تجاربكم

السلام عليكم ورحمة الله
بالله عليكم كل وحدة تحكي تجربتها يوم الولادة كيف كانت تشعر قبل مايجيها المخاض وبشني كانت تشعر
ارجوكم بالتفصيل لاني اني الولادتين السابقتين كانو بوجع صناعي يعني كله في جرة بعضه زي الخميرة السريعة ههههههههههههه
بالله عليكم اشرحولي شن صارلكم بشني حسيتو وكيف تعرفو ان الولادة قربت لاني اني البيبي نازل هلبة لوطة ومرة مرة اتجيني لية في بطني وتهرب اني توة في الاسبوع الاول
في التاسع سامحوني عالتعطيل

انا لسي بنت

ان شاء الله ربي يسهلك اوخيتي ويسهل للباقيين كلهم

نعرف ان دعوة الي بتجيب مستجابة

ربي يسهللك اوخيتي وادعي



ربي يسهلكم ياعويلة

والله يا هدى ربي يسهلك عليك ان شاء الله

اني في حملي الاول مابداش معاي الالم بدت معاي الماية تنزل حاشاكم وبعدين جاني الالم وفي حملي الثاني الم ودم لكن الالم مش زي اللية يعني مميز يجئ في الحزام والظهر ويجئ ويمشي في البداية وكل شوي يزيد يكثر لكن فكرتني بسؤال ام اويس لما قالتلي كيف الالم الطبيعي لانه البطن الاولة صناعي هههه لكن حتعرفيه لما يطق الباب وعلى حسب الناس المجربة الاثنين يقولوا الوجع الطبيعي ارحم وبالنسبة لل لية ايقولوا عليها تسهيلات يعني مش الوجع وان شاء الله هالمرة تولدي طبيعي من غير الصناعي وادعيلي ربي يسهل عليا حتى اني لان حتى اني عيلي نازل وان شاء الله ربي يرزقنا بالذرية الصالحة

ربي يسهلك ان شاء الله

ما نقدرش نفيدك لان ولادتي كانت بقيصريه

لى عودة ياهدى ربى يسهل عليك انجيب صغارى من المدرسة ونحكيلك

حبيبتي ربي ايسهل عليك اكتر من الدعاء واكيد الوجع الطبيعي ارحم من الصناعي اولا علامته نازل الماء

رجعتك وانت قريب تولدى

انا ولادتى تختلف كل وحدة على الثانية

الشيماء جانى الوجع وانا فى السبوع الاول من التااسع وجانى ساااااااااااااااااهل يعنى وجع الدورة اعادى وقعدت عليه يوم كامل ضميت الحوش وتيت روحى من الساعة 9 الصبح وهو عليا وعادى ماشى يومى كله وفى الاخير مع الساعة 5 العشية بدت بطنى توجع مغص وتمشى بطنى والحمد الله استريحت نتفكر ورقدت شويا متاع نص ساعة تقريبا ونضت على وجع قوى يدينى راجيت راجلى لعند ماروح ومشيت للمستشفى الساعة 10 فى الليل وقالت لى عندك 8 سانتى وضع ولادة الحمد الله نص ساعة وجبت ولاااااادة ساهلة

لكن محمد ان شاء الله ماتشوفى ولادتى فيه كانت نار وجهنم الحمراء شوفتها رقدت فى الليل معنديش وجع نضت فى الليل ساعة 12 جانى الوجع ومشيت للمستشفى

من ساعة 2 فى الليل وانا على الوجع موت يقتل لعند التسعة الصبح وانا يغمى علي ونوض طلعت كبدى اقسم بالله مانحساب روحى مازال انوض ونشوف بنتى لو فى ليبيا كانو دارولى عملية طول لكن هنا حشاك حمير والله انا ومحمد كنا قريب متنا

فى الاخير ساعة 8 ونص جتنى دكتورتى كانو يولدو فيا قبلها تدريب مهنى والله قريب طلعولى روحى

شافتنى دكتورتى قالت هذه عملية طول لكن والله سعفتنى فى اخر لحضة وبعد امولدت قعدت يوم كامل وانا شبه مغمى عليا الحمد ا وفى بنتى جنى هما اللى ولدونى مجانيش الوجع الطبيعى وكان ولادة سااااااااهل الحمد الله



هدى مدامك خشيتى فى شهرك انقولك عليك وعلى

القرفة المغلية زى الشاهى طيبيها ومعاها سكر قرفة عود

وتمر كولى كل يوم 7 تمرات

واللوز

اول مادجيك اللية مرات مش لية ولادة لكن تسهيلات كولى ااناناس روووعة انا مجربته فى شيماء

رغم انى جربته فى جنى منفعش ههههههههههههه

وربى يسهل عليك وخشى مرة مرة طمنينا عليك

تمت الحكاية وزوت الزواية

اتهبلي يا ام الشيماء صحيتي علي الشرح كفيتي ووفيتي اتهبلي انحبك في الله
اسمعي هي زوت الزواية ههههههههههههههههههه يعطيهالك دعوة خير ان شاء الله
ربي يحفضك

هههههههههههههههههههههه انا توا زويت كيف بنخش نرقد خلاااااااااص انشوف فى المنتدى عشرة هههههههههههههههه