ودك الراجل باهيات افعاله ****
عزيز نفس مايرضي اللي بطاله
عزيز نفس صاحب همه***
وطول الحيا ماعمر والي ذمه
((مربوعته )) فيها العرب ملتمه ***
وكان غاب عنهم ينشدو عن حاله
معروف فعل الخير كله لمه ***
ولد بيت فارس خيرة الرجاله
معروف عنده هيبه ***
وفي الضيق ماعمره انسيه حبيبه
ويجود ما يبخل بما في جيبه ***
مشهور بين الناس هذا حاله
سقيم عقل ماتصعب عليه صعيبه ***
ويخدم علي رزقه ورزق اعياله
نفسه كريمه ماايدير العيبه ***
وعصران ماياكل امغير حلاله
صاحب وفا ديما وعز وطيبه ***
قايم فروضه وصادقات اقواله
ديما نضيف السيره ***
العيب والخطا لايعرفه لايديره
ولايوم بالسيه ايكافي غيره ***
ولا ايضر ولا تغضب الناس افعاله
ربي عطاه العرف والتدبيره ***
وزاد في علومه وزاد في ماله
رفيع شوف له غيريه ***
معروف صيته والعزوم قويه
جود وشهامه وليدين سخيه ***
وفي الكرب يفزع موش م الذلاله
ربي الكريم ايعينه ***
هلي كسب قوته بكد ايمينه
عزيز نفس مايرضي ايدير الشينه ***
وصيته كما بوزيد واسع باله
عارف وفاهم فرايض دينه ***
وحامد وشاكر ربنا وافضاله
بالخير ديما بادي ***
لا ايعيب لاعمره الناس ايعادي
واخد راضا والديه فاول بادي ***
جميع مايريده في حياته ناله
هدايات من رب الكريم الهادي ***
عليه لمواير باينات اقباله
2014-11-22, 06:37 من طرف 
مساهماتك 
وصلت إلى نقطة 
sms
ام الشيماء والمهندسة
فراشة
