى ادير فيها.... كنت حابة نشوفها الكيكة امتاعك

كلي امل علاش ما طلعوش الصور عندك اني طالعات الصور وحتى الاخوات طلعولهم شني النت عندك ضعيف حاولي مره تانيه

باهي شني صار فيك قوليلنا النتيجه الكيكه زبطت معاك والا لا وعجباتك والا لا

واخيرا شفتها تسلم الايادي حبوبة

الله يسلم إيدياتك يا حبوبة ويعطيك الصحة ان شاء الله حنجربها

كلي امل الله يسلمك

ام محمد الله يسلمك جربيها ساهله وبنتها حلوه