أغرب اعتصام في ليبيا

أغرب أعتصام في ليبيا

الوطن الليبية

اعتصام غريب لطالبات أحد المعاهد المتوسطة بمنطقة سوق الجمعة... الأخوات المعتصمات أنقسمن فريقين الفريق الأول اعتصم ضد استاذة طلبت منهم تغليف كراساتهم باللون الأخضر ومن حقهن يعتصمن فقد كرههن النظام هذا اللون مع أنه يظل مجرد لون وطالبن بالسماح لهن بتغليف كتبهن باللون الذي يرغبن فيه.
الفريق الثاني من المعتصمات وهو الأغرب شعاره نعم للفساد الأخلاقي وللمتعصمات مطالب أكثر من غريبة هي:_
نعم للمكياج الأكثر صارخ في المعهد ونعم للاستخدام الهواتف النقالة حتى أثناء الحصص الدراسية ونعم للتصوير بالكاميرات داخل المعهد وأيضا لا للتقيد بالدوام المدرسي لانهن يرأن أنه من حقهن الدخول والخروج من المعهد كما يشائين وأيضاً يطالبن إدارة المعهد بالحد من اجراءاتها " التعسفية " وهي أحضار ولي الأمر أثناء أرتكاب الخطأ ويطالبن إدارة المدرسة أيضاً بتوفير مقاعد بجانب المقصف واعتباره كاكافتيريا أثناء عدم رغبتهن في الابلة والحصة وطبعا كل شئ تحت شعار " ليبيا حرة ".

هذي حرية آخر زمن لاحول ولا قوة الا بالله

مايبو اللي هكي

غريب الاعتصام الثاني
تأكدتي من صحة سبب الاعتصام
لا حول ولا قوة الا بالله ادا كان صح يستر الله

ياامان انا من سوق الجمعة ومافيش منه الكلام بتاتا هادي الوطن الليبية واخيرا وجهت المدفع اتجاه سوق الجمعة والاكثر من هكي اتجاه بنات سوق الجمعة ياويلهم من ربي لكن خلي ايقولوا اللي في خاطرهم هالكذابين حسابهم عند الله وحسبنا الله ونعم الوكيل

مش كل شئ يذكر على صفحات النت تصدقوه كل هذا فتن مش اكثر

مستحيل والف مستحيل ايديروها بنات ليبيا ممكن يفكرو فيها وخاطرهم فى الحرية الزايدة لكن انهم يديرو اعتصامات مستحيل

قريب يكتبو نساوين ليبيا معادش يبو الحجاب ونبو نعيشو كيف اوروبا

انا انشوف ديما على الفيسبوك ويكتبو احرف من هكى لكن يشوه فى بناتنا ونساوينا وثورة ليبيا الحرة

ربى يهدى

اني معاك في الكلام يا ام لين حتى اني من سوق الجمعة و مسمعتش بالموضوعفعلا شكله افتراء يا ويلهم من ربي بالسيف عليهم بيدوروا فاش يلتهو .............وحتى

وين المطالب هذي معقولة هكي ...اكيد الخبر مجرد تشويه وفتن
لا حول ولا قوة الا بالله

هذي حرية آخر زمن لاحول ولا قوة الا بالله

ام لين تراه شوفيها أما مدرسة اللي دارت اعتصام حتى أني عندي اقربائي ساكنين في سوق الجمعة لكن ماعرفوش اما مدرسة اللي دارت الاعتصام الغريب هذا
والخبر نقلته من صحيفة الوطن الليبية لو تبو الرابط نحطه عادي
وبعدين مش لهدرجة يكتبو موضوع قدام الملا والخبر يكون كاذب ..
وحتي اني ماصدقتش الخبر الثاني قلت بالك كذب وافتراء

والله اعلم

تقوى فتحي كتب:

اني معاك في الكلام يا ام لين حتى اني من سوق الجمعة و مسمعتش بالموضوع فعلا شكله افتراء يا ويلهم من ربي بالسيف عليهم بيدوروا فاش يلتهو .............وحتى

اهلا وسهلا بيك اختنا تقوى آنستني المنتدى وآنستينا ماشاء الله عليك خاشة علينا بالقوي
باين عليك نويشطة منورة ربي يحفظك

والخبر نقلته من صحيفة الوطن أن شاء الله يطلع الخبر كذب لأنه مش من عوايد بناتنا يقولو الكلام هذا
وحتى أني

لا حول ولا قوة إلا بالله العلي العظيم
سمعوا بالحار داروه ايقطع المصارين بالله لو كان الموضوع صحيح حتى ادارة المعهد هذا يا فاضية يا خايفة
لو كان يسمعوا كلامي يتوكلوا على الله ويعطوا كل وحدة من البنات ملفها ويقولولهم عدوا صيعوا قدام حواشين هلكم كبرت في روسهم معنى الحرية اللي قاهمينها بالعوح

ياامان لو الكلام صحيح راك سمعتي بمذبحة بعد هالخبر لاننا في سوق الجمعة عندنا البنت لو تجرئت وطلعت كلمة زي هادي توالله ذبح بلا قبلة والوطن الليبية اصلا طحلوبة وغيرت جلدها بعد موت بوشفشوفة مباشرة انا شخصيا كنت من زوارها ولكن وقت الثورة كانوا اي تعليق نبعته مايعجبهمش لانه مش ماشي مع هواهم والاعلامية الوقحة هاللي اسمها ربيعة عمار خيرها ماحطتش الفيديوا جت في هادي وقف التصوير لكن تو اتشوف توالله دعوى قضائية لمحاكمتها ومحاولتها تشويه الحرائر الشريفات

لا حول ولا قوة الا بالله

لا حول ولا قوة الا بالله

اني بصراح مستحيل انصدق هذه الاشاعه القويه لي اتمس شرف وعرض بناتنا وبعدين في سوق الجمعه صعب انصدقها بصراحه

وردوا بالكم من الطحالب راهو مش مقصرين في الاشاعات والفتن بكل

ربي يستر على بنياتنا