لــــــــــــــــــــو انتي ليبية أكيد الموضوع يهمك!!

انت طحلب

انت جرد .......

انت طابور خامس........

مش هادي لغة الحوار الي اصبحت مسيطره مش حنقول ع الجميع بس علي اغلب الناس في
الشوارع والمدارس وفي الاسواق وعلى صفحات الانترنت وبالاخص في المنتديات ومواقع التواصل

الاجتماعي.
بنقوللكم ستوب وسعوا بالكم معاي واسمعوني لللاخير
انت مش طحلوب ولاجرد ولاطابور خامس انت بكل بساطه ليبي,, وعلينا ان نستبدل هده الالفاظ
المثيره للاشمئزاز با لافاظ راقيه تليق ب ادمية الانسان.
زي منعرفوا مرينا بفتره عصيبه و تمنيت ا لموت ولا ارى الاخ يقتل اخاه ويستبيح ماله وعرضه هادي
للاسف الحقيقه المؤلمه. بس الى متى بنستمروا علي ها الحال ,,,,,,,,,,
يكفينا دمـــــــــــــــــــــــــــــــــــــــــــاءيكف ينا قتل يكفينا حقد .
ليش بدينا نغضبوا ونتعاركوا لأتفه الأسباب؟
ليش خلوقنا بدت ضيقه ومعاش متحملين بعض؟
ليش علي سياره وعلى بيت او على فتاة نتعاركوا ؟
وعينك متشوف الا الرصاص يتطاير في الهواء .
ليش الدم الليبي اصبح رخيص والانسان معاش عنده
قيمه وقتل اصبح حاجه عاديه وكل يوم نسمعوا
علي عركه وعلي جريمه والفاتوره شباب زي الورد.
ليش ليبيا اصبحت ضيقه علينا ومعاش سادتنا ومعاش
في حد طايق التاني .
بنقوللكم ليبيا كبيره ليبيا جميله بس بينا بالله تأملوا في
نعم الله على البلاد خيرات تبارك الرحمن
النفط والغاز ,, السياحه شوفوا جبالنا وبحارنا شوفوا
سهولنا واوديتنا شوفوا الشاطئ الي طوله
2000كم شوفوا الموقع الاستراتيجي .
والاهم من هدا كله ان مسلمين وعلي مدهب واحد
ونتكلموا لغه وحده ,,,, ومعروفين بطيبه وكرم
وطول ماوطئت قدمك ارض ليبيه تلقا اشكون ايرحب بيك
ويستضيفك في بيته ويكرمك ويقوم بالواجب
معاك .
ومداما عايشين عايشين ليش منستاهلوش نعيشوا احسن عيشه ونستمتعوا بخيرات بلادنا ونحققوا
التنميه وننهضوا ب اقتصاد بلادنا وننعموا بالامن والامان طبعا هدا كله مش حيتحقق الا في مجتمع
يسوده الحب والفه باختصار في كلمتين المصالحه الوطنيه (حتى لايفهم كلامي غلط لااقصد
المصالحه مع من قتل او استباح مال او عرض ليبي او ليبيه).
بصراحه سادنا الناس الي ماتت من الطرفين النساء الي ترملت والاطفال الي تيتمت .
لازم تكون في خطوات جاده للمصالحه الوطنيه باهي الحكومه مقصره ليش منبدوش نحنا بالمبادره
ولتكن حتى مبادرات فرديه بشوي تلقى معاك ناس وتكبر الفكره ( مشوار الف ميل يبدا بخطوه)
,,,,,,,,,, كدلك مؤسسات المجتمع المدني ,الجمعيات الاهليه كلها قادره على تبني هده الافكار وكل
جمعيه تكمل دور تاني .
معقوله نستنوا البراني تونسي ولا مصري ولامن اي مكان يصالح بين ابناء البيت الواحد والله هده
اكبر مصيبه.
العالم كله يراقب فينا ومن مصلحة بعض الاطراف ان نبقى على نفس الحال باش يلقوا فرصه
لتدخل في البلاد .
واخيرا دعوه صادقه من قلبي يارب الف بين قلوب الليبين وابعد البغضاء عنهم ونتمنى من الجميع ان
يكونوا ايجابين وننفض عنا غبار الاتكاليه ونبدؤا بانفسنا ونسامحوا ونغفروا حتى لو غلط فيك
معليشي سامح ليبيا اكبر منا كلنا وتستاهل نتحملوا علي خاطرها,,,,,,ونساهموا حتى بالكلمه الطيبه
ونحثثوا على فعل الخير (الدال على الخير كفاعله).وماتنسوش التكبير والاستغفار والصدقات.

وعاشت ليبيا حره....

كلام حلو وكلام ممتاز لكن يا أختى من اينفذ المشكله السلام بدي في كل يد مع الصالح ومع الطالح والليبيين على طيبتهم لكن بسرعه يتعفلقو واللى في ايده يمدك بيه هذا للأسف والمصالحه هذا منك ولكن من اللى حد الان ايقولك المقبور عايش ورجله مكسوره واللي اتجيك اتقوله يا ناري جاته الجلطه هذا كيف بتتصالحي معاه

الكلام حلو لكن التنفيذ صعب مشكورة على الموضوع

أني معاك ما في شي ايجي بالساهل وفي كل شارع نسمعوا في هالالفاظ وفي كل عيلة في اللي متعاركين ومعاش يكلموا في بعض بسبب طاغية مات وما نفعهمش لا قبل ولا توة ولكن تشبت بالرأي خطأ
وكلمة من كل واحد ترطب القلوب ان شاء الله
مشكورة اختي سنا**

صبروا بالكم وأن شاء الله ربى معانا وعلينا الاكثار من التكبير والاستغفار

موضوع جي على الجرح ياحور

وهذا الكلام نقول فيه حتى في الواقع

لكن الليبين رووسهم مصكرة مافيش من يفهم كلامك

تقوليله ايمين يقولك ايسار

والهم بدي البغض والكره حتى في سواقة السيارات ماحد راحم حد الكل يبي الشارع ليه وخليك من الوقوف في الاماكن الممنوعة

ربي يستر على البلاد كل يوم التالي

لكن نتفائلو خير ونقولو بالك أزمة وتمر علىنا بسلام

مشكورة جداً حور على موضوعك القيم والصراحة يستاهل النقاش وزي ماقلتي بدي الجميع يكروه بعضهم وفيه من أخوات واهل وأقارب وجيران معاش يكلمو في بعضهم بسبب الاحداث اللي صارتنا

وربي يجيب العواقب سليمة يااااااارب

منورة مرة ثانية

مشكورة حور عالموضوع الحلو نقولو انشاله خير يارب تجي القدام

آمــان كتب:: موضوع جي على الجرح ياحور

وهذا الكلام نقول فيه حتى في الواقع

لكن الليبين رووسهم مصكرة مافيش من يفهم كلامك

تقوليله ايمين يقولك ايسار

والهم بدي البغض والكره حتى في سواقة السيارات ماحد راحم حد الكل يبي الشارع ليه وخليك من الوقوف في الاماكن الممنوعة

ربي يستر على البلاد كل يوم التالي

لكن نتفائلو خير ونقولو بالك أزمة وتمر علىنا بسلام

مشكورة جداً حور على موضوعك القيم والصراحة يستاهل النقاش وزي ماقلتي بدي الجميع يكروه بعضهم وفيه من أخوات واهل وأقارب وجيران معاش يكلمو في بعضهم بسبب الاحداث اللي صارتنا

وربي يجيب العواقب سليمة يااااااارب

منورة مرة ثانية

نعم أختي أمان **هذا الواقع ونعرفوه ولكن
الليبيين روسهم مفتوحة وما شاء الله عليهم يفهموها طايرة كان هذا ما نحوش الطاغية المقبور
ولكن شوية عناد صح
وكل شخص لو بدي بنفسه صدقيني أغلب هالمظاهر رح تختفي مع الوقت ,,احني عابيين عالمجلس والحكومة بس؟؟كيف راهوا كان ما نسعدوهمش مش رح ينجحوا في تسيير القانون وايد وحدة ما تصفقش
لالا البلاد كل يومخير من اللي قبله****** لكن لما نوقفوا مع بعض وانصفوا النية
العفوا ,موضوع مطروح للنقاش ولكن لا تو جد الكثير من المناقشات فلماذا ياترى!!!!
وان شاء الله خير
يعني نلفوا واندورا ونقولوا ابدأ بنفسك يامواطن!!
شكرا علي حوارك أضفتي نكهة للموضوع لا تحرمينا مشاركتك
والصفحة منورة بوجودك مرة تانية

حلم ليبيا كتب:: مشكورة حور عالموضوع الحلو نقولو انشاله خير يارب تجي القدام

العفو ياحلم ليبيا
وياريت شاركتيني ببعض من أحلامك لمستقبل ليبيا
شكرا ليك

» النوع الثالث حلوى المغربية بالتمر **أكيد بالصور
» اي شخصية من الشخصيات انتي....
» انتي منقبة؟....خشي وشاركي معاي
» قصيدة انتي زينك- مضحكة ههههههههه
» فاجئي ضيوفك بشيئ لا يتوقعوه ولا انتي هتتوقعي