(( سرت الحبيبة ))مدينة سرت وجرائم القذافي

بسم الله الرحمن الرحيم


سرت مدينة ليبية ساحلية تطل على البحر الابيض المتوسط. تقع في منتصف الساحل الليبي بين طرابلس وبنغازي
وقد أطلق على المدينة اسم الرباط الأمامي بعد مواجهات بين ليبيا وأميركا.

يبلغ عدد سكانها وضواحيها حوالي 75000 نسمة, ويعتبر العقيد معمر القذافي أشهر شخصية تنتمي إلى هذه المدينة، ومنذ وصوله إلى السلطة في 1969 اكتسبت اهمية خاصة. حيث نقلت إليها معظم الوزارات في فترة الثمانيات والتسعينات وبني فيها مجموعة من المباني الحديثة أهمها قاعة واقادوقو الضخمة للمؤتمرات.

وهي كذلك مسقط رأس السيد أحمد سيف النصر أحد قادة الجهاد الليبي فترة الغزو الإيطالي.

أعلن القذافي مدينة سرت عاصمة له في 1 سبتمبر 2011 بعد فقدانه السيطرة على طرابلس خلال الحرب الأهلية الليبية وفيها قتل في 20 أكتوبر 2011.

تحولت مدينة سرت إلى مدينة أشباح بعد المعارك التي دارت فيها بين الثوار وكتائب القذافي.


صور للمدينة الهادئة قبل حدوث المعارك فيها.




















مجمع قاعات واغادوغو اكبر مجمع في افريقيا





قرية الضيافة في سرت

















صور أثار الدمار الذي لحق بسرت بعد انتهاء المعارك بين الثوار و كتائب القذافي و انتصار ثوار 17 فبراير





























مقارنة بالصور بعض شوارع ومناطق سرت قبل و بعد المعارك التي دارت في المدينة

احد شوارع سرت



جامعة سرت (التحدي)

قبل المعارك



بعد المعارك

لا حول ولا قوة الا بالله

حرب سرت طولت هلبه ما انتهت الحرب لين تمت المدينه كلها

ايام لا ترتد ان شاء الله

تبو الصراحه واجعني حالهم اهلنا في سرت ربي يصبرهم المدينه كلها تدمرت تعرفو حوش جيرانا جايينهم عمامهم من سرت يانويرتي كان تشوفو حالتهم و يحكولهم شن صار معاهم تعرف الصغار الى عند امس خطمت هليكوبتر يلعبو ف الشارع يتجارو و يتعايطو واحط خش تحت السياره وكنت مروحه من المحل جي وليد صغير كبش ف رجليا و يعيط يقولي ياعميمه قوليلهم مايقتلوناش ياناري الناتو ماخلاش فيهم عقل امهم تحكي قالت 24ساعه والناتو فوق روسنا

لاحول ولاقوة الا بالله ان شاء الله ربي يستر عليهم مساكين وترجع مدينتهم زي قبل واحسن

متقوليش هكي يا ام مآب كل مدينة اهلها ادرى بيها ولعلمك سرت وسبها قصوا عليهم الضي باش ميعرفوش شن صاير في ليبيا وكل المدن مسموحلهم ايديروا مولدات الا سرت كان ممنوع واللي ايديره ايرحم على روحه انتم ماكانش عندكم نت وقت طرابلس كانت تحت تصرف المدمر كانوا يقولوا عليها اكثر من هكي ان هيا اللي اخرت الثورة وهي اللي مقوية الطاغية ويبوه وميتين عليه لانهم مستفيدين منه لكن احني اللي عايسين فيها عارفين الوضع ومش مستفيدين منه في ولا حاجة غير الهم لكن هادي نظرتهم وتفكيرهم لانهم يسمعوا بس ماعاشوش الواقع وربي يساعدهم ويساعد كل شعب ليبيا ونرفعوا بلادنا فوق ونخلوها زي مانبوها من احسن البلدان

بوركتي يأم الحلوين هذا يلي بنقوله بجديات يشربو ف الميه متع المطر ملوثه لما جو لحوش جيرانا الناس سبحان الله شفت صورهم قبل وبعد الحرب اقسم بالله جلد علي عظم وعندهم اسهال وترجيع و نفسيتهم زيرو قالو ماتوقعناشي بيهرب لسرت نسمعو انه ف حدود النيجر ماطلعناش من حياشنا لأنهم عيله كبيره مافي حد يتحمل دوشة الصغار

طبعا هالمباني والمناظر الخلابة والنافورة
لناس معينة يعني مش كل الليبيين يخشولها ؟؟؟
واحني مساكين محرومين حتى من حديقة صغيرة قدام الحوش
ما يدوم حال,,,,,,,
(ويبقى وجه ربك ذو الجلال والاكرام)
مع اني مش منها لكن نعرف أن في ناس هلبا كانو مع الثورة لكن مش مخلينهم يتنفسوا
واخيرا؛؛؛؛؛؛
كل مدينة في ليبيا أعطت أبنائها شهداء
ولحقها من الدمار والخراب ما لحق
تحياتي

الله يعوض عليهم والمظلوم اجره عند رب العباد
ومافيش حد ماانظرش في هده الحرب فقدان قريب او فقدان مال او بيت تهدم او عمل توقف او او او
واللي تاتر نفسيا
وكل شي باجره وربي يعوض الجميع

الله عليك صور كيف كانت سرت وكيف ولت
لاحول ولاقوة الا بالله
وعلى قولت فراشة حتى احنى عندنا عائلة جت سكنت في عمارتنا سيبو حياشهم هاربين .. قالو سرت ولت مدينة اشباح .. مدينة اشباح حق
أن شاء الله يعمروها بلادهم باش اللي عنده حوش يروحلها ومش عارفه كيف مدايرين في مدارسهم واعمالهم ؟؟؟
حتى طرابلس ماصارلها هكي ... الحمد لله

فراشة سخفتني قصة جيرانكم

سرت بلاد زى بلادات الناس لكن الطاغية فسد صمعتها بين الناس وفيها ناس طيبين

سرت مدينة جميلة حرم ناسها منها ومن خيراتها

طبقة معروفة اللى كانت مستنفعة

الله يهددهم وترجع ليبيا عروسة البحر المتوسط

ياام ماب ياريت يكون ردك ارقى من هكي الدنيا كفاها فيها والشماته مش باهيه حسبي الله ونعم الوكيل